Ծառուկյան դաշինքը չի բացառում Ելք-ի հետ համագործակցությունը. Վահե Էնֆիաջյան (տեսանյութ)

Ազգային Ժողովի «Ծառուկյան» պատգամավորական խմբակցության քարտուղար Վահե Էնֆիաջյանը չի բացառում, որ առաջիկայում կարող են համագործակցել «Ելք» խմբակցության հետ, սակայն դա չի կարող լինել ինքնանպատակ: Այս մասին Վահե Էնֆիաջյանն ասաց armtimes.com-ի հետ զրույցում:

- «Ծառուկյան» պատգամավորական խմբակցությունը հայտարարել է, որ ընդդիմադիր է, բայց ԱԺ նախագահի եւ փոխնախագահների քվեարկության ժամանակ քվեարկությունները տարբեր էին: Համաձա՞յն եք այն դիտարկման հետ, որ քվեարկություն արդյունքները այլ բան են ասում:

- Ես համաձայն չեմ ձեր ձեւակերպման հետ, արդեն իսկ ԱԺ Կանոնակարգ օրենքը հստակ սահմանում է քաղաքական ուժերի ներգրավվածությունը կառավարման գործընթացներում: Հետեւաբար, եթե այդ գործընթացներում ներգրավված չեն, ընդդիմադիր դաշտում են գործունեություն ծավալում: Մեր խմբակցությունը երբեւիցե դոգմաներով չի առաջնորդվել եւ եթե նկատեցիք, մեր քվեարկությունների ընթացքում մեր մոտեցումների հետ կապված հարցեր կան, որոնց դեմ քվեարկեցինք: Առհասարակ՝ նիստ գումարելու, տեխնիկական հարցերի հետ կապված մենք որեւիցե խնդիր չունենք: Ի վերջո, աշխատանքներ պե՞տք է իրականացվեն, նիստն իր գործառույթները պե՞տք  է իրականցնի՞, թե՞ ոչ: Ուրիշ աշխատանք այստեղ չեմ տեսնում:

- ԱԺ նախագահի ընտրության վերաբերյալ Միքայել Մելքումյանը հայտարարեց, որ խմբակցությունը քաղաքական որոշում ունի՝ ազատ են պատգամավորներն իրենց քվերակությունում…:

- ԱԺ նախագահի ընտրություններից տեւական ժամանակ է անցել, կյանքը շարժվում է առաջ, ես կարծում եմ շատ ավելի արդիական եւ նոր գործընթացներից է պետք խոսել, քանի որ այդ գործընթացի հետ կապված եւս մենք մեր կարծիքը, դիրքորոշումը հայտնել ենք:

- Քվեարկությունները չապացուցեցին, որ խմբակցությունը 100 տոկոս դեմ դիրքորոշում ուներ:

- Ձեր հարցերի մեջ այլ բովանդակություն կա եւ քանի որ դա նկատում եմ՝ պարզապես չեմ ուզում պատասխանել, որովհետեւ մենք պատասխան տվել ենք այդ հարցերի հետ կապված:

-Խորհրդարանում եւս մեկ ընդդիմադիր խմբակցություն կա, բացի «Ծառուկյան» խմբակցությունից, համագործակցություն….

- Այլ խմբակցությունն ինչ դիրքորոշում ունի, հարցերին ինչ մոտեցումներ ունի, կարող եք իրենց հարցնել: Մենք ինքնանպատակ ոչ համագործակցություն ենք տեսնում, ոչ էլ մեր դիրքորոշումը եղել է ինքնանպատակ: ՀՀ-ի խորհրդարանական պատմության մեջ «Բարգավաճ Հայաստան» խմբակցությունը «Ծառուկյան» դաշինքը՝ «Ծառուկյան» խմբակցությունը տվյալ պարագայում, երբեւիցե իր քայլերի մեջ, գործողություններում չի եղել ոչ հրապարակային: Մենք մեր բոլոր քայլերի հետ կապված հրապարակավ, սահմանված ժամանակահատվածում եւ կարգով ներկայացրել ենք:

- Քվեարկություններ կան, որոնք 2/3-րդով պետք է անցկանցել: Ուզում եմ հասկանալ՝ մյուս ընդդիմադիր խմբակցության հետ համագործակցության հետ կապված եզրեր կա՞ն:

- Բայց հիմա մենք խոսում ենք մի բանի մասին, որն, ըստ էության, այս պահի դրությամբ խորհրդարանում նման գործընթաց չկա, երբ որ կլինի, մենք մեր դիրքորոշումը կհայտնենք:

- Համագործակցության եզրեր տեսնո՞ւմ եք:

- Չի բացառվում, բայց հո ինքնանպատակ չի լինելու համագործակցությունը:

ՀՀ ԱԺ անդրանիկ նիստում՝ մայիսի 18-ին,  ԱԺ հաշվիչ հանձնաժողովի նախագահ Գագիկ Մելիքյանը հայտարարեց, որ ԱԺ նախագահի քվեարկությանը մասնակցել էր 100 պատգամավոր` 105-ից: Քվեարկության արդյունքներով Արա Բաբլոյանին կողմ էր քվեարկել 88, իսկ  Էդմոն Մարուքյանին` 12 պատգամավոր: Խորհրդարանի խոսնակի թեկնածուները երկուսն էին. ՀՀԿ-ն առաջարկել էր Արա Բաբլոյանի թեկնածությունը, իսկ «Ելք» դաշինքը՝ Էդմոն Մարուքյանինը:

Խորհրդարանի փոխխոսնակների դեպքում էլ քվեարկությունները հետեւյալ պատկերն են ունեցել՝ քվեարկությանը մասնակցել էր 100 պատգամավոր, Էդուարդ Շարմազանովին կողմ քվեարկել էր 84 պատգամավոր, դեմ՝ 13, անվավեր քվեաթերթիկների թիվը 3-ն է: Արփինե Հովհաննիսյանին կողմ էր քվեարկել 73 պատգամավոր, դեմ 22, անվավեր էր եղել 5 քվեաթերթիկ, իսկ Միքայել Մելքումյանին կողմ էր քվեարկել 65 պատգամավոր, դեմ՝ 29, անվավեր էր եղել 6 քվեաթերթիկ:

Տպել
16997 դիտում

Առավել ընդլայնել հայ-բրիտանական օրակարգը. Զոհրաբ Մնացականյանը հանդիպել է Սայմոն ՄքԴոնալդի հետ

Նոյեմբերյանի ոստիկաններն ապօրինի փայտանյութով բեռնատար են հայտնաբերել (տեսանյութ)

Լուսաձայնային հատուկ միջոցներ, ջրցան մեքենա. զորավարժություն ՀՀ ոստիկանության զորքերում (տեսանյութ)

Առաջիկայում Հայաստան կայցելի սերբական պատվիրակությունը. Արմեն Սարգսյանը հանդիպել է Սերբիայի նախագահին

Ծանրամարտիկ Հակոբ Մկրտչյանն արժանացել է սպորտի վաստակավոր վարպետ կոչման

ԵԱՀԿ դիտարկումն Ակնայից դեպի հարավ-արեւելք ընկած հատվածում նորմալ է անցել

Սիրիայում ազգությամբ հայ հայրն ու դուստրը պայքարում են թուրքական ներխուժման դեմ

Արթուր Ալեքսանյանը կացնով է կտրել իր ծննդյան տորթը (տեսանյութ)

Արդարադատության նախարարությունը ԵՄ-ի հետ հաջողությամբ իրականացնում է լայնամասշտաբ համագործակցություն. փոխնախարար

«Ես ի՞նչ էի անում դրսում, ինչու՞ մինչև հիմա այստեղ չեմ». Նորա Արմանի

Կրկին կոտրել են պատգամավոր Քրիստինե Պողոսյանի մեքենայի ապակիները, այս անգամ ԱԺ-ի տեսախցիկների մոտ (լուսանկար)

«Հյուսիս-Հարավ» ճանապարհի գործով կալանավորվել է ՀՀ տրանսպորտի և կապի նախկին նախարար Գուրգեն Սարգսյանը

Ազատազրկումն իրավաչափ չէ. ՄԻՊ-ը պարզաբանումներ է պահանջել ՀՔԾ-ից Արսեն Բաբայանի գործով

Դաժան սպանություն Երևանում. բնակարանում հայտնաբերվել է 64-ամյա տանտիրուհու՝ դանակի բազմաթիվ հարվածներ ստացած դին

ՀՀ ՊԵԿ-ի ներկայացուցիչները Դուշանբեում քննարկել են մաքսային իրավախախտումների դեմ արդյունավետ պայքարի հնարավորությունը

Օդի մեջ դատարկ-դատարկ հայտարարություններ են. Ծառուկյանը՝ Արման Բաբաջանյանի հաղորդման մասին

Արսեն Բաբայանին ձերբակալելու որոշումը բողոքարկվել է

Հայաստանի և Չինաստանի պաշտպանության նախարարները քննարկել են ռազմատեխնիկական բնագավառում իրականացվող միջոցառումները

Հանրային քննարկման է ներկայացվել Մարդու իրավունքների պաշտպանության ազգային ռազմավարությունը

Հայտնի են «Ոսկե գնդակ»-ի 30 թեկնածուները. գործող մրցանակակիրը չկա