Սոցփաթեթի ծառայություններից օգտվելու համար նույնականացման քարտը 2018 թ.-ից կդառնա պարտադիր

ՀՀ կառավարության N 915-Ն որոշմամբ սահմանվել է, որ սոցիալական փաթեթի ծառայություններից օգտվելու համար շահառուները 2018 թվականից սկսած անպայման պետք է ունենան նույնականացման քարտ: Այսինքն՝ անձնագրի փոխարեն այդուհետ նրանցից պահանջվելու է նույնականացման:

«Սկսած 2018 թվականի հունվարի 1-ից սոցիալական փաթեթի ծառայություններից (այդ թվում` առողջապահական փաթեթի ծառայությունները) օգտվելու պարտադիր նախապայման է հանդիսանում նույնականացման քարտի առկայությունը»,- մասնավորապես, նշված է կառավարության որոշման մեջ:

Եվ չնայած «Նույնականացման քարտի մասին» օրենքով այդ փաստաթուղթը ստանալը կամավոր է, այս դեպքում այն կդառնա պարտադիր:

ՀՀ ոստիկանության անձնագրային եւ վիզաների վարչության պետ Մնացական Բիչախչյանը մեր զրույցում պարզաբանեց, որ քաղաքացին կարող է չունենալ նույնականացման քարտ ու նույնիսկ անձնագիր, եւ ոչ ոք դրա համար իրավունք չունի նրան պատասխանատվության ենթարկել, բայց հնարավոր է՝ լինեն ոլորտներ, որտեղ անձի ինքնությունն ու քաղաքացիությունը հավաստող փաստաթուղթի առկայությունը լինի պարտադիր:

«Հայաստանի Հանրապետությունում անձնագրային եւ վիզաների վարչությունն ու անձնագրային ծառայությունները պատասխանատու են անձնագիր եւ նույնականացման քարտ տրամադրելու հետ կապված հարաբերություններում: Օրենսդրական որեւիցե փոփոխությունների կամ ինչ-որ պարտադիր պահանջների մասին այս պահին տեղեկացված չեմ, թե որ բնագավառում կարող է պարտադիր ներկայացվող փաստաթուղթը լինել նույնականացման քարտը: «Նույնականացման քարտերի մասին» օրենքի համաձայն՝ նույնականացման քարտ ստանալը կամավոր է, բայց միգուցե կլինեն այլ իրավական ակտեր, որտեղ որոշակի ծառայություններ ստանալու կամ ծառայություններից օգտվելու համար պարտադիր պահանջվի նույնականացման քարտ»,- ասաց Մնացական Բիչախչյանը:

Նա հավելեց, որ «Վարչական իրավախախտումների վերաբերյալ» օրենսգրքից 2012 թվականին հանվել է այն նորմը, որով վարչական պատասխանատվություն էր նախատեսվում անձը հաստատող փաստաթուղթ չունենալու կամ դրա վավերականության ժամկետը լրացած լինելու համար:

Նույնականացման քարտ ստանալու կամ փոխանակելու համար սահմանված է 3 հազար դրամ պետական տուրք: Վճարից ազատվում են այն անձինք, որոնք 16 տարին լրանալուց հետո երբեւէ չեն ստացել հին նմուշի անձնագիր եւ առաջին անգամ ստանում են նույնականացման քարտ, ինչպես նաեւ աղքատության ընտանեկան նպաստ ստացող ընտանիքի անդամ քաղաքացիները:

Անձնագրային եւ վիզաների վարչության պետը քաղաքացիներին հիշեցրեց, որ նույնականացման քարտի հետ տրվող ծածկագիրը չպետք է կորցնել, պետք է պահել ապահով տեղում, չհանձնել այլ անձի, հակառակ դեպքում այդ ծածկագիրը չի վերականգնվում, որովհետեւ նման իրավասություն չկա, եւ անհրաժեշտություն է առաջանում ստանալ նույնականացման նոր քարտ:

Տպել
6613 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության