Մենք կով ունենք, վրացիները՝ ցիտրուս եւ վերջ. գյուղապետը՝ հայ-վրացական թամբալության մասին

Այսօր Գյումրիում ամփոփել են Հայաստան-Վրաստան Արևելյան գործընկերության Տարածքային համագործակցության ծրագրի արդյունքները: Հայկական եւ վրացական կողմերը ներկայացրել են, թե Եվրամիության կողմից տրամադրվող դրամաշնորհի շրջանակներում ինչ ծրագրեր են իրականացրել, որոնք նպաստել են աշխատատեղերի ստեղծմանը:

Մասնավորապես, Շիրակի մարզի Բավրա գյուղում, որը գտնվում է հայ-վրացական սահմանին՝ մեղվաբուծության ծրագիր են իրականացրել:

«Մենք իրականացրել ենք մեղվաբուծության ծրագիր, որը անտեսված ոլորտ է: 14 համայնքներում դասընթացներ կազմակերպեցինք, որտեղ շահառուները մրցութային կարգով մեղվաընտանիքներ ստացան եւ փորձեցին զարգացնել մեղվաբուծությունը: Սոցիալական խնդրից զատ մեղվաբուծությունը բնապահպանական խնդիր է նաեւ լուծում: Այն բուսատեսակները, որոնք առանց մեղվի օգնությամբ լավ չեն փոշոտվում ՝ բերքատվությունը լավ չի լինում»,-armtimes.com-ի հետ զրույցում ասում է Բավրայի համայնքապետ Կորյուն Սումբուլյանը:

Բավրան, գտնվելով Վրաստանի անմիջական հարեւանությամբ՝ ակտիվ ապրանքաշրջանառության մեջ է վերջինիս բնակիչների համար: Բավրայի համայնքապետը նշում է, որ ինչպես հայ, այնպես էլ վրացական գյուղերում բնակիչները քչով են բավարարվում, ավելիին չեն ձգտում:

«Բոլոր տեղերում էլ վատ աշխատողների մոտ թույլ տնտեսական զարգացվածություն է: Մենք ասում ենք՝ մի կով ունենք, յոլա կգնանք, վրացիներն էլ ասում են՝ ցիտրուս ունենք, մեզ հերիք է»,-նշում է գյուղապետը:

Որոշ հայ-վրացական ՀԿ-ներ էլ համագործակցության շրջանակներում միասին կարողացել են սեփական արտադրանքներով շուկա դուրս գալ: Համագործակցության շրջանակներում կառուցվել են  չրանոցներ, որը բնակիչներին հնարավորություն է ընձեռել սեփական մրգերը հեշտությամբ իրացնել:

Գյումրիում էին նաեւ Տարածքային կառավարման և զարգացման նախարարի տեղակալ Վաչե Տերտերյանն ու Վրաստանի Տարածքային զարգացման և ենթակառուցվածքների նախարարի տեղակալ Իրակլի Մատկավան: Վերջիններս, սակայն, որեւէ էական ասելիք չունեին, թե պետությունը գյուղացուն աջակցելու ի՞նչ նոր քայլեր է փնտրում:

Հայաստան-Վրաստան տարածքային համագործակցության ծրագրում Հայաստանից ներառված է 9135 քառ.կմ տարածք, իսկ Վրաստանից՝ 12,941: Ծրագրում ներառվել են հայ-վրացական սահմանի 225 կմ երկայնքով տեղակայված շրջանները՝ Հայաստանի Լոռին, Շիրակը և Տավուշը և Վրաստանի ՔվեմոՔարթլին և Սամցխե-Ջավախեթին: Ծրագիրը պաշտոնապես մեկնարկել է 2014 թվականի նոյեմբերին: Համագործակցության ծրագրի շրջանակներում Հայաստանում և Վրաստանում գործող 33 կազմակերպություններից բաղկացած 9 միջսահմանային կոնսորցիումների տրամադրվել են դրամաշնորհեր՝ լուծումներ առաջարկելու տարածքային զարգացման տարատեսակ հիմնախնդիրների:

Տպել
4589 դիտում

Վթար Երևանի Շիրակի փողոցում. վարորդներից մեկը տեղափոխվել է հիվանդանոց

Ով է հերոս եւ ով՝ հակահերոս

ՀՀ ԱԽ քարտուղարը նշանակման առթիվ շնորհավորել է ԱՄՆ նախագահի ազգային անվտանգության գծով խորհրդականին

Երեւանի Նոր Արեշ փողոցի բնակարաններից մեկում հայտնաբերվել է դի

ՀՀ կառավարությունը շահագրգռված է «Բոինգ» կորպորացիայի հետ փոխշահավետ համագործակցությամբ. վարչապետ

Ոստիկանապետի ժամանակավոր պաշտոնակատարը հանդիպել է Բելառուսի իրավապահների պատվիրակության հետ

Վարչապետն ընդունել է «HSBC International» Եվրոպայի զարգացման գծով տնօրենին

Եվրոպայի չեմպիոն Հարությունյանն ու Եվրոպայի Մ-23 չեմպիոն Թեւանյանն ըմբշամարտի ԱԱ-ից կգան առանց մեդալի

Գյումրու քաղաքապետ Սամվել Բալասանյանը գնեց մեծ կտավի իր 100 մասնիկը

Վերահսկվում է հակաանասնահամաճարակային միջոցառումների կատարման ընթացքը ողջ հանրապետությունում. ՍԱՏՄ

Նիկոլ Փաշինյանն այցելել է Հանրային հեռուստաընկերություն (տեսանյութ)

«Ազնիվ գողեր» ֆիլմը նկարահանվել է հեղափոխության ժամանակ, ու դժվարություններ են եղել. կայացավ պրեմիերան

Բացառում եմ երբեւիցե ԲՀԿ-ին եւ առհասարակ ցանկացած քաղաքական ուժի անդամակցություն. Արթուր Վանեցյան

Հրայր Թովմասյանի սանիկի ձերբակալումը ԱԺ-ի կողմից ՍԴ դիմելու որոշման հետ կապ չունի. Արարատ Միրզոյան

Հայբիզնեսբանկը «Արմենիա Էքսպո 2019» ցուցահանդեսի մասնակից

Հաղարծնի կոյուղաջրերի հեռացման համակարգի խնդիրը լուծվել է. բնակիչները դիմել էին հնարավոր բոլոր մարմիններին

Վանաձորում հնչած կրակոցները վրեժի հետեւանք են. հրազենային վիրավորում ստացածը նոր էր ազատվել բանտից

Պարզվել է Վանաձորում 27-ամյա երիտասարդի նկատմամբ սպանության փորձ կատարած անձի ինքնությունը. ՔԿ

21-րդ դարում 30 աշակերտ օգտվում է 19-րդ դարի զուգարանից. Սիփան Փաշինյանը՝ Տավուշի 3 գյուղերի դպրոցների խնդրի մասին

Այս տարի ԿԲ կողմից գնված արտարժույթը հասավ 398 միլիոն դոլարի. սա շատ լավ նորություն է. վարչապետ