Լարված իրավիճակ Գյումրիում. Բալասանյանը չի ներկայանում, սպառնում են մայրուղին փակել. Վիդեո

Արդեն տեղեկացրել էինք, որ Գյումրու շուկայի եւ հարակից հագուստի տոնավաճառի աշխատանքները կաթվածահար են եղել: Անհայտ անձինք բետոնյա պատնեշով եւ երկաթյա թիթեղներով փակել էին նշյալ տարածքների բոլոր մուտքերը: Շուկայից եւ տոնավաճառից գնումներ կատարելը դարձել էր անհնար: Քաղաքացիները գալիս եւ շփոթված ետ էին գնում:

Ստեղծված իրավիճակը զայրացրել էր շուկայի եւ տոնավաճառի վաճառականներին: Իրենց խնդիրը քաղաքային իշխանություններին բարձրաձայնելու նպատակով վերջիններս փակեցին Գյումրու Վարդանանց հրապարակի քաղաքապետարանի դիմացի հատվածը, եւ Շահումյանի փողոցի զգալի մասը:

 

«Մարդիկ չեն կարողանում մտնել ներս, առավոտից առեւտուր չենք արել: Երեկ գիշեր են դրել: Առավոտ եկե, տեսել ենք, որ էս բիտոնից պատը ստեղ դրած է: Բազարի ապրանքը կփչանա, կթափեն, մերը հլը շոր է, բան չի էղնի, բայց իրանք վարկ են վերցրել ու չեն կարողանում ծախել… Քաղաքապետարանի դիմենք ի՞նչ անենք, քաղաքապետարանը չիդե՞, որ բերել, դրել են: Ես ուզում եմ, որ էս գործին Փաշինյանը խառնվի, գա մեր շահերը պաշտպանի: Չենք կարողանում մեր օրվա 200 դրամը աշխատենք: Երկու կողմից փակվել է, էն կողմը երկաթ է, էս կողմը՝ բիտոն: Դրել են, որ մեր մոտից առեւտուր չանեն, այլ դիմացի խանութներից: Ուզում են, որ միատ սամայլոտ զակազ տանք, թողանք էս մե քանիմ հոգիս էլ ռադ էղնինք, վերջանա»,- armtimes.com-ի հետ զրույցում պատմում են տոնավաճառի աշխատակիցները եւ մատնացույց անում իրենց հարեւանությամբ գտնվող մեկ այլ տոնավաճառի, որի սեփականատերն է, ըստ իրենց տեղադրել այդ պատնեշը:

Բողոքող քաղաքացիներին չհաջողվեց հանդիպել Գյումրու քաղաքապետ Սամվել Բալասանյանի հետ: Նրանք որոշ ժամանակ քաղաքապետարանի դիմաց սպասելուց հետո, փորձեին բարձրանալ Բալասանյանի մոտ, բայց վաճառականների մի մասին միայն հաջողվեց մտնել քաղաքապետարանի նախամուտք՝ ոստիկանները եւ քաղաքապետի թիկնազորը թույլ չտվեցին նրանց կառույցում մեկ քայլ անգամ առաջ գնալ:

«Եթե էս քաղաքը տեր ունի, քաղաքապետ ունի, թող այս հարցին լուծում տա: Քաղաքապետը ընչի՞ դուրս չի գա, թող գա ասի՝ ու՞ր գնանք: Գանք քաղաքապետարանի կրիշ, թե՞ հրապարակի վրա դնենք, ծախենք մեր ապրանքը: Ընչի՞ չեն գա ցած, ընչի՞ ղեկավար կկոչվին, որ մեր հարցին լուծում չպտի տան: 2000 դոլար վարկ եմ վերցրել, ծիրան եմ առել: Հմի էդ վարկը ի՞նչղ պտի տամ: Արեք, ծիրանս առեք, որ իմ վարկը տանիմ, տամ: Կգնանք Երեւանի տրանսը կփակենք»,- քաղաքապետարանի դիմաց բարձրաձայնում էին վաճառականները:

Ավելի ուշ նրանց մոտեցավ Բալասանյանի տեղակալ Վաղարշակ Մխիթարյանը եւ տեղեկացրեց, որ միասին կգնան եւ խնդիրը կկարգավորեն:

Հ.Գ. Քիչ առաջ տեղեկացանք, որ բետոնյա պատնեշը հեռացվել է:

Տպել
16260 դիտում

Լիբիայի ազգային բանակը հայտարարել է՝ Թուրքիան նավահանգստով զենք է մատակարարում Լիբիային

Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

Ալավերդու պարեկային ոստիկանները ապօրինի ծառահատման դեպք են բացահայտել (տեսանյութ)

Կորոնավիրուսը տարածվում է անհավատալի արագությամբ. հետեւանքները ծանր կլինեն Չինաստանի համար. Ծինփին

Ստեղծվել է Տավուշի զբոսաշրջության միասնական հարթակ

Շուկայի վերահսկողության տեսչական մարմինը 2019 թվականին 277 ստուգում է իրականացրել

Թրամփն առաջին պաշտոնական այցով Հնդկաստանում է. բուռն ընդունելություն եւ մեծ սպասումներ

ԿԸՀ-ի պաշտոնական www. elections.am կայքում այօր տեղադրվել են քվեարկությանը մասնակցող անձանց ցուցակները․ Բիչախչյան

Մեկնարկում է 2020 թվականի «Լավագույն մարզական ընտանիք» հանրապետական մրցույթը

Առողջապահության նախարարությունը 160 հազար բժշկական դիմակ է պահեստավորել

Բերման ենթարկվածների մոտ հայտնաբերվել է ծալովի դանակ, «G 231» և «Ակինետոն» գրառմամբ հաբեր, մարիխուանայի նմանվող զանգված

Երկշաբաթյա ժամկետով սահմանափակվել են Հայաստան-Իրան օդային փոխադրումները. ՀՀ Քաղաքացիական ավիացիայի կոմիտե

Իջևանի ոստիկանները բացահայտել են էլեկտրոնիկայի խանութից կատարված գողությունը․ 33-ամյա տղամարդը կալանավորվել է

Հրդեհ Բաղրամյան պողոտայում. դեպքի վայր է մեկնել հրշեջ-փրկարարական ջոկատից մեկ մարտական հաշվարկ

Քննարկվել է ճանապարհային քարտեզով 2020 թվականի համար նախատեսված միջոցառումների իրականացման ընթացքը

Եղանակը տաքանալուն զուգահեռ կորոնավիրուսը կնահանջի՞, ինչը հատուկ է գրիպին. ԱՆ պաշտոնյայի մեկնաբանությունը

Մարտի 1-ի գործով Հովհաննես Ղազարյանն արդարացվել է` հանցակազմի բացակայության հիմքով

Ոստիկանները գրպանահատներին բերման են ենթարկել ու հայտնաբերել գողացված դրամապանակները. (տեսանյութ)

Ընդդիմախոսներն ասում են՝ սուպերվարչապետություն պետք չէ, բայց թվում է՝ ենթագիտակցորեն դա են ցանկանում. ԿԳՄՍ նախարար

ԲՀԿ-ական նախկին պատգամավոր Արթուր Մանուկյանն առերեսվել է իր և Նարեկ Սարգսյանի դեմ հաղորդում տված Հակոբ Հովհաննիսյանի հետ