«Օրինաց երկիրը» չմիացավ ՀԱԿ-ին, ի՞նչ կանեն «Բարգավաճ Հայաստան» խմբակցության պատգամավորները

Խորհրդարանական ընտրությունների առաջադրումների առաջին իսկ օրը՝ երեկ, ՀԱԿ խմբակցությունը ստորագրահավաք սկսեց ընտրությունների քվեարկության օրվա նշանակումը ՀՀ Սահմանադրությանը համապատասխանեցնելու նպատակով Սահմանադրական դատարան դիմելու համար:

Երեկ մինչեւ աշխատանքային օրվա ավարտը ՍԴ դիմելու ձեւաթղթի տակ ստորագրել էին 14 հոգի, մինչդեռ դրա համար անհրաժեշտ է առնվազն 27 պատգամավորի ստորագրություն: ՀԱԿ-ին միացան «Ժառանգության» անդամները, ինչպես նաեւ «Բարգավաճ Հայաստան» խմբակցության ղեկավար Նաիրա Զոհրաբյանը, քարտուղար Վահե Էնֆիաջյանը ու պատգամավոր Միքայել Մելքումյանը, նաեւ «Համախմբում» կուսակցության անդամները: Իսկ ոչիշխանականներից «Օրինաց երկիրը» կարծես թե չի ստորագրելու այդ ձեւաթղթի տակ: Խմբակցության ղեկավար Հեղինե Բիշարյանը երեկ հայտարարեց, որ նպատակահարմար չեն համարում դիմել ՍԴ, քանի որ ընտրական գործընթացն արդեն սկսված է, եւ օրվա փոփոխությունը որեւէ բանի վրա ազդեցություն չի ունենա:

Ստորագրահավաքը կշարունակվի նաեւ այսօր, եւ հավանաբար այսօր էլ պարզ կդառնա, թե ԱԺ ոչ իշխանական խմբակցությունները կամ պատգամավորները որքան ինքնուրույն եւ իշխանությունների ազդեցությունից զերծ կգտնվեն այդ հարցում եւ կստորագրեն այդ փաստաթղթի տակ: Այս հարցում արդեն խիստ կարեւոր է հատկապես ԲՀԿ պատգամավորների մասնակցությունը, քանի որ առանց նրանց ոչիշխանական մյուս երեք խմբակցությունների անդամների թիվը 27-ի չի հասնի: Հիշեցնենք, որ ընդդիմությունը պահանջում է ընտրությունների օրը ապրիլի 2-ից տեղափոխել ապրիլի 20-30-ն ընկած ժամանակահատված, որպեսզի այդ օրվա նշանակումը չհակասի Սահմանադրությանը: Իսկ Սերժ Սարգսյանն ընտրությունների օրը նշանակել է ապրիլի 2-ին՝ 2015թ. ընդունված Սահմանադրության այն կարգավորումների համաձայն, որոնք դեռ ուժի մեջ չեն մտել, ուժի մեջ են մտնելու այդ ընտրությունների արդյունքում ձեւավորվելիք խորհրդարանի առաջին նիստի օրը: Այդպիսով՝ ընտրությունների օրը պետք է նշանակվեր նախկին՝ 2005թ. Սահմանադրության կարգավորումներին համապատասխան, որի որոշ դրույթներ, այդ թվում ԱԺ-ին եւ կառավարության վերաբերող հոդվածները դեռեւս գործում են: Մինչդեռ դեռեւս չեն գործում 2015թ. Սահմանադրության այդ նույն հոդվածները:

Իշխանությունները, սակայն, չեն ընդունում, որ ընտրությունների օրը նշանակելու հարցում իրենք սահմանադրական կոպիտ սխալ են թույլ տվել: Թերեւս խնդիրն այն է, որ նրանք նախ չեն ցանկանում հրապարակավ ընդունել իրենց սխալը, մյուս կողմից էլ չեն ցանկանում ընտրությունների օրը փոխել, քանի որ դրանք կարող են համընկնել Երեւանի ավագանու ընտրությունների հետ եւ իրենց համար անցանկալի վիճակներ առաջացնել: Երեկ դա խոստովանեց նաեւ ԱԺ աշխատակազմի ղեկավար Հրայր Թովմասյանը, որը ՍԴ նախագահ Գագիկ Հարությունյանի եւ սահմանադրագետ Վարդան Պողոսյանի հետ միասին նոր Սահմանադրության նախագծի մշակման աշխատանքային խմբի անդամ էր: Այսինքն հեղինակներից մեկը այն նույն Սահմանադրության, որի մեջ ԱԺ այս ընտրությունների նշանակման դեպքում կոպիտ անհամապատասխանություն է թույլ տրված:

Հրայր Թովմասյանը, չընդունելով այդ օրվա նշանակման հակասահմանադրական լինելը՝ այսպիսի մեկնաբանություն էր հավելել. «Որքան ավելի ուշ նշանակվի ընտրությունների օրը, կա մտավախություն, որ խորհրդարանական ընտրությունների երկրորդ հավանական փուլը կհամընկնի Երեւանի ավագանու ընտրությունների հետ։ Իսկ այդ ժամանակ կառաջանան բարդություններ՝ քարոզչության, բուն քվեարկության, ընտրությունների կազմակերպման հետ կապված: Ուստի, ֆիքսվել են նման ժամկետներ»:

Այնուամենայնիվ, քվեարկության օրը տեղափոխելու հավանականություն կա. հիշեցնենք, այդ մասին հայտարարել էր Սերժ Սարգսյանը: Բայց վերջինս ընդամենը 4-5 օրվա տեղափոխության մասին էր ակնարկել, այն էլ դա պայմանավորելով ապրիլյան քառօրյա պատերազմի տարելիցով: Իսկ մինչ այդ հետաքրքիր է տեսնել՝ ՀԱԿ-ի նախաձեռնությունը ՍԴ կհասնի՞, թե ոչ, դրա համար 27 պատգամավորի ստորագրություն կհավաքվի՞, թե ոչ: Եվս մի հետաքրքիր հանգամանք՝ ընտրությունների օրվա նշանակման հակասահմանադրականությունն առաջինը հայտնաբերել էր «Համախմբում» կուսակցության պատգամավոր Էլինար Վարդանյանը, նա այդ հարցով անգամ բաց նամակով դիմել էր Սերժ Սարգսյանին: Եվ սպասվում էր, որ ՍԴ դիմելու ստորագրահավաքը նրանք կնախաձեռնեն: Բայց ոչ միայն դա չարեցին, այլեւ ՀԱԿ-ի հետ միասին չդարձան այդ նախաձեռնության հեղինակը, թեեւ ստորագրել էին այդ ձեւաթղթի տակ:

ՍԴ դիմելու նախաձեռնության վերաբերյալ երեկ մեկնաբանություն խնդրեցինք Հանրապետական խմբակցության ղեկավար Վահրամ Բաղդասարյանից: Վերջինս ՀԱԿ-ի նախաձեռնությունը նախընտրական շոու համարեց: «Դա իրենց իրավունքն է, բայց ես դա համարում եմ նախընտրական շոու: Եթե մենք պայմանավորվել ենք, որ բոլոր քաղաքական ուժերը կարող են հավաքվել եւ որոշում կայացնել, ինչ է նշանակում ստորագրություն հավաքել: Որ մի քիչ ավելի հետաքրքի՞ր լինի ներկայացվածությունը, մամուլում ավելի հետաքրքիր տողե՞ր գրվեն»,- ասաց նա:

- Պարոն Բաղդասարյան, բայց չէ՞ որ քվեարկության օրվա նշանակման հարցում սահմանադրական խնդիր է առաջացել:

- Ես չեմ ցանկանում պատասխանել այդ հարցին, թող սահմանադրագետները մեկնաբանություն տան: Քաղաքական ուժերը կարող են հավաքվել եւ հրավիրել համապատասխան մասնագետներին, ստանալ այդ բացատրություններն ու տեղում որոշումները կայացնել: Մենք հայտարարել ենք, որ եթե քաղաքական ուժերը գան ընդհանուր համաձայնության, մենք որեւէ խնդիր չենք տեսնում:

- Բայց դուք ընդամենը 4-5 օրով հետաձգելու մասին եք ասել, մինչդեռ այն առնվազն 20 օր հետո պետք է տեղափոխվի:

- Որեւէ խնդիր չենք տեսնում: Եվ հետո ես խնդրում եմ, ապրիլյան պատերազմի դեպքում մեզ լացակումած ազգի կերպարով մի ներկայացրեք: Մենք խոնարհվում ենք մեր զոհերի առաջ եւ այդ օրերը կարող ենք որպես հաղթանակի օր հռչակել: Հայ ժողովուրդը այնքան հարուստ պատմություն ունի, որ եթե յուրաքանչյուր օրացուցային օր վերցնես, մի ողբերգություն կամ հաղթանակ եղած կլինի: Ես չեմ ցանկանում այս քաղաքական ինտրիգները կապել այդ օրերի հետ: Բայց ի՞նչ ենք շահելու ընտրությունները հետաձգելուց:

- Սահմանադրությունը չի խախտվի:

- Նորից ասեմ՝ եթե սահմանադրական խնդիր կա, թող սահմանադրագետները մեկնաբանեն:

Տպել
8847 դիտում

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին