Ծանոթանալու ժամանակ չունեն․ Ինչո՞ւ ՍԱՍ-ի Արտակին փուռը տվին

15/04/2017 schedule15:18

Հանրապետական կուսակցությունից խուսափում են մեկնաբանություններ տալ նախընտրական շրջանում ՍԱՍ գրուպում կատարված հավաքի ու հայտնի ձայնագրության վերաբերյալ:

Երեկ ողջ օրը փորձեցինք ՀՀԿ-ականներից որեւէ մեկից մեկնաբանություն ստանալ այդ ձայնագրության եւ այնտեղ հնչող նախընտրական սպառնալիքների վերաբերյալ, բայց բոլորը հավատացնում էին, թե տեղյակ չեն՝ ինչ է կատարվել, չեն լսել ձայնագրությունը, այն դեպքում, երբ այն նախօրեին էր հրապարակվել: Իսկ ձայնագրությունը ցույց էր տալիս, որ ՍԱՍ գրուպի սեփականատեր Արտակ Սարգսյանի մերձավորները, որոշ տեղեկությունների համաձայն, եղբայրը՝ Արամ Սարգսյանը, իրենց պատկանող ընկերությունների աշխատակիցներին ճնշում էր, որ ընտրություններին Արտակ Սարգսյանի համար ձայներ բերեն: Մամուլի հրապարակումների համաձայն, ՍԱՍ սուպերմարկետներից բացի, Սարգսյաններին են պատկանում նաեւ Baldi, Aldo, Next կոշիկների եւ հագուստի խանութները: Ձայնագրության համաձայն՝ Արտակ Սարգսյանի օգտին ձայն բերողները ֆինանսական փոխհատուցում կստանան, իսկ ձայն չբերողներին եղբայրը ծաղրում էր ու սպառնում ազատել աշխատանքից:

ՀՀԿ ԳՄ անդամ Ռուբեն Թադեւոսյանը, որը համակարգում էր կուսակցության նախընտրական գործընթացների որոշակի հատվածը եւ պարբերաբար մեկնաբանություններ անում, թե իրենց թեկնածուները խախտումներ թույլ չեն տալիս, ընտրակաշառք չեն բաժանում, երեկ մեզ հետ զրույցում ասաց, որ տեղյակ չէ մանրամասներից, քանի որ չի լսել ձայնագրությունը: ՀՀԿ խմբակցության ղեկավար Վահրամ Բաղդասարյանը, որ ի պաշտոնե լավ գիտի, թե ինչով են զբաղված իրենց պատգամավորները, երեկ Ազգային ժողովում բրիֆինգների ժամանակ նույնպես ասել էր, թե լավ ծանոթ չէ նյութին: «Ինձ թվում է` պետք է պարզվի՝ արդյո՞ք թեկնածուն տեղյակ եղել է այդ հավաքից, թե՝ ոչ: Կուսումնասիրեն, դրա մասին կխոսենք»,- ընդամենն ասել էր նա:

Սկանդալային այս ձայնագրությունը հետեւեց «Իրազեկ քաղաքացիների միավորում» կազմակերպության ղեկավար Դանիել Իոաննիսյանի ոչ պակաս սկանդալային հրապարակումներին: Վերջինս էլ ձայնագրել էր տասնյակ դպրոցների եւ ուսումնական հաստատությունների տնօրենների, թե նրանք ինչպես են աշխատում ՀՀԿ-ի համար, որքան ձայն են բերելու նրանց թեկնածուներին եւ այլն: Իոաննիսյանի հրապարակումից հետո ՀՀԿ-ում տեւական լռություն էր, խուսափում էին մեկնաբանություններ տալ, հետո միանգամից հակահարված սկսեցին, ընդհուպ մինչեւ 30 տնօրենների կողմից Իոաննիսյանին դատի տալը: Հիմա նույնպես ՀՀԿ-ում խորը լռություն է, բայց շուտով հավանաբար հակագրոհի կանցնեն եւ պատասխանատվության պահանջ կբարձրացնեն ոչ թե իրենց գործընկեր Արտակ Սարգսյանի, այլ այդ հավաքի ժամանակ գործադրվող սպառնալիքներն ու ճնշումները ձայնագրող անձի նկատմամբ: Վստահաբար կարելի է ասել, որ արդեն իսկ սկսվել է ներքին փնտրտուք, թե ով է այն համարձակը, որ նման հանդգնության է գնացել:

Երեկ ՀԱԿ-ՀԺԿ դաշինքը ընտրությունների արդյունքները վիճարկելու համար դիմեց Սահմանադրական դատարան. որպես ընտրությունները կեղծելու ապացույց ներկայացվել էր նաեւ այս ձայնագրությունը: Մենք փորձեցինք Կենտրոնական ընտրական հանձնաժողովի նախագահ Տիգրան Մուկուչյանից պարզել՝ արդյո՞ք այդ ձայնագրության մեջ հնչող սպառնալիքները, ցուցումները բավարար չեն, որ Երեւանի թիվ 2 ընտրատարածքում արդյունքներն անվավեր համարվեն: Մուկուչյանն ասաց, որ ընտրությունների արդյունքներն արդեն ամփոփել են: «Իսկ ինչ վերաբերում է ձայնագրությանը, ապա կարծում եմ, դա ներառված կլինի ՍԴ ներկայացվող դիմումի մեջ: Համենայնդեպս, հրապարակային հայտարարություններն են այդպես ասում: Ելնելով դատավարական խնդիրների տակտիկայից՝ այդ մասին դիտարկումներ կներկայացնենք դրանից հետո»,- շատ կարճ պատասխանեց Տիգրան Մուկուչյանը:

Ինչպես նշեցինք, բազմաթիվ հրապարակումներ են եղել, որ նման գործելաոճ դրսեւորել են ՀՀԿ-ի այլ ռեյտինգային թեկնածուներ եւս, ու դա ընդամենը մեկ դեպքի արձանագրումն էր: Երեկ սոցցանցերում քննարկվում էր վարկածը, որ միգուցե այդ ձայնագրությունը կազմակերպել է ոստիկանապետ Վլադիմիր Գասպարյանը, քանի որ նրա փեսան՝ ԱԺ պատգամավոր Արթուր Գրիգորյանը, թիվ 2 ընտրատարածքում ՀՀԿ-ի թեկնածուն է եւ Արտակ Սարգսյանի մրցակիցը: Արտակ Սարգսյանը, հսկայական փող ծախսելով, կարողացել է մոտ 2000 քվեով առաջ անցնել Արթուր Գրիգորյանից: Միգուցե Վովա Գասպարյանն այդպիսով իր վրեժն է լուծել Արտակ Սարգսյանից: Բայց մյուս կողմից էլ՝ ո՞վ ասաց, որ ոստիկանությունը կամ այլ ծառայություններ նման ձայնագրություններ չունեն նաեւ մյուս թեկնածուների դեպքում: Չէ՞ որ բոլորն էլ հավաքում են իրենց ազդեցության տակ գտնվող մարդկանց ու նման ցուցումներ կամ սպառնալիքներ հնչեցնում, որ իրենց համար ձայն բերեն:

Մենք արդեն գրել ենք, որ ՀՀԿ-ի ռեյտինգային բոլոր թեկնածուները միասին ստացել են 739.000 ձայն այն դեպքում, երբ կուսակցության ընդհանուր ձայները 770.000 էր: Այսինքն, ձայների առյուծի բաժինն այդ թեկնածուներն են բերել: Եվ նրանք տեղ ունեն հպարտանալու, դեռ մի բան էլ կուսակցության վրա մուննաթ գալու, որ իրենց շնորհիվ է ՀՀԿ-ն իշխանության մնացել կամ համամասնական ցուցակի ներկայացուցիչներին վերեւից նայելու, թե իրենց շնորհիվ են ընտրվել: Նման դրսեւորումներ, իսկապես եղել են անգամ դեռ նախընտրական շրջանում: Այդ վերաբերմունքը կարող էր խորանալ ընդհուպ մինչեւ կենտրոնական իշխանության նկատմամբ իրենց համար մեծ պահանջներ ներկայացնելը: Չի բացառվում, որ նման ձայնագրություններ անելու եւ դրանցից մի օրինակը հրապարակելու քայլով իշխանությունները պարզապես զգուշացնում են մյուսներին, որ հանկարծ սահմանը չանցնեն: Գլխավոր դատախազությունն էլ երեկ հաղորդագրություն էր տարածել, որ ուսումնասիրում է աղմկոտ ձայնագրությունը: Պարզապես միգուցե այս դեպքում զոհ ընտրվեց Արտակ Սարգսյանը:

 
Տպել
9293 դիտում

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան