«Սասնա ծռեր»-ի նման դեպքեր կլինեն եւ մի բան էլ ավելի վատ. Թորոս Սեֆիլյան

«... որ «Սասնա ծռերի» նման գործողություններ կլինեն՝ անպայման։ Կարող է լինել այլ անունով՝ գուցե ոչ «Սասնա ծռեր», ասենք՝ իքս, բայց ամեն վայրկյան նման գործողություններ հնարավոր են». օրերս կայքերից մեկի հետ զրույցում նման հայտարարություն էր արել «Հիմնադիր խորհրդարանի» առաջնորդ Ժիրայր Սեֆիլյանի եղբայրը՝ Թորոս Սեֆիլյանը: Փորձեցինք պարզել՝ պարոն Սեֆիլյանի հայտարարությունը հիմնված է տեղեկությա՞ն, թե վերլուծության վրա.

- Պարոն Սեֆիլյան, ինչո՞ւ եք կարծում, որ «Սասնա ծռեր»-ի նման գործողություններ էլի են լինելու:

- Նախ, առաջին հերթին իմ ցանկությունը չէ դա, պարզապես դա իմ հետեւությունն է այսօր մեր ունեցած կարգավիճակից: Տարիներ շարունակ մեր ազգը երազել է ունենալ սեփական երկիրը եւ երբ ունեցանք այդ երկիրը՝ չկարողացանք պահպանել մեր ինքնուրույնությունը: Այդ ամենը տարավ հասցրեց այն օրին, որ բոլորս ատելությամբ լեցուն իրար կոկորդ ենք կրծում: Այս ամենը տեսնելով ես հասկանում եմ, որ շատ մեծ է հավանականությունը, որ մոտ ապագայում լինի նման բան: Շուտով այս նոր (եթե կարելի է այդպես ասել) իշխանությունների դեմքը կմերկանա, որովհետեւ այս ձեւով շարունակել հնարավոր չէ: Դրա մասին է խոսքը, որ ես հավատում եմ եւ տեսնում եմ, որ «Սասնա ծռեր»-ի նման դեպքեր կլինեն եւ մի բան էլ ավելի վատ: Ամենացավալին այն կլինի, երբ այդպիսի խմբերը իրար հետ կապ չեն ունենա եւ յուրաքանչյուր մարդ կսկսի ինքնագլուխ գործել: Երբ մենք տարիներ շարունակ ասում ենք, որ փոքրաթիվ ենք, հնարավոր չէ մեր ազգի մեջ եղբայրասպանություն լինի, արյուն թափվի եւ այլն եւ այլն, դա չի նշանակում, որ իշխանությունները պետք է մեր այս գաղափարը շահագործեն: Ամեն բան իր չափն ու սահմանն ունի, չի կարելի 25 տարի շարունակ մեր հիանալի ազգի հետ այսպես վարվել: Ի վերջո մեր ժողովուրդը պետք է գիտակցի, որ իրավունք է նաեւ ուժի հասկացողությունը, իրավունքը միայն օդի մեջ խոսքեր կրակելը, հարցազրույցներով հանդես գալը չի: Արդարությունը միայն խոսքով չի կարելի պահանջել: Եթե պիտի շարունակենք մեր երկրում արդարությունը խոսքով պահանջել, մենք տեղ չենք հասնի: Մենք պետք է կարողանանք մեր տեսակը պարտադրելով, մեր տունը ավլել ու սրբելով դրան հասնենք:

- Ինչպե՞ս դա պետք է անել, այնպես, ինչպես «Սասնա ծռե՞րը»: Զենքո՞վ:

- Չէ, չէ, ես դա նկատի չունեմ, դա ծայրահեղ միջոց է եւ եթե նույնիսկ մոտ ապագայում մեր ժողովուրդը նման քայլի դիմի, թող դրա պատասխանը իշխանությունները ուրիշ տեղ փնտրեն: Դա կլինի ծայրահեղ դեպքում, բայց մինչ դա՝ գիտակցաբար պետք է կարողանայինք բոյկոտել ընտրությունները՝ իմանալով, որ ընտրություններով ոչ մի բան չենք կարող փոխել: Պետք է քաղաքավարի ձեւով (պարտադիր չէ զենքով) ժողովրդի մեջ տարածել, որ եթե դժգոհ են, պետք է դուրս գան փողոց: Դա չի նշանակում, որ փողոց դուրս գալով անպայման պետք է ջարդել, փշրել կամ արյուն թափել, հազար ու մի ձեւ կա: Մենք պետք է փորձենք գիտակից ուժերով միավորվել: Եթե այս ընտրություններից առաջ էլ միավորվեինք, մենք կհասնեինք այլ կետի եւ ոչ թե այս հանգրվանին:

- Ո՞ր ուժերը պետք է միավորվեին:

- Առաջին հերթին այն ուժերը, որոնք իրենց անվանում էին ընդիմություն: Այսօր մենք տեսնում ենք անողնաշար կուսակցություններ, իրենց այլ անուններ են կպցնում, իջնում են դաշտ: Բայց եթե օրինակ «Ելքը», այլ ուժեր միավորվեին...Ես ողջունում եմ իրենց երիտասարդ կազմը, առաջին անգամ այսպիսի երիտադասարդներ են ներգրավվել քաղաքական պայքարում եւ ոչ թե այն ուժերի պես, որ նախապես իշխանության մեջ էին, 3-4 ամսվա մեջ դարձան կուսակցություն: Եթե այդ գիտակցությունը ունեին, թող նախապես համագործակցեին առողջ ուժերի հետ: Ինչո՞ւ չարվեց, պետք է իրենց հարցնել: Այսօր հարց եմ տալիս. եթե իսկապես անկեղծ էին, ինչո՞ւ միայն վերջին ժամանակաշրջանում դուրս գտնվեցին իշխանությունից եւ ձեւավորեցին կուսակցություն:

- Նկատի ունեք Օհանյան-Րաֆֆի-Օսկանյան դաշինքի՞ն:

- Այո, այո:

- Փորձո՞ւմ եք դուք անձամբ քննարկումների մանսակցել, միավորման առաջարկներով հանդես գալ:  

- Ես Հայաստանում չեմ, եթե Հայաստանում լինեի՝ մի փոքր ավելի լիցք կհաղորդեի եւ լուսավորած կլինեի: Սա իմ հավատն է իմ ուժերի նկատմամբ: Ես դրսում տարածում եմ, որ այսպես չի կարելի, պետք է բռունցքվել, համախմբվել...

- Ինչո՞ւ Հայաստանում չեք:

- Ես դրսում մի քանի ծրագրեր ունեմ: Տեսնո՞ւմ եք ոնց են վարվում Ժիրայր Սեֆիլյանի հետ: Հասել ենք այն ժամկետին, որ վճիռը տան: Ո՞նց եք վերաբերում, որ ամբողջ կյանքը հայրենիքին նվիրած մարդու հետ այդպես են վարվում: Ժիրայրին պատանդ վերցրեցին ընտրություններից առաջ, որովհետեւ եթե ժիրայրը ազատության մեջ լիներ, այդ հարցը որ ինձ տվեցիք միավորելու մասին, լավ ուժերի հետ համագործակցելով ժիրայրին կհաջողվեր իրականացնել: Բայց իրենք դա իմանալով Ժիրայրին մեկուսացրին: Եթե ժիրայրի մեղքը կարողանան ապացուցել՝ ես այդ ժամանակ եւ ժիրայրին եւ նրա արածը կմոռանամ, բայց եթե շարունակեն իրենց դատախազներով այսպես գործ սարքել, մեր երկիրը երկիր չի դառնա:

Տպել
5226 դիտում

Մեծ պատիվ է. Համբարձումյանը՝ Մխիթարյանի բացակայության պայմաններում ավագի թեւկապը կրելու մասին

Թիմը դժվարությամբ էր ըմբռնում նոր մարզչի ասածները. ՀՀ ֆուտբոլի հավաքականի ֆուտբոլիստը՝ պարտության մասին

Նախկին պատգամավոր Ալիկ Պետրոսյանը կալանավորվեց. դատարանը հրապարակեց որոշումը

Տղաները մաքսիմում նվիրվեցին, բայց որակական առումով զիջեցինք. ՀՀ ֆուտբոլի հավաքականի մարզիչը՝ Հունաստանին պարտվելու մասին

Քիմ Քարդաշյանն ու Քանյե Ուեսթը վաճառում են իրենց առանձնատունը․ այն գնահատել են 3,5 միլիոն դոլար

Վերջ. ՀՀ ֆուտբոլի հավաքականը պարտվեց դժգույն խաղով ու պաշտոնապես հրաժեշտ տվեց Եվրո 2020-ին

Երեւանում 37-ամյա կինը լույս աշխարհ է բերել 11-րդ երեխային

Քեզ հետ ենք, Վենետիկ․ Իտալիայում ՀՀ դեսպանությունը զորակցություն է հայտնում հեղեղվող քաղաքի բնակչությանը

Նախագահ Արմեն Սարգսյանի հրամանով հետմահու Արիության մեդալով է պարգեւատրվել հրշեջ-փրկարար Սամվել Վարդանի Դևելյանը. ԱԻՆ

Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Նախագահ Արմեն Սարգսյանն ընդունել է Վրաստանի Համագործակցության հիմնադրամի նախագահին

Բազմամարդ բողոքի ակցիա Թբիլիսիում՝ արտահերթ ընտրությունների պահանջով. 2 օր է՝ երթեւեկելի պողոտան փակ է

Նախագահ Արմեն Սարգսյանը հյուրընկալել է Ղազախստանի խորհրդարանի Սենատի նախագահ Դարիգա Նազարբաևային

Գործկո՛մ, դո՛ւրս. ՀՀ ֆուտբոլի հավաքականի երկրպագուները պահանջում են ՀՖՖ գործկոմի հրաժարականը

Բացառվում է, որ ցանկապատի մեջ ապրենք. Մխիթար Սեբաստացի կրթահամալիրի աշակերտները կենդանի պատ են կազմել

Իսրայելը և Միացյալ Նահանգները ոչ մի բարեկամ չունեն. Հասան Ռոհանի

Վարչապետն ընդունել է Ղազախստանի խորհրդարանի Սենատի նախագահին

Բացահայտվել է Հայոց ցեղասպանության բանաձևն արգելափակած ամերիկացի սենատորի կապը թուրք լոբբիստների հետ

«Իմ Սարյանը» ցուցահանդեսը կշարունակվի մինչև նոյեմբերի 19-ը

ՃՈ-ն ուժեղացված ծառայություն է իրականացնում Ֆրանսիայի հրապարակում