Միլիոնավոր դրամներ են վճարել, բայց զրկվել են տներից. ի՞նչ կապ ունի Բանգլադեշցի Համիկը

Երեւան քաղաքի Պուշկին եւ Սարյան փողոցների հատման մասում 2007 թվականին կառուցված բազմաբնակարան շենքի բնակարաններից մեկի գնորդ Լաուրա Մարդոյանն armtimes.com-ի հետ զրույցում պատմեց, թե ինչպես է զրկվել իր բնակարանից:

Լաուրա Մարդոյանը 2009 թվականին երկու պայմանագիր է կնքել շենքը կառուցապատած «Նարեկ-Դավիթ» ՍՊԸ-ի տնօրեն Գագիկ Պապոյանի հետ եւ բնակարան ձեռք բերել: Նրան մաս-մաս վճարել է ընդհանուր առմամբ 83 միլիոն դրամ: Վճարումը կատարվել է երկու փուլով: Առաջին վճարումից հետո Գագիկ Պապոյանը Լաուրա Մարդոյանին է տրամադրել բնակարանի բանալիները եւ պայմանավորվել են ամիսներ անց կնքել առքուվաճառքի հիմնական պայմանագիրը, եւ ստանալ բնակարանի սեփականության վկայականը:

Նախնական պայմանագրի կնքումից 5-6 ամիս անց պետք է կնքվեր հիմնական պայմանագիրը, սակայն Գագիկ Պապոյանը անընդհատ ձգձգել է պայմանագրի կնքման ժամանակահատվածը, իսկ Լաուրա Մարդոյանը չի անհանգստացել, քանի որ Պապոյանի հետ բարիդրացիական հարաբերություններ է ունեցել: Մարդոյանը երբեմն ուշացրել է գումարի վճարման օրերը, սակայն Պապոյանն իրեն ընդառաջել է, որն էլ պատճառ է դարձել, որ Մարդոյանը չդիմի դատարան:

Դեռեւս սեփականության վկայական չունենալով` Լաուրա Մարդոյանը բնակարանում վերանորոգման աշխատանքներ է սկսել, փոխել է ջրագծերը եւ այլն: Տարիներ անց վերջինս ամուսնու հետ տեղափոխվել է ՌԴ եւ 2012 թվականին լրատվամիջոցներից տեղեկացել է, որ Գագիկ Պապոյանը կալանավորվել է: Պապոյանը 2012 թվականին ձերբակալվել էր այն բանի համար, որ իր կողմից Երեւանի կենտրոնում կառուցապատած բազմաթիվ շենքերի բնակարանները միանգամից վաճառել էր տարբեր քաղաքացիների եւ միլիոնավոր դոլարների հափշտակություն էր կատարել: Հետագայում Գագիկ Պապոյանը դատապարտվել է 9 տարի ազատազրկման:

Լաուրա Մարդոյանը, տեղեկանալով Պապոյանի ձերբակալման մասին՝  եկել Երեւան  եւ գնացել իր բնակարան: Տեղում պարզել է, որ բնակարանի դուռը կոտրել են եւ նոր դուռ տեղադրել: Չկարողանալով մուտք գործել բնակարան՝ վերադարձել է Մոսկվա: Որոշ ժամանակ անց դիմել է ոստիկանություն եւ արդեն հետաքննության փուլում տեղեկացել է, որ բնակարանի սեփականատերն Անդրանիկ Խալոյանն է: Հարուցված քրեական գործը կարճվել է, քանի որ Անդրանիկ Խալոյանն ունեցել է բնակարանի նկատմամբ սեփականության իրավունքի վկայական:

Մինչ այդ Լաուրա Մարդոյանը դիմել է դատարան, սակայն Գագիկ Պապոյանի դեմ հարուցված քրեական գործով պայմանավորված քաղաքացիական գործի վարույթը կասեցվել է: 2017 թվականին արդեն երկրորդ անգամ դիմել է դատարան եւ պահանջել է Գագիկ Պապոյանին պարտավորեցնել իր հետ պայմանագիր կնքել: Դատական գործը դեռ դատաքննության փուլում է:

Այս ամենից զատ Լաուրա Մարդոյանը հանդիպել է Անդրանիկ Խալոյանին: Հանդիպմանը մասնակցել է նաեւ ԲՀԿ նախագահ Գագիկ Ծառուկյանի թիկնազորի նախկին պետ Աշոտ Ավետիսյանը, որը հայտնի է «Բանգլադեշցի Համիկ» անունով:

«Ինձ այդ անունը ոչինչ չեր ասում այնքան ժամանակ, մինչեւ ես հանդիպում ունեցա Անդրանիկ Խալոյանի հետ: Տվյալ անձնավորությունը մասնակցում էր այդ հանդիպմանը՝ 2017 թվականին, ամիսներ առաջ: Իմ մտերիմների միջոցով ես հանդիպել եմ Խալոյանի հետ, հաշտության եզրեր գտնելու համար: Քննարկմանը մասնակցում էր նաեւ «Բանգլադեշցի Համիկը»: Հիմնականում բոլոր հարցերը ինքն էր տալիս, պատասխանները տալիս էր ինքը»,- ասաց Լաուրա Մարդոյանը: Անդրանիկ Խալոյանն առաջարկել է նրան վճարել բնակարանի շուկայական գնի եւ 2009 թվականին ձեռբ երված բնակարանի գնի տարբերությունը եւ դառնալ սեփականատեր, սակայն Մարդոյանը չի համաձայնվել:

Այս պատմության մեջ գլխավոր խնդիրն այն է, որ Երեւանի քաղաքապետարանը շինթույլտվություն է տվել Անդրանիկ Խալոյանին շենք կառուցել նույն այն հասցեում, որտեղ արդեն 2007 թվականին շենք է կառուցվել, իսկ սեփականության վկայականը Խալոյանը ձեռք է բերել 2012 թվականին:

Անդրանիկ Խալոյանը, պարզվում է՝ 2009- 2013 թվականերին եղել է Երեւանի ավագանու «Բարգավաճ Հայաստան» խմբակցության անդամ, եւ նույն ժամանակահատվածում էլ տեղի են ունեցել բոլոր այն գործարքները, որոնցով այդ շենքի բնակարանների մեծ մասն անցել է Խալոյանի տիրապետմանը: 2015 թվականին էլ Երեւանի քաղաքապետարանը Խալոյանին բաժին հասած բնակարաններին հասցեներ է տրամադրել: Անհասկանալի է, սակայն, թե ինչպես է կառուցապատող Գագիկ Պապոյանից բնակարանների նկատմամբ իրավունքն անցել Անդրանիկ Խալոյանին: Լաուրա Մարդոյանն այս հարցի պատասխանը դեռ չի ստացել:

Բնակարանը ձեռք է բերել, սակայն սեփականության վկայական չունի

Նույն շենքի բնակիչներից Սոս Ավետիսյանն էլ 2010 թվականին է բնակարան ձեռք բերել, բնակարանի ներքին հարդարման աշխատանքները կատարել է, սակայն զգացել է, որ նախապայմանագրից հետո հիմնական պայմանագրի ստորագրումը ձգձգվում է՝ դիմել է դատարան: «Ես միայն նախնական պայմանագիր ունեմ, այսօր բնակարանի սեփականատեր է ներկայանում Անդրանիկ Խալոյանը: Գագիկ Պապոյանի ձերբակալությունից հետո ես իմացա, որ Անդրանիկ Խալոյանը ցանկանում է մեզ հետ հանդիպել, հանդիպեցինք: Բացի մեզանից այլ մարդիկ էլ կային, որոնք պայքարում էին իրենց բնակարնների համար»,- ասաց Սոս Ավետիսյանը՝ նշելով, որ դիմել են դատարան: Դատաքննությունն այս գործով էլ է կասեցվել եւ սպասել են քրեական գործի ավարտին, որից հետո նորից այն շարունակվել է: «Մեզ 2016 թվականին վտարման պահանջ է գալիս նամակով եւ պարզվում է, որ Անդրանիկ Խալոյանը սեփականատեր է դարձել 2015 թվականին: Առաջին անգամ իր հետ հանդիպմանը մեզ ասացին, որ եթե տունը չունի 2-3 տեր, ապա այդ հարցը հեշտ լուծվող  է»,- ասաց Սոս Ավետիսյանը:

Տիգրանը Չալաբայանն էլ, որը 27 միլիոն դրամով է բնակարան ձեռք բերել նույն շենքում, ոչնչով չի տարբերվում մյուս հարեւաններից: Բնակարանի գումարը վճարել է, նոտարական վավերացումն առկա է, սակայն սեփականության վկայական այդպես էլ չի ստացել: «Մյուսների նման է մեր դեպքը, վերանորոգել եմ բնակարանը, սակայն վկայական չկա, եւ դատարանում է գործը»,- ասաց Տիգրան Չալաբայանը:

Ո՞վ է «Բանգլադեշցի Համիկը»

Բանգլադեշցի Համիկ անունով հայտնի Աշոտ Ավետիսյանն էլ ԲՀԿ նախագահ Գագիկ Ծառուկյանի թիկնազորի նախկին պետն է: Վերջինս դատապարտված է, աչքի է ընկել խուլիգանական արարքով: Ավետիսյանը 2012 թվականին ձերբակալվել է, ապա կալանավորվել այն բանի համար, որ իր «BMW X6» տեսակի ավտոմեքենային հարվածել է Վազ 2107 տեսակի մեքենայի, որի վարորդին հայհոյել է, ապա ծեծի ենթարկել, որի հետեւանքով վերջինս հոսպիտալացվել է:

Տպել
6556 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում