Երևան
15 °C
searchclose
today
menuclose
Երևան
15 °C
Ռուսական «Իզվեստիա» թերթը նախօրեին հայտնեց, որ Սերժ Սարգսյանը մարտի 14-ին երկօրյա պաշտոնական այցով կմեկնի Մոսկվա եւ կհանդիպի Ռուսաստանի առաջնորդ Վլադիմիր Պուտինի հետ:
Թեպետ հայկական կողմը Սարգսյանի Մոսկվա այցի մասին դեռ տեղեկատվություն չի տրամադրել, սակայն ՌԴ նախագահի մամուլի խոսնակ Դմիտրի Պեսկովն արդեն հաստատել է Հայաստանի նախագահի Մոսկվա կատարելիք այցի մասին լուրը:
Ըստ «Իզվեստիայի» տվյալների՝ Մոսկվայում Սարգսյանն ու Պուտինը կքննարկեն երկկողմ համագործակցությանն առնչվող հարցեր, ինչպես նաեւ իրավիճակը Լեռնային Ղարաբաղում։ Աղբյուրը նաեւ նշում է, որ կողմերը կստորագրեն մի շարք «ներդրումային համաձայնագրեր»։
Մոսկվա Սերժ Սարգսյանի այցն առաջին հայացքից պլանային կարող է թվալ: Այն, ինչպես ավելի վաղ Էդվարդ Նալբանդյանի հետ մամուլի ասուլիսին հայտարարել էր իր ռուսաստանցի պաշտոնակից Սերգեյ Լավրովը, տեղի է ունենում ՌԴ-ի հետ դիվանագիտական հարաբերությունների հաստատման 25-ամյակի միջոցառումների շրջանակներում: Սակայն հաջորդ իսկ պահին աչքի է զարնում մի քանի հանգամանք: Նախ, Սերժ Սարգսյանի մոսկովյան այցը տեղի է ունենում նրա Բրյուսել այցելության, Եվրամիության հետ նոր շրջանակային համաձայնագրի շուրջ բանակցությունների ավարտի ազդարարման ու ԵՄ-ի եւ ՆԱՏՕ-ի ղեկավարության հետ հանդիպումներից գրեթե անմիջապես հետո:
Երկրորդ, Սարգսյանի մոսկովյան այցը պատրաստվում էր բավականին երկար ժամանակ եւ այն, կարելի է ասել, վարչապետ Կարեն Կարապետյանի, պաշտպանության նախարար Վիգեն Սարգսյանի եւ արտաքին գործերի նախարար Էդվարդ Նալբանդյանի՝ վերջերս Մոսկվա կատարած այցերի սերիայի «կուլմինացիան» է: Իսկ այցի օրակարգն առավել ուշագրավ է դարձնում ռազմաքաղաքական եւ ներդրումային բնույթի նոր համաձայնագրերի կնքման հավանականությունը, ինչի մասին գրում է ռուսական մամուլը:
Այն, թե ինչ ներդրումային համաձայնագրեր կարող են կնքել Ռուսաստանն ու Հայաստանը, քիչ թե շատ պարզ է: Խոսքն առաջին հերթին կարող է վերաբերել վարչապետ Կարեն Կարապետյանի՝ Մոսկվա կատարած այցի ժամանակ ձեռք բերված համատեղ ներդրումային հիմնադրամի ձեւավորման մասին համաձայնությանը: Այդ ժամանակ անգամ թիվ նշվեց՝ 300 մլն դոլար: Այսքան պետք է լինի այդ ներդրումային հիմնադրամի պորտֆելը: Բացի այդ, Ռուսաստանը պատրաստակամություն հայտնեց ներդրումներ կատարել հայ-իրանական սահմանին ձեւավորվող ազատ տնտեսական գոտում, ինչպես նաեւ հնարավորության պարագայում Հայաստանի միջոցով դուրս գալ դեպի իրանական շուկա:
Միեւնույն ժամանակ անհայտ է մնում այն հանգամանքը, թե ինչ նոր պայմանագրեր կարող են կնքել Հայաստանն ու Ռուսաստանը ռազմաքաղաքական ոլորտում: Հայաստանն ամբողջությամբ տեղավորված է ՌԴ աշխարհաքաղաքական դաշտում: Այն հանդիսանում է ԵԱՏՄ-ի եւ ՀԱՊԿ-ի անդամ, բացի այդ, Ռուսաստանն ու Հայաստանը ստեղծել են համատեղ զորախումբ եւ միասնական հակաօդային պաշտպանության համակարգ:
Ըստ Կովկասի ինստիտուտի փոխտնօրեն, ռազմական փորձագետ Սերգեյ Մինասյանի, Հայաստանն ու Ռուսաստանը կարող են մեկ քայլ առաջ կատարել եւ ընդլայնել ռազմաքաղաքական համագործակցության դաշտը՝ տալով նրան ավելի շատ տարածաշրջանային բնույթ: «Խոսքը ոչ միայն Հարավային Կովկասի տարածաշրջանի, այլ ավելի մեծ՝ Մերձավոր Արեւելքի մասին է: Հայաստանի համար Ռուսաստանը ռազմաքաղաքական դաշնակից է, իսկ Ռուսաստանի համար Հայաստանը միակ պետությունն է, որ ապահովում է ՌԴ-ի ռազմաքաղաքական ներկայությունը ոչ միայն Հարավային Կովկասում, այլեւ հարակից տարածաշրջաններում»,- մեզ հետ զրույցում նշեց Մինասյանը:
Նրա կարծիքով, վերջերս ռուսական պետական շրջանակներին հարող լրատվամիջոցներով ՀՀ պաշտոնյաների՝ «Իսկանդերների» կիրառման հնարավորության մասին հայտարարությունները եւ դրանց մասշտաբային «տիրաժավորումը» պատահական չէ: «Դժվար թե առանց ռուսական պետական շրջանակների հետ համաձայնության՝ այդ լրատվամիջոցները, իսկ խոսքը lenta.ru, Риа новости եւ Gazeta.ru գործակալությունների մասին է, նման նյութեր տեղադրեին եւ տարածեին: Ուստի, կարծում եմ՝ տարածաշրջանային, հատկապես ԼՂ հակամարտության գոտում վտանգավոր զարգացումների եւ սրացումների համատեքստում, այս կերպ Ռուսաստանն Ադրբեջանին այդ գործընթացների վտանգավոր հետեւանքների մասին համապատասխան մեսիջ է ուղարկում»,- ենթադրում է մեր զրուցակիցը:
Միեւնույն ժամանակ Սերգեյ Մինասյանը չի բացառում, որ Սարգսյանն ու Պուտինը ստորագրեն համաձայնագիր ՀՀ-ում ռուսական բազայի ֆունկցիաների ընդլայնման վերաբերյալ:
«Ինչպես ժամանակին՝ 2010 թ. ՌԴ ռազմաբազայի կարգավիճակի վերաբերյալ համաձայնագրում կատարվեցին փոփոխություններ, եւ այն պարտավորվեց ՀՀ զինված ուժերի հետ համատեղ պաշտպանել Հայաստանի սահմաններն արտաքին ագրեսիայից, այժմ էլ բազայի ֆունկցիաները կարող են ընդարձակվել դեպի տարածաշրջանային մակարդակ: Չեմ կարող հստակ ասել, թե ինչ ձեւակերպումներ կլինեն, սակայն նման զարգացում հնարավոր է: Սա եւս մեսիջ է Ադրբեջանին, որ Արցախի դեմ պատերազմական գործողությունների վերսկսման պարագայում, ինչը հղի է տարածաշրջանային պատերազմի վտանգով, որոշակի գործողությունների կարող է դիմել նաեւ Ռուսաստանը»,- ասաց Կովկասի ինստիտուտի փոխտնօրենը:
Մոտավորապես նույն կարծիքին են նաեւ տարածաշրջանով զբաղվող ռուսական փորձագիտական շրջանակները: Ռազմական փորձագետ Վլադիմիր Եվսեւը կարծում է, որ ապրիլյան պատերազմական իրադարձությունները ցույց տվեցին, որ տարածաշրջանում խաղաղության պահպանման համար նոր գործիքներ են անհրաժեշտ: ««Իսկանդեր» համակարգերի առաքումը Հայաստան դրանցից մեկն է: Թուրքիայի հետ ՌԴ-ի հարաբերությունների նորմալացումը եւս դրականորեն է ազդում տարածաշրջանային ռազմաքաղաքական մթնոլորտի վրա: Ռուսաստանը հետաքրքրված է տարածաշրջանում խաղաղությամբ, ուստի այս իմաստով պետք է, որ գործադրվեն նոր ջանքեր», - կարծում է նա:
Ինչ վերաբերում է Սարգսյանի՝ Բրյուսել այցի օրակարգին եւ ձեռք բերված համաձայնություններին, ապա Սերգեյ Մինասյանի կարծիքով, դրանք խնդիրներ չեն հարուցի Ռուսաստանի հետ հարաբերություններում: «Նախ, կարծում եմ Սարգսյանի բրյուսելյան այցի օրակարգը մինչ այդ Մոսկվայում գտնվող ԱԳՆ ղեկավար Էդվարդ Նալբանդյանը քննարկած կլիներ ռուսաստանցի իր գործընկեր Լավրովի հետ: Ուստի դժվար թե Սարգսյանի՝ Բրյուսելում ձեռք բերած պայմանավորվածությունները կամ հանդիպումներն անակնկալ լինեին Ռուսաստանի համար», - եզրափակեց նա:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
