Երկարատեւ օգտագործման ապրանքների ներմուծումը շեշտակի աճել է

27/09/2017 schedule10:31

 

Հ Պետեկամուտների կոմիտեն, մեր հարցմանն ի պատասխան, տրամադրել է մի փաստաթուղթ, որտեղ բավականին ուշագրավ տվյալներ կան: Կարելի է նույնիսկ ասել՝ անակնկալ:

Տվյալները վերաբերում են այսպես կոչված երկարատեւ օգտագործման ապրանքների ներկրման ծավալներին: Այսպիսի ապրանքների սպառման դինամիկան լավագույնս ցույց է տալիս բնակչության գնողունակության փոփոխությունը: Եթե նման ապրանքները շատ են սպառվում, ապա դա կարող է վկայել, որ բնակչության գնողունակությունը մեծացել է: Եթե դրանց սպառումը նվազում է, նշանակում է գնողունակությունը նվազում է: Սա ամբողջ աշխարհում ընդունված պրակտիկա է: Եվ ուրեմն, ինչպիսի՞ դինամիկա կա Հայաստանում:

ՊԵԿ-ի տրամադրած տեղեկանքի համաձայն՝ նմանատիպ բոլոր ապրանքների ներկրումը աճել է: Ընդ որում, աճը  որոշ ապրանքների դեպքում բավականին տպավորիչ է:

Ներկայացնենք դրանցից մի քանիսը:

«Էլեկտրական կենցաղային սարքեր» ապրանքներից այս տարվա առաջին 8 ամիսներին ներկրվել է ավելի քան 135 հազար հատ, իսկ անցած տարվա նույն ժամանակահատվածում՝ մոտ 65 հազար հատ: Աճը ավելի քան 2 անգամ է: «Էլ. տաքացնող կենցաղային սարքեր» ապրանքներից այս տարի ներկրվել է ավելի քան 795 հազար հատ՝ անցած տարվա 250 հազար հատի դիմաց: Այս դեպքում աճը ավելի քան 3 անգամ է: Այս տարի ներկրվել է 22 հազար 500 լվացքի մեքենա՝ անցած տարվա 19 հազար 600-ի դիմաց: Աճը՝ մոտ 15 տոկոս: 2016 թվականի առաջին ութ ամիսներին ներկրվել էր 26 հազար 500 փոշեկուլ, իսկ այս տարի՝ 54 հազար 700 հատ: Աճը՝ 2 անգամ: Սպասք լվացող մեքենաների ներմուծումը աճել է ավելի քան 1.5 անգամ. եթե անցած տարվա հունվար-օգոստոսին ներմուծվել էր մոտ 1700 հատ, ապա այս տարի՝ 2 հազար 700 հատ: Կաթսաների դեպքում աճը 1.7 անգամ է. անցած տարի ներկրվել էր 6 հազար 500 հատ, այս տարի՝ մոտ 11 700 հատ: Բջջային հեռախոսների դեպքում աճը 36 տոկոս է, անցած տարվա 175 հազարի դիմաց այս տարի ներկրվել է 238 հազար հատ: Ամենացածր աճը արձանագրվել է հեռուստացույցների ներկրման ծավալներում՝ միայն 3 տոկոս: Անցած տարի ներկվել էր մոտ 31 հազար 500 հատ, այս տարի՝ մոտ 32 հազար 500 հատ:

Եվ ուրեմն, ի՞նչ կարող է սա նշանակել: Նախ արձանագրենք, որ համաշխարհային պրակտիկան Հայաստանում գործում է մասամբ: Չափազանց մեծ է հավանականությունը, որ նշված ապրանքների ներմուծման աճը մասամբ պայմանավորված լինի մաքսային վարչարարության բարելավմամբ: Այսինքն, չի կարելի բացառել, որ նախկինում, ասենք, լվացքի մեքենայի կամ փոշեկուլի ներկրման ժամանակ դրանք մաքսայինում համապատասխան «մաղարիչի» դիմաց գրանցվում էին, ասենք, կարտոֆիլ, կամ ընդհանրապես չէին գրանցվում ու չէին մաքսազերծվում: Կարելի է նույնիսկ պնդել, որ հենց այդպես էլ եղել է: Հիմա այդ երեւույթը ակնհայտորեն նվազել է, եւ դա ինքնին դրական երեւույթ է:  Բայց միայն դրանով որոշ ապրանքների ներմուծման կրկնակի կամ եռակի աճը դժվար թե հնարավոր լինի բացատրել: Թերեւս կարելի է արձանագրել, որ բնակչության մոտ այս տարվա առաջին 8 ամիսներին նկատվել է գնողունակության աճ: Թե ինչի հաշվին է դա, դեռ պետք է ուսումնասիրել: Մասնավորապես դա կարող է պայմանավորված լինել մասնավոր տրանսֆերտների աճով, տնտեսական որոշակի աշխուժացման շնորհիվ եւ այլն: Անկախ նրանից, թե ինչի շնորհիվ է մեծացել նշված ապրանքների ներմուծումը, գործ ունենք տնտեսական որոշակի դրական միտումների հետ:

Տպել
6905 դիտում

Կադաստրի կոմիտեի ղեկավարի տեղակալն ազատվել է աշխատանքից

Խմբակները, որ իրենց կուսակցություն են համարում, առաջիկայում ասելիք չեն ունենալու եւ շարունակելու են սատանաներ փնտրել

16-17 տարեկան տղաները տասը հոգով մի երեխայի են ծեծել. ոստիկանություն

Ռազմարդյունաբերության ոլորտում բյուջետային հատկացումներն ավելացել են շուրջ 122%-ով․ Հակոբ Արշակյան

Երևանի Սիլիկյան թաղամասում մեքենան դուրս է եկել ճանապարհից և բախվել սյանը

Հնարավոր է՝ աշակերտների արտաքին ընթացիկ գնահատականը շուտով փոխարինի միասնական քննությանը․ նախագիծը քննարկվում է

Հայաստանը բնական աղետի մեջ է, 16 միլիարդի 1-2 ծրագրով չենք լուծում բնապահպանական խնդիրները․ Մանե Թանդիլյան

Ոստիկանության պաշտոնյաների կողմից պետությանը պատճառված վնասը գերազանցում է 700 միլիոն դրամը. ՊՎԾ

Վերականգնվում է Օշականի Սուրբ Մեսրոպ Մաշտոց եկեղեցու «Փառք հայ գրի և դպրության» որմնանկարը

Կենսաթոշակառուների բողոքների հիման վրա «Հայփոստ»-ի Սարի թաղի բաժանմունքի աշխատակազմը կփոխվի

Մեղադրանք 40-ամյա լոռեցուն՝ գողության, ապօրինի ռազմամթերք պահելու, զենք պատրաստելու և թմրամիջոցների համար

Արա Վարդանյանը կմնա կալանավորված. դատարանը հրապարակեց որոշումը

ԿԳՄՍ-ն վերահաստատում է բոլոր առկա հարցերը քննարկելու պատրաստակամությունը. հանդիպման օրակարգ կսահմանվի

Վազգեն Մանուկյանը՝ Դավիթ Շահնազարյանի, Ռուբիկ Հակոբյանի կողքին. Հանրային խորհրդի նախկին նախագահը համաժողով է հրավիրել

Նիկոլ Փաշինյանի որոշմամբ՝ պաշտոնանկություն Առողջապահության նախարարությունում

«ԳեոՊրոՄայնինգ» ընկերությունը միանում է ՀՀ կառավարության՝ տնկել 10 միլիոն ծառ նախաձեռնությանը

Երկրաշարժի պատճառով անօթևան մնացած ընտանիքների բնակարանաշինության ծրագրին 6.5 անգամ ավելի գումար է հատկացվել․ Կարապետյան

Նիկոլ Փաշինյանը նոր ազատում-նշանակում է արել

Ֆուտբոլի եւս 4 հավաքական արդեն Եվրո 2020-ում է

Շիրակի մարզի դպրոցներում աշխատանքի չհաճախող աշխատակիցներ պահելու մի քանի դեպքերով հարուցվել են քրգործեր