Ինչու տնօրեններին կանչեցին քաղաքապետարան. այստեղից չեն հերքում, որ մասնակից են գործին

«Իրազեկ քաղաքացիների միավորում» հասարակական կազմակերպության աղմկահարույց հրապարակումից հետո, երբ թվով 114 ձայնագրություններ վկայում էին այն մասին, որ նույնքան դպրոցների ու մանկապարտեզների տնօրեններ զբաղված են եղել Հայաստանի հանրապետական կուսակցության համար ցուցակներ կազմելով, փորձեցինք պարզել, թե որն է Երեւանի քաղաքապետարանի արձագանքը այս ամենին:

Սկանդալի էպիկենտրոնում հայտնված տնօրեններից շուրջ 70-ը, ի դեպ, ղեկավարում են երեւանյան ուսումնական հաստատություններ:

Քաղաքապետարանի տեղեկատվության եւ հասարակայնության հետ կապերի վարչության պետ Արթուր Գեւորգյանն, ի պատասխան ասաց, որ Կենտրոնական ընտրական հանձնաժողովը երեկ` կիրակի երեկոյան, դիմել է Երեւանի քաղաքապետարան` վարչական փոխօգնության կարգով խնդրելով դպրոցների եւ մանկապարտեզների տնօրեններից վերցնել բացատրություններ եւ երկօրյա ժամկետում` մարտի 28-ին, ներկայացնել Կենտրոնական ընտրական հանձնաժողով:

«Դրանով պայմանավորված եւ հաշվի առնելով, որ տվյալ տնօրենների քանակը շուրջ 70 է, անմիջապես քայլեր են ձեռնարկվել: Այսինքն` երեկ հենց դրանով է պայմանավորված եղել, որ մեր տնօրենների մի մասին, թեկուզ եւ ոչ աշխատանքային օր էր, այնուամենայնիվ հրավիրել ենք բացատրությունների, որպեսզի Կենտրոնական ընտրական հանձնաժողովի կողմից սահմանված ժամկետում կարողանանք բոլորի բացատրությունները վերցնել եւ ժամկետում ներկայացնել: Այսօր այդ պրոցեսը կավարտենք, որ ԿԸՀ սահմանած ժամկետը չխախտենք»,- շարունակեց վարչության պետը:

Հարցին, թե ինչո՞ւ է նախընտրելի համարվել բացատրություն գրելու նպատակով բոլոր տնօրեններին քաղաքապետարան հրավիրելը եւ ոչ թե միայն բացատրագիրը պահանջել` անկախ նրանից, թե նրանք դա որտեղ կգրեին, Արթուր Գեւորգյանն առաջարկեց դիմել իրավապահ մարմիններին, եթե տեղի ունեցածում ինչ-որ բան ենք տեսնում:

Երեւանում գործող տնօրեններն այդ ձայնագրություններում նաեւ ասել են, թե իրենց կազմած ցուցակներն ուղարկել են վարչական շրջանների ղեկավարների աշխատակազմ, այսինքն` նախկին թաղապետարաններ:

Արթուր Գեւորգյանին նաեւ հարցրինք, թե քաղաքապետարանից նման հանձնարարական իջեցվե՞լ է «թաղապետերին»` տնօրենների հետ նման աշխատանք կազմակերպելու վերաբերյալ: Նա դա չհերքեց եւ չհաստատեց:

Գեւորգյանի հետ մեր զրույցի այդ հատվածը ներկայացնում ենք ստորեւ.

- Պարոն Գեւորգյան, թաղապետարաններին կամ վարչական շրջանների ղեկավարներին այդպիսի հանձնարարական եղե՞լ է քաղաքապետարանից, որ տնօրենների հետ կազմակերպեն այս ամենը:

- Ո՞վ է ասում ինչ-որ հանձնարարականների մասին:

- Ես եմ հարցնում:

- Դուք հարցնում եք, ես չգիտեմ դուք ինչ եք հարցնում: Ինչ-որ մեկն ասել է` ինչ-որ հանձնարարություն ունի՞:

- Ես հարցնում եմ` կա՞ նման հանձնարարություն:

- Ես էլ նույն կերպ ձեզ եմ հարցնում` կա՞ նման հանձնարարական:

- Դա ե՞ս պետք է իմանամ: Հարցնում եմ ձեզ, որ իմանամ:

- Իսկ ես պիտի՞ իմանամ: Ես հարցնում եմ` կոնկրետ այդ ձայնագրությունների մեջ ինչ-որ մեկն ասում է` հանձնարարական եմ ստացե՞լ:

- Կարեւոր չէ` ասում է, թե չի ասում, հիմա ես հարցնում եմ` թաղապետարանները ստացե՞լ են նման հանձնարարական քաղաքապետարանից:

- Ես ասացի այն, ինչ ասացի: Դրան ավելացնելու ոչինչ չունեմ:

Տպել
7263 դիտում

Գյումրեցի գործարար Գարիկ Ուզունյանը՝ Շեկոն, ձերբակալվել է, հարուցվել է քրեական գործ (տեսանյութ)

Դատավոր Աննա Դանիբեկյանին հետապնդած երիտասարդներից մեկն ազատ կարձակվի

Գյումրեցի գործարար Գարիկ Ուզունյանը բերման ենթարկվեց. Կարեն Սարուխանյան

Իրանն ու ԱՄՆ-ն փոխանակվել են դատապարտյալներով

Կաշառքի գործով Ռազմիկ Աբրահամյանն ընդունեց մեղադրանքը, իսկ Արսեն Դավթյանը` ոչ

ՊԵԿ նախագահի տեղակալը խաղային ոլորտի միջազգային փորձագետների հետ քննարկել է հայկական խաղային շուկան

«Ես ասել եմ էտել, իրենք սխալ են հասկացել». Գյումրու N20 դպրոցի բակում ծառեր են հատվել, վնասը կփոխհատուցի տնտեսվարը

ՏԿԵ նախարարությունում քննարկվել են պղնձաձուլարանի կառուցման նախագծին վերաբերող հարցեր

Փարիզում հանդիպել է «Նորմանդական քառյակը». Ռուսաստանը չունի սպասելիքներ, Ուկրաինան ունի հարցեր

Երևանի շոկոլադի գործարանը ավելացրել է արտահանման ծավալները

Ցանկացած դատավոր ցանկանում է այս գործով չզբաղվել. Քոչարյանի պաշտպանը՝ դատավորի ինքնաբացարկի մասին

Նպատակ ունենք կրճատելու վաղաժամ մահացությունների թիվը. Տիգրան Ավինյան

Հանրապետության նախագահի, կառավարության և Ազգային ժողովի միջեւ շատ լավ աշխատանքային մթնոլորտ է ձևավորված. վարչապետ

Ննջասենյակում հայտնաբերվել է 1946 թ.-ին ծնված տղամարդու դի. ԱԻՆ

Համայնքի բնակիչների հրավերով այսօր Գեղարքունիքի մարզի Մեծ Մասրիկ գյուղում էի. Աննա Հակոբյան

«Եվա և Սյուզի» ՍՊԸ-ն կրթօջախների սննդամթերքը մատակարարել է տեխնիկական բնութագրի պահանջների խախտմամբ

Տիգրան Ավինյանը մասնակցել է Հայ-վրացական իրավական համագործակցության երրորդ ֆորումին

Արթուր Պետրոսյանը շուտով եվրոպական ակումբ կգլխավորի

Գվատեմալայի Կոնգրեսի պատվիրակությունն այցելել է Արցախի Հանրապետություն

«Ռեալի» ճանաչված նախկին մարզչի համար Հայաստանը յուրահատուկ է. նա ասել է, թե ինչու