Երևան
27 °C
Ապրիլի 2-ի խորհրդարանական ընտրությունների արդյունքում Հանրապետական կուսակցությունը ոչ միայն նորից միայնակ իշխանություն ձեւավորելու հնարավորություն ձեռք բերեց, այլեւ իր ներսում դարձավ առավել միակենտրոն, քան երբեւէ եղել էր:
Իշխանություններն ու առաջին հերթին Սերժ Սարգսյանն ի սկզբանե հոգ տարան, որ այս անգամ խորհրդարան գնան այնպիսի մարդիկ, որոնցից եթե ոչ բոլորը, ապա մեծամասնությունը անվերապահորեն գտնվում են իր ազդեցության ներքո: Եվ եթե նախկինում ՀՀԿ-ում կային բազմաթիվ թեւեր ու խմբավորումներ, որոնք թե՛ կառավարությունում, թե՛ Ազգային ժողովում որոշակի նեղ ազդեցության դաշտեր էին ունենում, ապա այս անգամ դա գրեթե վերացված է:
Հանրապետականում հիմա չկա Ռոբերտ Քոչարյանի թեւ, Հովիկ Աբրահամյանի թեւ, Կարեն Կարապետյանի թեւ եւ այլն: Այն հիմա գրեթե ամբողջությամբ գտնվում է Սերժ Սարգսյանի վերահսկողության տակ: Գործող խորհրդարանը նույնպես մեծ մասամբ գտնվում էր Սերժ Սարգսյանի ազդեցության ներքո, բայց դրանով հանդերձ կային նեղ խմբավորումներ, որոնք իրենց նախագահին ենթարկվելով հանդերձ՝ միմյանց հետ հակասություններ ունեին: Այս անգամ նման դրսեւորումները խստիվ սահմանափակվել են: Դա լավ է, թե վատ, այլ հարց է, բայց փաստ է, որ առաջին անգամ է նման իրավիճակ ստեղծվում: Եվ առաջին անգամն է, որ ՀՀ վարչապետը խորհրդարանում թիմ չունի:
Իհարկե, այս դեպքում էլ ՀՀԿ-ականները կարող են ասել, թե մենք ենք նրա թիմը, մենք ենք նրա հենարանը, նա մեր վարչապետն է, բայց դա վարչապետի համար հատկապես ԱԺ-ում բավարար չէ: Նա այնտեղ պետք է ունենա հավատարիմ պատգամավորներ, որոնք նրան ջանասիրաբար կպաշտպանեն քննադատություններից, որոնք նրան իր ծրագրերն ու նախագծերը ներկայացնելիս կաջակցեն ելույթներով ու հարցադրումներով: Իսկ ՀՀԿ-ում քիչ չեն եղել դեպքերը, երբ իրենց վարչապետին խանգարել են ԱԺ-ում, երբ դիտմամբ ԱԺ չեն եկել, որ բյուջեի համար քվեարկություն չապահովեն, տապալեն այն կամ կեղծիքներով անցկացնեն, երբ ՀՀԿ-ի ներսում թիմերի պայքարը կառավարության համար լուրջ խնդիրների էր հանգեցնում: Այդ մասին լավ կհիշի հատկապես Տիգրան Սարգսյանը:
Այնուամենայնիվ, եթե շատ առաջ չգնանք ու միայն Սերժ Սարգսյանի պաշտոնավարման ինը տարիների խորհրդարանները դիտարկենք, ապա այնտեղ աջակիցներ է ունեցել անգամ Կարեն Կարապետյանի նման թիմային հարաբերություններից ու քաղաքականությունից շատ գլուխ չհանող Տիգրան Սարգսյանը: ԱԺ-ում նրան աջակցում էին ՀՀԿ-ական պատգամավորներ Սամվել Նիկոյանը, Գագիկ Մինասյանը, Էդուարդ Շարմազանովը, Սուքիաս Ավետիսյանը, Լեռնիկ Ալեքսանյանն ու այլք: Նրան հաջորդած Հովիկ Աբրահամյանը վերահսկում էր խորհրդարանի կեսից ավելին՝ ՀՀԿ-ի մի մասին, «Բարգավաճ Հայաստան» եւ «Դաշնակցություն» խմբակցություններին ամբողջությամբ: Այդ առումով Կարեն Կարապետյանը ձեռնունայն է, եւ նա դա շուտով կզգա: Ավելին, չի բացառվում, որ ինչ-որ պահի ՀՀԿ-ականները նրան հարվածեն: Իսկ դա կլինի այն ժամանակ, երբ Սերժ Սարգսյանը որոշի, որ նա այլեւս պետք չէ իր իշխանությանը կամ, ավելի շուտ այն ժամանակ, երբ Կարեն Կարապետյանը որոշի, որ ուզում է մնալ իշխանության մեջ եւ 2018 թվականից հետո էլ վարչապետ լինել ու կհասկանա, որ մեր իրականության մեջ իշխանություն ունենալու կամ իշխանությանը մաս կազմելու համար սեփական մեծ ու ամուր թիմ է պետք ունենալ: Կարեն Կարապետյանի թիմ ունենալ-չունենալու մասին զրուցեցինք ՀՀԿ ԳՄ անդամ Գագիկ Մինասյանի հետ:
- Պարոն Մինասյան, ՀՀԿ-ում վարչապետների համար միշտ կարեւոր է եղել սեփական թիմ ունենալը, ինչպես ժամանակին ունեին Հովիկ Աբրահամյանն ու անգամ Տիգրան Սարգսյանը: Այդ առումով նա ամենաքիչ հնարավորություններ ունեցող վարչապետն է Սերժ Սարգսյանի երեք վարչապետների մեջ:
- ՀՀԿ-ում երբեք այդպիսի թիմեր չեն եղել, կարծում եմ: Չեն էլ լինի, որովհետեւ մեր կուսակցությունը միակենտրոն կուսակցություն է, եւ դա դրսեւորել է իր գործունեության ողջ ընթացքում: Դա գալիս է դեռեւս Ազգային միացյալ կուսակցությունից: Ձեր ասածն ընդհանրապես իրականությանը չի համապատասխանում: Ինչ վերաբերում է վարչապետին, ապա Կարեն Կարապետյանը մեր կուսակցության մեջ մեծ դիրք է գրավում, նա նախագահի առաջին տեղակալն է: Եվ այդ առումով նա թե՛ կուսակցության մեջ ընդհանրապես, թե՛ խորհրդարանում ու խմբակցությունում մասնավորապես ամենայն աջակցություն է վայելում:
- Կարծում եք, հիմա նա իրեն այնքան վստա՞հ է զգում, որքան զգում էր նշանակվելուց անմիջապես հետո: Հիմա նա կարծես թե կուսակցությունում գրեթե միայնակ է:
- Դուք պարզապես հիշեք մեր նախընտրական քարոզչության դրվագը եւ կտեսնեք, որ ողջ կուսակցությունը Կարեն Կարապետյանի հետ միասին իրականացնում էր նախընտրական քարոզչությունը: Բայց որպես հիմնական ֆիգուր, Կարեն Կարապետյանը մեր կուսակցության առաջին փոխնախագահն է: Սա եւս մի լրացուցիչ ապացույց է, որ ներդաշնակ է այն ամենն, ինչ կա մեր կուսակցությունում՝ նախագահ, նախագահի առաջին տեղակալ, մյուս տեղակալները, գործադիր մարմին, կուսակցության շարքերն ու խորհրդարանում խմբակցությունը:
- Նախընտրական քարոզչության ժամանակ Կ. Կարապետյանը պարզապես կատարեց այն առաքելությունը, որի համար դուք նրան հրավիրել եք Հայաստան ու նշանակել վարչապետ՝ ընտրություններին նրա դեմքով մասնակցելու:
- Բնության մեջ յուրաքանչյուր մարդ իր առաքելությունն է իրականացնում: Նույնը՝ նաեւ կուսակցությունում, ընտանիքում, ընկերության մեջ: Մեզանից յուրաքանչյուրը կուսակցությունում իր առաքելությունն ունի: Եվ կուսակցությունն ընդհանրապես մեր ազգի համար իր առաքելությունն է իրականացնում: Ընդհանրապես Աստված իր նպատակները երկիր մոլորակի վրա մարդկանց միջոցով է իրականացնում: Եվ այդ առումով բոլորս մեր խաչն ենք տանում, մեր առաքելությունն ենք իրականացնում: Եվ կուսակցությունը եւս ինքնանպատակ չէ ժողովրդի համար:
- Իսկ Աստված Կարեն Կարապետյանին ի՞նչ առաքելությամբ ուղարկեց Հայաստան:
- Այ, եթե գտնես ինչ-որ մեկին, որն Աստծո հետ ուղիղ կապ ունենա, այդ հարցը նրան կտաս:
- Միգուցե Նավասարդ Կճոյա՞նն ասի, կարծես թե նա է պահպանում ՀՀԿ-ի եւ Աստծո միջեւ կապը:
- Չեմ կարող ասել:
էկոնոմիկայի նախարարությունը նոր գլխավոր քարտուղար ունի․ վարչապետը որոշում է ստորագրել (լուսանկար)
Սահմանազատման սկզբնական փուլում Հայաստանն ու Ադրբեջանը նախնական համաձայնեցրել են սահմանագծի առանձին հատվածները․ ԱԳՆ
Օլաֆ Շոլցը և Ադրբեջանի նախագահը բանակցություններ կվարեն Բեռլինում
Առաջին անգամ Հայաստանի և Ադրբեջանի միջև, 4 գյուղի հատվածում, կլինի սահմանազատված պետական սահման. վարչապետի աշխատակազմ
Ռոստովի մարզում ձերբակալվել են Ադրբեջանի քաղաքացին և ևս 2 անձ․ Շահին Աբբասովը կասկածվում է սպանության մեջ
Ալիևը կմեկնի Մոսկվա՝ Պուտինի հետ բանակցությունների
Թուրքիայում կրկին երկրաշարժ է տեղի ունեցել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 19-ին
Ադրբեջանը խեղաթյուրում է Հայաստանի ներկայացրած փաստական ապացույցները․ Եղիշե Կիրակոսյանի ելույթը ՄԱԿ-ի դատարանում
Օդի ջերմաստիճանը չի փոխվի․ առանձին շրջաններում կարճատև անձրև կտեղա
Հայաստանում անհետ կորել է Ջաթին Շարման
Ռուբեն Վարդանյանը Բաքվում հացադուլ է հայտարարել. նա պահանջում է բոլոր հայ բանտարկյալների անհապաղ արձակումը
Գոռ Աբրահամյանը մեկնաբանել է Շենգավիթի քննչական բաժնում անձի խոշտանգման մասին տեղեկությունները
Բլոգեր Յուլիա Ֆինեսը անմեղսունակ է, կարիք ունի հարկադիր բուժման. ՔԿ-ն մանրամասներ է հայտնել խուլիգանության գործից
Հայաստանն ինքը դեռ չի գծել սահմաններն Ադրբեջանի հետ. Լավրովը վիրավորված խոսել է ՀԱՊԿ-ին ներկայացված պահանջների մասին
Հայաստանին ուզում են արագացված տեմպերով պոկել Ռուսաստանից, ԱՄՆ-ն ուզում է փակել ՀՀ ատոմակայանը. Լավրով
Կեղծ են տեղեկությունները, թե հիվանդանոցներում պետպատվերով բուժումները կասեցվել են. ԱՆ
«Արմավիր» ՔԿՀ-ում խցերից բջջային հեռախոսներ, տարատեսակ պարագաներ և արգելված այլ իրեր են հայտնաբերվել
Ահազանգը չի համապատասխանել իրականությանը. ՆԳՆ-ն՝ Սլավոնական համալսարանում ահաբեկչական սպառնալիքի մասին
Դեպի Ռուսաստան տանող Վերին Լարսի անցակետը բեռնատարների համար փակվել է
Վեճի ժամանակ սպանել է տարեց տղամարդուն, դիակը այրել և թաղել իր այգում. գտել են անհետ կորած տղամարդու մարմինը
Վարչապետը կարևորել է Հայաստանի և Գերմանիայի միջև համագործակցության շարունակական զարգացումը
Նաիրա Պետրոսյանը որոնվում է որպես անհետ կորած
Հայտնի է՝ երբ այս տարի կնշվի Վարդավառը
Սուրեն Շահվերդյանը դիմել է ոստիկանություն՝ հայտնելով, որ «Պոնչ»-ն իրեն սպառնում է, մեղադրում թրաֆիքինգի համար
Տեսա՞ք` ձուկը ոնց էին վաճառում, սաղ ազգն էսօր զինվոր ունի, բոլորս դուրս գանք փողոցում առևտուր անե՞նք. Գյուրզադյան
Ամբողջությամբ ապատեղեկատվություն է. Պետդեպը՝ Բրյուսելում ՀՀ-ի հետ ռազմական փաստաթուղթ ստորագրելու պնդումների մասին
«Սասուն Միքաելյանին զանգե՞մ, իմ մոտիկ ընկերն է», «Ում ուզում ես՝ զանգի». առևտրական ու պաշտոնյա
Ադրբեջանը հիմնահատակ քանդել է Շուշիի Կանաչ ժամ եկեղեցին՝ խախտելով ՄԱԿ-ի Արդարադատության դատարանի որոշումը
Նոր նշանակում ՀՀ քննչական կոմիտեում
Արուսյակ Մանավազյանը և Տաթևիկ Գասպարյանը մասնակցել են ԱՄՀ և ՀԲ խմբի խորհրդարանական համաշխարհային ֆորումին (լուսանկարներ)
Մարտին բնապահպանական խախտումների համար կասեցվել է 13 տնտեսվարող սուբյեկտի գործունեություն
Երևանի քաղաքապետարանը աշխատանք է առաջարկում փողոցային առևտրով զբաղվողներին. մայթերից հավաքվում է վաճառվող ապրանքը
Ողբերգական դեպք Երևանում. հայտնաբերվել է տղամարդու մարմին
Փոխվարչապետ Մհեր Գրիգորյանն ազատել է իր օգնականին և նշանակել խորհրդական
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
© 2024 Հայկական ժամանակ