Եթե ՌԴ-ի եւ ԱՄՆ-ի միջեւ Սիրիայում տեղի ունենա բախում՝ մենք կներքաշվենք դրա մեջ. քաղաքագետ

ԱՄՆ-ի ռազմածովային ուժերի կողմից Սիրիայի Հոմս նահանգում տեղակայված Շայրաթ ռազմակայանին այսօր հասցված հրթիռային հարվածներից հետո ռուս-ամերիկյան հարաբերությունները թեւակոխել են լարվածության նոր փուլ: Համենայնդեպս, այդպես է երեւում արտաքուստ, թեեւ տեսակետներ կան, որ ՌԴ-ի եւ ԱՄՆ-ի գործողությունները համաձայնեցված են: Այդ կարծիքին է նաեւ քաղաքագետ Գագիկ Համբարյանը:  

- Պարոն Համբարյան, Սիրիայում քիմիական զենքի օգտագործումից հետո ստեղծված իրավիճակը, Ամերիկայի հրթիռային հարվածները, Ռուսաստանի այսօրվա կոշտ գնահատականը ինչո՞վ կավարտվեն: Սա կարո՞ղ է վերածվել երրորդ համաշխարհային պատերազմի:

- Եթե Ռուսաստանի եւ ԱՄՆ-ի միջեւ Սիրիայում տեղի ունենա անմիջական բախում, այսինքն ռուսական ուժերը արձագանքեն ամերիկյան հարձակումներին Սիրիայի տարածքում, ապա կարող է դառնալ երրորդ աշխարհամարտի սկիզբ եւ դրա մեջ կներքաշվենք նաեւ մենք՝ որպես Ռուսաստանի դաշնակից: Բայց այն, ինչ տեղի է ունեցել այսօր առավոտյան Սիրիայում՝ ես համարում եմ ռուս-ամերիկյան խրախճանք Սիրիայի տարածքում:

- Ինչո՞ւ:

- Առաջինը, ոչ ոք չի հարցնում, թե Լաթակիայի ռազմաբազայի մոտ տեղակայված S-300 զենիթահրթիռային կայանները ինչու չեն հակադարձել հարձակումներին եւ եթե հակադարձել են, ապա ինչո՞ ւ է այսպիսի անարդյունավետություն գրանցվել: Ինչո՞ւ ռուսական կողմը, որ իր վրա է վերցրել Սիրիայի անվտանգության ապահովումը՝ չի հակադարձել ամերիկացիներին: Սա առաջին դեպքը չէ, որ այլ պետություններ հարվածում են Սիրիայի տարածքին. վառ օրինակը նույն Իսրայելն է: Բացի այդ, բավական երկար ժամանակ պաշտոնական Ամերիկան տեղյակ է պահել ռուսներին, որ մտադրություն ունի հարվածել սիրիական ռազմաբազաներից մեկին եւ այսօր երեկոյան նոր Պեսկովը հայտարարում է, որ ամերիկյան կողմը տեղյակ է պահել: Եթե ամերիկյան կողմը տեղյակ է պահել եւ ռուսները չեն արձագանքել Ամերիկայի ագրեսիային կամ չեն զգուշացրել, որ հակահարված կլինի՝ այստեղից հետեւություն. ռուսները եւ ամերիկացիները համագործակցում են Սիրիայում տեղի ունեցող իրադարձությունների շուրջ: Եվ սա նորություն չէ: Վերջին շրջանում նույն Սիրիայում խոսք է գնում թուրք-ռուսական համագործակցության մասին, երբ որ Ռուսաստանը թույլ տվեց, որ թուրքական բանակի օգնությամբ Սիրիայի հյուսիսում գտնվող «Ջեբհաթ ան-Նուսրա» ահաբեկչական խմբավորումները, ինչպես նաեւ Սիրիայի ընդդիմադիր շարժումների ահաբեկչական խմբավորումները ազատագրեն Հալեպից ոչ հեռու գտնվող Ալ-Բաբ քաղաքը: Այսինքն, այստեղ Ռուսաստանը բազմակողմանի խաղ է տանում ե՛ւ Թուրքիայի ե՛ւ ԱՄՆ-ի հետ: Եվ ամերիկյան այս վերջին հարձակումից հետո կարծիք է ստեղծվում, որ Ռուսաստանը փորձում է Թրամփին ձերբազատել ռուսական դրածոյի կոչումից: Հիմա Պուտինը եւ Թրամփը խաղեր են տանում, որ տեսեք-տեսեք ԱՄՆ-ն հարվածում է Սիրիային, իսկ Ռուսաստանը դրանից զայրանում է:

Կարող է լինել նաեւ մեկ այլ տարբերակ. եթե այդ խաղը չէ, ապա Սիրիայում ԱՄՆ-ն ֆորսմաժորային իրավիճակ ստեղծելով, ռմբակոծելով ռազմաբազան՝ ուղղակիորեն նվաստացրեց Ռուսաստանին՝ ցույց տալով միջազգային հանրությանը, որ Ռուսաստանը ոչինչ չի կարող անել ԱՄՆ-ի դեմ: 

- Կան տեսակետներ, որ Սիրիայում քիմիական զենքը ոչ թե Բաշար ալ Ասադն է կիրառել, այլ ԱՄՆ-ն, որպեսզի պատրվակ ունենա Սիրիայում Ռուսաստանի դեմ գործողություններ իրականացնելու:

- Առաջին անգամ չէ, որ այնտեղ օգտագործվում է քիմիական զենք: Այն, որ սիրիական զորքերը կարող էին քիմիական զենք օգտագործել ԻԳԻԼ-ի մոտ գտնվող քաղաքի մոտ, անտրամաբանական է: Բաշար ալ Ասադը հիմար չէ, նա շատ լավ գիտի, որ միջազգային հանրությունը ուշի ուշով հետեւում է, որ սխալ կատարի, մեղադրեն ռազմական հանցագործությունների մեջ: 6 տարի շարունակվող պատերազմում Բաշար Ալ Ասադը չէր կարող հենց այդ պահին սխալվել, երբ սիրիական բանակը բավական մեծ հաջողությունների է հասել, ազատագրել Հալեպը եւ այլն: Սա ամերիկյան ձեռագիր է: Պետք չէ մոռանալ, թե Սադամ Հուսեյնին ինչ պատրվակով գահընկեց արեցին եւ սպանեցին: Նույը Լիբիայի վրա հարձակումը: Իրաքին մեղադրում էին քիմիական զենք օգտագործելու մեջ: ԱՄՆ-ն այս մեթոդներով է հաշվեհարար տեսնում այն երկրների ղեկավարների հետ, որոնք չեն վարում ամերիկամետ արտաքին քաղաքականություն:

- Պարոն Համբարյան, ըստ ձեզ ինչո՞վ կավարտվի Ռուսաստանի եւ ԱՄՆ-ի այս խրախճանքը, ինչպես դուք անվանեցիք տեղի ունեցողը:

- Իմ կարծիքով, անդրկուլիսյան բանակցությունների միջոցով կփորձեն մեղմել իրավիճակը: Ռուս-ամերիկյան բանակցություններ տեղի կունենան եւ ռուսներն ու ամերիկացիները կփորձեն պահպանել այն ստատուս քվոն, որ կա:

Տպել
13124 դիտում

Լիբիայի ազգային բանակը հայտարարել է՝ Թուրքիան նավահանգստով զենք է մատակարարում Լիբիային

Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

Ալավերդու պարեկային ոստիկանները ապօրինի ծառահատման դեպք են բացահայտել (տեսանյութ)

Կորոնավիրուսը տարածվում է անհավատալի արագությամբ. հետեւանքները ծանր կլինեն Չինաստանի համար. Ծինփին

Ստեղծվել է Տավուշի զբոսաշրջության միասնական հարթակ

Շուկայի վերահսկողության տեսչական մարմինը 2019 թվականին 277 ստուգում է իրականացրել

Թրամփն առաջին պաշտոնական այցով Հնդկաստանում է. բուռն ընդունելություն եւ մեծ սպասումներ

ԿԸՀ-ի պաշտոնական www. elections.am կայքում այօր տեղադրվել են քվեարկությանը մասնակցող անձանց ցուցակները․ Բիչախչյան

Մեկնարկում է 2020 թվականի «Լավագույն մարզական ընտանիք» հանրապետական մրցույթը

Առողջապահության նախարարությունը 160 հազար բժշկական դիմակ է պահեստավորել

Բերման ենթարկվածների մոտ հայտնաբերվել է ծալովի դանակ, «G 231» և «Ակինետոն» գրառմամբ հաբեր, մարիխուանայի նմանվող զանգված

Երկշաբաթյա ժամկետով սահմանափակվել են Հայաստան-Իրան օդային փոխադրումները. ՀՀ Քաղաքացիական ավիացիայի կոմիտե

Իջևանի ոստիկանները բացահայտել են էլեկտրոնիկայի խանութից կատարված գողությունը․ 33-ամյա տղամարդը կալանավորվել է

Հրդեհ Բաղրամյան պողոտայում. դեպքի վայր է մեկնել հրշեջ-փրկարարական ջոկատից մեկ մարտական հաշվարկ

Քննարկվել է ճանապարհային քարտեզով 2020 թվականի համար նախատեսված միջոցառումների իրականացման ընթացքը

Եղանակը տաքանալուն զուգահեռ կորոնավիրուսը կնահանջի՞, ինչը հատուկ է գրիպին. ԱՆ պաշտոնյայի մեկնաբանությունը

Մարտի 1-ի գործով Հովհաննես Ղազարյանն արդարացվել է` հանցակազմի բացակայության հիմքով

Ոստիկանները գրպանահատներին բերման են ենթարկել ու հայտնաբերել գողացված դրամապանակները. (տեսանյութ)

Ընդդիմախոսներն ասում են՝ սուպերվարչապետություն պետք չէ, բայց թվում է՝ ենթագիտակցորեն դա են ցանկանում. ԿԳՄՍ նախարար

ԲՀԿ-ական նախկին պատգամավոր Արթուր Մանուկյանն առերեսվել է իր և Նարեկ Սարգսյանի դեմ հաղորդում տված Հակոբ Հովհաննիսյանի հետ