Բակո Սահակյանը թագավոր դառնալու մտադրություն ունի՞. ինչու փոխվեց Սահմանադրությունը

21/02/2017 schedule19:00

Այսօր Արցախի կենտրոնական ընտրական հանձնաժողովը հրապարակեց փետրվարի 20-ի Սահմանադրական հանրաքվեի նախնական արդյունքները: Ըստ այդմ` 87,6 տոկոս «կողմ» ձայնով նոր Սահմանադրությունը համարվում է ընդունված: Նոր Սահմանադրությամբ «Լեռնային Ղարաբաղի հանրապետություն» եւ «Արցախի Հանրապետություն» անվանումները նույնականացվել են, հանրապետությունն անցել է կառավարման նախագահական համակարգի, որտեղ վարչապետի պոստ գոյություն չունի, այսուհետ նախագահական եւ խորհրդարանական ընտրությունները տեղի կունենան միաժամանակ, ուստի այս հունիս-հուլիսին խորհրդարանը կընտրի անցումային շրջանի նախագահ: Վերջինս կղեկավարի մինչեւ 2020 թվականը, երբ նախատեսված են նոր խորհրդարանի եւ նախագահի ընտրությունները: Սրանք են հանրաքվեից հետո մամուլի եւ փորձագետների կողմից ուշադրության արժանացած հիմնական դրույթները:

Այս պահին, ըստ էության, բաց է հարցը, թե որն էր այս փոփոխության իմաստը եւ նպատակը: Գոյություն ունի մեկ վարկած`Սահմանադրությունը փոխվում է գործող իշխանության վերարտադրության համար: Քանի որ Բակո Սահակյանը չէր կարող երրորդ անգամ առաջադրվել նախագահի պաշտոնում, Սահմանադրության փոփոխությամբ, ահա այդ հնարավորությունը ստեղծվել է:

Արցախում սահմանադրական փոփոխությունների մասին խոսվում է դեռեւս 2014 թվականից: 2015-ին` Հայաստանում անցկացված հանրաքվեից հետո այդ խոսակցություններն ավելի առարկայական դարձան եւ սկսվեց մշակվել նոր Սահմանադրությունը: Բանն այն է սակայն, որ 2014-ից մինչեւ 2016-ի ամռան ամիսներին բոլոր վստահ էին, որ Արցախը նույնպես գնում է դեպի խորհրդարանական կառավարման համակարգ: Ըստ մամուլի հրապարակումների, նոր Սահմանադրության նախագծի նախնական տարբերակը հենց այդ տրամաբանությամբ էլ մշակվել է: Բայց ապրիլյան պատերազմը խառնել է բոլոր խաղաքարտերը եւ որոշվել է, որ պատերազմական վիճակում գտնվող Արցախի համար ճիշտ կլինի շատ ավելի կենտրոնացված կառավարման համակարգը` ուժեղ նախագահի ինստիտուտով:

Մինչեւ ապրիլյան քառօրյան, փաստորեն, Հայաստանում եւ Արցախում որեւէ մեկի մտքով չէր անցել, որ Ղարաբաղը գտնվում է պատերազմի մեջ եւ կարող են ռազմական գործողությունների բռնկումներ լինել: Երբ աշխատանքային խումբը մշակում էր խորհրդարանական մոդելով Սահմանադրության նախագիծը, պատերազմի գործոնը ընդհարապես հաշվի չէ՞ր առնում: Եթե հաշվի էր առնում, բայց գտնում էր, որ խորհրդարանական կառավարման համակարգն ավելի հարմար է նույնիսկ պատերազմի պարագայում, ի՞նչ փոխվեց, որ անցում կատարվեց նախագահականին:

Սահմանադրությունները փոխվում են ըստ անհրաժեշտության: Երկրի ներքին, արտաքին քաղաքական, հանրային կյանքը կազմակերպելու ընթացքում ժամանակի մեջ առաջ են գալիս խնդիրներ, որոնք լուծելու արդյունավետ միջոց է դառնում կառավարման այս կամ այն համակարգը: Այսինքն՝ նախ անհրաժեշտություն է առաջանում անցնել օրինակ խորհրդարանական համակարգի, ապա նոր համապատասխան որոշումն է կայացվում, հանրաքվե է կազմակերպվում եւ այլն: Արցախի դեպքում, փաստորեն նախ որոշում կայացվեց, որ պետք է Սահմանադրական հանրաքվե անցկացնել, հետո ընտրվեց, թե ինչ ուղղությամբ:

Հայաստանի եւ Արցախի ընդդիմադիր հատվածը մեկ պատասխան ունի`դա արվում է իշխող ուժի վերարտադրման համար: Երբ մշակվում էր խորհրդարանական մոդելի սահմանադրությունը, նպատակը Բակո Սահակյանի իշխանությունը երկարաձգելն էր: Երբ ընտրվեց նախագահական մոդելը, կրկին նպատակը Բակո Սահակյանին իշխանության գլխին պահելն էր: Եթե Սահմանադրական փոփոխություններով որոշվեր վերականգնել Արցախի թագավորությունը, կհայտարարվեր, որ դա արվում է Բակո Սահակյանին թագավոր կարգելու համար: Չենք կասկածում, որ Բակո Սահակյանը կուզեր թագավոր դառնալ, բայց արդյո՞ք Սահմանադրություն փոխելու միակ նպատակը դա է:

Հանրաքվեի ընթացքին հետեւելու համար Արցախ էր ժամանել միջազգային դիտորդների մեծ խումբ`Եվրոպական խորհրդարանի պատգամավորներ, պատվիրակներ Չեխիայից, Ավստրիայից, ՌԴ-ից, Բասկերի երկրից, Բոլիվիայից: Միջազգային դիտորդների համար էական չէ, թե ինչն էր փոխվում այս հանրաքվեով եւ ինչու: Նրանք հիացած են Արցախով, համարում են, որ այստեղ ժողովրդավարական ինստիտուտները կայացած են, ասում են, որ գնալու են բոլորին պատմեն, թե ինչպես է Արցախի ժողովուրդն այդ բարդ պայմաններում հանգստություն պահպանում, զարգացնում իր մշակույթը, լեզուն եւ հայրենիքը:

«Կարող եմ գերազանց գնահատել հանրաքվեի արդյունքները» ,- այսօր Ստեփանակերտում ասուլիսի ժամանակ ասել է Ավստրիայի պատվիրակության ներկայացուցիչ Վոլֆգանագ Յունգը: «Պետք է մնացած երկրների համար, որտեղ ժողովրդավարության պակաս կա, Արցախն օրինակ ծառայի»,- ասել է Բասկերի երկրի խորհրդարանի նախկին անդամ Ռաֆա Լարեյնային: «Մենք Արցախի ժողովրդավարության մասին պատմելու ենք ամենուր: Այս տարվա մարտին Լեհաստանում զեկույց ենք ներկայացնելու, որտեղ կներկայացնենք նաև Արցախի խնդիրների մասին»,- ասել է Եվրոպական Ազատ դաշինքի բյուրոյի անդամ Լորենա Լոպես դա Լակալայինը: Այս ոճի հայտարարությունների պակաս չկա:

Արցախի Սահմանադրական հանրաքվեն կարող էր կազմակերպված լինել զուտ քարոզչական նպատակներով, որպես առիթ միջազգային հանրության ուշադրությունը գրավելու, բազմաթիվ հյուրեր ընդունելու եւ նրանց միջոցով ապրելու իր իրավունքի համար պայքարող ժողովրդի մասին աշխարհին կրկին հայտնելու համար: Եթե դա է եղել նպատակը, այս փուլում այն կարելի է մասամբ իրականացված համարել: Բայց եթե Բակո Սահակյանը փոփոխության արդյունքում, այնուամենայնիվ, թագավոր կարգվի, «Արցախի ժողովրդավարությանը» այլ բան չի մնա, քան ինքնասպան լինել:

Տպել
4163 դիտում

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն