Մտադիր ենք դիմել ընդհուպ ՄԻԵԴ. Ներսես Պողոսյանի պաշտպան

Արդարադատության նախարարության քրեակատարողական վարչությունը քննարկել է Կարմիր Խաչի ներկայացուցիչների՝ Ներսես Պողոսյանին այցելելու թույլտվության հարցը եւ դրական որոշում կայացրել, ինչից հետո Կարմիր խաչի միջազգային կոմիտեի պատվիրակն այսօր այցելել է Ժիրայր Սեֆիլյանի հետ համագործակցության, ինչպես նաեւ ապօրինի զենք, զինամթերք պահելու մեջ մեղադրվող Պողոսյանին: Վերջինս նրան ներկայացրել է իր առողջական վատ վիճակը, ինչպես նաեւ պատմել պահման վայրի պայմանների մասին: Պատվիրակն իր հերթին հավաստիացրել է, որ կշարունակի կապի մեջ մնալ Ներսես Պողոսյանի հետ: Այս մասին Armtimes.com-ի թղթակցի հետ զրույցում տեղեկացրեց Պողոսյանի կինը՝ Լիան:

ԱՆ քրեակատարողական վարչության հանրային կապերի բաժնից էլ մեզ տեղեկացրեցին, որ Ներսեսի վիճակը բավարար է, նա գտնվում է բժիշկների հսկողության տակ: Խոստացած ջրադուլը նա չի սկսել:

Տրամաբանորեն հակառակի մասին պնդեց մեղադրյալի փաստաբան Արայիկ Պապիկյանը, ով Armtimes.com-ի թղթակցին հայտնեց, որ իր պաշտպանյալը տկար եւ ընկճված վիճակում է:

Ինչ վերաբերում է քրեական գործի մանրամասներին, ապա փաստաբանը տեղեկացրեց, որ վերաքննիչ ատյանից երեկ ստացել են որոշումը եւ մտադիր են բողոքարկել այն: «Վերաքննիչ դատարանի որոշումը՝ պատճառաբանական մասը հատկապես, ամենեւին չի վերաբերում մեր բողոքին: Նրան, ինչի մասով բողոքարկել էինք, դատարանը մեկ բառով անգամ չի անդրադարձել: Մենք բողոքարկել էինք առաջին ատյանի դատարանի որոշումը, որ խափանման միջոցի երկարացումը եղել է առանց միջնորդության, ընդամենը գրության հիման վրա: Վերաքննիչի որոշումը շուտով կբողոքարկենք Վճռաբեկ դատարանում, այնուհետ՝ ՄԻԵԴ-ում»,- ամփոփեց պաշտպանը:

Հիշեցնենք, որ Ներսես Պողոսյանը կալանավորվել է 2016 թվականի մայիսի 31-ին: Նրան մեղադրում են ՀՀ Քրեական օրենսգրքի 235 հոդվածի 2-րդ մասով` Ժիրայր Սեֆիլյանի հետ համագործակցության արդյունքում ապօրինի զենք եւ զինամթերք պահելու մեջ: Այս քրեական գործով նախաքննությունն ավարտվել է, գործն ուղարկվել է դատարան:

Ներսես Պողոսյանը բողոքում է իր քրեական գործի դեմ եւ պահանջում է իրեն ազատ արձակել: Վերջինս ամուսնացած է, 3 անչափահաս երեխա ունի:

Ներսեսի մոր՝ Սաթենիկ Պողոսյանի պնդմամբ իր որդու գլխին գործ են սարքել, եւ նա անազատության մեջ գտնվում է ապօրինի կերպով:

Տպել
2680 դիտում

Զոհրաբ Մնացականյանը եւ Սերգեյ Լավրովը հանդիպել են

Որոշվել է Արցախի նախագահի թեկնածուների եւ կուսակցությունների հերթականությունը քվեաթերթիկներում

«Քաղաքական շահարկում է». ի՞նչ կապ ունի Սերժ Սարգսյանի մեղադրանքը Ղարաբաղի հարցի հետ

Վարդենյաց լեռնանցքը փակ է բոլոր տեսակի ավտոմեքենաների համար, Սեւան-Գավառ ավտոճանապարհին բուք է, . ԱԻՆ

Դատարանը հեռացավ խորհրդակցական սենյակ՝ Սերժ Սարգսյանի գործով դատախազի բացարկի վերաբերյալ որոշում կայացնելու

Զոհրաբ Մնացականյանը հանդիպել է ՄԱԿ Փախստականների հարցերով գերագույն հանձնակատար Ֆիլիպո Գրանդիին

Հրապարակվել են ՀՀ Սահմանադրության փոփոխությունների հանրաքվեին մասնակցելու իրավունք ունեցող անձանց ցուցակները

Կիպրոսի Հանրապետության նորանշանակ դեսպանն իր հավատարմագրերն է հանձնել ԱԳ նախարարի տեղակալին

Ծնողը մտել է դասարան, հարվածել ուսուցչուհուն, երեխան խուճապահար վազել է տնօրենի ետեւից. ինչ է կատարվել հ.52 դպրոցում

Վախեցել, խառնվել են իրար, պետք էլ որ չեղնի, կառնին. Գյումրու դեղատներում դիմակներ չկան

Սերժ Սարգսյանի պաշտպանները բացարկի միջնորդություն ներկայացրին մեղադրող դատախազին

Գեղարքունիքի մարզի Սարուխան գյուղում տան տանիք է այրվում. ԱԻՆ

Մհեր Գրիգորյանն ընդունել է Միջազգային ֆինանսական կորպորացիայի տարածաշրջանային փոխնախագահին

Քրեական գործի 82 թերթում որեւէ նշում չկա Սերժ Սարգսյանի անձը բնութագրող տվյալների մասին. պաշտպան

Ռիո դե Ժանեյրոն կրկին գունավառ էր. լուսանկարներ կառնավալից

Սիրելի ընկերներ, շնորհակալ եմ, որ եկել եք ինձ սատարելու... խնդրում եմ վերադառնալ տուն. Սերժ Սարգսյանը՝ դատարանի բակում

«Որ թատրոնը կավարտվի երեք գործողությամբ». Բարսեղ Բեգլարյանը եկավ դատարան

Մեկնարկեց Սերժ Սարգսյանի եւ մյուսների գործով դատական նիստը

Մահացել է Եգիպտոսի նախկին նախագահ Հոսնի Մուբարաքը

Սերժ Սարգսյանը քիչ առաջ ժամանեց դատարան. շուտով կսկսվի դատական նիստը