Եւս մեկ թատրոն. ուշացած բացում

01/02/2017 schedule15:35

Տպագրվել է «Հայկական Ժամանակ» օրաթերթի՝ 2004 թվականի փետրվարի 3-ի համարում

Հունվարի 30-ին բացվեց Լինսի ծրագրով վերանորոգված եւս մեկ թատրոն: Խոսքը Պատանի հանդիսատեսի թատրոնի մասին է, որը Լինսի ծրագրի մեջ մտավ երկարատեւ բանակցություններից, բողոքի ակցիաներից ու աղմուկ-աղաղակից հետո: Նախկինում վթարային այս թատրոնը, որ իսկապես սարսափելի վատ վիճակում էր գտնվում եւ փակվեց մոտ երկու տարի առաջ՝ հենց երեխաների պաշտպանության օրը, ըստ ծրագրի, պետք է բացվեր դեռ ամիսներ առաջ: Թատրոնի ուշացած բացումը տեղի ունեցավ Սոֆոկլեսի «Անտիգոնե» ներկայացումով, որը Ստոբիի միջազգային փառատոնում ստացել էր գլխավոր մրցանակը:

Պատմական այդ իրադարձությանը հրավիրված էին Ռոբերտ Քոչարյանը, վարչապետ Անդրանիկ Մարգարյանը, Երեւանի քաղաքապետ Երվանդ Զախարյանը, Աժ նախագահ Արթուր Բաղդասարյանը... Դեռ բացումից առաջ թատրոնի գեղարվեստական ղեկավար Հակոբ Ղազանչյանը մեզ հետ ունեցած զրույցի ժամանակ ասաց, որ բացմանը հրավիրված են բոլոր նրանք, ովքեր պետք է տրամաբանորեն ներկա լինեն այդ իրադարձությանը: Սակայն ո՛չ Քոչարյանն ու Մարգարյանը, եւ ոչ էլ Զախարյանն ու Բաղդասարյանը այդպես էլ թատրոն չժամանեցին: Եկել էր միայն ԱԺ գիտության եւ կրթության մշտական հանձնաժողովի նախագահ Հրանուշ Հակոբյանը, որը ներկայացման կեսից հեռացավ: Չնայած սրան, թատրոնի աշխատակիցները երջանիկ էին:

«Նույնիսկ ամենաերջանիկ երազում մենք չէինք կարող նման բան տեսնել: Սա հրաշալի հեքիաթ է: Քըրք Քըրքորյանի անունը պետք է ոսկե տառերով գրվի հայ ժողովրդի դարավոր պատմության մեջ: Հիմա մենք կարող ենք հանգիստ լինել, որ մեր գլխին առաստաղ փուլ չի գա»,- հուզված ասում էր թատրոնի ղեկավարը՝ նկատի ունենալով իրենց 10 սանտիմետրով ճկված նախկին առաստաղը, որի փլուզման սպառնալիքի տակ նրանք ամեն շաբաթ ներկայացում էին խաղում: Պարզվում է՝ երկարատեւ վերանորոգման ընթացքում շինարարների հետ ներքին համաձայնության գալուց հետո, Ղազանչյանը կարողացել է թատրոնում կառուցել տալ եւս երկու դահլիճ:

Մեզ հետ ունեցած զրույցի ժամանակ նա հայտնեց, որ նոր դահլիճներից մեկը լրիվ մեկուսացված է թատրոնից. փողոցի կողմից ունի իր առանձին ծառայողական մուտքը, դիմահարդարման սենյակները, փոքրիկ ճեմասրահը, սրճարանը եւ այլն: Ըստ ամենայնի, դահլիճը կունենա 90 տեղ (աթոռները դեռ տեղադրված չեն): «Եթե փող ճարենք, ես ուզում եմ շատ հետաքրքիր ոճ լինի, էլիտար մի բան»,- ասում էր թատրոնի գեղարվեստական ղեկավարը: Այս դահլիճը հիմնականում կծառայի «Արմմոնո» միջազգային թատերական փառատոնին: Իսկ ընթացքում տարբեր դերասաններ (ոչ սույն թատրոնից) այնտեղ կբեմադրեն մոնոներկայացումներ:

Մյուս նոր դահլիճն ամֆիթատրոնի նման մի բան է, որտեղ նստարաններ չկան: Այսինքն, բեմը լինելու է ներքեւում, մարդիկ նստելու են «աստիճանների» վրա. մի խոսքով՝ հունական ամֆիթատրոնների տիպի նոր մի բան, որպիսին Հայաստանի թատրոններում չկա: Այս դահլիճներում տեղադրվել են Լինսի ծրագրի շրջանակներում թատրոնի ձեռք բերած տեխնիկայի մի մասն ու դեմոնտաժված հին տեխնիկան: Բնականաբար, այս ամենը թատրոնին հնարավորություն կտա է՛լ ավելի մեծացնել իր խաղացանկն ու նոր էքսպերիմենտներ անել այնտեղ: Իսկ ընդհանրապես, Պատանի հանդիսատեսի թատրոնը ներկայանալի տեսքի է եկել:

Սակայն ամբողջական տեսքի բերելու համար «Լինսի» հիմնադրամի գումարները չեն բավարարել, եւ մնացյալն արվել է Երեւանի քաղաքապետարանի ու նաեւ պարտքերի միջոցով (երեկ մեզ հայտնի դարձավ, որ թատրոնի համար վարագույրներ ձեռք բերելու համար Ղազանչյանն արդեն 1000 դոլար պարտք է արել): Ինչ վերաբերում է ստեղծագործական մասին, փետրվարի 16-ին Պատանի հանդիսատեսում պրեմիերա է: Բեմադրվել է  Ալեքսանդր Վամպիլովի «Ավագ որդին» պիեսը: Իսկ ավելի ուշ դերասան Վարդան Պետրոսյանն առաջին անգամ այստեղ կներկայանա նոր ժանրում: Նա հանդես կգա Պատրիկ Զյուսկինդի աշխարհում բավական հայտնի «Կոնտրաբաս» մոնոներկայացումով:

Սույն մոնոներկայացումը բեմադրվել է աշխարհի շատ հեղինակավոր բեմերում, եւ խաղացել են շատ հեղինակավոր դերասաններ. օրինակ, Մոսկվայում՝ Կոնստանտին Ռայկինը: Պրեմիերան տեղի կունենա գարնանը: Պատանի հանդիսատեսի թատրոնում կբեմադրվի նաեւ ֆրանսահայ հայտնի դրամատուրգ Րաֆֆի Շարտի «Իմ կնոջ անունը Մորիս է» կատակերգությունը: Այս գործն, ըստ Հակոբ Ղազանչյանի, բեմադրվել է աշխարհի 30-ից ավելի երկրներում, իսկ ինքը՝ Րաֆֆի Շարտն, այսօր համարվում է Ֆրանսիայի ամենաեկամտաբեր դրամատուրգը: Ի դեպ, այս թատերաշրջանը Պատանի հանդիսատեսի թատրոնում 75-րդն է:

«Մենք մեր առջեւ մեծ խնդիրներ ենք դրել 75-րդ թատերաշրջանում: Կոլեկտիվն այս տարի ոչ արձակուրդ է գնալու, ոչ հանգստյան օր է ունենալու. մենք շատ հանգստացանք»,- թատրոնի բացման ժամանակ հայտարարեց գեղարվեստական ղեկավարը: Բացի այն, որ այստեղ տեղի կունենա «Արմմոնո» միջազգային երկրորդ թատերական փառատոնը, թատրոնը նաեւ պատրաստվում է մասնակցել երեք միջազգային թատերական փառատոնների՝ Ստոբիում, Գդանսկում եւ Կերչում: Ընթացքում, շաբաթական 5 օր (երկուշաբթիից հինգշաբթի՝ ժամը 16-ին եւ կիրակի օրերին՝ ժամը 12-ին եւ 14-ին), թատրոնը ներկայացումներ կտա պատանիների համար, իսկ ուրբաթ եւ շաբաթ օրերին՝ ժամը 17-ին ներկայացումներ կտա նաեւ մեծահասակների համար:

Լուսինե Բարսեղյան

Տպել
1145 դիտում

Սպանություն Կոտայքի մարզում. Աբովյանի Թիվ 7 դպրոցի բակում հայտնաբերվել է 34-ամյա երիտասարդ տղայի դի

«Արմենիա» Բ/Կ տեղափոխված դանակահարված տղամարդը ժամեր անց մահացել է, հարուցվել է քրգործ

Մեր կրթաթոշակով սովորած ուսանողները պարտավորվում են վերադառնալ եւ աշխատել հայրենիքում. Աննա Հակոբյան

Վենետիկի հանձնաժողովի արձանագրությունը ներքին շրջանառության փաստաթուղթ է, պիտի պարզենք՝ ինչպես է հրապարակվել․ Կարապետյան

Հավաքվել է մոտ 3 մլն դոլար, ծախսվել՝ մոտ 2 մլն. Աննա Հակոբյանը ներկայացնում է հիմնադրամների աշխատանքը

Զարեհ Սինանյանն ընդունել է ՀՀ-ում Ֆրանսիայի Հանրապետության արտակարգ և լիազոր դեսպանին

Ո՞վ է 8 տարի Շիրակում ապրած հովիվ աղջիկը, ինչպես է հայտնվել եւ ապրել ֆերմեր Թորոսյանի տանը

ՀՀ դեսպանը հանդիպել է ԱՄԷ կրթության նախարարի հետ. խոսել են համատեղ կրթական-գիտական ծրագրերի մասին

6 անշարժ գույք, 2 ավտոմեքենա, 250 հազար դոլար, 12 մլն դրամ. քաղաքաշինության կոմիտեի նախագահի ունեցվածքը

«Սանիթեքը» ոչ մեկի հետ չի խոսում շանտաժի լեզվով. ընկերությունը պատասխանում է քաղաքապետին

ԱԱԾ-ում չգիտեն, թե ինչքան գումար է տրամադրվելու ՀԱՊԿ շրջանակում տեղեկատվական համակարգ ներդնելու համար

Մենք ռիսկերը մինիմալի կարող ենք հասցնել, բայց խնդիրը ամբողջությամբ վերացնել չենք կարող. մարզպետը՝ քարաթափման դեպքի մասին

Նախորդ տարի Սեւանում նույն պատկերն արձանագրվելուց հետո ինչ է արվել 1 տարում. պարզաբանում է նախարարը

Սահակյանցն ու մայրը կինեմատոգրաֆիստների միությունից դուրս են եկել «Ոսկե ծիրան»-ի մրցանակների պատճառով

Հրշեջ-փրկարարները մարել են մոտ 15.2 հա խոտածածկ տարածքներում բռնկված հրդեհները

Կրակել, ապա դանակահարել է․ նոր հաղորդում Նարեկ Սարգսյանի եւ նախկին պատգամավոր Արթուր Մանուկյանի դեմ

Այգավան գյուղի կամրջի մոտակայքում տեղի ունեցած վթարի արդյունքում 4 մարդ է տեղափոխվել հիվանդանոց

Աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել. Մարությանը՝ «Սանիթեքի» մասին

25 տարի անց. «Առյուծ արքայի» նոր տարբերակի համաշխարհային պրեմիերան կայացել է. կլինի նաեւ ՀՀ-ում (տեսանյութ) 

Նիկոլ Փաշինյանը հյուրընկալել է իր հետ հանդիպելու ցանկություն հայտնած ամերիկահայ 6-ամյա տղային (լուսանկարներ, տեսանյութ)