Բնակարանների գները գահավիժում են. իրականությո՞ւն, թե՞ պաշտոնական վիճակագրություն

Այս տարվա մայիսին Հայաստանում արձանագրվել է անշարժ գույքի գների կտրուկ անկում: Համենայն դեպս այսպիսի պաշտոնական տվյալներ է հրապրակել ՀՀ ազգային վիճակագրական ծառայությունը` հղում անելով ՀՀ ԿԱ անշարժ գույքի կադաստրի պետական կոմիտեին:

Մասնավորապես՝ Երեւանում անշարժ գույքի միջինացված գինը նվազագույնն է անցած 5 տարիներին: Առաջին գծապատկերում բերված է Երեւանի 11 վարչական շրջանների բազմաբնակարան շենքերում բնակարանների մեկ քառակուսի մետրի միջինացված գինը: Քանի որ անշարժ գույքի գները որոշակի սեզոնային բնույթ ունեն, բերված են անցած հինգ տարիների ընթացքում հենց մայիս ամիսներին գրանցված գները:

Առաջին գծապատկերից երեւում է, որ բնակարանները Երեւանում  թանկացել են 5 տարի անընդմեջ եւ միայն այս տարվա մայիսին, մեղմ ասած, նվազել են, իսկ ավելի ճիշտ՝ գները գահավիժել են:

Իսկ Կենտրոնում պատկերը այլ է: 2012 թ. մայրաքաղաքի կենտրոնում բնակարանները կտրուկ թանկացել են, այնուհետեւ մնացել են նույն մակարդակի, իսկ այս տարվա մայիսին կրկին կտրուկ աճել են:

Թե ինչով է պայմանավորված անշարժ գույքի գների այսպիսի պահվածքը, դժվար է ասել: Նախ պետք է հաշվի առնել, որ խոսքը գների պաշտոնական վիճակագրության մասին է, որը այնքան էլ չի արտահայտում իրական պատկերը: Անցած մի քանի տարիներին բնակարանները էժանանում էին, սակայն պաշտոնական տվյալներով այդ էժանանալու տեմպը բարձր չէր: Չի բացառվում, որ անշարժ գույքի կադաստրը պարզապես որոշել է «ռեստարտ» անել իր վիճակագրությունը եւ իրականության ավելի մոտ պատկեր ցույց տալ:

Ամեն դեպքում միայն մեկ տարվա ընթացքում երեւանյան բնակարանների միջին գինը, ըստ այս վիճակագրության, նվազել է միանգամից 6.5 տոկոսով: Այս հաշվարի մեջ չեն մտնում Կենտրոնի բնակարանները, որոնք թանկացել են ավելի քան 5 տոկոսով: Եթե այս վիճակագրությունը ամբողջությամբ արտահայտեր իրականությունը, ապա կարելի էր պնդել, որ սա բնակչության եկամուտների բեւեռացման հետեւանք է: Այսինքն հարուստները ավելի են հարստանում եւ լրացուցիչ գնողունակ պահանջարկ ներկայացնում կենտրոնում գտնվող բնակարանների նկատմամբ, իսկ աղքատները ավելի են աղքատանում եւ ստեղծում են ավելցուկային առաջարկ մայրաքաղաքի ծայրամասերում: Բնակչության եկամուտների բեւեռացումը, անշուշտ, կա Հայաստանում, սակայն կենտրոնի բնակարանների թանկացումը բացատրել միայն դրանով, թերեւս այնքան էլ ճիշտ չէ: Ամենայն հավանականությամբ այս տարվա մայիսին կենտրոնում թանկարժեք բնակարանների հետ կապված մի քանի գործարքներ են եղել եւ դա արձանագրվել է կադաստրում ու դրա հիման վրա էլ իրականացվել են հաշվարկները:

Ընդհանրապես անշարժ գույքի էժանացումը էական վտանգներ է պարունակում: Խոսքը առաջին հերթին վերաբերում է բանկերում գրավադրված գույքին: Եթե այդ գույքը շատ է էժանանում` ռիսկեր են առաջացնում բանկային ողջ համակարգի համար, ինչն էլ շղթայական ազդեցություն կունենա ողջ տնտեսության վրա: Գների նվազման այն տեմպը, որը արձանագրվել է այս տարվա մայիսին, դեռ հեռու է այդպիսի իրավիճակից, սակայն էժանացման տեմպը, որը գրանցվում է, կարող է դառնալ ընդգծված միտում, մանավանդ որ դրա բոլոր հիմքերը  կան՝ արտագաղթ, բնակչության գնողունակության նվազում, տնտեսության լճացում, եկամուտների բեւեռացում եւ այլն:

Տպել
6949 դիտում

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները

Եթե առանց էմոցիաների նայեք, կտեսնեք, որ 1-ին կեսում լավ կոմբինացիաներ էին ստացվում. Գյուլբուդաղյանցը Լիխտենշտեյնի մասին

Թուրքիայում ռազմական գործողությունների արդյունքում փախստականների թիվը հասել է 160 հազարի. ՄԱԿ

Ինձ թվում է՝ թիմի խաղն ստացվեց. Տիգրան Բարսեղյանը՝ Լիխտենշտեյնի դեմ հանդիպման մասին

Նախարար Պապիկյանը մարզպետների հետ խորհրդակցություն է անցկացրել

39-ամյա կինը որոնվում է որպես անհետ կորած (տեսանյութ)

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության