ՎԵՐՋԻՆ ԹԱՐՄԱՑՈՒՄՆԵՐ
Բաժնում առկա է 63 հրապարակում

Աշխատանքից ազատվել եւ կադրերի ռեզերվ է ուղարկվել Ոստիկանության պաշտոնյան

ՀՀ ոստիկանության պետ Վլադիմիր Գասպարյանի ստորագրած հրամանագրով աշխատանքից ազատվել է Ոստիկանության կազմակերպված հանցավորության դեմ պայքարի գլխավոր վարչության կոռուպցիայի դեմ պայքարի վարչության պետ Միհրան Դավթյանը: ՀՀ ոստիկանության հասարակայնության հետ կապերի եւ լրատվության վարչության աշխատակից Արմեն Մալխասյանից տեղեկացանք, որ Դավթյանն ուղարկվել է կադրերի ռեզերվ: Հարցին, թե ով է փոխարինել Դավթյանին՝ Մալխասյանը պատասխանեց, թե դեռ հայտնի չէ:

ՓՈԽԱՐԻՆՈՒՄՆԵՐ ԱՌԱՆՑ ՓՈՓՈԽՈՒԹՅՈՒՆՆԵՐԻ

Երեկ Սերժ Սարգսյանը մի քանի հրամանագրեր է ստորագրել կադրային փոփոխությունների վերաբերյալ, որոնցից ուշագրավ է հատկապես ՀՀ գլխավոր դատախազի տեղակալի նշանակումը: Այդ պաշտոնում նշանակվել է Էմիլ Բաբայանը, որը մինչ այդ , բարձրաստիճան պաշտոնատար անձանց էթիկայի հանձնաժողովի (ԲՊԱԷՀ) նախագահն էր: Նա այդ պաշտոնում փոխարինեց Արմեն Դանիելյանին: Էմիլ Բաբայանը հանրությանը հայտնի դարձավ այն բանից հետո, երբ ԲՊԱԷՀ նախագահի պաշտոնում, ուսումնասիրելով ՀՀ պետեկամուտների նախագահ Գագիկ Խաչատրյանի գործունեությունը, պաշտոնապես եզրակացրեց, որ նա ընդհանրապես բիզնեսով չի զբաղվում: Մինչդեռ իրականում Գագիկ Խաչատրյանը Հայաստանի խոշորագույն գործարարներից մեկն է, եթե ոչ խոշորագույնը: Այս նշանակումից պարզ է դառնում, որ ՀՀ դատախազությունում բովանդակային ոչինչ չի փոխվելու: Սերժ Սարգսյանի այլ հրամանագրերով զբաղեցրած պաշտոններից ազատվել են ՀՀ ոստիկանություն պետի տեղակալներ Ալեքսանդր Աֆյանը եւ Հովհաննես Հունանյանը: Հիշեցնենք` վերջիններս դեռ երկու օր առաջ հրաժարականի դիմումներ էին գրել, բայց ոստիկանությունն այդպես էլ պաշտոնապես չէր հաստատում սույն տեղեկությունը: Սերժ Սարգսյանի հրամանագրերով ոստիկանության պետի տեղակալներ են նշանակվել Սամվել Հովհաննիսյանը եւ Անուբախ Համբարյանը: Վերջինս ոստիկանության Լոռու մարզային վարչության պետն էր: Նրա այդ պաշտոնը, ամենայն հավանականությամբ, զբաղեցնելու է ԱԺ փոխնախագահ, ՀՀԿ խոսնակ Էդուարդ Շարմազանովի եղբայրը` Էրիկ Շարմազանովը, ով Վանաձորի ոստիկանության Տարոնի բաժնի պետն է:

ԼՐԱՀՈՍ
400 միլիոն 4 քաղաքներին