Սկանդալային ձերբակալություն. ԵՄ գրասենյակում հանցավոր խո՞ւմբ է գործել, «տանիք» ունեի՞ն

27/04/2017 schedule14:32

Այսօր ՀՀ քննչական կոմիտեն տեղեկացրեց, որ ՀՀ-ում Եվրոպական միության պատվիրակության կողմից հատկացված դրամաշնորհի գումարներից առանձնապես խոշոր չափերի հափշտակություն է կատարվել, ինչի առիթով հարուցվել է քրեական գործ, կա ձերբակալված, հետախուզվողներ:

Ըստ հաղորդագրության, հանցագործությանը ներգրավված են եղել մեկ տասնյակից ավելի անձինք`ՀՀ-ում Եվրոպական միության պատվիրակության դրամաշնորհային ծրագրերի համակարգող Մարինե Պապյանի գլխավորությամբ:

Մարինե Պապյանը երեկ ձերբակալվել է: Որպես մեղադրյալ գործում ներգրավված անձինք են`Տիգրան Սուքիասյանը, Գևորգ Ղազարյանը, Ռուբինա Տեր-Մարտիրոսյանը, Արմեն Բարեղամյանը, Անահիտ Ավագյանը, Սերգեյ Բալասանյանը,  Դինա Մանուկյանը, Կարեն Ստեփանյանը, Թերեզա Դիլանյանը, Ալեքսանդր Պողոսյանը, ինչպես նաև Հրայր Գյոնջյանը, Գարիկ Չիլինգարյանը և Գեղամ Պետրոսյանը:

Գյոնջյանը, Չիլինգարյանն ու Պետրոսյանը գտնվում են հետախուզման մեջ:

Այս խումբը, համաձայն Քննչական կոմիտեի տարածած հաղորդագրության, կասկածվում է ԵՄ-ի կողմից Հայաստանին տրամադրած դրամաշնորհներից առանձնապես խոշոր չափերի գումար հափշտակելու մեջ:

Մի մասը, ըստ այդմ, մեղադրվում է ուղղակի հափշտակության համար, մյուսները` այդ գործընթացին օժանդակելու, փաստաթղթեր կեղծելու համար:

Առայժմ որեւէ հստակություն չկա, թե նշված անձանցից, ով կոնկրետ որ արարքի համար է ներգրավված քրգործում:

Հաղորդագրության մեջ բացակայում են նաեւ այնպիսի ուշագրավ մանրամասներ, թե ի՞նչ չափի գումարի մասին է խոսքը, ե՞րբ է կատարվել հափշտակության դեպքը, դա մեկանգամյա՞ արարք է եղել, թե՞ շարունակական պրոցես, այսինքն՝ ԵՄ հայաստանյան գրասենյակի աշխատակիցները տարիներ շարունակ յուրացրել են ՀՀ-ին տրամադրվող դրամաշնորհները, թե միայն մեկ անգամ:

Հայտնի չէ նաեւ`ձերբակալված Մարինե Պապյանը ԵՄ հայաստանյան գրասենյակում ներկայում աշխատում է, թե՝ ոչ: Հնարավոր է, որ նա, ինչպես նաեւ մեղադրանքի մեջ ներգրավված խմբի մյուս անդամները կամ նրանցից ոմանք, գրասենյակի նախկին աշխատակիցներ են:

Հայաստանում ԵՄ պատվիրակությունն առայժմ չի արձագանքել այս սկանդալային հաղորդագրությանը եւ որեւէ հայտարարություն չի արել:

Նշենք, որ 2008-2014 թվականներին ԵՄ-ն Հայաստանին տրամադրել է ավելի քան 240 միլիոն եվրոյի դրամաշնորհ: Ասել է թե` նշված քրեական գործի նյութերում հափշտակված գումարները ոչ թե հազարներով, այլ` 100 հազարներով են հաշվվում, գուցեեւ միլիոնավոր եվրոներով: 

Այս քրեական գործը սպառնում է լուրջ հարված հասցնել Հայաստան-ԵՄ հարաբերություններին, որովհետեւ կարող է հանկարծ պարզվել, որ նշված անձինք քաղաքական տանիք են ունեցել եւ սույն գործը Հայաստանում կոռուպցիոն դրսեւորումների ապացույցներից մեկը դառնա:

ՀՀ-ում կոռուպցիայի դեմ պայքարը ԵՄ պատվիրակության առաջնահերթություններից է, ինչի համար նաեւ ԵՄ-ն մեծ դրամաշնորհներ է տրամադրում: Իհարկե, տրագիկոմետիկ կլինի, եթե պարզվի, որ խոշոր չափի հափշտակությունը տեղի է ունեցել կոռուպցիոն ճանապարհներով, կոռուպցիայի դեմ պայքարի համար տրամադրված դրամաշնորհներից:

ՔԿ-ի  հաղորդագրությանն ամբողջությամբ կարող եք ծանոթանալ այստեղ:

Տպել
21588 դիտում

Մոտ ապագայում ՔԿՀ-ներում պահվող անձինք մասնագիտություն կստանան եւ կապահովվեն աշխատանքով. արդարադատության փոխնախարար

Մխիթարյանն ասել է, որ «Արսենալ»-ում մարզչի տակտիկան խանգարել է իրեն գոլեր խփել

Երեւանի քաղաքապետարանի միջոցներով նորոգվում են ստորգետնյա անցումներ

Հայաստանի եւ Թաթարստանի գիտությունների ակադեմիաների միջեւ կնքվել է համագործակցության համաձայնագիր

Երեք ոստիկան ազատվել է ծառայությունից, երկուսը ստացել խիստ նկատողություն (տեսանյութ)

Հայտնի է՝ երբ Ֆինլանդիայում կկայանա այնտեղ ձերբակալված հայ ֆուտբոլասերի դատը

Մարվել է Նոր Գեղի համայնքի կրպակում բռնկված հրդեհը. ԱԻՆ

Մի հատ նայեք՝ վերջին 10-15 տարին մենք որտեղ ենք եղել, դուք՝ որտեղ․ Բաբկեն Թունյանը՝ ընդդիմախոսներին

Հայտնի է ապօրինի որդեգրումներին մասնակից ՊՈԱԿ-ների անունները. օտարերկրացիները 2 տարում 2 մանկատնից 76 երեխա են որդեգրել

ՀԱՅԲԻԶՆԵՍԲԱՆԿԸ Վանաձորում անցկացրեց փոքր և միջին բիզնեսի զարգացման վերաբերյալ Բիզնես Ֆորում

Տավուշի ոստիկանները պայքարում են անտառահատման դեմ․ տնկվել է 1000 ծառ

Հերթական խեղված շունը, կենդանու վրա քիմիական նյութ են լցրել

Դատարանում սկսվել է պատգամավորի գործով տուժող Վյաչեսլավ Հարությունովի վերաբերյալ նիստը

Առանձնապես խոշոր չափերով գումար հափշտակելու համար մեղադրվող փաստաբաններն ազատ են արձակվել

Վարչապետին է ներկայացվել Հայաստանի պետական հետաքրքրությունների ֆոնդի գործունեության հաշվետվությունը

Հեղափոխական կառավարությունը ներկայացրել է պահպանողական պետական բյուջե․ սա, ըստ էության, նոնսենս է․ Բաբաջանյան

1 միլիոնից ավելի պարտք են մեզ. ընտանիքով աշխատել են «Սանիթեք»-ում, վերջնահաշվարկ ու արձակուրդային չեն ստացել

Աննա Հակոբյանն ու Դարիգա Նազարբաևան այցելել են քաղցկեղ և արյան հիվանդություններ ունեցող փոքրիկներին (լուսանկարներ)

Մոսկվայում սպանված բռնցքամարտիկը «օրենքով գող» Մասիվցի Անդիկի սպանության գործով որեւէ կարգավիճակ չուներ

Թուրքիայի զինապահեստներից մեկում 2 պայթյուն է որոտացել. կան վիրավորներ