Քաղաքապետը տրանսպորտ չի նստում՝ ո՞նց է իմանում, թե ինչ վիճակում է տրանսպորտը. Ն. Փաշինյան

«Սիրելի հայրենակիցներ, Երեւանի հպարտ քաղաքացիներ, խոսում է «Ելք» դաշինքի կողմից Երեւանի քաղաքապետի թեկնածու առաջադրված Նիկոլ Փաշինյանը, եւ մենք այստեղ ենք «Ելք» դաշինքի քաղաքական թիմի ներկայացուցիչներով: Մենք եկել ենք ասելու, որ մայիսի 14-ին դուք հնարավորություն ունեք նոր թափ հաղորդելու դրական փոփոխությունների այն գործընթացին, որը ապրիլի 2-ին խորհրդարանական ընտրություններին սկսվել է «Ելք»-ի փոքր, բայց կարեւոր արդյունքի արձանագրմամբ: Եվ ուրեմն, մայիսի 14-ին գնացեք ընտրական տեղամասեր եւ Երեւան քաղաքում նոր քաղաքապետ եւ ավագանի ընտրելով՝ ձեւավորեք իրական հակակշիռ Սերժ Սարգսյանի եւ ՀՀԿ միահեծան իշխանության նկատմամբ»,- Երեւանի քաղաքապետի թեկնածու Նիկոլ Փաշինյանի այս եւ նմանատիպ կոչեր այսօր հնչում էին Երեւանի Արաբկիր համայնքում, որովհետեւ «Ելք» դաշինքն այսօր քարոզարշավի շրջանակներում այնտեղ էր:

Դիմելով արաբկիրցիներին՝ Փաշինյանը նշում էր, որ նրանք հնարավորություն ունեն հաղթանակ արձանագրելու, իրենց իշխանությունը հաստատելու Երեւան քաղաքում:

«Ելք» դաշինքի ցուցակի երկրորդ համարը ներկայացնող Արայիկ Հարությունյանն էլ վստահեցնում էր, որ իրենք վերահսկելու են բոլոր տեղամասերը, որպեսզի ապահովեն մարդկանց ազատ ընտրելու իրավունքը:

«Գլխավոր հարցը այն է, թե ում է պատկանում Երեւանը: Երեւանը պատկանում է ինչ-որ մեկի՞ն, ինչ-որ մի կուսակցությա՞ն, թե՞ Երեւանի բնակիչներին: Մենք «Ելք» դաշինքով, մեր քաղաքական թիմով պատրաստ ենք ստանձնելու Երեւանի կառավարման պատասխանատվությունը եւ հայտարարում ենք, որ ձեր քվեի միջոցով հնարավորություն կունենանք Երեւանի բոլոր բնակիչներին հավասարապես ներկայացնելու Երեւան քաղաքի կառավարման տարբեր մարմիններում: Դրա համար կոչ ենք անում՝ մայիսի 14-ին գլուխներդ բարձր, դուխներդ տեղը քվեարկեք «Ելք» դաշինքի օգտին»,- իր հերթին արաբկիրցիներին դիմում էր ավագանու թեկնածուներից Վիկտոր Ենգիբարյանը:

Նա նաեւ առաջարկում էր մայիսի 14-ին գնալ ընտրական տեղամաս եւ տուգանել Երեւանի գործող քաղաքապետ Տարոն Մարգարյանին՝ քանդված փողոցների եւ տգեղ բակերի համար: 

Լրագրողների հետ զրույցում Նիկոլ Փաշինյանն ասաց, որ քաղաքապետարանը տարեկան 1 միլիոն դոլար է ծախսում ծառայողական ավտոմեքենաների համար: «Այդպիսի բազմաթիվ ծախսեր կան: Երեւանի քաղաքապետարանի համակարգը ուռճացված է, ինչքան թաղային ընտրակեղծարար կա, տարել են պաշտոն են տվել կամ վարչական շրջանի ղեկավարի աշխատակազմում, կամ քաղաքապետարանում: Որ ասում են՝ ավելի լավ Երեւան, ես բերեմ օրինակ. Երեւան քաղաքում կա 810 կանգառ, որոնց կեսից շատը կանգառասրահ չունի, մի մասը կանգառի ցուցանակ էլ չունի: էդ ի՞նչ արդյունավետ կառավարում է, որ Տարոն Մարգարյանը 2010 թվից քաղաքապետ է, նույնիսկ հնարավորություն չի ստեղծել, որ մարդիկ ավտոբուսի սպասելիս անձրեւի տակ չկանգնեն: Այդպիսի բազմաթիվ օրինակներ. Երեւանում օդի կոնցենտրացիան նորման գերազանցում է, Երեւանում մեկ շնչին ընկնող կանաչ տարածքների թիվը միջազգային տրամանաբանական ստանդարտին կրկնակի զիջում է»,- ընդգծեց նա:

Լրագրողներից մեկը հետաքրքրվեց, թե արդյո՞ք քաղաքապետ ընտրվելու պարագայում Փաշինյանը երթուղային տրանսպորտով է երթեւեկելու.

«Մեր նախընտրական ծրագիրը կա, ծառայողական ավտոմեքենաների թիվը 70 տոկոսով կկրճատվի, դուք պարբերաբար ինձ կտեսնեք հասարակական տրանսպորտով երթեւեկելիս, ինչը կարող եք տեսնել պատգամավոր եղած ժամանակ: Առավել եւս քաղաքապետ եղած ժամանակ, որովհետեւ եթե քաղաքապետը տրանսպորտ չի նստում, ո՞նց է իմանում, թե ինչ վիճակում է քաղաքային տրանսպորտը: Օգնականները ծառայողական մեքենաներով գալիս են, լիֆտով բարձրանում են կաբինետ եւ զեկուցում, թե ժողովուրդը ոնց է երթեւեկում հասարակական  տրանսպորտով»,- ի պատասխան՝ ասաց Փաշինյանը:

Տպել
16286 դիտում

Մեծ պատիվ է. Համբարձումյանը՝ Մխիթարյանի բացակայության պայմաններում ավագի թեւկապը կրելու մասին

Թիմը դժվարությամբ էր ըմբռնում նոր մարզչի ասածները. ՀՀ ֆուտբոլի հավաքականի ֆուտբոլիստը՝ պարտության մասին

Նախկին պատգամավոր Ալիկ Պետրոսյանը կալանավորվեց. դատարանը հրապարակեց որոշումը

Տղաները մաքսիմում նվիրվեցին, բայց որակական առումով զիջեցինք. ՀՀ ֆուտբոլի հավաքականի մարզիչը՝ Հունաստանին պարտվելու մասին

Քիմ Քարդաշյանն ու Քանյե Ուեսթը վաճառում են իրենց առանձնատունը․ այն գնահատել են 3,5 միլիոն դոլար

Վերջ. ՀՀ ֆուտբոլի հավաքականը պարտվեց դժգույն խաղով ու պաշտոնապես հրաժեշտ տվեց Եվրո 2020-ին

Երեւանում 37-ամյա կինը լույս աշխարհ է բերել 11-րդ երեխային

Քեզ հետ ենք, Վենետիկ․ Իտալիայում ՀՀ դեսպանությունը զորակցություն է հայտնում հեղեղվող քաղաքի բնակչությանը

Նախագահ Արմեն Սարգսյանի հրամանով հետմահու Արիության մեդալով է պարգեւատրվել հրշեջ-փրկարար Սամվել Վարդանի Դևելյանը. ԱԻՆ

Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Նախագահ Արմեն Սարգսյանն ընդունել է Վրաստանի Համագործակցության հիմնադրամի նախագահին

Բազմամարդ բողոքի ակցիա Թբիլիսիում՝ արտահերթ ընտրությունների պահանջով. 2 օր է՝ երթեւեկելի պողոտան փակ է

Նախագահ Արմեն Սարգսյանը հյուրընկալել է Ղազախստանի խորհրդարանի Սենատի նախագահ Դարիգա Նազարբաևային

Գործկո՛մ, դո՛ւրս. ՀՀ ֆուտբոլի հավաքականի երկրպագուները պահանջում են ՀՖՖ գործկոմի հրաժարականը

Բացառվում է, որ ցանկապատի մեջ ապրենք. Մխիթար Սեբաստացի կրթահամալիրի աշակերտները կենդանի պատ են կազմել

Իսրայելը և Միացյալ Նահանգները ոչ մի բարեկամ չունեն. Հասան Ռոհանի

Վարչապետն ընդունել է Ղազախստանի խորհրդարանի Սենատի նախագահին

Բացահայտվել է Հայոց ցեղասպանության բանաձևն արգելափակած ամերիկացի սենատորի կապը թուրք լոբբիստների հետ

«Իմ Սարյանը» ցուցահանդեսը կշարունակվի մինչև նոյեմբերի 19-ը

ՃՈ-ն ուժեղացված ծառայություն է իրականացնում Ֆրանսիայի հրապարակում