Հանրապետության բոլոր 900 մանկաբարձ-գինեկոլոգները պետք է թեստավորվեն Ռազմիկ Աբրահամյանի մոտ

Հայաստանում մոր ու մանկան մահվան վերջին դեպքից հետո առողջապահության նախարարությունում որոշել են նման դեպքերը կանխելու նպատակով գնալ նոր ճանապարհով. հաջորդ տարի հանրապետության բոլոր մանկաբարձ-գինեկոլոգները թեստավորում կանցնեն ՀՀ գլխավոր մանկաբարձ-գինեկոլոգ Ռազմիկ Աբրահամյանի մոտ:

Հիշեցնենք, որ կիրակի` դեկտեմբերի 25-ին, Սյունիքի մարզի Կապան քաղաքում գրացվել էր ծննդկանի մահվան դեպք, որին նախորդել էր պտղի մահը: «Սյունիքի ցավալի դեպքից հետո հրահանգեցինք գլխավոր մասնագետին` կիսամյակի ընթացքում հարցազրույցներ, թրեյնինգներ եւ ատեստավորումներ անցկացնել երկրում գործող բոլոր մանկաբարձ-գինեկոլոգների հետ: Այդ մասին նաեւ նախարարի համապատասխան հրաման կլինի: 900-ից ավելի մասնագետ անցնելու են թեստավորում, որից հետո գլխավոր մասնագետը իր անձնական երաշխիքը կտա նրանց աշխատանքի համար: Ցավոք սրտի, այսօր նախարարությունը լծակներ չունի կանխելու այն մասնագետների գործունեությունը, որոնք չեն անցնի թեստավորումը, բայց համապատասխան փոփոխությունների փաթեթ եւս նախարարությունում մշակվում է, որպեսզի նախարարությունը հնարավորություն ունենա կասեցնել ոչ պատշաճ բժշկական ծառայություն մատուցող բժիշկների գործունեության լիցենզիան»,- տարեկան ամփոփիչ ասուլիսում ասաց առողջապահության նախարար Լեւոն Ալթունյանը:

Անդրադառնալով պետական պատվերով տրամադրվող բժշկական ծառայություններին ու տարին չավարտված գումարը սպառվելու ավանդական խնդրին, երբ արդեն վերջին ամիսներին քաղաքացիներին բուժհաստատություններում «ավետում» են, թե այլեւս գումար չկա ու պետք է սպասել հաջորդ տարվան` նախարարը հույս հայտնեց, որ այսուհետ նման բան չի լինի ու եղած գումարներով հնարավոր կլինի ապահովել 30 տոկոսով ավելի ծառայություն: Դրան, ըստ Լեւոն Ալթունյանի, հնարավոր կլինի հասնել գերմանացի տանտիրուհու օրինակին հետեւելով:    

«Մինչեւ օրս մենք հիվանդանոցին ասում էինք` որպես պետպատվերի գումար պետբյուջեից դու ունես 100 միլիոն դրամ օգտագործելու հնարավորություն: Ամսական մենք ստանում էինք 9 միլիոն դրամի հայտ, որը հատուցվում էր: Մեզ ներկայացվում էր միայն 9 միլիոնի հանրագումար, այդ հանրագումարը «բացող» պացիենտների անուն-ազգանունները եւ նրանց ախտորոշումները: Ոչ մի մեթոդ` ստուգելու` եղե՞լ է այդ հիվանդը հիվանդանոցում, ունեցե՞լ է տվյալ ախտորոշումը, ստացե՞լ է այն օգնությունը, որը նկարագրվել է, եւ այդ օգնությունը արժե՞ այնքան, որքան ներկայացվել է, մենք չունեինք: Ոչ մի առիթ չունենալով չհավատալ մեր հիվանդանոցներին` ասեմ հետեւյալը` երբ որ գերմանացի տնտեսուհին սկսում է վարել «գրոս բուխ»` ծախսերի գիրք, ընտանիքի ծախսը նվազում է 30 տոկոսով: Դա քրեստոմատիկ օրինակ է: Մենք կփորձենք վարել «գրոս բուխ»: Կփորձենք ստուգել մեր ծախսերը, եւ դա կիրականացվի էլեկտրոնային առողջապահության համակարգի միջոցով»,- նշեց նախարարը:

Նշված համակարգի նպատակն է ապահովել քաղաքացիների՝ բժշկական հաստատություններ այցելությունների գրանցման, մատուցված բժշկական ծառայությունների, դրանց ֆինանսավորման, դեղերի դուրս գրման, բժշկական գրանցումների, հիվանդության պատմագրերի էլեկտրոնային վարումը: Նախատեսվում է մինչեւ 2017 թվականի օգոստոսը ներգրավել բոլոր 490 բժշկական հաստատությունները: «Այսօր արդեն 95 տոկոսը հագեցված է այդ ծրագրով եւ 20 հազար բուժաշխատողի տրամադրված են իրենց գաղտնաբառերը»,- ասաց նախարարը: Մեր հարցին պատասխանելով` նա նաեւ հավաստիացրեց, որ բոլոր այդ բուժաշխատողները կունենան անհրաժեշտ համակարգիչները, եւ չի լինի այնպես, որ հիվանդի հետ կապված տեղեկատվությունը մուտքագրելու նրանց նոր պարտականությունը անհաղթահարելի խոչընդոտ դառնա:

«Մենք արդեն հայտարարել ենք, որ ամեն ինչ անում ենք, որպեսզի ապահովենք գումարների բաշխման թափանցիությունը: Շուտով դա կլինի օնլայն, եւ ցանկացած բնակիչ կարող է հետեւել յուրաքանչյուր հիվանդի համար յուրաքանչյուր հիվանդանոցին հատկացվող գումարներին եւ վերլուծել դրանց տրամաբանությունը: Մենք համոզված ենք, որ այդ միջոցով կկանխենք նույնիսկ հնարավոր չարաշահումների ցանկությունը»,- շեշտեց Լեւոն Ալթունյանը:  

Նա, ի դեպ, վերջերս խոսել էր առողջապահության ոլորտում 120 միլիարդ դրամի ստվերային շրջանառության մասին: Հետաքրքրվեցինք` դա կոռուպցիայի դրսեւորո՞ւմ է, եթե այո, գուցե պետք է իրավապահ մարմիններին հաղորդո՞ւմ ներկայացնել ու նաեւ կա՞ն մեխանիզմներ՝ այդ գումարները օրինական դաշտ բերելու:

«120 միլիարդ դրամի մասին ասել են Համաշխարհային բանկի փորձագետները: Իհարկե, այդ շրջանառության մեջ կոռուպցիոն ռիսկեր կան, բայց ոչ ամբողջ շրջանառությունն է կոռուպցիա: Զգալի մասը քաղաքացիների ցանկությամբ վճարումներն են, որոնք նա անում է իր բարի կամքով: Այսօր մենք խնդիր ունենք աշխատելու բնակչության հետ` կանխելու այդպիսի պոռթկումները: Ժամանակին նույն խնդիրը կար դրամարկղային կտրոնների հետ: Ինչ-որ քայլերով մենք եկանք նրան, որ քաղաքացիները այսօր պահանջում են եւ ստանում այդ կտրոնները: Մոտավորապես նույն  մեխանիզմը պետք է գործի այստեղ»,- պատասխանեց Լեւոն Ալթունյանը:

Առաջիկայում նախատեսվում է նաեւ քրեականացնել չգրանցված դեղերի վաճառքը: Եթե տուգանքները չեն կանխում նման դեպքերը, ուրեմն, ըստ նախարարի, պետք է սահմանել պատժի առավել խիստ տեսակներ: «Փոխնախարար Սերգեյ Խաչատրյանին հանձնարարել եմ պատրաստել օրենսդրական փոփոխությունների փաթեթ, որով չգրանցված դեղերի վաճառքը կքրեականացվի: Առողջապահության նախարարությունը թելադրում է խաղի կանոնները եւ դրանք խախտել թույլատրված չէ»,- հայտարարեց նախարարը:

Տպել
3608 դիտում

Հարվածել է, այնուհետ լվացրել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Երթևեկության կազմակերպման փոփոխություն կլինի Միկոյան-Գալշոյան փողոցների խաչմերուկում

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ