Վարդան Ղուկասյանը կգա Ազգային ժողով ու կասի, թե ում օգտին են հաշվել իր ձայները

Ապրիլի 2-ի խորհրդարանական ընտրություններին Շիրակի մարզի թիվ 11 ընտրատարածքից «Ծառուկյան» դաշինքի կողմից առաջադրված Վարդան Ղուկասյանը՝ Գյումրիի նախկին քաղաքապետը, համոզված է, որ իր ձայներից 3000-ը հաշվարկվել է նույն դաշինքով առաջադրված Վարդեւան Գրիգորյանի օգտին: Հիշեցնենք, որ Վ. Ղուկասյանն ընտրություններից հետո հայտարարություն էր տարածել, թե «իրականում ինքը հավաքել է 15 հազարից ավելի ձայն, բայց 3 հազարը վերագրել են այլ թեկնածուների»:

Կենտրոնական ընտրական հանձնաժողովի տվյալներով՝ Վ. Ղուկասյանը ստացել էր 12.452 ձայն, իսկ Վ. Գրիգորյանը՝ 14.312 ձայն, այսինքն՝ մոտ 2000-ով ավելի, քան նախկին քաղաքապետն էր ստացել:

Վարդան Ղուկասյանը գտնում է, որ այդ 2000-ը ու եւս 1000 քվեաթերթիկ քվեարկությունից հետո արդեն ձայների հաշվարկման ժամանակ պարզապես դրվել են Վ. Գրիգորյանի քվեաթերթիկների վրա:

Այնուամենայնիվ, «Ծառուկյան դաշինքը» Շիրակի մարզում այնքան ձայն է ստացել, որ թե Վ. Գրիգորյանը, թե Վ. Ղուկասյանը կարող են մանդատ ստանալ եւ պատգամավոր դառնալ:

Անգամ տեղեկություններ են շրջանառվում, թե Ազգային ժողովում Վ. Ղուկասյանի համար արդեն աշխատասենյակ է նախապատրաստվում: Վ. Ղուկասյանն այսօր մեզ հետ հեռախոսազրույցում չցանկացավ անդրադառնալ իր ձայները գողանալու հարցին, սակայն ըստ էության հաստատեց, որ մանդատը վերցնելու է: «Որ եկա՝ կասեմ: Ինչ հարցեր կունենաք՝ կտաք, ես կասեմ»,- ասաց նա:

Նշենք, որ այս խնդիրը կռվախնձորի առարկա է դարձել նաև Հանրապետական կուսակցության ռեյտինգային թեկնածուների միջև: Որոշ տեղեկությունների համաձայն ապրիլի 2-ից հետո նրանցից դժգոհները սեփական հետաքննություններ, ուսումնասիրություններ են անցկացնում: Ռեյտինգային թեկնածուներից շատերը գտնում են, որ իրենց ձայները նույնպես գողացվել և հաշվարկվել են նույն ընտրատեղամասում առաջադրված մեկ այլ ՀՀԿ-ական թեկնածուի օգտին:

Խնդիրն այն է, որ նրանց համոզմամբ, իշխանությունները նախապես որոշել են, թե տվյալ ընտրատեղամասից որ թեկնածուն պետք է մանդատ ստանա, ու ձայների հաշվարկի ժամանակ հենց նրա օգտին էլ աշխատել են: Հայտնի է, որ հանրապետության 13 ընտրատեղամասից յուրաքանչյուրում ՀՀԿ-ն առաջադրել էր 5-12 թեկնածու:

Դեռևս սահմանադրական փոփոխությունների նախաձեռնության ընթացքում էր հայտնի, որ ռեյտինգային ընտրակարգ ներդնելով՝ իշխանությունները ցանկանում են նրանց միջոցով առավելագույն ձայներ ստանալ: Այսինքն՝ մի ընտրատարածքում առաջադրելով այդքան թեկնածուներ և նրանց մեջ մրցակցություն ու հնարավորինս շատ ձայներ ստանալու ցանկություն հրահրելով՝ հաղթել: Իսկ թե արդեն թեկնածուներից ով պատգամավոր կդառնա, դա, ինչպես ասում են, տեխնիկայի հարց է:

Ասում են՝ «ձայներ գողանալու» այդ գործընթացը տեղի է ունեցել հենց տեղամասային ընտրական հանձնաժողովներում: Բնականաբար՝ հանձնաժողովների նախագահների գիտությամբ եւ բնակաբանար վերևներից իջեցված հրահանգով: Այդպիսով՝ ՀՀԿ-ն փորձել է նախապես որոշած թեկնածուների օգտին այնքան ձայն ապահովել, որ նրանք մանդատ ստանան:

Նույն այս մեախնիզմը գործել է նաեւ «Ծառուկյան» դաշինքի դեպքում: 

Ինչ վերաբերում է Վ. Ղուկասյանին, ապա նրա դեպքում ՀՀԿ-ն չի ցանկացել, որ նա՝ որպես օդիոզ դեմք, ԱԺ գնա ու փորձել է հնարավորինս դրա դեմն առնել: Բայց քանի որ նա բավականին շատ ձայներ է ստացել, ու «Ծառուկյան» դաշինքից էլ այդ ընտրատարածքում երրորդ ուժեղ թեկնածու չի եղել, չի հաջողվել այդ պլանն իրագործել:

Տպել
3307 դիտում

Հայաստանի և Ադրբեջանի ԱԳ նախարարները ԼՂ հակամարտության հարցով կհանդիպեն հունվարի 20-ին

Բանաձեւի ընդունումը հարգանքի տուրք է զոհերի հիշատակին և նրանց արժանապատվությանը. Զոհրաբ Մնացականյան

Ցեղասպանության բանաձեւի հեղինակ Մենենդեսը հուզվել է դրա ընդունումից հետո իր խոսքի ավարտին (տեսանյութ)

Մենք ոչ բանակ ունենք, ոչ զենք, ոչ գումար՝ այն գնելու համար. վրաց նախագահի սկանդալային հայտարարությունն ու արձագանքները

Քիմ Քարդաշյանն իր բոլոր հետեւորդներին կոչ էր արել զանգել սենատորներին, խնդրել կողմ քվեարկել Ցեղասպանության բանաձեւին

Պիտակների առկայությունը կփաստի, որ տնտեսվարողը սպառում է միայն անվտանգ մսամթերք

Խորը երախտագիտություն եմ հայտնում Սենատին այս նշանակալի օրենքի համար. Նիկոլ Փաշինյան

Նոր Հայաստանում կանայք և երիտասարդներն ազատ ու անկաշկանդ են ակտիվ ներգրավվելու թե՛ քաղաքականության և թե՛ այլ ոլորտներում

Նախկին վարչապետ Կարեն Կարապետյանը դարձել է ՌԴ Փորձագիտական խորհրդի նախագահության անդամ. ԻՆՏԵՐՖԱՔՍ

ԱՄՆ Սենատն ընդունեց Հայոց ցեղասպանությունը ճանաչող և դատապարտող բանաձևը

Մարզպետ Գնել Սանոսյանը բաց դաս է վարել Գեղարքունիք գյուղի միջնակարգ դպրոցում

Մանվել Գրիգորյանի կալանքի հարցով արդեն 10 միջնորդություն է ներկայացվել. Վերաքննիչում սկսվեց բողոքի քննությունը

Ավտոմեքենան դուրս է եկել ճանապարհի երթեւեկելի հատվածից և գլորվել ձորը. վարորդի վիճակը գնահատվել է ծանր

Էրեբունու ոստիկանները բացահայտել են ատամնաբուժական խանութից արված գողությունը (տեսանյութ)

«Արմավիր» ՔԿՀ-ում կանխվել է 3 գրամ մետամֆետամին տեսակի թմրամիջոցի փոխանցումը

Ֆինլանդիայի բանտում գտնվող հայ երկրպագուն արդարացվել է. 1-2 օրվա ընթացքում նա կլինի Հայաստանում

Բացահայտվել է Կարմիր բլուրում բնակարանային գողությունը. հեղինակը Մաուգլին է (տեսանյութ)

Շովրոյան փողոցի տան հրդեհը մեկուսացվել է. ԱԻՆ

ՃՏՊ Առինջ գյուղում. վնասվել է գազատարը

«SOAR աչքի շարժական կլինիկա»-ն կայցելի ՀՀ խնամքի հաստատություններ, կհետազոտվեն երեխաները