Արխիվ

Առաջին հայացքից շատ գեղեցիկ է հնչում: Կառավարությունը գյուղացիներին էժան դիզվառելիք է վաճառելու: Ըստ որոշման նախագծի, գյուղացիներին դիզվառելիքը վաճառվելու է լիտրը 350 դրամով` այն դեպքում, երբ այսօրվա գինը 440 դրամ է: Շատ մեծ երեւակայություն պետք չէ` կռահելու համար, թե ինչ է կատարվելու այդ էժան վառելիքի հետ: Դրա մի մասը, բնականաբար` չնչին մասը, իրոք հասնելու է նպատակին, այսինքն` այրվելու է տրակտորների շարժիչներում, իսկ մեծ մասը հայտնվելու է ազատ վաճառքում` լիտրը, ասենք, 400 դրամով: Հիմա` հերթով: Դիզվառելիքի գնի մի մասը սուբսիդավորելու համար կառավարությունը իր պահուստային ֆոնդից պետք է հատկացնի ավելի քան 1.3 մլրդ դրամ (մոտ` 3.4 մլն դոլար):

Կառավարության այսօրվա նիստում կքննարկվի ՀՀ պաշտպանության նախարարությանը պատկանող մի քանի հսկայական տարածք վաճառելու թույլտվության հարցը: Տարածքները գտնվում են Երեւանի Շենգավիթի վարչական շրջանում, եւ դրանց ընդհանուր տարածքը կազմում է ավելի քան 26 հեկտար. ընդհանուր առմամբ, կան 17 հազար քմ արտադրական շինություններ եւ 123 հազար քմ ընդհանուր մակերես ունեցող վարչական շենք: Եւ այդ ամենը ՊՆ-ն նախատեսում է վաճառել 7 մլրդ դրամ եւ 3 մլն 700 հազար դոլարով: Այսինքն, վաճառքի ընդհանուր գինը գործող փոխարժեքով կկազմի 22.5 մլն դոլար: Ստացվում է, որ Շենգավիթի շրջանում այդ հսկայական տարածքները ՊՆ-ն վաճառում է քառակուսին 86 դոլարով, չհաշված շենքի գինը:

ՀՀ վերաքննիչ վարչական դատարանի երեկ կայացրած վճռով` Պետրոս Մակեյանի գլխավորած «Ժողովրդավարական Հայրենիք» կուսակցությունը պարտավոր է մեկ ամսվա ընթացքում ազատել Վաղարշյան 12 հասցեում գտնվող 45 քմ տարածքը: Պետական գույքի կառավարման վարչությունը, որը տարածքը կուսակցությունից խլելու հայց էր ներկայացրել դատարան, պաշտոնապես բացատրում է, որ կուսակցության հետ կնքված պայմանագրի ժամկետը չերկարաձգելը պայմանավորված է պետական կառավարչական հիմնարկներին տարածքով ապահովելու խնդրի լուծման անհրաժեշտությամբ: Իսկ Մակեյանը համոզված է, որ սա կուսակցության դեմ իրականացվող հերթական վենդետան է: Նկատենք, որ «Ժողովրդավարական Հայրենիքը» նշված տարածքը զբաղեցնում է 1996 թվականից: Ի սկզբանե կուսակցությունը զբաղեցրել է 300 քմ տարածք, ապա աստիճանաբար տարածքը նվազեցվել է` սկզբում դառնալով 239, ապա, Մակեյանի բանտում գտնվելու ժամանակահատվածում, դատարանի վճռով կուսակցությունից խլել են 164 քմ տարածք` թողնելով 75-ը: 75-ի 30-ն այդպես էլ չի տրամադրվել կուսակցությանը, եւ նրան մնացել է ընդամենը 45 քմ տարածք: Հիմա սա էլ են խլում: Երեկ, երբ մեր թղթակիցը Պետրոս Մակեյանին հարցրել է` ի՞նչ են անելու, նա այսպես է պատասխանել. «Հեղափոխություն»:

Նիկոյանը տրամադրված չէր մեզ հարցազրույց տալ, բայց ի վերջո մի քանի հարցերի պատասխանեց, հարցերից մեկի ժամանակ անջատեց «ՀԺ»-ի ձայնագրիչը, վերջում էլ ասաց` դուռն այնտեղ է, եւ մեր մի քանի հարցեր էլի անպատասխան մնացին:

- Պարոն Նիկոյան, տեղեկություններ կային, որ տեղափոխվելու եք կառավարական առանձնատներից մեկում բնակվելու: Ինչո՞ւ չեք տեղափոխվում, ինչ-որ խնդի՞ր կա, ո՞րն է պատճառը:
- Դուք այդ հարցը տվե՞լ եք պարոն Աբրահամյանին` երկար տարիներ Աժ նախագահ է եղել, ինչո՞ւ չի գնացել, Մարգարյան Անդրանիկին` երկար տարիներ աշխատում էր վարչապետ, եւ նա ամառանոցում չէր, նա գերադասում էր ապրել իր բնակարանում: Ես էլ գերադասում եմ ապրել Մայակ թաղամասում գտնվող իմ բնակարանում եւ այնտեղ ինձ լավ եմ զգում եւ որեւէ տեղ չեմ պատրաստվում տեղափոխվել:

Այսօր Հանրային խորհրդի մշակութային հանձնաժողովը մտադիր է քննարկել Հաղթանակ զբոսայգու բարձունքում գտնվող տարածքում` Արարատ լեռան դիմաց «Նոյան տապան» կառուցելու հարցը: Այս մտահղացման հեղինակը «ԱՐՄԱՐԵ» ընկերության նախագահ, «Գեղարվեստի կոմբինատ» ՍՊԸ տնօրեն Մարտուն Հարությունյանն է: Նրա նախաձեռնությանը միացել են մի քանի տասնյակ գրողներ, մտավորականներ: ՀՀ նկարիչների միության նախագահ Կարեն Աղամյանը, որ նախաձեռնողներից մեկն է, նաեւ Հանրային խորհրդի անդամ է, երեկ մեր թղթակցին ասել է, որ տապանը կառուցվելու է Աստվածաշնչյան իրական չափերին համապատասխան, ենթադրաբար` փայտից: «Պատմամշակութային համալիրի կառուցման իմաստն է համայն աշխարհին ցույց տալ, որ համաշխարհային ջրհեղեղից հետո Հայոց աշխարհի սրտից` Արարատ լեռից է սկսվել մարդկության երկրորդ վերածնունդը»,- ասել է Կարեն Աղամյանը:

ՀՀԿ-ն երեկ գործադիր մարմնի նիստ է արել, որը վարել է Սերժ Սարգսյանը: ԱԺ ՀՀԿ խմբակցության պատգամավոր Հովհաննես Սահակյանը մեզ հայտնեց, որ նիստում որոշվել է, որ ՀՀԿ համագումարը տեղի է ունենալու մարտի 10-ին: Երբ մեր թղթակիցը հիշեցրել է, որ ՀՀԿ շտաբի պետ Հովիկ Աբրահամյանը դեռ անցյալ շաբաթ ասել էր, որ համագումարը մարտի 17-ին է լինելու, Սահակյանը պատասխանել է` տեխնիկական հարցեր կային, 17-ին անելու դեպքում չէին հասցնի կուսակցության ցուցակները ԿԸՀ ներկայացնել:

Նրանցից քանի՞սն են գնացել սխալ հասցեով: Այս մասին եւ նորահայտ տեխնիկայի միջոցով երթեւեկության կանոնների խախտումների արձանագրություններին առնչվող քաղաքացիների բողոքների վերաբերյալ երեկ որոշ հարցեր ուղղեցինք  ճանապարհային ոստիկանության իրավաբանական բաժնի պետ Արման Չիլինգարյանին:

- Պարոն Չիլինգարյան, բազմաթիվ քաղաքացիներից բողոքներ են հնչում, որ իրենք ծանուցում են ստանում այն մեքենայի վերաբերյալ, որոնք իրենք վաղուցվանից չեն վարում: Հետեւաբար` հրաժարվում են վճարել խախտման համար նախատեսվող տուգանքը: Դուք տեղյա՞կ եք այդպիսի դեպքերի մասին:
- Իհարկե:

Մեր ունեցած տեղեկություններով, «Նուբարաշեն» ՔԿՀ-ում ցմահ դատապարտյալները եւս մի քանի օր նախագահական նստավայրից արձագանքի կսպասեն: Իսկ եթե արձագանք այդպես էլ չլինի, անժամկետ զանգվածային հացադուլ կսկսեն: Ցմահ դատապարտյալները պատրաստվում էին հացադուլ սկսել դեռեւս հունվարի 15-ին, սակայն հետաձգել էին մինչեւ հունվար ամսվա ավարտը, քանի որ ՔԿՀ-ի ղեկավարությունը խոստացել էր, որ առաջիկա օրերին նախագահական նստավայրից ինչ-որ ներկայացուցիչ կգա ու կլսի դատապարտյալների բողոքները: Ցմահ դատապարտյալները պահանջում են, որ իրենց պատժաչափը վերանայվի եւ փոխարինվի 15-20 տարվա ազատազրկմամբ: Այսօր ՀՀ-ում կա 104 ցմահ դատապարտյալ, որոնցից երկուսի նկատմամբ դատավճիռը դեռեւս չի մտել ուժի մեջ: Հայաստանում ցմահ դատապարտյալ կանայք չկան:

Երեկ ՀՀ գիտությունների ազգային ակադեմիայում տեղի են ունեցել 3 ինստիտուտների տնօրենների ընտրություններ: ՀՀ ԳԱԱ տեղեկատվական-վերլուծական կենտրոնից տեղեկացնում են, որ ԳԱԱ Մանվելյանի անվան ընդհանուր եւ անօրգանական քիմիայի ինստիտուտի տնօրենի պաշտոնում միաձայն վերընտրվել է տեխնիկական գիտությունների դոկտոր Նիկոլայ Կնյազյանը: Նա ինստիտուտի տնօրենի պաշտոնը զբաղեցնում է 2006 թվականից: Նիկոլայ Կնյազյանը 173 գիտական հոդվածների եւ հեղինակային վկայագրերի, 2 ուսումնական ձեռնարկի հեղինակ է: Մոլեկուլային կենսաբանության ինստիտուտի տնօրենի պաշտոնում միաձայն վերընտրվել է կենսաբանական գիտությունների դոկտոր, պրոֆեսոր Աննա Բոյաջյանը: Նա ինստիտուտի տնօրենի պաշտոնը զբաղեցնում է 2006-ից: Բոյաջյանը 270 գիտական աշխատության հեղինակ է: Օրբելու անվան ֆիզիոլոգիայի ինստիտուտի տնօրենի պաշտոնում միաձայն ընտրվել է կենսաբանական գիտությունների դոկտոր Իրինա Մելիքսեթյանը: Նա 127 գիտական աշխատության հեղինակ է:

Այսինքն՝ երբ ասում եմ, թե ազգային մեր նպատակը պետք է լինի ուժեղ պետությունը, նկատի ունեմ մի գործիք, որով հնարավոր կլինի լուծել բոլոր խնդիրները, այդ թվում նաեւ՝ ցեղասպանության ճանաչման հարցը։

Շատերը թե՛ Հայաստանում եւ թե՛ հատկապես Սփյուռքում ցեղասպանության ճանաչումը ազգային գերագույն նպատակ են համարում, բայց փորձը ցույց է տալիս, որ անցած քսան տարում մեծուփոքր ճանաչումներին զուգահեռ՝ մեր պետությունը չի ուժեղացել։ Ճանաչումները չեն խոչընդոտել պետության ուժեղացմանը, բայց, ինչպես տեսնում ենք, չեն էլ նպաստել։

Եւ սա ցույց է տալիս, որ երկու նպատակները՝ ուժեղ պետություն եւ ցեղասպանության ճանաչում, առանձին են եւ ոչ մի կապ չունեն իրար հետ։ Իսկ կապի այս բացակայությունը ցեղասպանության ճանաչման նշանակությունը նվազեցնելով իջեցնում է self employment-ի մակարդակի, ինչը մեզանում ընդունված է կոչել անհատ ձեռներեցություն։

Հունվարի 31-ին Ոստիկանության կազմակերպված հանցավորության դեմ պայքարի գլխավոր վարչության աշխատակիցները նորից այցելել են Գյումրի ու հերթով ոստիկանության բաժին հարցաքննության հրավիրել ինստիտուտի դասախոսներին՝ հիմնականում պատմաբանասիրական ֆակուլտետից: Որոշ ցուցմունքներ կորզելուց հետո, ոստիկաններն այցելել են ինստիտուտ ու կապարակնքել պատմաբանասիրական ֆակուլտետի դռները՝ այդպիսով ժամանակավորապես դադարեցնելով ֆակուլտետի աշխատանքը: Ուսումնական կառույցում ուսանող, դասախոս, հավաքարար ու պահակ խոսում են այն մասին, որ իրավիճակն ինստիտուտում լուրջ է: «Աղջիկ ջան, չգիտենք` ինչ կկատարվի, հըմի էլ կըսեն` պատմականի դեկան Սերգեյ Հայրապետյանին են տարել ու քարտուղարուհուն, ֆիզկուլտի ամբիոնից են կանչել մարդկանց հարցաքննության. կըսեմ` ըսպես օր էրթա, կարող է գործերներս կորցնենք»,- մեզ հետ զրույցում ասաց ինստիտուտի հավաքարարներից մեկը: Նա չցանկացավ ներկայանալ` հասկանալի պատճառով:

Խանութի սեփականատեր հանդիսացող մեր ընթերցողներն իրենց դժգոհությունն են հայտնում այն փաստի կապակցությամբ, որ սույն թվականից ստիպված են լինելու աղբահանության համար ավելի շատ վճարել, քան նախկինում: Ընդ որում, նրանց հաշվարկներով, այսուհետ այդ վճարը լինելու է հինգ անգամ ավելի, եւ եթե նախկինում տարեկան վճարել են, ասենք, 35 հազար դրամ, ապա այժմ արդեն այդ գումարը կկազմի շուրջ 180 հազար դրամ: Ըստ խանութի տերերի, եթե նախորդ տարիներին իրենցից աղբահանության վճար չեն պահանջել չօգտագործվող կամ գրեթե չօգտագործվող տարածքների դիմաց, ինչպես ասենք` պահեստների ու ցուցափեղկերի, ապա այսուհետ նման բան չի լինելու: Մեկնաբանելով այս իրավիճակը` Երեւանի քաղաքապետարանի տեղեկատվության եւ հասարակայնության հետ կապերի վարչությունից մեր գրավոր հարցմանը պատասխանել են. «Մինչեւ «Աղբահանության եւ սանիտարական մաքրման մասին» ՀՀ օրենքի ընդունումը՝ իրավաբանական անձանցից աղբահանության դիմաց գումարը գանձվում էր աղբահանության ծառայություն մատուցող կազմակերպությունների կողմից՝ պայմանագրային հիմունքներով։ Միաժամանակ, պայմանագրային գումարները չունեին միասնական մոտեցում եւ հիմնավորված չէին արտադրած աղբի ծավալներով կամ հաշվարկներով, քանի որ հիմք էր ընդունվում պայմանավորվածություն ձեռք բերելու սկզբունքը»։ Անցած տարեվերջին Երեւանի քաղաքապետարանի ավագանու համապատասխան որոշումներով սահմանվել են աղբահանության վճարի դրույքաչափերը եւ հաշվարկման կարգը։ Ըստ այդմ` արտադրական տարածքների համար մեկ քառակուսի մետրի դիմաց սահմանվել է ութ դրամ:

Դեռ երկուշաբթի օրը հայտնի դարձավ, որ Բերդիեւը, որի գլխավորությամբ «Ռուբինը» իր պատմության ընթացքում առաջին անգամ մրցանակներ է նվաճել` դարձել է Ռուսաստանի կրկնակի չեմպիոն, սուպերգավաթակիր, 2 անգամ նվաճել է բրոնզե մեդալ, հաջողությամբ հանդես է եկել եվրագավաթների խաղարկություններում, ակումբի նախագահ Դմիտրի Սամարենկինի հետ տարաձայնությունների պատճառով հրաժարական է տվել: Նշենք, որ Բերդիեւը համարվում է նույն ակումբում ամենաերկարատեւ աշխատած գլխավոր մարզիչներից մեկն աշխարհում: Այսպիսի ցուցակ վերջերս հրապարակել էր ՈՒԵՖԱ-ն, ըստ որի` ֆուտբոլի պատմության մեջ նույն ակումբում ամենաերկար աշխատած մարզիչը Ալեքս Ֆերգյուսոնն է. շոտլանդացի մասնագետը անգլիական «Մանչեսթեր Յունայթեդի» ղեկին է 1986 թվականի նոյեմբերի 6-ից:

Ամերիկյան լրագրողների ասոցիացիան 2011 թվականի լավագույն բռնցքամարտիկ է ճանաչել WBC-ի և WBA-ի վարկածներով պրոֆեսիոնալ բռնցքամարտի երկրորդ միջինքաշային կարգում աշխարհի չեմպիոն, «Super Six» մրցաշարի հաղթող, օլիմպիական չեմպիոն Անդրե Ուորդին: Քվեարկության արդյունքներով, 27-ամյա մարզիկը մեծ առավելությամբ առաջ է անցել Նոնիտո Դոներից, Վլադիմիր Կլիչկոյից, Մենի Պակյաոյից: Իր պրոֆեսիոնալ կարիերայի ընթացքում ամերիկացի բռնցքամարտիկը տոնել է 25 հաղթանակ, որից 13-ը` նոկաուտով: Հիշեցնենք, որ «Super Six» մրցաշարի կիսաեզրափակչում Անդրե Ուորդը հաղթել է մեր հայրենակից Արթուր Աբրահամին:

Համաձայն ՀՀ կրթության եւ գիտության նախարարության որոշման, դպրոցի տնօրենը նախ պետք է ունենա համապատասխան հավաստագիր, ապա, ըստ գործող մրցութային կարգի, ընտրվի դպրոցի կառավարման խորհրդի կողմից` ունենալով առնվազն 5 կողմ ձայն: Սակայն ՀՀ Կոտայքի մարզի Թեղենիքի միջնակարգ դպրոցում այս գործընթացները, անհասկանալի պատճառներով, ստացան այլ բնույթ, որի մանրամասները կցանկանայի ներկայացնել ընթերցողի ուշադրությանը:

Մեր խորին համոզմամբ, այս բոլոր բացթողումները սկիզբ են առել դպրոցի կառավարման խորհրդի կազմի ոչ օբյեկտիվ ընտրությամբ: Յուրաքանչյուր դպրոց, ըստ օրենքի, պետք է ունենա 8 անդամներից կազմված կառավարման խորհուրդ: Խորհրդի  2 անդամ առաջադրվել է մարզպետարանի կողմից, 2 անդամ` համայնքի ղեկավարի, 2 անդամ` դպրոցի կողմից եւ 2 անդամ` ծնողկոմիտեի կողմից: Սակայն, դպրոցի տնօրեն Լաուրա Գրիգորյանը, որին դպրոցում կոչում են Սարոյան ազգանունով, օգտագործելով իր պաշտոնական դիրքը, խորհրդի կազմում ընդգրկել է իր ամուսնուն` Գեւորգ Գրիգորյանին, եղբորը` Վահան Սարոյանին, եղբոր կնոջը` Սուսաննա Մխիթարյանին եւ խնամուն` Անուշ Շախկյանին: Հարկ եմ համարում նշել, որ Վահան Սարոյանն ու Սուսաննա Մխիթարյանը ամուսիններ են, իսկ վերջինս ոչ թե ընտրվել, այլ նշանակվել է խորհրդի նախագահ եւ հանդիսանում է դպրոցի ուսմասվարը: