Ի՞նչ էր պլանավորվում մարտի 27-ին, եւ ինչո՞ւ է անհանգիստ ՕՐՕ-ի ռազմական թեւը

Սամվել Բաբայանի ձերբակալությունից հետո Օհանյան-Րաֆֆի-Օսկանյան դաշինքում անհանգիստ են: Դաշինքը երկու թեւ ունի`քաղաքական եւ ռազմական: Քաղաքական թեւի ներկայացուցիչները կարողանում են Բաբայանի ձերբակալությունը ներկայացնել որպես քաղաքական հետապնդում եւ հիմնավորել դա: Ռազմական թեւի ներկայացուցիչների խոսքը բավական անհոդաբաշխ է:

ՊՆ նախկին փոխնախարար, գեներալ–լեյտենանտ Գագիկ Մելքոնյանն, օրինակ, պատասխանելով «Փաստ»-ի հարցին, թե արդյո՞ք ձերբակալությունը քաղաքական հետապնդում է Բաբայանի նկատմամբ ասել է. «Իհարկե, էն էլ ոնց: Քաղաքական հետապնդում չլինի, «Իգլան» ի՞նչ գործ ունի Սամվել Բաբայանի հետ կամ մեր հետ, դաշինքի հետ «Իգլան» ի՞նչ գործ ունի: «Իգլան» ո՞ւմ համար էր բերում, սամալյո՞տ էր խփում: Կարո՞ղ է Օսկանյանն ու Րաֆֆին «Իգլա» կրակող են»:

Նման հարցադրումներն իրենց տրամաբականական շարունակությունն են ունենում: Օրինակ, երբ ասվում է՝ կարող է՞ սամալյոտ էր խփում, շարունակությունը ենթադրում է` իսկ ինչո՞ւ ոչ, հատկապես եթե այդ «սամալյոտը» Սերժ Սարգսյանին տեղափոխելիս լիներ:

Կամ երբ ասվում է` կարող է՞ Օսկանյանն ու Րաֆֆին «Իգլա» կրակող են, շարունակությունը ենթադրում է, որ Օսկանյանն ու Րաֆֆին կրակող չեն, բայց Օհանյանը եւ դաշինքի ռազմական թեւի մնացած բոլոր ներկայացուցիչները կրակող են, նրանցից ավելի կրակող չի լինում:

Նույն հարցազրույցում, հարցին` հիմա ինչ եք անելու, նախկին փոխնախարարը պատասխանում է. «Ոչ մի բան, ձեռքներս շղթայում ենք, գնում ենք հանձնվում ենք մեր իշխանություններին, իրանց էդ ա պետք»: Նման բովանդակությամբ պատասխանը լուրջ հիմքեր է տալիս կասկածելու, որ խոսքերի հեղինակը չի բացառում նաեւ իր ձերբակալությունը եւ պատրաստ է անգամ հանձնվել:

Դաշինքի անդամ, ազատամարտիկ Սմբատ Հակոբյանը «1in.am»-ի հարցազրույցում մեկնաբանելով Բաբայանի ձերբակալությունը ասում է, որ դա խորը արմատներ ունի եւ սկսում է խոսել ազատագրված տարածքների վերադարձից: Ըստ Հակոբյանի, որեւէ պետական պաշտոնյա իրավունք չունի նույնիսկ մտածել այդ հողերը վերադարձնելու մասին, դա դավաճանություն է, որը չի ներվում:

Հակոբյանը դիմում է իշխանություններին. «Ես եւ իմ համախոհները չենք ուզում, որ որեւէ մեկից արյուն կաթի, թող մեզ չտանեն դրան, մենք առաջին դեմն ենք դրա, բայց իրավիճակ է ստեղծվում... իշխանությունը գիտի, ես որպես մարդ, որպես Հակոբյան Սմբատ իմ կենսագրության մեջ բազմիցս ապացուցել եմ, որ հայի տեսակն եմ, հզոր պետության, լավ իշխանության, օրենքի գերակայության կողմնակից եմ, էսօր պետք չի, որ ինչ-որ մեկը ինձ ազգի կամ պետության դավաճան համարի»,-ասում է նա: Ինչո՞ւ պետք է Սմբատ Հակոբյանին որեւէ մեկը պետական դավաճան համարի, ինչո՞ւ է նա պաշտպանվում:

Հետախույզ Վովա Վարդանովը այսօր տարբեր ԶԼՄ-ներում մեկնաբանելով Սամվել Բաբայանի պատվերով «Իգլա» բերելու լուրը ասում էր, որ եթե դա համապատասխանում է իրականությանը, ապա երկու բան կարող է նշանակել. «կամ մարդիկ 90-ականների ֆիդայական մղումներով ուզում են գնալ սահման պաշտպանել, կամ տեռորիստական նպատակներով է բերվել»:

Հետախույզի համար ԱԱԾ հաղորդագրությունը արժանահավատ չէ, քանի որ, ըստ նրա, նման դեպքերում ավելի ճիշտ է ոչ թե միանգամից ձերբակալել այդ անձանց ու աղմուկ հանել, այլ թողնել, որ նրանք տեղաշարժվեն, ստուգեն նրանց, պարզեն նպատակները: Մենք չգիտենք, սակայն, ԱԱԾ-ն երբ է «ԻԳԼԱ»-ի մասին օպերատիվ տեղեկություն ստացել, ուրիշ ինչ տեղեկություններ է ստացել, որքան ժամանակ է թողել, որ մարդիկ տեղաշարժվեն, քանի ամիս է ստուգել եւ նպատակների մասին ինչ է պարզել:

Վարդանովը նաեւ նշում է, որ այդ զենքով առաջին դեմքերի ինքնաթիռներ խոցելը այնքան էլ արդյունավետ չէ, քանի որ նրանց ինքնաթիռի կողքից զինվորական ուղղաթիռ է թռչում եւ հրթիռը չեզոքացնում։

2015-ի նոյեմբերի 25-ին Նորք-Մարաշում հայտնաբերված զինված խմբին նվիրված ասուլիսում ԱԱԾ քննչական վարչության պետի տեղակալ Միքայել Համբարձումյանը պատմում էր, որ խումբը քննարկել է նաեւ Սերժ Սարգսյանի ինքնաթիռը պայթեցնելու տարբերակը:

«Քննարկել է կոնկրետ տեղը, թե որտեղից է դա հնարավոր իրականացնել՝ իհարկե «Զվարթնոց» օդանավակայանին հարող տարածքների մասին է: Մենք այդ տարածքը ուսումնասիրել ենք, կարող եմ ասել, որ դա ֆիզիկապես հնարավոր էր իրականացնել, քանի որ վայրէջք կատարելիս, թռչելիս ինքնաթիռը բավականին ցածր բարձրության վրա է գտնվում և հասանելի է»,-ասաց Համբարձումյանը:

Վերջինս նաեւ ասաց, որ դա պետք է տեղի ունենար դեկտեմբերի 1-ին, երբ Սերժ Սարգսյանը մեկնելու էր Իլհամ Ալիեւի հետ հանդիպման: Հինգ օր առաջ, սակայն, նոյեմբերի 25-ին խումբը վնասազերծվեց:

Քաղաքական կուլիսներում լուրեր են շրջանառվում, որ Սամվել Բաբայանն ու նրա դաշնակիցները ծրագրում էին մարտի 27-ին ինչ-որ գործողություն իրականացնել: Որեւէ պաշտոնական տեղեկություն կամ մամուլի արտահոսք այս մասին չկա: Տեղեկություն չկա նաեւ այն մասին, թե արդյո՞ք մարտի 27-ին Սերժ Սարգսյանը որեւէ տեղ պետք է մեկնի: Ամեն դեպքում, առեղծվածային ամսաթվից 5 օր առաջ Բաբայանի ձերբակալությունը հետաքրքիր զուգադիպություն է:

Բոլորը արձանագրեցին, որ «Ժամանակ» թերթին իր աղբյուրները հայտնել էին, որ «Սասնա ծռեր-2» նախապատրաստելու համար ԱԱԾ-ն Սամվել Բաբայանին ձերբակալելու է: Լուրը տպագրվել էր թերթի երեկվա համարում. նույն օրն էլ Բաբայանը ձերբակալվեց:

Մոտ տասը օր առաջ նույն թերթի աղբյուրները հայտնել էին, որ փորձ է արվելու «Սասնա ծռեր-2»-ը կրկնել ոչ միայն Երեւանի, այլեւ Հայաստանի տարբեր բնակավայրերում։ «Բազմաթիվ օջախներում պետական հաստատությունների գրավումը կատարվելու է այն համոզմամբ, որ Հայաստանի ոստիկանական եւ իրավապահ այլ ստորաբաժանումների ուժերը չեն կարող միաժամանակ մի քանի կետերում իրավիճակի վերահսկողություն սահմանել»,-գրել էր թերթը:

Նկարագրվող օպերացիան, ինչ խոսք, անհամեմատելի է ՊՊԾ գնդի գրավման հետ, եւ ենթադրում է շատ մեծ թվով մարդկանց ներգրավվածություն: Դժվար է ասել՝ ինչ կապ կա այս տեղեկատվության եւ այսօրվա հարցազրույցում Սմբատ Հակոբյանի հետեւյալ հայտարարության միջեւ. «Սամվել Բաբայան-Սեյրան Օհանյան տրամաչափը այնքան խոշոր է, որ երբեք պետք չի ոչ գործունեության ընթացքի, ոչ ծրագրերի, ոչ էլ որեւէ պարագայում համեմատել «Սասնա ծռեր» գոծողության հետ»:

Մի բան պարզ է. առաջիկայում կամ զանգվածային ձերբակալություններ են լինելու կամ`զանգվածային գործողություններ: Երրորդ տարբերակը` կողմերի միջեւ փակ դռների ետեւում հնարավոր հաշտությունը, թեեւ լավագույն լուծումը կլիներ, բայց այս պահին անհավանական է թվում:

Տպել
34565 դիտում

ԿԳՄՍ-ն հրապարակել է 2019 թ. ձմեռային զորակոչից տարկետում ստանալու համար դիմած քաղաքացիների անվանացանկը

Ռազմավարական եւ դաշնակցային գործընկերություն. Լավրովի երեւանյան այցը

Վանաձորում դեռեւս տնակային պայմաններում ու փայտե վառարաններով ջեռուցվող մանկապարտեզներ կան

Ոստիկանությունը պարզաբանում է ԱԺ պատգամավորի ավտոմեքենայից «Ռոլեքս» ժամացույցը կորչելու դեպքը

Մարվել են Կարմիր գրքում գրանցված կովկասյան ընձառյուծի եւ «Տարվա թռչուն» երկնագույն ալկոնի պատկերով նամականիշները

Լեհաստանի կառավարությունը հրաժարական է ներկայացրել

Թուրքիայում ասորական և հայկական գերեզմանոցների տեղում ազգային զբոսայգի է կառուցվել

Եթե ստանձնել ենք պատասխանատվություն մեր ժողովուրդների համար, պետք է ջանքեր գործադրենք հասնելու իրական փոփոխությունների

Գյումրեցու՝ Արարատ Միրզոյանին ուղղված նամակը ԱԺ-ն վերահասցեագրել է Գյումրու «Շիրակ կենտրոն» ՀԿ նախագահին

Վարչապետ Փաշինյանը Փարիզում հանդիպում է ունեցել Օդրի Ազուլեի հետ (տեսանյութ)

Լավրովը Քոչարյանին հանձնեց Հայաստանին, նա նոր քաղաքականության հիմք դրեց. քաղաքագետ

ՀՀ ԱԳՆ դատապարտել է Սիրիայի Դեր Զորի նահանգում կատարված ահաբեկչական գործողությունը

Ձեզ ընտրել են՝ այս գործով խախտումները շղարշելու համար․ Խաչատուրովի պաշտպանը՝ դատավորին

ՀՀ ոստիկանության պետի պաշտոնակատարի հրամանով Լոռու ոստիկանապետ է նշանակվել

Կառավարությունը մտադիր է պետական նոր մարմին ստեղծել, որը եւս կղեկավարի Քաղավիացիայի կոմիտեի ղեկավար Տաթեւիկ Ռեւազյանը

Որոշ փողոցներում կլինի կայանման արգելք, որոշներում՝ գնի թանկացում. կսահմանափակվի ավտոմեքենաների մուտքը Երեւանի կենտրոն

Իմ խոսքը ՅՈՒՆԵՍԿՕ-ի թեմատիկ քննարկմանը. վարչապետ (ուղիղ)

Հոլիվուդը սպասում է Թոմի եւ Ջերիի մասին պատմող նոր ֆիլմին. դրանում հայտնի «թշնամիներին» վռնդում են տնից

30 համարի երթուղու 3 վարորդներ խիստ նկատողություն են ստացել հաշմանդամություն ունեցող քաղաքացուն չսպասարկելու համար

Վարչապետը հանդիպում է ունեցել ՖՄԿ գլխավոր քարտուղար Լուիզ Մուշիկիվաբոյի հետ