Լապշինի քրեական հետապնդումը Արցախի վերաբերյալ ազատ խոսքը լռեցնելու փորձ է. Արցախի ՄԻՊ

ԼՂՀ Մարդու իրավունքների պաշտպանի գրասենյակը ռուս բլոգեր Ալեքսանդր Լապշինին Ադրբեջանին արտահանձնելու գործընթացին հետեւում է դեռ նախորդ տարվա վերջից: Ուսումնասիրելով նրան առաջադրված մեղադրանքները՝ ՄԻՊ գրասենյակը եկել է այն եզրահանգման, որ խոսքը վերաբերում է ոչ այնքան Արցախ այցելելուն, որքան Լապշինի՝ Արցախի վերաբերյալ ազատ խոսքը լռեցնելու փորձ:

«Սա խիստ  անհանգստացնող եւ մտահոգիչ է: Համադրելով առկա բոլոր փաստերը՝ մենք եկել ենք այն խորը համոզման, որ գործ ունենք մարդու իրավունքների ոտնահարման հետ: Այս միջադեպն անհանգստացնող պետք է լինի ոչ միայն մեզ, այլ նաեւ միջազգային իրավապաշտպան հանրության համար, որովհետեւ խոսքի ազատությունը մարդու իրավունքների գաղափարախոսության մեջ առանցքային նշանակություն ունի:

Այստեղ գրեթե անթաքույց խոսվում է այն մասին, որ Արցախի մասին տեղեկություններ տարածելու, անձնական կարծիք հայտնելու համար անձը կարող է քրեական հետապնդման ենթարկվել»,- Armtimes.com-ի հետ զրույցում ասաց Արցախի ՄԻՊ Ռուբեն Մելիքյանը:

ԼՂՀ օմբուդսմենի խոսքով՝ իրավապաշտպան կառույցներն ու անհատ իրավապաշտպանները պետք է գիտակցեն, որ Ադրբեջանի պահվածքն առաջին հերթին մարտահրավեր է իրենց: Նրանք պետք է մտածեն, թե որտեղ է թաքնված ռուս բլոգերին հետապնդումների ենթարկելու բուն պատճառը:

«Ես այն համոզմանն եմ, որ միջազգային իրավապաշտպան հանրությունն Արցախում ավելի մեծ ներկայացվածություն պետք է ունենա: Մենք այս ուղղությամբ աշխատել եւ աշխատում ենք: Այս սկզբունքը մեր գործունեության մեջ անցնում է կարմիր թելով:

ԼՂՀ-ում բնակվում են մարդիկ, այստեղ առկա է պետական համակարգ, եւ արցախցու մարդու իրավունքները ոչ մի բանով չպետք է տարբերվեն մյուս պետություններում ապրող մարդկանց իրավունքներից: Խտրականությունն ուղղակի անընդունելի է, եւ այս խնդիրն առաջնահերթ կերպով պետք է ընկալվի միջազգային իրավապաշտպան կազմակերպությունների կողմից»,- նկատեց Ռուբեն Մելիքյանը:

Ամփոփելով՝ ԼՂՀ օմբուդսմենը շեշտեց, որ Լապշինի նկատմամբ քրեական հետապնդում իրականացնելով՝ Ադրբեջանը նպատակ ունի վախի մթնոլորտ ստեղծել, մինչդեռ հայկական կողմը, բարձրաձայնելով վերոնշյալ խնդրի մասին, պետք է օտարերկրացիների մոտ Արցախ այցելելու ավելի մեծ մոտիվացիա առաջացնի: Սա, Ռուբեն Մելիքյանի խոսքով, զուտ գաղափարական պայքար է, սեւի ու սպիտակի պայքար:

Հիշեցնենք, որ Բելառուսի Հանրապետության գլխավոր դատախազի տեղակալը որոշում է կայացրել բավարարել Ադրբեջանի գլխավոր դատախազության խնդրանքը՝ Ռուսաստանի եւ Իսրայելի քաղաքացի, բլոգեր Ալեքսանդր Լապշինին Ադրբեջանին արտահանձնելու վերաբերյալ:

Որոշում է կայացվել Ադրբեջանի քրեական օրենսգրքի 281.2 (պետությունների դեմ հրապարակային կոչեր) եւ 318.2 (Ադրբեջանի Հանրապետության պետական սահմանի անօրինական հատում) հոդվածներով քրեական պատասխանատվության ենթարկել բլոգերին:

Տպել
4377 դիտում

ՌԴ-ում հայազգի ոստիկանները փրկել են թոշակառուի կյանքը՝ դուրս բերելով նրան հրդեհվող տնից

Մոսկվայում կանխվել է ահաբեկչություն. ձերբակելվել են ԴԱԻՇ-ի անդամներ

Իրաքում ԻՊ ահաբեկիչները կտրել են գողության համար մեղադրվող բնակիչների ձեռքերը

ՎՏԲ-Հայաստան Բանկի տեղեկատվական կենտրոնը՝ հաճախորդների հետ հաղորդակցման արդյունավետ միջոց

Ավելի քան 700 հազար մարդ միացել է օվկիանոսները պլաստիկից պահպանելու Avaaz-ի կոչին

Գյումրու 41 դպրոցը խիստ զգուշացում է ստացել. ծնողները`100 հազար դրամ հավաքելու մասին

Էդուարդ Թոփչյանը՝ Խաչատրյանի միջազգային մրցույթի ժյուրիի անդամ

Թուրքական կայքը գրում է Աթեշյանի հրաժարականի պատճառների մասին

Ինչո՞ւ են կառավարության կառուցվածքը փոխում հիմա, եւ ի՞նչ կապ ունի Դավիթ Հարությունյանը

«Միսս Հայաստան» մրցույթի հայտերն արդեն ընդունվում են

Դավադրություն Կարեն Կարապետյանի կառավարության դե՞մ. ցուցանիշները էլի սկսել են ցատկոտել

Դոն Պիպոյի սպանությունը նախապատրաստելու գործով ձերբակալվել է 3 անձ. ՔԿ-ն հաստատեց

Տեղեկատվության ազատության համար լիազոր մարմին կստեղծվի. նոր օրենքի նախագծի քննարկումներ

Վրաստանն ու Թուրքիան պայմանավորվել են վերականգնել օսմանյան մշակույթի ժառանգությունը

Մեղադրող դատախազն Արարատ Խանդոյանի համար 4 տարի ազատազրկում պահանջեց. Տեսանյութ

Տիտղոսը նվիրում եմ ընտանիքիս, Մանչեստերին եւ բոլոր հայերին. Հենրիխ Մխիթարյան

ՀՀ-ում ջրային ռեսուրսների կորստի պատճառն ապօրինի հորեր թույլ տվող կոռուպցիան է. ԱՄՆ ՄԶԳ

Սյունիքի  սկսնակ գործարարները հավակնում են ֆինանսական աջակցության` մատչելի վարկերի տեսքով

Վոլոդյա Ավետիսյանը հայտնվել է Խանդոյանի դատական նիստին. նրան ծափերով են դիմավորել. Վիդեո

«Կադրային խեղկատակություններ Սյունիքի բուժհաստատություններո՞ւմ». պաշտոնական պարզաբանում