ԼՂ բանակցություններում հետդարձի ճանապարհ չկա. Պուտինը պետք է խոստումներից մեկը կատարի

Ղարաբաղյան հակամարտությունում ներքաշված կողմերի միջեւ նյարդերի սուր պայքար է ընթանում: Ապրիլյան պատերազմից հետո հիմնախնդրի նկատմամբ մոտեցումները կտրուկ փոխվել են, եւ հիմա` նոր հանգամանքներում ճիշտ դիրքավորվելու անհրաժեշտություն է առաջացել: Մինչեւ ապրիլյան քառօրյան ԵԱՀԿ ՄԽ միջնորդությամբ ընթացող բանակցությունները Հայաստանն օգտագործում էր ժամանակ շահելու եւ ստատուս քվոն, ասել է թե` Արցախի անկախությունն ամրապնդելու նպատակով:

Ադրբեջանի համար բանակցությունները քող էին բանակը հզորացնելու եւ մինչեւ ատամները զինվելու համար, այն հույսով, որ մի հարմար պահի ռազմական ճանապարհով կլուծեն իրենց խնդիրը, այսինքն` հետ կնվաճեն կորցրած հողերը, գուցե նաեւ` Լեռնային Ղարաբաղը: Ադրբեջանի համար այդ հարմար պահն եկավ 2016-ի ապրիլին, բայց այդքան սպասված բլից-կրիգի փորձը ձախողվեց:

Հիմա այլեւս հնարավոր չէ վերադառնալ նախաապրիլյան վիճակին: Այդ փուլն ավարտվել է եւ դարձել հակամարտության պատմության էջերում մի դրվագ, ինչպես` հարցը փուլային ճանապարհով կարգավորելու բանավեճը եւ լայնածավալ պատերազմը: Այս բոլոր դրվագներն ունեցել են իրենց պատմական հանգրվանները` 1994-1995 թվականների զինադադարը, 1997  թվականին Հայաստանում տեղի ունեցած հեղաշրջումը: Սրան հաջորդած երկարամյա բանակցությունների հանգրվանն էլ եղավ ապրիլյան քառօրյան:

Ադրբեջանի ձախողված հարձակումից հետո այդ երկիրում գիտակցում են, որ այլեւս իմաստ չունի բանակցություններն օգտագործել նոր պատերազմի պատրաստվելու նպատակով: Հայաստանի համար էլ սկզբունքային է դարձել ստատուս քվոն անվտանգության երաշխիքներով ապահովելը, որովհետեւ այն գինը, որ վճարվում է դրա համար, ավելի ու ավելի է բարձրանում: Այս նոր իրավիճակում միանգամայն բնական է, որ հետին պլան է մղվել նաեւ ԵԱՀԿ Մինսկի խումբը, եւ գործընթացներում դոմինանտությունը փոխանցել է Ռուսաստանին, որպես հիմնական միջնորդի եւ հակամարտության բոլոր պատմական հանգրվաններում հսկայական դերակատարությունն ունեցած կողմի:

Սա է պատճառը, որ Սերժ Սարգսյանը այդպես կոշտ արձագանքեց Համբուրգում Մինսկի խմբի հայտնի հայտարարությանը, ասելով, որ ղարաբաղյան հարցով վերջին լուրջ խոսակցությունը տեղի է ունեցել ՌԴ նախագահ Վլադիմիր Պուտինի հետ:

Ադրբեջանն էլ երկու շաբաթը մեկ բարձրաձայնում է ՌԴ-ի հետ եռակողմ հանդիպմանան անհրաժեշտությունը: ԱԳ նախարար Էլմար Մամեդյարովն այսօր էլ «ՌԻԱ Նովոստիին» տված հարցազրույցում հերթական անգամ հայտարարել է, որ ՌԴ ԱԳ նախարարի հետ վերջին հանդիպման ժամանակ Սերգեյ Լավրովն առաջարկել է Հայաստան-Ռուսաստան-Ադրբեջան ֆորմատով եռակողմ հանդիպում անցկացնել, ինչին ինքը համաձայնությունը տվել է:

Մամեդյարովից առաջ ՌԴ ԱԳ նախարարի հետ հանդիպել էր նաեւ Էդվարդ Նալբանդյանը, բայց ոչ Հայաստանի եւ ոչ էլ Ռուսաստանի ԱԳՆ-ները չխոսեցին նման առաջարկի մասին: Այսօր հայկական կայքերից մեկի միջոցով պաշտոնական Երեւանը պատասխանեց Մամեդյարովին: Պատասխանի իմաստն այն էր, որ նախարարների մակարդակով հանդիպում կարող է լինել, սակայն միայն ԵԱՀԿ ՄԽ համանախագահների ֆորմատով, այն էլ դա կախված է Ադրբեջանի պահվածքից: Տվյալ դեպքում Ադրբեջանի պահվածք ասելով պետք չէ հասկանալ դիվերսիոն փորձերը, շփման գծում հրանոթներ գործի դնելը կամ Լապշինի գործը: Խոսքը վերաբերում է միայն ու միայն Վիեննայի եւ Սանկտ Պետերբուրգի պայմանավորվածությունների կատարմանը, ինչի մասին կայքի միջոցով հերթական անգամ հիշեցրել է պաշտոնական Երեւանը:

Ղարաբաղյան հակամարտության նոր փուլ մտնելուց առաջ Հայաստանն ու Ադրբեջանը փորձում են ինչ-որ բան պոկել իրարից: Ադրբեջանը տարածք է ուզում, մինչդեռ Հայաստանը համարում է, որ 800  հեկտարը լիովին բավարար է: Հայաստանը շփման գծում միջադեպերի հետաքննության մեխանզիմներ եւ ԵԱՀԿ դիտորդների տեղակայում է ուզում, Ադրբեջանն էլ համարում է, որ 800 հեկտարը քիչ է, եւ իր համաձայնության դիմաց մեկ երկու ամբողջական շրջան է պահանջում:

Որքան հասկանում ենք Ռուսաստանի նախագահ Վլադիմիր Պուտինը Հայաստանին խոստացել է, որ ճնշումներ կբանեցնի Ադրբեջանի նկատմամբ եւ կստիպի կատարել Սանկտ Պետերբուրգի եւ Վիեննայի պայմանավորվածությունները: Միեւնույն ժամանակ էլ Ադրբեջանին խոստացել է, որ ճնշումներ կբանեցնի Հայաստանի նկատմամբ եւ կստիպի տարածք վերադարձնել:

Մամեդյարովն արդեն երկրորդ կամ երրորդ անգամ է հայտարարում, որ ՌԴ-ի հետ եռակողմ ֆորմատով բանակցություններին իրենք համաձայն են: Դա Ադրբեջանի համար կարեւոր է, որովհետեւ խոսակցությունը պետք է գնա տարածքներ վերադարձնելու մասին: Չէ որ, հետաքննության մեխանիզմների մասին խոսակցությունն արդեն եղել է Վիեննայում եւ Սարնկտ Պետերբուրգում, եւ հիմա իրագործելու ժամանակն է:

Դրա համար էլ Հայաստանը ՌԴ նախագահին հիշեցնում է իրենց պայմանավորվածությունը, որ նախ շփման գծում անվտանգության միջոցառումներ կիրականացվեն, որից հետո միայն կնստեն կլոր սեղանի շուրջ եւ ցանկացած հարց կքննարկեն:

Այսօր ֆրանսիայի նախագահ Ֆրանսուա Օլանդը հայտարարել է, որ Ֆրանսիան հանդիպում կկազմակերպի Հայաստանի եւ Ադրբեջանի հետ`բանակցությունները մադրիդյան սկզբունքների հիման վրա շարունակելու նպատակով: Նման հանդիպում թերեւս կողմերից որեւէ մեկին հարկավոր չէ, բայց դա կարող է Վլադիմիր Պուտինի դրսեւորած անգործության հակաքայլը լինել: Ի վերջո, հակամարտության բանակցությունների այս միջանկյալ փուլը չի կարող տարիներով ձգվել. գործընթացը պետք է ինչ-որ հունի մեջ դնել: 

Տպել
14226 դիտում

Հանձնարարել եմ աջակիցներիս՝ զերծ մնալ սադրանքներին տրվելուց. Ա. Հարությունյանի թիմը քարոզարշավը սկսում է մոմավառությամբ

ԶՈՒ բոլոր զորամասերում արգելվել են զինծառայողների ծնողների և հարազատների այցելությունները, արձակուրդները. ՊՆ

Իոաննիսյանի միջնորդությամբ Ռոբերտ Քոչարյանի աջակցին արգելվել է սահմանափակել կամ արգելափակել իր ֆեյսբուքյան օգտահաշիվը

ԱԱԾ-ն հայտնաբերել է ռումբ տեղադրելու մասին կեղծ ահազանգի 3 անչափահաս հեղինակներին

Հնդկաստանում միջկրոնական բախումներ են. կան զոհեր, ներգրավվել է զորքը

«Լճաշեն» պոմպակայանում վթարի հետևանքով 11,5 ժամով դադարեցվել է Գեղարքունիքի և Կոտայքի ջրամատակարարումը

Կոռուպցիայի դեմ պայքարը նոր թափ եւ որակ պետք է ստանա. խորհրդակցություն Կառավարությունում (տեսանյութ)

Խաչատրյանների փաստաբանական խումբը ահազանգում է հերթական խախտումների մասին

Արարատի մարզում 1027 շահառու այլեւս նպաստ չի ստանում. Գարիկ Սարգսյան

Կեսգիշերին Գյումրիում ավարտվեց «Հարսանիք թիկունքում» ներկայացման էկրանավորումը (լուսանկարներ)

Դեռահասները Սարատովում ծրագրել էին պայթեցնել դպրոց ու սպանել մոտ 40 մարդու. ՌԴ ԱԱԾ-ն կանխել է (տեսանյութ)

ՏՏ կառույցների ղեկավարները դիմել են ՀՀ վարչապետին եւ ԱԺ նախագահին

Սյունիքի մարզի 3 համայնքում «Այո»-ի շտաբը կհամակարգեն Տիգրան Կարապետյանը և Արմեն Խաչատրյանը

Սուրեն Պապիկյանը հրավիրվել է ՀՔԾ. նա կունենա տուժողի կարգավիճակ

Բակո Սահակյանը բարձրագույն սպայակազմին ներկայացրել է ՊԲ նոր հրամանատար Ջալալ Հարությունյանին

Զոհրաբ Մնացականյանը հանդիպել է Հունաստանի ԱԳ նախարար Նիկոս Դենդիասի հետ

«ԱՅՈ»-ի քարոզարշավը մեկնարկելու է մարտի 2-ից, Սյունիքի մարզի Մեղրի քաղաքից, Փաշինյանը կմիանա մարտի 10-ից. Պապիկյան

Քաղավիացիայի կոմիտեի Թռիչքային գործունեության վարչության պետն ազատման դիմում է ներկայացրել

Մեղրիի անցակետով մտնող բեռնատարները հսկվում են անգամ ՊԵԿ պահեստներում. մասնագետ է մեկնել Թեհրան. նախարար

Որեւէ մեկը թող իշխանությանն արջի ծառայություն չմատուցի, մենք դրա կարիքը չունենք. Պապիկյանը՝ քվեներ կեղծելու մասին