Շրի Լանկայում կարելի է ամուսնանալ մինչեւ 12 տարեկան աղջիկների հետ` հատուկ թույլտվությամբ

20/06/2017 schedule15:29

Շրի Լանկայում օրինական ամուսնության տարիքը 18-ն է, սակայն ամեն տարի հարյուրավոր մուսուլման անչափահաս աղջիկներ ամուսնանում են իրենց կամքին հակառակ: Մուսուլմանները Շրի Լանկայում կրոնական փոքրամասնություն են: Շատ հաճախ մուսուլմանական ընտանիքի ավագները ստիպում են 12-17 տարեկան աղջիկներին ամուսնանալ իրենց կամքին հակառակ մի տղամարդու հետ, ում նրանք կարող են նույնիսկ չճանաչել: Այսօր BBC-ն հրապարակել է 15-ամյա մի աղջկա պատմություն:

Շաֆան՝ Շրի Լանկայում բնակվող 15-ամյա աղջիկը, սիրահարվում է քննությունների համար պարապելու ընթացքում: «Իմ ծնողներին դուր չեկավ այդ փաստը: Նրանք ուղարկեցին ինձ քեռուս մոտ ապրելու»,- ասել է Շաֆան,- «Երբ ես սովորում էի այնտեղ, քեռուս ընկերներից մեկը շատ հաճախակի էր այցելում, և մի օր նա ասաց քեռուս, որ ուզում է ամուսնանալ ինձ հետ»:

Շաֆան հրաժարվում է առաջարկից, նա ուզում է ամուսնանալ այն տղայի հետ, ում արդեն սիրահարված է: Սակայն, չնայած նրա ժխտմանը, նրա քեռին ու կինը որոշում են ամուսնացնել նրան:

Երբ նա փորձում է խոսել քեռու հետ, պնդելով, թե չի ցանկանում ամուսնանալ, քեռին ծեծում է նրան, և նույնիսկ ասում է. «Եթե չանես մեր ուզածը, մենք ինքնասպան կլինենք»:

«Ես ձեռքերս կտրեցի, տեսնելով, որ ուրիշ տարբերակ չունեմ: Ես նաև փորձել եմ սպանել ինձ խմելով քեռուս դեղերը»,- ասում է արդեն 16-ամյա աղջիկը:

Երբ նա բուժվում է հիվանդանոցում, քեռին «կաշառում է բժիշկներին» և տանում աղջկան մասնավոր հիվանդանոց, մի քանի օր հետո էլ ամուսնացնում:

Շաֆան որոշում է մնալ իր երիտասարդ ամուսնու հետ, տեսնելով, որ ուրիշ տարբերակ չունի: Ամուսինը ծեծում է նրան հաճախակի, իսկ երբ Շաֆան տեղեկացնում է, որ հղի է «ամուսինը նրան նետում է գետնին»:

«Հետո նա ասաց ինձ, որ ինձ ցանկացել է միայն մեկ գիշերվա համար, և որ նա այլևս իմ կարիքը չունի»,- պատմել է Շաֆան:

Հիվանդանոց գնալուց հետո նա իմանում է, որ կորցրել է երեխային ամուսնու բռնությունների պատճառով: Ոստիկանությունը Շաֆայի պատմածներին և ասածներին լուրջ չի վերաբերվում և աղջկան հետ է ուղարկում:

Դեպքերից օրեր անց, նա հեռախոսազանգեր է ստանում: «Ինձ հարցնում էին՝ թե ինչքան պետք է վճարեն իմ հետ քնելու համար:»

Հետագայում պարզվում է, որ ամուսինը հրապարակել է նրա նկարը և հեռախոսահամարը համացանցում:

Աղջկա հայրը ցանկություն չունի խառնվել իր դստեր հետ տեղի ունեցող իրադարձություններին: Սակայն Շաֆան բախտավոր է, քանի որ նրա մայրը նրան տանում է հասարակական օգնության կենտրոն, չնայած այն փաստին, որ այդտեղ գնալը դեռ տաբու է համարվում: Կենտրոնի մասնագետները նրան հոգեբանական օգնություն են ապահովում:   

«Ես նրան ուղարկեցի քեռու տուն մի դեպքի պատճառով, և երբեք չէի կարծի, որ այսպիսի բաներ կարող են տեղի ունենալ նրա հետ: Ես վախենում եմ աղջկաս կրթության և անվտանգության համար, իր ամուսնու տարածած լուրերի պատճառով»,- ասում է Շաֆայի մայրը:

Շաֆայի ամուսինը դիմել է տեղի մզկիթին՝ փորձելով վերականգնել ամուսնությունը, սակայն Շաֆան մերժել է:

BBC-ն տեղեկացնում է, որ Շրի Լանկայում իրականում ամուսնությունների տարիքային սահմանափակում չկա, միակ սահմանափակումը այն է, որ մինչև 12 տարեկան աղջիկների հետ ամուսնանալու համար տղամարդիկ պետք է մզկիթից թույլտվություն ստանան:

Տպել
1199 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության