Երևան
27 °C
Տպագրվել է «Հայկական Ժամանակ» օրաթերթի՝ 2004 թվականի հուլիսի 17-ի համարում
Վերջին տարիներին Երեւանի կենտրոնում այնքան բետոն լցվեց, այգիների ու պուրակների կանաչն այնքան վայրենավարի ոչնչացվեց, որ մայրաքաղաքի փողոցներով քայլելիս դժվար թե որեւէ մեկը գեղագիտական հաճույք ստանա: Սա գիտեն բոլորը, նաեւ՝ իշխանությունները: Ու պատահական չէ, որ քաղաքի համար պատասխանատու ցանկացած պաշտոնյա մայրաքաղաքի տեսքի աղճատման պատճառով հասարակության մեջ օր օրի խորացող դժգոհությունը փորձում է վանել իրենից ու մեղքը բարդել ուրիշների, ավելի հաճախ՝ իր նախորդի վրա: Այս երեւույթն ավելի ցայտուն է Երեւանի քաղաքապետերի պարագայում: Անցած շաբաթ Երեւանի քաղաքապետ Երվանդ Զախարյանը հայտարարեց, որ մայրաքաղաքում մի քանի աղմկահարույց հողհատկացումների հեղինակը ոչ թե ինքն է, այլ իր նախորդը: Նրա նախորդը Ռոբերտ Նազարյանն է:
Վերջինս ամեն կերպ խուսափում է մեկնաբանել իր՝ քաղաքապետ եղած ժամանակվան վերաբերող զանազան տեղեկությունները: Երեկ, սակայն, հարմար առիթ ընձեռվեց նախկին քաղաքապետի ճանապարհը փակելու եւ մի քանի հարցեր տալու, ինչից Ռ.Նազարյանը չկարողացավ խուսափել: «Ես ունեմ որդեգրած մի սկզբունք՝ իմ նախորդների եւ հաջորդների գործունեությանը եւ արած հայտարարություններին չանդրադառնալ: Իմ կողմից դա անպարկեշտ եմ համարում եւ երբեւէ իմ նախորդներին եւ հաջորդներին գնահատականներ չեմ տալիս: Դա կարող է անել ցանկացած ոք, բայց՝ ոչ ես»,- մեր հարցերից խուսափելու փորձն այսպես մեկնաբանեց պրն Նազարյանը: Որպեսզի ընդհանուր դատողություններից զերծ մնանք, նախկին քաղաքապետին հարց ուղղեցինք ամենաթարմ իրադարձության՝ Իսահակյան 28 հասցեում գտնվող պուրակի մասին:
«Այո, ես չեմ ժխտում, որ իմ կողմից ստորագրվել է մի որոշում այդ հասցեի վերաբերյալ, բայց, ցավոք սրտի, այն որոշումը, որ ես եմ ստորագրել, եւ ինչը որ այնտեղ պատրաստվում էին կառուցել՝ բոլորովին տարբեր բաներ են»,-ասաց պրն Նազարյանը: Վերջինս հայտնեց, որ իր ստորագրած որոշմամբ խստագույն պահանջներ էին ներկայացված: Մասնավորապես, ըստ որոշման, այդ տարածքում չպետք է կտրվեր եւ ոչ մի ծառ: Բացի այդ, ինչպես պնդում է նախկին քաղաքապետը, նման որոշումներն ունենում են մեկ տարվա ժամկետ: Այդ ժամկետում նախատեսված են բավական բարդ ընթացակարգեր, եւ դրա արդյունքում որոշումը կամ վերանայվում է, կամ՝ ուժը կորցրած է համարվում, կամ՝ հաստատվում է: Ասվածը վերաբերում է նաեւ մայրաքաղաքի այլ մասերում իրականացված հողհատկացումներին:
Այնպես որ, կատարվածում միայն Ռոբերտ Նազարյանին մեղադրելը՝ կարծես ճիշտ չէ: Բայց երբ հաշվի ենք առնում, թե ինչ է կատարվում Երեւանում՝ որեւէ բացատրություն կամ արդարացում տեղին չէ: Կարելի է բացատրել ցանկացած քայլ, բայց դրանից Երեւանը չի փրկվի, քանի դեռ հողհատկացումները եւ կառուցապատումները կախված են միայն մի խումբ մարդկանցից: Ի դեպ, Հայաստանում այսօր գործում է մի հետաքրքիր օրենք, որը հենց այդպես էլ կոչվում է՝ «Քաղաքաշինության մասին»: Եւ այդ օրենքում կա մի հետաքրքիր գլուխ. «Հասարակայնության մասնակցությունը քաղաքաշինական գործունեության իրականացմանը»: Այդ գլխում ձեւակերպված են հասարակայնության մասնակցության նպատակները՝ հրապարակայնության ապահովում, քաղաքաշինական ծրագրերի եւ նախագծերի լավագույն լուծումների ընտրության օժանդակում եւ այլն:
Հասարակության ներկայացուցիչները, ըստ այդ օրենքի, իրավունք ունեն ստանալու ստույգ տեղեկություններ իրենց կենսագործունեության միջավայրի ծրագրվող փոփոխությունների մասին, մասնակցելու քաղաքաշինական ծրագրերի քննարկումներին, ներկայացնելու դիտողություններ, առաջարկություններ, այլընտրանքային նախագծեր եւ այլն, եւ այսպես շարունակ: Մի խոսքով, այս օրենքի տրամաբանությունն այնպիսին է, որ, ասենք, քաղաքի կենտրոնում որեւէ շինարարություն սկսելուց առաջ երկար ժամանակ դա քննարկման առարկա է դառնում, մարդիկ ներկայացնում են առաջարկներ, մամուլում աղմուկ է բարձրանում, իրար հայհոյում են, գովում են եւ այլն:
Իսկ ի՞նչ է կատարվում մեզանում: Քաղաքապետարանում նախագիծն արդեն պատրաստ է լինում, գիշերը կամ վաղ առավոտյան հիմքերը փորվում են, մի քանի ծառ են կտրում, ու նոր աղմուկ է բարձրանում, այն էլ՝ որպես կանոն ոչ մի հետեւանք չի ունենում: Իսկ ինչո՞ւ է այդպես հետեւողականորեն ոտնահարվում այդ օրենքը: Պատասխանն ակնհայտ է: Մայրաքաղաքի կենտրոնում շինարարություն կատարելու թույլտվությունները, որպես կանոն, ստանում են կամ օլիգարխները, կամ՝ բարձրաստիճան պաշտոնյաները, կամ՝ վերջիններիս մերձավորները: Իսկ նման պայմաններում հրապարակայնության մասին խոսելն իսկ ավելորդ է: Եւ քանի դեռ մեր մայրաքաղաքի արտաքին տեսքը կախված է անճաշակ փողատերերից ու պաշտոնյաներից, Երեւանը շարունակելու է աղճատվել ու վերջիվերջո՝ դառնալու է մի մեծ քաղաքատիպ բետոնապատ ավան:
Հայկ Գեւորգյան
Սահմանազատման մասին պայմանավորվածությունը վերացնում է խաղաղության համաձայնագրի ճանապարհի մեծ խոչընդոտը․ Գերմանիայի ԱԳՆ
Կան ուժեր, որոնք ուզում են, որ Հայաստանի ինքնությունը կամ պետականությունը զարգանա ֆորպոստի տրամաբանությամբ․ Փաշինյան
Թուրքիայի ԱԳՆ-ն ողջունել է Հայաստանի և Ադրբեջանի սահմանազատման հանձնաժողովների ձեռք բերած համաձայնությունը
Վերին Ծաղկավանի անտառում շունը ընկել է մոտ 15 մ խորության ձորը
Հայոց ցեղասպանության թանգարան-ինստիտուտին են հանձնվել Սողոմոն Թեհլիրյանին առնչվող բացառիկ ընտանեկան մասունքներ
Չհանդիպելու պլաններ չունենք․ Փաշինյանը՝ ՌԴ նախագահի հետ հանդիպման հավանականության մասին
Հասանովը խորհրդակցություն է հրավիրել և հանձնարարել Հայաստանի ու Ադրբեջանի միջև սահմանազատումն արդյունավետ իրականացնել
Տեղի է ունեցել «Քաղաքացիական պայմանագիր» կուսակցության Լոռու մարզի նախաձեռնող խմբի նիստ․ վարչապետը ելույթ է ունեցել
ԱՄՆ դեսպանատան հարևանությամբ «BMW» է այրվել
Վարչապետը երկրորդ անգամ այցելել է Վանաձորի N 27 և N 23 հիմնական դպրոցների մարզադահլիճներ (տեսանյութ)
37-ամյա կինը շենքում գտնվող տղային իր փոխանցելիս ընկել է հորը
Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա
Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
© 2024 Հայկական ժամանակ