Սերժ Սարգսյանը էլի հույսը դրել է Չինաստանի վրա. մեր տնտեսությունը Չինաստանին չի գրավում

Նախօրեին Սերժ Սարգսյանը խորհրդակցություն էր անցկացրել «հայ-չինական համագործակցության օրակարգի հարցերի շուրջ», որին մասնակցել է Չինաստանում ՀՀ դեսպան Սերգեյ Մանասարյանը: Այս իրադարձության վերաբերյալ տարածված պաշտոնական հաղորդագրությունը առաջին հայացքից սովորական է ու արտառոց ոչինչ չի պարունակում:

Բայց դա՝ միայն առաջին հայացքից: Խորհրդակցության ժամանակ Սերժ Սարգսյանի հայտնած մտքերը շատ կարեւոր իրավիճակ են բացահայտում: « Մեզ համար, իհարկե, շատ մեծ հետաքրքրություն է ներկայացնում Չինաստանի նախագահ Սի Ծինփինի կողմից նախաձեռնած «Մեկ գոտի, մեկ ճանապարհ» ծրագիրը, եւ այս ծրագրի իրականացման գործում մենք անպայման պետք է ակտիվ ներգրավվածություն ունենանք մեր մասով: Չինական ընկերություններն արդեն իսկ մասնակցում են Հյուսիս-հարավ ճանապարհի կառուցմանը, բայց մենք պետք է նաեւ անպայման դիտարկենք նրանց մասնակցությունը պետություն-մասնավոր համագործակցության տեսանկյունից: Եվ ես չեմ բացառում, որ չինական ընկերությունների հետաքրքրությունը՝ սեփական միջոցներով կառուցելու ճանապարհի մեկ հատվածը, կարող է շատ իրատեսական լինել, եւ դա մեզ համար կլինի այդ ներդրումների ներգրավում»,- խորհրդակցության ժամանակ, ըստ հաղորդագրության, ասել է Սերժ Սարգսյանը:

Ընդամենը երկու տարի առաջ` 2015 թվականի մարտին Սերժ Սարգսյանը պետական այցով մեկ-նել էր Չինաստան:  Մի հատված՝ Պեկինում նրա ունեցած ելույթից. «Հայաստանը ողջունել է Չինաստանի նախագահ պարոն Սի Ծինփինի կողմից առաջ քաշված Մետաքսի ճանապարհի տնտեսական գոտի ձեւավորելու վերաբերյալ գաղափարը: ... Հուսով եմ, որ մեր օրերի Մետաքսի ճանապարհի հայաստանյան հատվածով անցնող հարավային երկաթուղու կառուցման ծրագիրը կլինի մեկն այն նախագծերից, որ կոչված են նպաստելու նշյալ տնտեսական գաղափարի իրականացմանը: Այս առումով Հայաստանն ակնկալում է չինական ընկերությունների ակտիվ մասնակցությունը Հայաստան-Իրան երկաթուղու կառուցման գործում...»,- ասել էր Սերժ Սարգսյանը:

Երկու տարվա վաղեմության այս ելույթը բնույթով շատ նման է նախօրեի ելույթին, այնպես չէ՞: Միայն «Մետաքսի ճանապարհի» փոխարեն Սերժ Սարգսյանը խոսում է «Մեկ գոտի, մեկ ճանապարհ» ծրագրի մասին, իսկ Իրան-Հայաստան երկաթուղուն փոխարինել է «Հյուսիս-հարավ» ավտոմայրուղին: Ի՞նչն է այստեղ կարեւոր: Դե այն, որ Իրան-Հայաստան երկաթուղին արդեն դուրս է եկել շրջանառվող թեմաների ցանկից, նորություն չէ: Այդ մասին նույնիսկ ստանդարտ ելույթներում այլեւս չեն խոսում ահագին ժամանակ: Սերժ Սարգսյանի խոսքից պարզ է դառնում, որ Հյուսիս-հարավ մայրուղու կառուցումը նույնպես հարցականի տակ է: Խնդիրն այն է, որ տարիներ առաջ, երբ նոր էր ներկայացվում մայրուղու ծրագիրը, այն գնահատվում էր մինչեւ մեկ միլիարդ դոլար, որի ֆինանսավորումը վարկի տեսքով իրականացնելու էր Ասիական զարգացման բանկը: Մի ինչ որ պահից արդեն սկսեցին խոսել այն մասին, որ ծրագիրը ավատին հասցնելու համար կպահանջվի 1.5 միլիարդ դոլար: Հիմա արդեն կան ոչ պաշտոնական հաշվարկներ, որոնց համաձայն՝ եթե նույնիսկ 2 միլիարդ դոլարով ավարտենք, դա կլինի շատ մեծ հաջողություն: Ու եթե այդ 2 միլիարդը լինի վարկ, ապա դրա տակից մեր նվազ տնտեսությունը դուրս գալ չի կարող: Ու հիմա խոսվում է վարկի փոխարեն ներդրումներ բերելու մասին, որի արդյունքում ճանապարհի որոշ հատվածներ պետք է դառնան վճարովի: Գաղափարը, իհարկե, արժանի է քննարկման, եւ դրա մեջ արտառոց ոչինչ չկա: Բայց ամբողջ խնդիրն այն է, որ նման ներդրումներ անելու ցանկություն դեռ ոչ ոք չի հայտնել` ներդրումների վերադարձի հեռանկարները բիզնես տեսանկյունից չափազանց աղոտ են:

Արդյոք իրատեսակա՞ն է սպասել, որ Չինաստանը իր հզոր տնտեսությամբ եւ ֆինասական մեծ հնարավորություններով հանդես կգա որպես ներդրող: Այս հարցի պատասխանը գտնելու համար ուսումնասիրենք, թե որքանով է մեր տնտեսությունը հետաքրքրիր չինական ընկերությունների համար: Մի քանի վիճակագրական տվյալ: Անցած տարվա ընթացքում մեր տնտեսության մեջ չինական ներդրումների ծավալը կազմել է... 0 դոլար: Նախորդ տարվա ընթացքում չինական ներդրումների ծավալները կազմել են 0 դոլար....: Եվ այսպես շարունակ: Այլ կերպ ասած, չինական կապիտալի համար Հայաստանը հետաքրքրիր չէ: Իսկ գուցե մեր ապրանքներն են հետաքրքրում Չինաստանին: Ըստ պաշտոնական վիճակագրության՝ Հայաստանից Չինաստան արտահանման ծավալները անցած տարի կազմել են 96 միլիոն դոլար: Տպավորիչ թիվ է: Սակայն այդ 96-ից 63.1 միլիոնը պղնձի խտանյութն է, 32.6 միլիոնը` թանկարժեք մետաղների հանքաքար: Ստացվեց 95.7 միլիոն: Այսինքն, մենք Չինաստանին հետաքրքրող ապրանք չունենք:

Հայ- չինական հարաբերությունները բավականին ջերմ են, բայց դրանք ամենեւին տնտեսությանը չեն վերաբերում: Չինաստանը մեծ օգնություն է ցուցաբերել Հայաստանին: Մասնավորապես հսկայական դրամաշնորհներ է տրամադրել, որի հաշվին ձեռք է բերվել չինական գյուղտեխնիկա, տրանսպորտային միջոցներ եւ այլն: Սակայն այդ հարաբերությունները ոչ մի կերպ չեն տեղափոխվում բիզնես տրամաբանության մեջ: 

Մի խոսքով, չափազանց քիչ հավանական է, որ չինական կապիտալը կգա Հայաստան: Ամենեւին այնպես չէ, որ դա Չինաստանի ղեկավարության կայացրած ինչ- որ քաղաքական որոշում է: Պարզապես կոռուպցիան, բիզնեսի ու իշխանության սերտաճումը, օլիգոպոլ համակարգը մեր տնտեսությունը անհրապույր են դարձնում ներդրումների համար ընդհանրապես: Ու փոխանակ այս արատները վերացնելու ուղղությամբ քայլեր ձեռնարկելու՝ Սերժ Սարգսյանը նախընտրում է ելույթներ ունենալ անհավանական ծրագրերի մասին ու փորձում տպավորություն ստեղծել, որ ամեն ինչ արել է ներդրումներ ներգրավելու համար: Այդպես չի լինում. կապիտալը ականջներով չէ, որ առաջնորդվում է:

Տպել
5795 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում