Կոկսակի վիրուսը որքանով է տարածված Հայաստանում. առողջապահության նախարարության լռությունը

Արդեն երկրորդ օրն է` մեզ չի հաջողվում առողջապահության նախարարությունից տեղեկատվություն ստանալ Հայաստանում կոկսակի վիրուսի տարածվածության վերաբերյալ:

Այստեղից ո´չ հավաստիացնում են, որ այդ առումով իրավիճակը հանգիստ է, ո´չ էլ հակառակի մասին են նշում: Իսկ համառ այս լռությունը, թերեւս, կարող է երկու բանի մասին վկայել. կա´մ գերատեսչությունը չի տիրապետում իրավիճակին եւ ասելու բան չունի, կա´մ էլ լավատեսական լուրեր չի կարող հաղորդել ու նախընտրում է չխոսել:

Այնինչ, հիշեցնենք, առողջապահության նախարարությունն օրեր առաջ հայտնում էր մեր երկրում կոկսակի վիրուսով հիվանդացության դեպքեր գրանցվելու մասին:

Կոկսակի վարակը պատկանում է էնտերովիրուսային վարակների շարքին, որոնք արտահայտվում են մրսածության եւ աղեստամոքսային ախտանշաններով: Ի հայտ է գալիս մարմնի ցանավորում: Այս վիրուսով կարելի է վարակվել տարվա բոլոր եղանակներին, բայց հատկապես ամռանն ու աշնանը:

Կոկսակին կարող է փոխանցվել ջրի, սննդի, կենցաղ-կոնտակտային, օդակաթիլային ճանապարհներով, ինչպես նաեւ փոշու միջոցով:

Էնտերովիրուսային վարակներին բնորոշ է բարձր վարակելիությունը: Յուրաքանչյուր առողջ մարդ կարող է վարակվել հիվանդ մարդու կամ նրա կողմից օգտագործված իրերի, առարկաների կամ մակերեսների հետ սերտ շփման հետեւանքով: Հիվանդության գաղտնի շրջանը 1-10 օր է: Առավել մեծ ռիսկի խմբում են նորածինները, վաղ հասակի երեխաները եւ դեռահասները: 

Էնտերովիրուսային վարակներով չհիվանդանալու համար ՀՀ առողջապահության նախարարությունը հանգստի մեկնող անձանց դեռ օրեր առաջ հորդորում էր՝

- Խուսափել էնտերովիրուսային վարակներով պայմանավորված անապահով երկրներ մեկնելուց:

- Մեկնելու դեպքում՝

  • Լողալ միայն թույլատրված վայրերում,
  • Հնարավորինս խուսափել աղիքային գանգատներով, ցանավորմամբ հիվանդ անձանց հետ շփումից,
  • Խստորեն պահպանել աղիքային վարակներին բնորոշ կանխարգելիչ միջոցառումները՝ ձեռքերը լվանալ հոսող ջրով, օճառով՝ սնունդ ընդունելուց առաջ եւ սանհանգույցից օգտվելուց հետո, սննդում օգտագործել միայն լավ լվացված (ցանկալի է հոսող ջրով) բանջարեղեն, մրգեր, պատահական վայրերից սնունդ չգնել, սնունդը պահել փակ տարաներում՝ սառնարանային պայմաններում,
  • Հաճախակի օդափոխել փակ տարածքները, ապահովել մակերեսների խոնավ մաքրում:

Հանգստից վերադարձողներին խորհուրդ է տրվում`

- Աղիքային երեւույթների կամ ցանավորման դեպքում անհապաղ դիմել բժշկական օգնության, չզբաղվել ինքնաբուժմամբ:

- Աղիքային երեւույթների կամ ցանավորման դեպքում չհաճախել բազմամարդ վայրեր:

Հանգստի սեզոնը դեռ չի ավարտվել: Հետեւաբար՝ այս խորհուրդները, անկախ վարակի առումով Հայաստանում առկա իրավիճակից, շարունակում են արդիական լինել: Մանավանդ, հաղորդվում էր, որ հարեւան երկրներում, մասնավորապես՝ Թուրքիայում վերջին ամիսների ընթացքում համաճարակային իրավիճակը էնտերովիրուսային վարակների առումով լարված է:

Տպել
4083 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության