Քաղաքական մեծ սկանդալ. ով ինչ շահեց, եւ ինչու է նյարդայնացել Սերժ Սարգսյանը

Հայաստանում այսօր առավոտից քաղաքական մեծ սկանդալի ենք ականատես լինում: Երեկ երեկոյան հայտնի է դարձել, որ մայիսի 13-ին Չեխիայի իրավապահ մարմինները ձախողել են իրենց երկրի տարածքում նախապատրաստվող «օրենքով գողերի» հերթական հավաքը: Եղել են ձերբակալություններ, այդ թվում` ձերբակալվել է հավաքի կազմակերպիչ ռուսատանաբնակ Ռուբեն Թաթուլյանը` Ռոբսոն մականունով: Վերջինս, ըստ հրապարակումների, Չեխիա է մուտք գործել հայկական դիվանագիտական անձնագրով: Ամիսներ առաջ սույն անձին բերման էին ենթարկել նաեւ Սոչիում ճանապարհատրանսպորտային կանոններ խախտելու համար, եւ այդ ժամանակ, ըստ ռուսական լրատվամիջոցների, նրա վարած Mercedes-Benz G3a  մեքենայի վրա եղել էր Հայաստանի դիվանագիտական 138 D 307 77  պետհամարանիշ:

ՌԴ-ում բնակվող եւ կրիմինալ գործունեություն ծավալած այս անձնավորության ձեռքին ՀՀ դիվանագիտական անձնագիրը եւ մեքենային` ՀՀ դիվանագիտական պետհամարանիշն իսկապես սկանդալ է: Հայաստանի ԱԳՆ-ն պետք է անպայման պարզաբանի, թե ինչպես է դա տեղի ունեցել: Պարզաբանումները պետք է տրված լինեին դեռեւս ամիսներ առաջ Սոչիի դեպքից հետո: Նման բան, սակայն, չենք հիշում: Այսօր էլ աշխատանքային օրն ավարտվում է, սակայն ԱԳՆ խոսնակ Տիգրան Բալայանը որեւէ կայքի հարցին չի պատասխանել, թե այդ ինչպես է նշյալ անձի ձեռքին ՀՀ դիվանագիտական անձնագիր հայտնվել:

Եվ ընդհանրապես, առավոտից ծավալվող քաղաքական սկանդալի հիմքում սա չէ: Պարզվում է, Ռուբեն Թաթուլյանը վարչապետ Կարեն Կարապետյանի և ռուսաստանցի մեծահարուստ հայ գործարար Սամվել Կարապետյանի հիմնադրած «Հայաստանի ներդրողների ակումբի» անդամ է: Այսինքն` մեկն այն մարդկանցից, ում վրա հենվելով՝ Կարեն Կարապետյանը պետք է փորձի 3 միլիարդ դոլարի ներդրման խոստումն իրականություն դարձնել:

Եվ ահա առավոտը հայկական լրատվական տիրույթը բացվել է մի քանի հոգեցունց վերլուծությամբ`արդյոք սա՞ է Կարեն Կարապետյանի հենարանը, նման կրիմինալների միջոցո՞վ է ՀՀ ներդրումներ բերելու, իսկ գուցե փողերի լվացմա՞մբ են զբաղվելու նրանք Հայաստանում, եւ ի՞նչ է վճարելու Հայաստանը Ռուսաստանին նման ներդրումների դիմաց: Մի խոսքով` ամոթ, հազար ամոթ Կարեն Կարապետյանին, եւ շատ ապրի Հովիկ Աբրահամյանը, որ նրան ժամանակին օտար վտակ եւ տեխնոլոգիական գործարանների խառնուրդային ջուր անվանեց:

Կարեն Կարապետյանի հակահարվածը, սակայն, շատ չուշացավ: Մինչ հայ հանրությունն ընկել էր տվայտանքների մեջ, թե ինչպես վարվել 3 միլիարդ դոլարի ներդրումների հետ, որոնց մեջ կարող են փաստորեն նաեւ արյունոտ փողեր լինել, արխիվներից հանվեց լուսանկար: Լուսանկարում Ռուբեն Թաթուլյանն է` Սերժ Սարգսյանի եւ Գագիկ Ծառուկյանի հետ: Լուսանկարը առնվազն 5-10 տարվա վաղեմության է:

Կարեն Կարապետյանն այսպիսով ասում է. ես ուր էի, երբ որ դուք այդ անձի հետ սեղան էիք նստում, վերջում էլ լուսանկարվում:  Ընդ որում, «Հայաստանի ներդրողների ակումբում» Ռուբեն Թաթուլյանի ներկայությունը բորբոքել է նաեւ ծառուկյանական թեւին, եւ լուսանկարը նաեւ նրանց հիշողության թարմացման համար է:

Այս ամենից եզրակացությունը վտանգավոր է. Սերժ Սարգսյանը Կարեն Կարապետյանի դեմ պայքարում կորցնում է ինքնավստահությունը, ցայտնոտային քայլերի դիմում: Սա կարող է լինել նաեւ Կարեն Կարապետյանի վերջին հայտարարություններից նյարդայնանալու արդյունք: Ավստրիական ռադիոյին տված հարցազրույցում Կարապետյանը ասել էր, որ 2018-ից հետո պատրաստ է ստանձնել ՀՀ ղեկավարությունը եւ խոսել էր իր ռուս ընկերների հնարավոր աջակցության մասին: Եթե այսօր ծավալված իրադարձությունները դրա պատասխանն էին, ապա բավականին անհաջող էին:

Տվյալ դեպքում, Սերժ Սարգսյանի համար ավելի նախընտրելի կլիներ աղմուկ չբարձրացնել Ռուբեն Թաթուլյանի եւ Կարեն Կարապետյանի հարաբերությունների շուրջ, որովհետեւ հրապարակված փաստերը եւ հակափաստերը հարցեր են առաջ բերում: Օրինակ`արդյո՞ք ռուսական շրջանակներում նախկինում Սերժ Սարգսյանի հենարանը եղած անձինք այժմ Կարեն Կարապետյանի կողմն են թեքվել: Այն, որ Կարապետյանը վայելում է պաշտոնական Մոսկվայի աջակցությունը, հայտնի էր, բայց արդյո՞ք Սերժ Սարգսյանը զրկվել է նաեւ այլ շերտերի միջոցով մանեւրելու հնարավորությունից:

Եվ ընդհանրապես, Կարեն Կարապետյանին մեղադրել ինչ-որ մեկի հետ ներդրումներ բերելու հարցում համագործակցելու մեջ, երբ այդ ինչ-որ մեկը Հայաստանի դիվանագիտական անձնագրով է պտտվում, ծիծաղելի է:

Հ.Գ. ՀՀ ԱԳՆ խոսնակ Տիգրան Բալայանը, այնուամենայնիվ, պատասխանեց կայքերից մեկի հարցին, թե ինչ հիմքով է Ռուբեն Թաթուլյանին ՀՀ դիվանագիտական անձնագիր տրվել: ««Հայաստանում տնտեսական զարգացման եւ ներդրումներ ներգրավելու ուղղությամբ գործունեություն իրականացնող Ռուբեն Թաթուլյանին ՀՀ դիվանագիտական անձնագիր տրամադրվել է օրենքով սահմանված կարգով»,- ասել է նա: Տվյալ դեպքում, իհարկե, լավ կլիներ, եթե պարզվեր, որ ինչ-որ մարդկանց ինքնագործունեության արդյունք է եղել:

Տպել
23622 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում