Նորընտիր Ազգային ժողովի առաջին նիստի ժամկետը կփոխվի. «Կոնգրես-ՀԺԿ» դաշինքը դիմում է ՍԴ

Ապրիլի 2-ի խորհրդարանական ընտրություններին մասնակցած «Կոնգրես-ՀԺԿ» դաշինքն այսօր հանդես եկավ հայտարարությամբ՝ տեղեկացնելով, որ պատրաստվում են Սահմանադրական դատարանում վիճարկել ընտրությունների արդյունքները: Մինչ ՍԴ դիմելը, սակայն դաշինքը դեռ պետք է ԿԸՀ-ում վիճարկի դրանք: ՀԱԿ-ի լիազոր ներկայացուցիչ, փաստաբան Տիգրան Եգորյանը մեզ հետ զրույցում ասաց՝ չի կարծում ԿԸՀ գործելակերպում փոփոխություն եղած լինի:

- Պարոն Եգորյան, ե՞րբ եք պատրաստվում Սահմանադրական դատարան դիմել:

- Դեռ միայն ԿԸՀ ենք դիմել: ՍԴ դիմում ներկայացնելու վերջնաժամկետը մինչեւ ապրիլի 14-ն է: Եթե ԿԸՀ-ն որոշումը չբավարարեց՝ Սահմանադրական դատարան կդիմենք:

- Բողոքն ի՞նչ նպատակ ունի:

- Այս բողոքի իմաստն այն է, որ Սահմանադրության 2-րդ հոդվածի ապահովմամբ ձեւավորվի Ազգային ժողովը, օրենսդիր իշխանությունը: Դրա նպատակն այն է, որ որքան հնարավոր  է ընտրությունների արդյունքներն ապահովեն ժողովրդի կամքը եւ ոչ թե հակառակը: Դրա նպատակն այն է, որ եթե կա ընտրությունների, ընտրական որեւէ գործընթացի վերաբերյալ վեճ, կասկած կամ այնպիսի փաստ, որ ենթակա է քննության, այն քննվի եւ անդրադառնա այդ ընտրության վրա: Դրա միակ իրավաչափ նպատակն է ժողովրդի իշխանության ապահովումը, Սահմանադրության երկրորդ հոդվածի կյանքի կոչումը:

- «Կոնգրես-ՀԺԿ» դաշինքի հայտարարությունում նշվում է, որ «2017 թվականի ապրիլի 2-ի Ազգային Ժողովի ընտրություններն անցան իշխանության կողմից կազմակերպված զանգվածային եւ համակարգված օրինախախտումների կիրառությամբ»: Իշխանությունները միշտ ասում են՝ փաստեր ցույց տվեք, փաստեր: Կա՞ն, արդյոք, այդ փաստերը:

- Ամբողջ բողոքը էսպես, թե էնպես հենված է փաստերի վրա: Կարելի է ասել՝ դա մի մեծ փաստերի շարադրանք է, որն առաջադրվում է ԿԸՀ-ին եւ պահանջ է ներկայացվում դրանք արդյունավետ քննության ենթարկել եւ գնահատել դրանց ազդեցությունը առանձին տեղամասերում քվեարկության կամ ընտրությունների վրա:

- Օբյեկտիվ լինելու դեպքում ԿԸՀ-ն կբավարարի՞ ձեր դիմումը:

- Օբյեկտիվ լինելու դեպքում.... ճիշտն ասած, չէի մտածել: Նոր Կենտրոնական ընտրական հանձնաժողովը, որը փաստորեն հին Կենտրոնական ընտրական հանձնաժողովն է, նոր վարքագիծ չի դրսեւորի:

- Նկատի ունեք, որ ինչպես նախորդ դեպքերում՝ այս դեպքում ե՞ւս կգնա մերժման:

- Իմ կարծիքը ես ասացի, չեմ պատկերացնում, որ ինչ-որ էական բան փոխված լինի նոր ԿԸՀ մոտեցումների եւ աշխատաոճի մեջ, քանի որ ամբողջությամբ, ըստ էության, հին ԿԸՀ-ն է: Բայց տեսնենք, տեսնենք:

- ՍԴ-ից ինչպիսի՞ն են ձեր սպասելիքները:

- Դե, ՍԴ դիմում են ԿԸՀ որոշումը չեղյալ համարելու համար, մինչեւ այդ որոշումը չկայացվի՝ չենք կարող դիմել ՍԴ:

Հիշեցնենք, որ ընդամենը երկու օրից՝ ապրիլի 9-ին նորընտիր պատգամավորներն իրենց մանդատները կստանան: Եթե Սահմանադրական դատարանը ընտրությունների արդյունքները վիճարկող դիմում չստանար՝ նորընտիր ԱԺ-ն իր առաջին նիստը կգումարեր ձեւավորվելուց հետո 3-րդ հինգշաբթի օրը (ապրիլի 27-ին): Ընտրությունների արդյունքները բողոքարկվելու դեպքում ԱԺ առաջին նիստը կլինի մայիսի 15-ին: Համապատասխանաբար 2 շաբաթով կհետաձգվեն նոր վարչապետի, նոր կառավարության ձեւավորման ժամկետը:

Տպել
22420 դիտում

Մեծ պատիվ է. Համբարձումյանը՝ Մխիթարյանի բացակայության պայմաններում ավագի թեւկապը կրելու մասին

Թիմը դժվարությամբ էր ըմբռնում նոր մարզչի ասածները. ՀՀ ֆուտբոլի հավաքականի ֆուտբոլիստը՝ պարտության մասին

Նախկին պատգամավոր Ալիկ Պետրոսյանը կալանավորվեց. դատարանը հրապարակեց որոշումը

Տղաները մաքսիմում նվիրվեցին, բայց որակական առումով զիջեցինք. ՀՀ ֆուտբոլի հավաքականի մարզիչը՝ Հունաստանին պարտվելու մասին

Քիմ Քարդաշյանն ու Քանյե Ուեսթը վաճառում են իրենց առանձնատունը․ այն գնահատել են 3,5 միլիոն դոլար

Վերջ. ՀՀ ֆուտբոլի հավաքականը պարտվեց դժգույն խաղով ու պաշտոնապես հրաժեշտ տվեց Եվրո 2020-ին

Երեւանում 37-ամյա կինը լույս աշխարհ է բերել 11-րդ երեխային

Քեզ հետ ենք, Վենետիկ․ Իտալիայում ՀՀ դեսպանությունը զորակցություն է հայտնում հեղեղվող քաղաքի բնակչությանը

Նախագահ Արմեն Սարգսյանի հրամանով հետմահու Արիության մեդալով է պարգեւատրվել հրշեջ-փրկարար Սամվել Վարդանի Դևելյանը. ԱԻՆ

Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Նախագահ Արմեն Սարգսյանն ընդունել է Վրաստանի Համագործակցության հիմնադրամի նախագահին

Բազմամարդ բողոքի ակցիա Թբիլիսիում՝ արտահերթ ընտրությունների պահանջով. 2 օր է՝ երթեւեկելի պողոտան փակ է

Նախագահ Արմեն Սարգսյանը հյուրընկալել է Ղազախստանի խորհրդարանի Սենատի նախագահ Դարիգա Նազարբաևային

Գործկո՛մ, դո՛ւրս. ՀՀ ֆուտբոլի հավաքականի երկրպագուները պահանջում են ՀՖՖ գործկոմի հրաժարականը

Բացառվում է, որ ցանկապատի մեջ ապրենք. Մխիթար Սեբաստացի կրթահամալիրի աշակերտները կենդանի պատ են կազմել

Իսրայելը և Միացյալ Նահանգները ոչ մի բարեկամ չունեն. Հասան Ռոհանի

Վարչապետն ընդունել է Ղազախստանի խորհրդարանի Սենատի նախագահին

Բացահայտվել է Հայոց ցեղասպանության բանաձևն արգելափակած ամերիկացի սենատորի կապը թուրք լոբբիստների հետ

«Իմ Սարյանը» ցուցահանդեսը կշարունակվի մինչև նոյեմբերի 19-ը

ՃՈ-ն ուժեղացված ծառայություն է իրականացնում Ֆրանսիայի հրապարակում