Հասունացող սկանդալ. գեյերի ցանկը կհրապարակվի

Տպագրվել է «Հայկական Ժամանակ» օրաթերթի՝ 2004 թվականի սեպտեմբերի 23-ի համարում

Հայաստանյան քաղաքական էլիտայում հոմոսեքսուալիստների հայտնաբերմամբ զբաղվող «Հայ արիական միաբանություն» կուսակցության տիտանական աշխատանքները մոտենում են ավարտին: Մինչեւ այս տարվա ավարտը կուսակցության նախագահ Արմեն Ավետիսյանը համապատասխան լուսանկարներով եւ վիդեոկադրերով լրագրողներին ու հանրությանը կներկայացնի արվամոլ նախարարների, պատգամավորների եւ բարձրաստիճան պաշտոնյաների ցանկը: «Շատերի վերաբերյալ մենք արդեն ունենք անհրաժեշտ փաստեր, սակայն այդ նկարներն այս պահին չենք հրապարակում: Պատճառն այն է, որ այդ լուսանկարներում կան նաեւ մեզ հետաքրքրող այլ մարդիկ եւս, ուստի անհրաժեշտ է բացահայտել ողջ այդ արատավոր շղթան, վերջնականապես փակել օղակն ու հանրությանը համակարգված ձեւով ներկայացնել այդ տականքներին: Եւ մենք այդ քայլին շատ լրջորեն ենք նախապատրաստվում»,- ասում է «Հայ արիական միաբանության» նախագահ Արմեն Ավետիսյանը:

Կուսակցությունն արդեն 100 տոկոսանոց ճշտված փաստեր եւ լուսանկարներ ունի երկու նախարարի, երկու պատգամավորի եւ երեք բարձրաստիճան պաշտոնյայի հոմոսեքսուալ կապերի մասին, իսկ եւս մեկ պատգամավորի ու երկու այլ բարձրաստիճան պաշտոնյայի վերաբերյալ, որոնք, ըստ Արմեն Ավետիսյանի, շատ  լուրջ ոլորտներ են համակարգում, ստացված օպերատիվ տեղեկությունն այս պահին ճշտվում է: Վերջերս մեր կառավարության անդամ նախարարներից մեկի հոմոսեքսուալ կապերի մասին վկայող՝ «Հայ արիական միաբանության» լուսանկարների կոլեկցիան համալրվել է եւս մեկով: «Մենք տեղեկություն ստացանք, որ տվյալ նախարարն իր ընկերոջ հետ հանգստանում է Ծաղկաձորում: Մեր ընկերներից մեկն անմիջապես գնացել եւ լուսանկարել է այդ նախարարին՝ իր սենյակում մի տղամարդու հետ համբուրվելիս: Ասեմ ձեզ, որ բավականին նողկալի լուսանկար է»,- խոստովանում է Արմեն Ավետիսյանը:

Ի դեպ, վերջինս նշում է, որ  արվամոլներ կան նաեւ մեր գործարարների շրջանում, սակայն կուսակցությունն իր առաջ խնդիր է դրել հանրությանը նախեւառաջ ներկայացնել արվամոլ նախարարների եւ պատգամավորների ցուցակը: «Մեր առաջնահերթ խնդիրն է՝ հստակեցնել նախարարների եւ պատգամավորների ցանկը, որպեսզի նրանք ոչ միայն պաշտոնանկ արվեն, այլ նաեւ վտարվեն հանրապետությունից»,- ասում է «Հայ արիական միաբանության» նախագահը: Ըստ Արմեն Ավետիսյանի՝ իրենք տեղեկություններ են ստացել, որ որոշ նախարարներ եւ բարձրաստիճան պաշտոնյաներ, որոնք ըստ էության արվամոլներ չեն, այդուհանդերձ, երբեմն-երբեմն օգտվել են տղամարդկանց մատուցած սեքսուալ ծառայություններից՝ որպես, այսպես ասած, «էկզոտիկայի» դրսեւորում:

Բայց քանի որ նրանց այդ ոչ պարբերական «գաստրոլները» հաստատող լուսանկարներ «Հայ արիական միաբանությունը» չունի, ուստի այդ պաշտոնյաների անունները քաղաքական էլիտայի հիմնական արվամոլների ցուցակի հետ չի հրապարակվի: Մեզ հետ զրույցում երեկ Արմեն Ավետիսյանը մի փաստ եւս հրապարակեց. պարզվում է՝ մեր վարչապետներից մեկը եւս ժամանակին օգտվել է կառավարության անդամ արվամոլ նախարարների «ծառայություններից»: Սակայն, այդ վարչապետի անունը եւս սպասվող ասուլիսում «Հայ արիական միաբանությունը» չի հրապարակի, քանզի չի կարողացել ձեռք բերել անհրաժեշտ փաստական տվյալներ:

Այսպիսով, հայ քաղաքական էլիտայի բարձրաստիճան հոմոսեքսուալիստների ցուցակը, վերջիններիս արվամոլական կապերն ապացուցող անհրաժեշտ փաստական տվյալներով, «Հայ արիական միաբանությունում» հիմնականում պատրաստ է. մնում է ճշտել մեկ պատգամավորի եւ երկու-երեք բարձրաստիճան պաշտոնյայի հոմոսեքսուալ կապերի մասին ստացված օպերատիվ տեղեկությունը, որից հետո կուսակցության նախագահը հանդես կգա ասուլիսով եւ բաց կինո-ֆոտոդիտում կկազմակերպի լրագրողների համար: Ա.Ավետիսյանը զգուշացնում է, որ իրենց ունեցած լուսանկարներում եւ տեսաժապավեններում բավականին նողկալի տեսարաններ կան: Եւ քանի որ թեման իսկապես սկանդալային է, արդյո՞ք «Հայ արիական միաբանության» այս նախաձեռնությունն ընդամենը շանտաժ չէ, որպեսզի նշյալ պաշտոնյաներն իրենց անունը չհրապարակելու համար «մուծվեն» «Հայ արիական միաբանությանը»: «Նրանցից որեւէ մեկը մեզ եթե փող առաջարկի, անմիջապես այդ փաստը եւ առաջարկվող գումարի չափը կհրապարակենք հենց ձեր թերթում»,- խոստացավ Արմեն Ավետիսյանը:

Հ. Գ. Ի դեպ, Քրեական օրենսգիրքը պատիժ է նախատեսում մարդու անձնական կամ ընտանեկան կյանքի մասին ապօրինի տեղեկություններ հավաքելու, պահելու, օգտագործելու կամ տարածելու համար: Երեկ, ի պատասխան մեր այս դիտարկման, «Հայ արիական միաբանության» նախագահ Արմեն Ավետիսյանն ասաց. «Նրանք հասարակությունն ու երկիրն են փչացնում, դա քրեորեն պատժելի չէ, իսկ իմ արածը, որ այդ տականքներին ջրի երես եմ հանելու, պատժելի՞ է: Այդ անունները միանշանակ հրապարակվելու են»:        

Նաիրա Զոհրաբյան