«ՀՀ նախագահ Սերգեյ Սարգսյան». Ծառուկյանի մասին ֆիլմաշարի մեծ ինտրիգը

«Կենտրոն» հեռուստաընկերությունով հունվարի 4-ից ցուցադրվում է շքեղ ֆիլմաշար` «Մարդ, որը կառուցում է» խորագրով: Այն նվիրված է Գագիկ Ծառուկյանին եւ ստեղծվել է նրա 60-ամյակի առիթով: Ծառուկյանի 60-ամյակը նոյեմբերի 25-ին էր, որը, ըստ մամուլի տեղեկությունների, նա նշել է նեղ ընտանեկան միջավայրում, Մոնակոյում:

Ֆիլմաշարից 4 մաս արդեն ցուցադրվել է: Քանի մաս ունի այն, հայտնի չէ, սակայն 4-րդ մասն ավարտվում է «Շարունակելի...» գրությամբ: Ֆիլմի առաջին մասը պատմում է, թե ինչպես է Գագիկ Ծառուկյանը գործարաններ կառուցում, երկրորդ մասը՝ թե ինչպես է նա եկեղեցիներ կառուցում, երրորդ մասը, կարծես, նվիրված է սպորտում Ծառուկյանի առաջին հաջողություններին, չորրորդ մասը` նրա օրոք Հայաստանի սպորտի հաջողություններին որպես ՀԱՕԿ նախագահ:

Այս բոլոր ասպարեզներում նրա հետ շփված մարդիկ ֆիլմում ամենատարբեր մանրամասներն են պատմում իրենց շփումներից, Ծառուկյանի անձնական որակներն են ներկայացնում: Պարզվում է օրինակ, որ նա Աբովյանի եկեղեցու շինհրապարակում աշխատող 100 բանվորին անուն առ անուն ճանաչել է: Անձամբ է հղացել քանդակների, պատկերների գաղափարները: Նա նաեւ անձամբ է նախագծել «Փարավոն» ժամանցի համալիրի դիզայներական լուծումները: Նա լավ հայր է, հավատացյալ հայ, կնոջն անսահման սիրող ամուսին, բարի մարդ, տաղանդավոր սպորտսմեն, խաչքարերի եւ եկեղեցիների ճարտարապետ, կրեատիվ դիզայներ, լավ որդի, բոլորին օգնող, հասնող, մի խոսքով՝ հրաշք անձնավորություն:

Ֆիլմաշարի ամենաինտրիգային հատվածը, սակայն դեռ առջեւում է: Առանձնահատուկ հետաքրքրության հարց է` անդրադառնալո՞ւ է այս ֆիլմը Գագիկ Ծառուկյան-քաղաքական գործչին, թե՞ ոչ: Եթե անդրադառնալու է, ապա ի՞նչ բովանդակությամբ: Սա ուշագրավ է, հատկապես, Սերժ Սարգսյանի փետրվարտասներկուսյան հայտնի ելույթի համատեքստում: Բացի այդ, այս օրերին սպասվում է քաղաքականություն վերադառնալու վերաբերյալ Ծառուկյանի վերջնական հայտարարությանը:

ԲՀԿ նախագահ Նաիրա Զոհրաբյանի փոխանցմամբ այդ հայտարարությունը կարող է լինել առաջիկա մեկ շաբաթվա ընթացքում: «Կենտրոն»-ով ցուցադրվող ֆիլմաշարի շարունակությունն էլ է լինելու այդ նույն ժամանակահատվածում: Եւ Ծառուկյանի վերջնական հայտարարությանն ընդառաջ շատ կարեւոր է, թե նրա քաղաքական կերպարն ինչպես կներկայացվի ֆիլմում:

Հիշեցնենք, Սերժ Սարգսյանը շատ խիստ էր դատել Ծառուկյան քաղաքական գործչին: Քաղաքական գործընթացները խեղկատակության վերածող, տարրական տրամաբանություն եւ իրականության զգացում չունեցող, «այբը» «բենից» չտարբերող, ֆեոդալական տրամաբանություն, մանկամտություն եւ անընկալունակություն, մտավոր ցածր ունակություններ. սրանք Ծառուկյան քաղաքական գործչին տված Սերժ Սարգսյանի բնորոշումներն են:

«Գագիկ Ծառուկյան քաղաքական դերակատարը մեր երկրի համար դարձել է չարիք...Այո, ողբերգություն է, ինչ-որ տեղ նաեւ զավեշտ է, որ Գագիկ Ծառուկյանը քաղաքական մեծ հավակնություններ ունի: Վստահաբար, նրա շրջապատի գրագետ մարդիկ նույնպես հոգու խորքում հասկանում են, որ այս տեսակի՝ պատերազմող երկրի քաղաքական էլիտայի մաս հանդիսանալն իրական վտանգ է: Պատկերացնու՞մ եք մի իրավիճակ, երբ Ծառուկյանը ԵԽ խորհրդարանական վեհաժողովում տեքստ է կարդում, որին հաջորդում են պատգամավորների, այդ թվում՝ նաեւ թուրք եւ ադրբեջանցի պատգամավորների, հարցերը: Այո՛, պատկերացնելը շատ բարդ է եւ սոսկալի, իհարկե»,- ասում է Սերժ Սարգսյանը, ՀՀ նախագահի պաշտոնական կայքէջում զետեղված ելույթում, որի տրամաբանական շարունակությունը եղավ այն, որ Ծառուկյանը դուրս եկավ քաղաքականությունից:

Ճիշտ է, վերջերս Սարգսյանը կրկին Ծառուկյանի կարիքը զգաց եւ առաջ եկավ վերջինիս քաղաքականություն վերադառնալու հարցը, սակայն դա նշված ելույթի բովանադակությունը չի չեզոքացնում: Ինչ ասվել է, ասվել է, եւ նույնիսկ կայքից չի հեռացվել: Ուստի հետաքրքիր է`արդյո՞ք Ծառուկյանի մասին ֆիլմի հեղինակները համարձակություն կունենան Ծառուկյան-քաղաքական գործչին այլ կերպարով ներկայացնել: Օրինակ այսպես`ճկուն մտքով, ինտելեկտուալ, քաղաքական շախմատին լավագույնս տիրապետող, երկրի միջազգային իմիջը բարձրացնող, հզոր հռետոր եւ հմուտ դիվանագետ:

Քանի որ Ծառուկյանն անձամբ մասնակցում է գործարանների, եկեղեցիների եւ կազինոների նախագծմանը, դժվար թե սույն ֆիլմի սցենարն առանց նրա մասնակցության գրվեր: Ավելին, Ծառուկյանի ժրաջան աշխատասիրությանը ծանոթանալով, կարող ենք ենթադրել, որ ֆիլմի վրա նա նաեւ ռեժիսորական աշխատանք է կատարել: Եւ այս իմաստով իր կենսագրության քաղաքական հատվածը սեփական մատուցմամբ չափազանց հետաքրքիր է լինելու:  

«Մարդ, որը կառուցում է» ֆիլմաշարի 4-րդ մասն ավարտվում է մի դրվագով, որում Ասիայի օլիմպիական խորհրդի ներկայացուցիչը «Փարավոն»-ի ճաճանչափայլ դահլիճում Ծառուկյանին պարգեւ է հանձնում: Արարողությանը ներկա է նաեւ Սերժ Սարգսյանը եւ օտարազգի հյուրն իր խոսքը սկսում է այսպես. «Ձերդ գերազանցություն նախագահ Սերգեյ Սարգսյան, Ձերդ գերազանցություն նախագահ Գագիկ Ծառուկյան»: Հետաքրքիր է` ինչո՞ւ չի մոնտաժվել սույն վրիպակը եւ առհասարակ այս ամբողջ կտորը:

Տպել
20697 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում