Հայաստանում կոռուպցիա չկա. ՀՀԿ-ն պայքարելու է չեղած բանի դեմ

Հանրապետական կուսակցության ծրագրում կա «Արդարադատություն, կոռուպցիայի դեմ պայքար» բաժին: Համաձայնեք, ՀՀԿ-ի դեպքում «կոռուպցիա» տերմինը մի ուրիշ, առանձնահատուկ հմայք ունի:

Եվ ուրեմն, ինչպես է ՀՀԿ-ն պայքարելու կոռուպցիայի դեմ: Նախ, ինչ կարծիքի է ՀՀԿ-ն կոռուպցիայի մասին: «Ինչպես մեր քաղաքացիների հիմնական իրավունքներն ու ազատությունները, այնպես էլ ժողովրդավարությունը, պաշտպանության կարիք ունեն: Նախեւառաջ՝ պաշտպանություն կոռուպցիայից, որ ծնում է կամայականություն, անազատություն եւ անարդարություն»,- այսպես է սկսվում ՀՀԿ ծրագրի` «կոռուպցիայի դեմ պայքարի» բաժինը: Սկիզբը վատ չէ: Նույնիսկ կարելի է ասել` խոստումնալից է:

Ավելի խոստումնալից է շարունակությունը` «Մեր նպատակն է կայացնել կոռուպցիայի դեմ պայքարի արդյունավետ ինստիտուցիոնալ համակարգ, որը թույլ կտա արդյունավետ կանխարգելել մեր առաջընթացն արգելակող այդ քաղցկեղը եւ ապահովել կոռուպցիոն հանցագործությունների դեպքում պատասխանատվության անխուսափելիությունը»,- գրված է շարունակությունում: Սա արդեն ոչ միայն խոստումնալից է, այլ նույնիսկ գոտեպնդող: 

Իսկ հիմա տեսնենք, թե ինչպես է պայքարելու ՀՀԿ-ն կոռուպցիայի դեմ, որտեղ է այդ կոռուպցիան եւ այլն: Ահա այստեղ է, որ տարակուսանքներ են առաջանում: «Մենք սկսել ենք ձեւավորել այդպիսի պաշտպանիչ մեխանիզմ: Դրա կենտրոնական մասը պետք է լինի դատաիրավական համակարգը»,- ասվում է ՀՀԿ ծրագրում: Այսինքն՝ դատաիրավական համակարգի միջոցով ՀՀԿ-ն պետք է պայքարի կոռուպցիայի դեմ: Այդ պայքարում, ուրեմն, դատաիրավական համակարգը դրոշակակիրն է: Իսկ գիտե՞ք ինչու: Շատ պարզ. որովհետեւ մեր դատաիրավական համակարգը, ըստ ՀՀԿ-ի, կոռումպացված չէ: Սա կարդալով, իհարկե, ոմանք քահ-քահ կծիծաղեն, ինչպես դասականը, բայց այդպես գրված է ծրագրում:

Չափազանցությո՞ւն է թվում: Մի քանի մեջբերում ծրագրից. «Մենք պետք է ձեւավորենք ժամանակակից արդյունավետ դատական համակարգ, որը կգործի նորացված Սահմանադրության համաձայն: Մենք նաեւ պետք է ձերբազատվենք օրենքի եւ դատարանի հանդեպ կասկածամիտ վերաբերմունքից, ինչը կա մեր հասարակության մեջ», «դատական համակարգն ունի ցածր վարկանիշ, որը պայմանավորված է ոչ միասնական դատական պրակտիկայով եւ դատարաններում կոռուպցիայի վերաբերյալ տարածված պատկերացումներով», « Դատարանների նկատմամբ վստահությունը ցածր է» ...:

Դատաիրավական համակարգում, հասկանում ես, չկա կոռուպցիա: Ուղղակի մարդիկ չեն վստահում, կասկածամիտ են, ունեն «դատարաններում կոռուպցիայի վերաբերյալ տարածված պատկերացումներ» եւ ընդամենը:

Մարդիկ են վատը, ոչ թե դատաիրավական համակարգը: Գաղջ մթնոլորտում առավոտյան արթնանում են ու չեն վստահում դատարաններին: Այդ անվստահությունից տարածվում են կոռուպցիայի վերաբերյալ ինչ-որ պատկերացումներ: Եվ ահա ՀՀԿ-ն գտել է այս խնդրի լուծումը. «Մեր նպատակն է. ցածր վարկանիշ ունեցող դատական համակարգից անցում դեպի արդար, վստահելի եւ արդյունավետ դատական համակարգ»,- գրել են իրենց ծրագրում ՀՀԿ-ականները: Դե եթե դատաիրավական համակարգում կոռուպցիա չկա, այդ համակարգի միջոցով էլ պետք է պայքարեն կոռուպցիայի դեմ, ուրեմն մնում է լուծել այդ համակարգի նկատմամբ մարդկանց վստահության հարցը: Այսինքն, ամեն առավոտ մարդիկ պետք է արթնանան ուրախ տրամադրությամբ եւ նույնիսկ չմտածեն դատաիրավական համակարգում կոռուպցիայի մասին, չպետք է ունենան նման պատկերացումներ: ՀՀԿ ծրագրի մեջ հենց այս տրամաբանությունն է դրված:  Հակառակ դեպքում կգրեին, որ դատաիրավական համակարգը կառուցվածքային կոռուպցիայի մեջ է թաթախված, առաջին հերթին պետք է հենց այդ հարցը լուծել...:

Չեն գրել՝ ուրեմն չկա կոռուպցիա այդտեղ եւ մարդիկ թյուր պատկերացումներ ունեն այդ համակարգում կոռուպցիայի վերաբերյալ: Չկա այդտեղ կոռուպցիա եւ վերջ:

 «Դատախազության եւ քննչական մարմինների գործունեության արդյունավետության հետեւողական բարձրացմանը եւս առաջնահերթ ուշադրություն է հատկացվելու։ Սահմանադրության փոփոխությունների համատեքստում կհստակեցվեն դատախազության լիազորությունները, կորոշակիացվեն քննչական մարմինների կարգավիճակը եւ նրանց գործունեությանը ներկայացվող պահանջները»,- գրված է ծրագրում: Որեւէ մեկը այստեղ տեսա՞վ կոռուպցիա բառը: Չկա այստեղ կոռուպցիա, հո զոռով չի: Ընդամենը խոսքը արդյունավետություն բարձրացնելու մասին է: Դե մի քիչ լավ չեն աշխատում, էլի:

Ուրիշ լուծումներ էլ է առաջարկում ՀՀԿ-ն կոռուպցիայի դեմ պայքարելու համար: Օրինակ. «բարձրաստիճան պաշտոնատար անձանց կողմից գույքի եւ եկամուտների վերաբերյալ հայտարարագիր չներկայացնելու կամ կեղծ հայտարարագիր ներկայացնելու դեպքում վարչական կամ քրեական պատասխանատվություն»,- գրված է ծրագրում: Ինչու նման բան մինչեւ հիմա եղե՞լ է: Որեւէ մեկը թաքցրե՞լ է: Իհարկե, կան թյուր կարծիքներ, որ մեր բարձրաստիճան պաշտոնյաները իրենց «գույքի ու եկամուտների» հիմնական մասը հանում են օֆշորներ, բայց քանի որ մինչեւ հիմա որեւէ բարձրաստիճան պաշտոնյա այդ մասին չի հայտարարել, չի դժգոհել դրանից, դատաիրավական համակարգը երբեք նման ապացույցներ չի փնտրել ու չի գտել, ուրեմն նման բան չկա: Հա, իհարկե, ՀՀԿ ցուցակում գտնվող ԴԱՀԿ նախկին պետ, գեներալ Միհրան Պողոսյանի անունը շոշափվեց օֆշորային ինչ-որ պատմության հետ, բայց շատ շուտով պարզվեց, որ դա միջազգային դավադրություն էր հայ մեծ գեներալի դեմ, մեր իրավապահներն էլ երկար փնտրեցին ապացույցներ չգտան, ու հիմա ազգովի պետք է ներողություն խնդրենք նրանից: Միհրան Պողոսյանի` ՀՀԿ ցուցակում գտնվելը ինքնին ապացուցում է, որ մեր բարձրաստիճան պաշտոնյաներից ոչ ոք, երբեք, ոչ մի դեպքում օֆշորների հետ կապ չունի եւ չի ունեցել: Վաաաբշե:

Մի խոսքով, Հայաստանում կոռուպցիայի մասին կան ընդամենը «կոռուպցիայի վերաբերյալ տարածված պատկերացումներ», իսկ կոռուպցիա ինքնին չկա: Բա արժի՞ չեղած բանի դեմ պայքարել, ժամանակ վատնել: Վստահաբար ընտրություններից անմիջապես հետո ՀՀԿ-ում կսթափվեն, եւ հանգիստ կթողնեն կոռուպցիան:

Տպել
8997 դիտում

Դատավորների ընդհանուր ժողովը ՍԴ դատավորի թեկնածու է ընտրել

Բրյուսելում կայանալիք հանդիպումը ինչի կարող է «դրդել» Հայաստանին․ ինչ է հայտարարել Ադրբեջանի ԱԳՆ-ն

Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը

Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին

Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է

Կրակը մարելուց հետո այրված շինությունում տղամարդու դի է հայտնաբերվել

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին