Սյունիքում ընտրությունները թեժ են լինելու. ներկա ու նախկին մարզպետների շահերը բախվելու են

Սյունիքի եւ Վայոց ձորի մարզերն ընդգրկող թիվ 12 ընտրատարածքում ռեյտինգային թեկնածուների միջեւ թեժ պայքար է սպասվում: Ընդ որում, պայքարը հատկապես իշխող կուսակցության թեկնածուների միջեւ է խոստանում սուր լինել:

Հանրապետական կուսակցությունն այս ընտրատարածքում ռեյտինգային ցուցակով առաջադրել է Սյունիքի մարզպետ Վահե Հակոբյանին եւ «Ջերմուկ գրուպ» ընկերության սեփականատեր, ԱԺ պատգամավոր Աշոտ Արսենյանին: ՀՀԿ-ն այլ թեկնածուներ եւս առաջադրել է, օրինակ, ոչ հանրահայտ Պավել Սարգսյանի, Մխիթար Զաքարյանի եւ այլոց: Բայց հիմնական մրցակցությունը, բնականաբար, Հակոբյանի եւ Արսենյանի միջեւ է ընթանալու: Թվում է, թե այնտեղ դժվար թե այդ թեկնածուների ուղիները խաչվեն, քանի որ նրանք տարբեր մարզեր են ներկայացնում, Վահե Հակոբյանը Սյունիքում է, Աշոտ Արսենյանը՝ Վայոց ձորում:

Բայց այստեղ կա մի կարեւոր հանգամանք, որը կարող է բախման բերել այս  թեկնածուներին: Խոսքը Սյունիքի նախկին մարզպետ Սուրիկ Խաչատրյանի մասին է: Վերջինս արդեն իսկ հայտարարել է, որ պաշտպանելու է «իր ընկերոջը»՝ Աշոտ Արսենյանին: Ուրեմն, ինչ է անում հիմա Սյունիքի նախկին մարզպետն այդ ուղղությամբ: Սկսե՞լ է գործի դնել իր լծակները,  հանդիպո՞ւմ է այդ մարզերում ազդեցություն ունեցող մարդկանց հետ ու նրանց համոզում՝ աշխատել Աշոտ Արսենյանի օգտին: «Ամեն ինչ էլ անում ենք: Որ հայտարարել եմ, ուրեմն կատարելու եմ: Ձայները հո դրա՞ծ չի այնտեղ, որ ով որքան ուզի՝ տանի, ժողովուրդը պետք է ձայն տա: Իսկ Սյունիքի ժողովուրդն իր գործը գիտի: Մի մտահոգվեք, եկեք Աստծուց առաջ չընկնենք, ժամանակը ցույց կտա»,- կարճ պատասխանեց Սուրիկ Խաչատրյանը: Հարցին՝ այդ դեպքում ինչպե՞ս պետք է ազդեք սյունեցիների վրա, որ Վահե Հակոբյանի փոխարեն Աշոտ Արսենյանին ընտրեն. Սուրիկ Խաչատրյանը պատասխանեց. «Սյունեցիների վրա ոչինչ չի ազդում: Հերոսական, հպարտ ժողովուրդ են, ուրիշ էլ ի՞նչ ունեք էս երկրում հպարտանալու»:

Իսկ թե ինչու է նա Սյունիքում պաշտպանելու Աշոտ Արսենյանին, պատասխանը, թերեւս, ակնհայտ է: Նախ, ՀՀԿ-ն, ավելի շուտ վարչապետ Կարեն Կարապետյանը, նրան ազատեց մարզպետի պաշտոնից, իսկ Սերժ Սարգսյանը փոխարենը նշանակեց Վահե Հակոբյանին: Վերջինս մարզում Սուրիկ Խաչատրյանից վերցրեց նաեւ կուսակցական պոստերը եւ դարձավ ՀՀԿ-ի մարզային կառույցի ղեկավարը: Այնուհետեւ, մամուլի հրապարակումների համաձայն, մարզպետը սկսեց գործից ազատել եւ լծակներից զրկել Սուրիկ Խաչատրյանի կադրերին, ընկերներին ու բարեկամներին:

Այսքանից հետո Խաչատրյանը, ենթադրվում է, 1 ձայն անգամ չի բերի Վահե Հակոբյանին օգտին, եթե անգամ դա կարգադրի Սերժ Սարգսյանը: Եվ ահա նա ամեն ինչ անելու է, Սյունիքում իր ողջ ազդեցությունն ու հնարավորություններն օգտագործելու է, որպեսզի առավելագույն ձայներ ապահովի Աշոտ Արսենյանի համար: Ու որքան էլ Վահե Հակոբյանն իր պաշտոնավարման ընթացքում փորձած լինի Սյունիքի մարզից ջնջել Սուրիկ Խաչատրյանի հետքերն ու կապերը, միեւնույն է, նախկին մարզպետն այնտեղ ունի իր լծակները: Չունենա էլ, կփորձի ձեռք բերել: Իսկ ձեռք բերելու համար Արսենյան-Խաչատրյան զույգը ֆինանսական միջոցների պակաս չունի:

Սերժ Սարգսյանն, իհարկե, ՀՀԿ-ի ռեյտինգային թեկնածուներին պատվիրել է՝ մեկը մյուսին չխանգարել, բայց այս դեպքում դա կարող է չաշխատել: Հանրապետականներն իրենք էլ մասնավոր զրույցներում խոստովանում են, որ նախկին մարզպետը կարող է ընտրատարածքում բախումներ առաջացնել: Եթե Սուրիկ Խաչատրյանը հայտարարել է, որ օգնելու է Աշոտ Արսենյանին, ենթադրվում է, դա կարող է շատ դաժան լինել Վահե Հակոբյանի համար: Խաչատրյանն ինքը չժխտեց այդ հնարավորությունը, ընդամենն ասաց. «Ավելորդ բաներ եք ասում»: Ճիշտ է, նա հիմա չի համարձակվում նախկինի նման բացահայտ առճակատման գնալ, բայց գոնե ընտրությունները կարող է օգտագործել ու մարզպետից, ինչու չէ՝ նաեւ ՀՀԿ-ից իր դժգոհությունն այդպես արտահայտել:

Իսկ Վահե Հակոբյանը Սյունիքի մարզում ոչ միայն ՀՀԿ տարածքային կառույցի ղեկավարն է, այլեւ նախընտրական շտաբի պետը: Տվյալ դեպքում դա վերաբերում է թիվ 12 ընտրատարածքին՝ ներառյալ նաեւ Վայոց ձորի մարզը: Այդպիսով, նրա ընդհանուր համակարգման տակ պետք է լինի Աշոտ Արսենյանի եւ Սուրիկ Խաչատրյանի նախընտրական գործունեությունը: Եվ, բնականաբար, մարզպետը ձգտելու է ընտրատարածքում կուսակցական ու վարչական ողջ լծակներն առաջին հերթին իր օգտին աշխատեցնել: Ճիշտ է, նա մարզպետի իր պաշտոնը չի թողնի եւ ԱԺ չի գնա, բայց նրա համար պատվի հարց կլինի իր ղեկավարած տարածքում առաջինը լինելը, ՀՀԿ-ին ամենաշատ ձայներ բերելը: «Չեմ կարծում, որ նախընտրական շրջանում այդ հանգամանքը կարող է մարզում առաջացնել լարվածություն եւ որոշակի բախում»,- իր հերթին պատասխանեց Սյունիքի մարզպետ Վահե Հակոբյանը՝ չժխտելով դիտարկումը, որ կողմերից յուրաքանչյուրը կփորձի առավելագույն ձայները ստանալ:

Մենք փորձեցինք նաեւ ՀՀԿ-ից մեկնաբանություն ստանալ՝ նախկին ու ներկա մարզպետների միջեւ առկա լարվածությունը նկատի ունենալով՝ ինչպե՞ս պետք է անեն, որ չթողնեն այն ընտրությունների ժամանակ ավելի սրվի: «Ոչ մի խնդիր էլ չի առաջանա: Դա Սուրիկ Խաչատրյանի իրավունքն է, Աշոտ Արսենյանն էլ մեր խորհրդի անդամն է, մեր թիմակիցն է: Ի՞նչ մի տարօրինակ բան նրան պաշտպանելու մեջ»,-  փորձեց չհամաձայնել ՀՀԿ կազմակերպչական հանձնաժողովի նախագահ Ռուբեն Թադեւոսյանը:

Տպել
8205 դիտում

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա