Երևան
14 °C
Տպագրվել է «Հայկական Ժամանակ» օրաթերթի՝ 2004 թվականի հունվարի 22-ի համարում
2002-ին մեր խորհրդարանն ընդունեց «Ընտրական օրենսգրքում» լրացումներ եւ փոփոխություններ կատարելու մասին օրենքի նախագիծը: 2003 թվականին արդեն բոլոր համապետական ընտրությունները տեղի ունեցան նոր օրենսգրքով:
Թե ինչպիսին էին այդ ընտրությունները, տեսանք բոլորս: Իհարկե, նույնիսկ ամենակատարյալ օրենքը կարելի է այնպես այլասերել, որ նրանից բան չմնա, բայց նաեւ, եթե օրենքում շատ են «սողանցքերը», դա օրինախախտներին լիարժեք հնարավորություն է տալիս օրենքը խախտելիս իրենց զգալ ինչպես ձուկը ջրում, մանավանդ՝ ընտրախախտումների «բարի» ավանդույթ ունեցող երկրներում: Ինչեւէ, 2003-ի դեկտեմբերի 17-ին ԵԱՀԿ-ն ու Վենետիկի հանձնաժողովը մեր խորհրդարան են ուղարկել համատեղ առաջարկությունների փաթեթ՝ գործող «Ընտրական օրենսգիրքը» բարելավելու համար: Եվրոպացի փորձագետների ձեւակերպումները, նույնիսկ ամենամեղմ ձեւակերպման դեպքում, «Ընտրական օրենսգիրքը» հիմնահատակ «քացու տակ» տալուց բացի՝ այլ բան համարել հնարավոր չէ:
Ընտրությունների կազմակերպման ու անցկացման կարգն ինչ-որ կերպ վերահսկելի դարձնելու համար առաջարկվում են օրենքում ամրագրել այնպիսի դրույթներ, որոնք նույնիսկ աֆրիկյան ամենահետամնաց երկրի համար կարող են լինել ստորացուցիչ: Գործող «ԸՕ»-ի գրեթե բոլոր առանցքային դրույթների վերաբերյալ ԵԱՀԿ-ն ու Վենետիկի հանձնաժողովն արել են արմատական առաջարկներ, որոնք մեր խորհրդարանն առաջիկայում պարտավոր է քննարկել, քանզի «ԸՕ»-ի բարելավումը եւս մտնում է ԵԽ-ի առաջ մեր ստանձնած պարտավորությունների շարքը: Եւ քանի որ մեկ նյութի շրջանակներում հնարավոր չէ ներկայացնել ԵԱՀԿ-ի եւ Վենետիկի հանձնաժողովի համատեղ ներկայացրած բոլոր դիտողություններն ու առաջարկությունները, դրանց կանդրադառնանք հաջորդիվ:
Եվրոպացի մասնագետների առաջին վերապահումը վերաբերում է ԿԸՀ-ի կազմավորման կարգին: Ըստ գործող օրենքի, ԿԸՀ-ի անդամներից երեքին նշանակում է հանրապետության նախագահը, իսկ հանձնաժողովի մեկական ներկայացուցիչ նշանակվում են խորհրդարանական խումբ-խմբակցությունների կողմից: ԿՀԸ-ի կազմման այս ձեւի վերաբերյալ իրենց ունեցած վերապահման մեջ փորձագետները նշում են. «Այս ձեւով ԿԸՀ-ի կազմման ժամանակ նախագահի աշխատակազմը շարունակում է մեծապես ազդել հանձնաժողովների աշխատանքների վրա: Հարկ է նշել, որ նախագահի եւ կառավարամետ կուսակցությունների կողմից առաջադրված անդամները 2003-ի ընտրությունների ժամանակ փաստացի կազմում էին ԿԸՀ-ի եւ ՏԸՀ-ների անդամների մեծամասնությունը:
Սա հատկապես խնդրահարույց էր նախագահական ընտրությունների երկրորդ փուլում, երբ գործող նախագահին երաշխավորվում էր «ներկայացվածություն»՝ ընտրական հանձնաժողովի երեք անդամների, գումարած՝ գործող նախագահին սատարող կուսակցությունները ներկայացնող հանձնաժողովի այլ անդամների միջոցով»: Եւ սա, ըստ եվրոպացի փորձագետների, համարվում է լուրջ խոչընդոտ՝ ընտրությունների կազմակերպման եւ անցկացման գործընթացի անկողմնակալությունն ապահովելու համար, որը, նրանց պնդմամբ, պետք է վերանայել մինչեւ հաջորդ ընտրությունները: Եւ այսպես, ի՞նչ են առաջարկում փորձագետները: Նրանք առաջարկում են կիրառել ԿԸՀ-ի կազմման խառը կուսակցական հավասարակշռության մոդելը, որը հնարավորություն կտա ԿԸՀ-ում որոշ տեղեր նախատեսել նաեւ անկուսակցական անձանց համար:
Առաջարկվում է ԸՀ-ների այդպիսի անդամների նշանակման կամ առաջադրման լիազորությունը վերապահել ոչ թե կառավարությանը, այլ դատական համակարգին (օրինակ՝ ՍԴ-ին), կամ էլ՝ խորհրդարանին: Համենայնդեպս, առաջարկվող դիտողություններում ֆիքսված է. «Ցանկացած պարագայում, հանձնաժողովի աշխատանքի նկատմամբ նախագահի ազդեցությունը թուլացնելու համար, անհրաժեշտ է, որպեսզի վարչակազմը յուրաքանչյուր ընտրական հանձնաժողովում մեկից ավելի ներկայացուցիչ չունենա: Ընտրական հանձնաժողովներում պետք է ներկայացված լինեն բոլոր հիմնական քաղաքական ուժերը: Բայց այնպես, որպեսզի քաղաքական որեւէ շահ կրող իր ձեռքը չվերցնի որոշումներ կայացնելու մենաշնորհը»:
ԵԱՀԿ-ի եւ Վենետիկի հանձնաժողովի հաջորդ վերապահումը գործող «ԸՕ»-ի նկատմամբ՝ վերաբերում է ընտրական հանձնաժողովներում որոշում կայացնելու մեխանիզմին: Գործող օրենքով ընտրական հանձնաժողովների որոշումները վավեր են, եթե հանձնաժողովի անդամների կեսից ավելին մասնակցել է քվեարկությանը: Իսկ ձայների հավասարության դեպքում վճռորոշ է դառնում հանձնաժողովի նախագահի ձայնը: Այսպիսով, եթե քվեարկությանը մասնակցում են հանձնաժողովի անդամներից, ասենք, միայն 5-ը կամ 6-ը, ապա կարեւորագույն որոշումների ընդունումը հնարավոր է դառնում հանձնաժողովի 9-ը անդամներից միայն երեքի «կողմ» քվեարկությամբ:
Հաշվի առնելով Հայաստանի ընթացիկ քաղաքական իրավիճակը՝ եվրոպացի մասնագետներն առաջարկում են քվորումի ավելի բարձր չափանիշ սահմանել, որպեսզի հանձնաժողովներում որոշումների կայացման գործընթացը հիմնվի առավել լայն համաձայնության վրա: Եվրոպացի փորձագետների հաջորդ լուրջ վերապահումը վերաբերում է հատկապես 2003-ի նախագահական ընտրությունների ժամանակ գրեթե բոլոր ընտրատեղամասերում նկատված ավանդույթին, երբ հանձնաժողովների կազմը փոխվել է ընտրություններից մեկ օր կամ ընդամենը մի քանի ժամ առաջ: Ուստի, վերջիններս առաջարկում են «Ընտրական օրենսգրքում» կատարել անհրաժեշտ փոփոխություն, որը կարգելի ընտրական հանձնաժողովի անդամների հեռացումը քվեարկության օրվան նախորդող ժամանակահատվածում:
Եւ քանի որ ԵԱՀԿ-ի եւ Վենետիկի հանձնաժողովի համատեղ առաջարկները կազմում են 29 կոմպյուտերային էջ, շարունակաբար կանդրադառնանք նաեւ մնացած դիտողություններին եւ առաջարկություններին:
Նաիրա Զոհրաբյան
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ