ՀՀ նախարարները Բարձրաստիճան պաշտոնատար անձանց էթիկայի հանձնաժողովին են ներկայացրել տվյալներ՝ իրենց ունեցվածքի վերաբերյալ:  Armtimes.com-ն, ըստ այդ հրապարակումների՝ փորձել է պարզել, թե նախարարներից ով է ավելի հարուստ: 

ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը հունիսի 11-ին ներկայացրած իր հայտարարագրում նշել է, որ ունի մեկ բնակարան եւ մեկ առանձնատուն՝ հողամասով, տնտեսական շինություններով: Գաբրիելյանի հանձնած փոխառությունները պաշտոնը ստանձնելու պահին կազմել են 20,5 մլն դրամ եւ 40 հազ ԱՄՆ դոլար: Փոխվարչապետը չունի մեքենա: Նրա ունեցած ֆինանսական միջոցներն ընդամենը 2 մլն 600 հազար դրամ է:

Կարողություններով աչքի չի ընկնում աշխատանքի եւ սոցիալական հարցերի նախարար Արտեմ Ասատրյանը: Նրա ունեցածը 29 մլն  500 հազար դրամ է: Կարելի է մտածել, որ Ասատրյանն անօթեւան է՝ հայտարարագրում չկան տեղեկություններ բնակարանի վերաբերյալ:

Առողջապահության նախարար Լեւոն Ալթունյանը հարկային տարվա սկզբին 114 միլիոն դրամ արժողությամբ անշարժ գույք է ձեռք բերել: Նույն ժամանակահատվածում նա ձեռք է բերել 18 մլն դրամով արժեթղթեր, որոնք հարկային տարվա ավարտին օտարել է 18,5 մլն դրամով:Նախարարն ունի 20 մլն ՀՀ դրամ եւ 21 հազար 600 ԱՄՆ դոլար: Տեղեկություններն անշարժ եւ շարժական գույքի մասին բացակայում են:

Միանգամից 9 անշարժ գույք է հայտարարագրել արդարադատության նորանշանակ նախարար Դավիթ Հարությունյանը: Նա միայն վեց բնակարան ունի տարբեր բազմահարկ բնակելի շենքում, մեկ ամառանոց՝ կից այգիներով, բացի այդ, ունի հողամաս մեկ այլ վայրում: Հարությունյանն ունի 8 մլն դրամը գերազանցող մետաղադրամների հավաքածու եւ կրկին 8 մլն դրամը գերազանցող գեղանկարների հավաքածու: Դրամական կարողությունների ցանկում նշված է 8,5 մլն դրամ եւ 20 հազար ԱՄՆ դոլար:

Արտաքին գործերի նախարար Էդվարդ Նալբանդյանն էլ հայտարարագրել է միայն 14 մլն դրամ եւ 70 հազար եվրո:

Բնապահպանության ՀՅԴ-ական նախարար Արծվիկ Մինասյանը ունի մեկ բնակարան, հողամաս եւ 5 մլն դրամ:

Գյուղնախարար Իգնատի Առաքելյանն էլ հիմնականում գործարքներ է անում եվրոներով եւ դոլարներով: Հարկային տարում նա ձեռք է բերել 1000 եվրո արժողությամբ արժեթղթեր, որը օտարել է 47 հազար եվրոյով: Առաքելյանը հարկային տարվա ընթացքում իրականացրած փոխառությունների արդյունքում 50 հազար ԱՄՆ դոլարի շահույթ է ստացել: Նա ունի 48 մլն ՀՀ դրամ, 150 հազար ԱՄՆ դոլար եւ 48 հազար եվրո:

ՀՀ տնտեսական զարգացման եւ ներդրումների նախարար Սուրեն Կանայանը 2,5 մլն դրամ արժողությամբ հողամաս եւ 55 հազար ԱՄՆ դոլար ունի:

Էներգետիկ ենթակառուցվածքների եւ բնական պաշարների նախարար Աշոտ Մանուկյանի հայտարարագրում առկա է մեկ բնակարան, մեկ այլ բազմահարկ շենքում ոչ բնակելի տարածք եւ ավտոտնակ: Մանուկյանն ունի ավտոտնակ, բայց չունի ավտոմեքենա: Նախարարը փոխառությունների արդյունքում մոտ 140 հազար ԱՄՆ դոլարի շահույթ է ստացել: Վերջինս ունի մոտ 7 մլն դրամ եւ 45 հազար ֆունտ ստեռլինգ:

Համեմատաբար ճոխ է կրթության եւ գիտության ՀՅԴ-ական նախարար Լեւոն Մկրտչյանի ունեցվածքը: Նա ունի երկու տարբեր հասցեներում գտնվող բնակարաններ, հողամաս, ավտոտնակ, LEXUS RX 350 մակնիշի մարդատար մեքենա: Մկրտչյանը փոխառությունների արդյունքում ֆինանսական կարողություններ է հասցրել կուտակել՝ 10 հազար ԱՄՆ դոլար, առանձին-առանձին 97 հազար եվրո, 16 հազար ռուսական ռուբլի: Այս պահին նա ունի 25 հազար ԱՄՆ դոլար, 45 հազար եվրո եւ 10 մլն դրամ:

Մշակույթի ՀՀԿ-ական նախարար Արմեն Ամիրյանը ունի հինգ անհատական բնակելի տուն՝ հողամասի վրա կառուցված: Յուրաքանչյուրի հետ առկա է տնտեսական նշանակության կառույցներ: Առանձնատներից զատ ունի երեք տարբեր հասցեներում հողամասեր եւ երկու հասարակական նշանակության շինություն (բնակչության սոցիալական սպասարկման, ինչպես նաև վարչական ու հասարակական կազմակերպությունների տեղակայման համար նախատեսված): Ամիրյանը վարում է NISSAN ALTIMA 2.5 մակնիշի ավտոմեքենա: Ֆինանսական կարողությունները մյուս նախարարների համեմատ բավականին շատ են: Նա ունի մոտ 23 մլն դրամի բաժնետոմս, իսկ փոխառությունները կազմել են 120 մլն դրամ: Ամիրյանը հաշվին կա 14 մլն դրամ եւ 47 հազար ԱՄՆ դոլար:

Պաշտպանության նախարար Վիգեն Սարգսյանը հայտարարագրում նշել է մեկ բնակարան եւ մեկ ավտոտնակ, իսկ ֆինանսական միջոցներից՝ 15 մլն դրամ, 90 հազար ԱՄՆ դոլար եւ 4 հազար եվրո:

Սպորտի եւ երիտասարդության հարցերի նախարար Հրաչյա Ռոստոմյանը անշարժ գույքի բաժնում հայտարարագրել է ամառանոց, հասարակական նշանակության շինություն եւ բնակարան՝ բազմահարկ բնակելի շենքում: Նա վարում է թանկարժեք BMW X5 4.8 I մակնիշի մեքենա: Ունի 50 հազար ԱՄՆ դոլար եւ 9 մլն ՀՀ դրամ:

Սփյուռքի նախարար Հրանուշ Հակոբյանը երկու բնակարան ունի, մեկ՝ ավտոտնակ եւ հողամաս: Նախարարի դրամական կարողություններն ընդամենը 2 մլն դրամ է:

Տրանսպորտի եւ կապի նախարար Վահան Մարտիրոսյանի ունեցվածքն աչքի է ընկնում անշարժ եւ շարժական գույքերի առատությամբ: Նա մեկ հողամասի, մեկ առանձնատան, երկու բնակարանի, ավտոտնակի, ամառանոցի եւ մեկ հասարակական շինության  սեփականատեր է: Վերջինս ունի երեք ավտոմեքենա՝ MERCEDES-BENZ S500L 4 MATIC, MERCEDES-BENZ S 350 L եւ PORSCHE PANAMERA GTS 4.8 մակնիշների: Մարտիրոսյանի դրամական միջոցները եւս համեստ չեն: Ունի 67 մլն ՀՀ դրամ, 620 հազար ԱՄՆ դոլար եւ 320 հազար եվրո:

Ֆինանսների նախարար Վարդան Արամյանը չունի տներ, մեքենաներ: Նա միայն հայտարարագրել է 40 մլն ՀՀ դրամ եւ 40 հազար ԱՄՆ դոլար:

Տարածքային կառավարման եւ զարգացման նախարար Դավիթ Լոքյանն էլ ունի բնակարան, մեկ այլ անշարժ գույք, որը դեռ չունի պետական գրանցում եւ հանրային նշանակության շինություն: Լոքյանը մի քանի արժեքավոր բաժնետոմսերի սեփականատեր է: Դրանցից մեկինը 41 մլն 520 հազար դրամ է, մյուսին՝ 37 մլն 150 հազար, իսկ երրորդինը՝ 63 մլն 400 հազար: Կանխիկ դրամական միջոցները կազմում են 4 հազար ԱՄՆ դոլարը եւ 2 հազար եվրոն:

ՀՀ նախարարների կարողություններին զուգահեռ նշենք, որ 2014 թվականից յուրաքանչյուր նախարարի աշխատավարձ կազմում է բազային աշխատավարձի 12-ապատիկը (66.000 x 12=792.000):

Այս տվյալների համաձայն նախարարներից ամենահարուստներն են՝ մշակույթի նախարար Արմեն Ամիրյանը, ԿԳ նախարար Լեւոն Մկրտչյանը, արդարադատության նախարար Դավիթ Հարությունյանը, գյուղնախարար Իգնատի Առաքելյանը եւ տրանսպորտի նախարար Վահան Մարտիրոսյանը: 

Հիշեցնենք նաեւ, որ մեր երկրում բարձրաստիճան պաշտոնյաներն իրենց ունեցվածքը ձեւակերպում են այլ անձանց անուններով:

Տպել
6816 դիտում

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը

Գտնվել է առաջ քաշված խնդրի փոխզիջումային տարբերակ. տրանսպորտի փոխնախարար Ա. Փամբուխչյան

Հայ-շվեյցարական համագործակցության շրջանակը բավականին լայն է. Բաբլոյանը՝ Շվեյցարիայի Համադաշնության փոխնախագահին

ՀՀ սփյուռքի նախարարը հանդիպել է Եգիպտոսի վարչապետի հետ

Կանցկացվի ՀՀ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն

Ամերիկայի Հայ Ավետարանչական Ընկերակցությունն ու ՊՆ-ն կհամագործակցեն Սիրիայի հումանիտար օգնության հարցում

Իշխել հնարավոր է, եթե դու իշխանության մասնիկ ես. ԵԿՄ-ում թեժ զարգացումներ են

Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ԱԳՆ

Բնակիչների մեծ մասը չսատարեց այդ մոտեցմանը. ՀՀԿ-ն շնորհավորել է Երևանի նորընտիր քաղաքապետին

Մրցույթն ավարտվեց. Գյումրու ծննդատան նոր տնօրենը Էդգար Սուքիասյանն է

Բռնցքամարտի մարզիչներին ստիպում են Արթուր Գեւորգյանի դեմ դուրս գալ. նա պարզաբանում է