Արխիվ

Ինչ է նշանակում վերաֆինանսավորման տոկոսադրույք: Դա, պատկերավոր ասած, այն տոկոսն է, որով Կենտրոնական բանկը փողը տալիս է բանկերին: Որքան բարձր է այդ տոկոսը, այնքան բանկերը թանկ փող են վերցնում: Որքան փողը թանկ է, այնքան դժվարամատչելի է: Դասական տնտեսագիտական կանոնների համաձայն, եթե փողը թանկանում է, այսինքն բարձր է վերաֆինանսավորման տոկոսադրույքը, այնքան դա, էլի պատկերավոր ասած, նպաստում է գնողունակ պահանջարկի նվազեցմանը, եւ դրա արդյունքում զսպվում է գների աճը: Դրա հետ մեկտեղ, սակայն, թանկանում է բիզնեսին տրվող վարկերը եւ զսպվում է նաեւ տնտեսության աշխուժությունը:

Թեեւ ԱԺ պատգամավոր Սամվել Ալեքսանյանը նախօրեին մեզ ասել էր, որ իրեն պատկանող «Փարվանա» ռեստորանում շաբաթ օրը տեղի ունեցած` իր եղբորորդու եւ ԱԺ ՀՀԿ խմբակցության պատգամավոր Գրիգորի Մարգարյանի դստեր հարսանիքը սովորական հայկական հարսանիք է եղել, երեկ մեզ հայտնի դարձավ, որ հարսանիքի ժամանակ շուրջ 25 րոպե այնպիսի ճոխ հրավառություն է կազմակերպվել, որ հարակից անտառում հրդեհ է բռնկվել: Այրվել է ավելի քան 1,5 հեկտար տարածք: Հրդեհի մարմանը մասնակցել է հրշեջ 3 մարտական հաշվարկ, մարումը տեւել է շուրջ մեկ ժամ: Նշենք, որ «Փարվանա» ռեստորանի հարակից տարածքում բռնկված հրդեհի փաստը արձանագրված է նաեւ արտակարգ իրավիճակների նախարարության փրկարար ծառայության ամփոփագրում:

63 տարեկանում երեկ կյանքից հեռացել է սիրված դերասան Ռազմիկ Արոյանը: Նա նկարահանվել է շուրջ 30 գեղարվեստական եւ կարճամետրաժ ֆիլմերում, սակայն դերասանին հատկապես մեծ համբավ է բերել «Թթենին» կարճամետրաժ ֆիլմը: Մի քանի տարի առաջ դերասանը հանգրվանած է եղել Երեւանի ծերանոցներից մեկում, որտեղ նրան հանդիպել է իշխանական կանանցից մեկը: Դրանից հետո դերասանին Հարավ-Արեւմտյան Բ-1 թաղամասում բնակարան է հատկացվել: Կյանքի վերջին շրջանում Ռազմիկ Արոյանը նկարահանվել է հեռուստասերիալներում` «Ճակատագրի գերիները» (մարմնավորել է Հենրի Վերդյանի կերպարը), «Որոգայթ», «Դժբախտ երջանկություն»: Ռազմիկ Արոյանի վերջին հրաժեշտը տեղի կունենա սեպտեմբերի 8-ին, ժամը` 14-ին, Հարավ-Արեւմտյան Բ-1 թաղամասի Անդրանիկի-74 («Վետերանների տուն» հասցեում: Հուղարկավորությունը` Երեւանի Զեյթունի գերեզմանատանը:

Մինեապոլիսի ցորենի բորսա - 1 բուշելը 7.36 ԱՄՆ դոլար (-0.05) առավելագույն գինը 2010թ. 1 բուշելը 7.83 ԱՄՆ դոլար (5.08.2010թ.)

Կանադայի էքսպ. նավահանգիստ - 1 տ.` 337.4 դոլար (-3.2) առավելագույն գինը 2010թ. 1 տոննան 351.4 ԱՄՆ դոլար (5.08.2010թ.)

ծանոթություն. մեկ բուշելը 27.2 կիլոգրամ է: Փակագծում նշված է գնի փոփոխությունը նախորդ օրվա համեմատ:

Բնականաբար, ՀՀ իշխանությունները նրան այսօր չեն «պատվի» իրենց շնորհավորանքներով, քանի որ մեծանուն դիրիժորը համարում է, որ Հայաստանում իշխանության են թալանչիներն ու կաշառակերները: Երեկ «ՀԺ»-ին տված հարցազրույցի ժամանակ նա հայտարարեց, որ «այն մարդիկ, ովքեր այսօր նստած են իշխանության գլուխ, պետք է նստեն բանտերում ու «վայելեն» իրենց բանտերը, իսկ մեր քաղբանտարկյալներն ավելի ազատ ու անկաշկանդ են, քան Հայաստանի կառավարիչները»:

Հայ Ազգային Կոնգրեսը շնորհավորում է մեր ժամանակների մեծանուն երաժիշտ, աշխարհահռչակ դիրիժոր Օհան Դուրյանին` ծննդյան 88-ամյակի առթիվ:
Համաշխարհային երաժշտարվեստում հսկայական ներդրման, մեծագույն համբավի ու փառքի արժանանալու, ինչպես նաեւ հանուն բարձր արվեստի` ընդդեմ միջակության, հարմարվողականության ու ստորաքարշության սկզբունքային եւ անզիջում պայքարի շնորհիվ եղել ու մնում եք մտավորական բացառիկ հատկանիշներով օժտված վառ անհատականություն, որակի ու պրոֆեսիոնալիզմի գագաթնակետ, բարոյականության ու արժանապատվության մարմնացում: Մեր սերն ու հարգանքը համաժողովրդական շարժման նվիրյալիդ, մեր անկեղծ խոնարհումը Հայաստանի ամենաանկախ ու արժանապատիվ քաղաքացուդ:
Սիրելի մաեստրո, Կոնգրեսը մաղթում է Ձեզ քաջ առողջություն եւ խոստանում համաժողովրդական պայքարը հասցնել լիարժեք հաղթանակի: Համաշխարհային մշակույթին Օհան Դուրյան պարգեւած ժողովուրդն իրավունք ունի ապրել անկախ, ժողովրդավարական եւ իրավական երկրում:

Հավանաբար հենց այդ անվստահությունը հարթելու նպատակով է, որ ՀՀ Կառավարության կողմից խորհրդարան ներկայացվեց «ՀՀ զինված ուժերի կարգապահական կանոնագիրք» օրենքի մի նախագիծ, որի շուրջ ԱԺ-ում երեկ խորհրդարանական լսումներ անցկացվեցին: Նախագիծն, ըստ էության, պետք է հստակեցնի զինծառայող-հրամանատար հարաբերությունները, մինչդեռ, իրավապաշտպանների խոսքով` օրենքի այդ նախագիծը կարող է առաջացնել հակառակ էֆեկտը. ավելի կսահմանափակվեն զինծառայողների իրավունքները, իսկ հրամանատարները իրենց գործողություններում շատ ավելի ազատ կլինեն: Նախագիծը առաջին հայացքից շատ տպավորիչ է, թեեւ առանձնապես չի տարբերվում հին կանոնադրությունից:

Երեկ Մոսկվայի թիվ 501 դպրոցի 17-ամյա հայազգի աշակերտ Էդուարդ Մարգարյանը նույն դպրոցի աշակերտների հետ վիճաբանության ժամանակ մահացել է: Lifenews-ը հայտնում է, որ պատանու սիրտը կանգ է առել: Մոսկվայի ոստիկանությունից հայտնում են, որ պատանիների միջեւ վիճաբանությունը սկսվել է Սեւանի փողոցում Մոսկվայի ժամանակով ժամը 15.30-ի սահմանում, թիվ 501 դպրոցից մի քանի մետր հեռավորության վրա: Հայտնի է, որ 9-րդ դասարանցիներից մեկը հրել է 11-րդ դասարանցի Էդուարդ Մարգարյանին, որը ծառին դիպչելուց հետո կորցրել է գիտակցությունը: Երբ բժիշկները ժամանել են, տղան մահացած է եղել:

ԱԳ նախարար Էդվարդ Նալբանդյանը երեկ ընդունել է Միջազգային եվրոպական շարժում կազմակերպության պատվիրակությանը` փոխնախագահ, Բելգիայի պետնախարար Շարլ-Ֆերդինանդ Նոթոմի գլխավորությամբ: Ողջունելով հյուրին` նախարար Նալբանդյանը բարձր է գնահատել Միջազգային եվրոպական շարժման ներդրումը եվրոպական արժեքների տարածման եւ միասնական Եվրոպայի ստեղծման գործում` նշելով, որ կազմակերպությունը կեսդարյա գործունեության ընթացքում արժեքավոր եւ լուրջ փորձ է կուտակել: Զրուցակիցները մտքեր են փոխանակել ԵՄ Արեւելյան գործընկերության ծրագրի վերաբերյալ` նշելով, որ այն մեծ ներուժ է պարունակում ինչպես ներառված երկրների եւ ԵՄ միջեւ համագործակցության, այնպես էլ տարածաշրջանային բազմակողմ համագործակցության զարգացման համար: Շարլ-Ֆերդինանդ Նոթոմը տեղեկացրել է հաջորդ տարի Երեւանում Եվրոպական շարժման համաժողովը անցկացնելու մտադրության մասին եւ հայցել է Հայաստանի իշխանությունների աջակցությունը համաժողովի կազմակերպման հարցում: Հանդիպմանը անդրադարձ է կատարվել Հարավային Կովկասի տարածաշրջանային հարցերին եւ դրանց լուծման ուղիներին:

«Վերջին տարիների ընթացքում ԵԱՀԿ Մինսկի խմբի համանախագահող երկրների նախագահների եւ արտաքին գործերի նախարարների, ԵԱՀԿ անդամ-երկրների արտաքին գործերի նախարարների մակարդակով ընդունվել են մի շարք հայտարարություններ, որոնցում սեւով սպիտակի վրա նշված է բանակցային գործընթացի հիմնական խնդիրը, որից Ադրբեջանը անհաջող կերպով փորձում է շեղել միջազգային հանրության ուշադրությունը, այն է` ԼՂ կարգավիճակի հարցը, ինչը պետք է որոշվի ԼՂ բնակչության` իրավական պարտադիր ուժ ունեցող կամարտահայտության ճանապարհով»,-հայտարարել է է ՀՀ ԱԳՆ խոսնակ Տիգրան Բալայանը` պատասխանելով «News.am» լրատվական կայքի հարցին, թե ինչպես կմեկնաբանի Ադրբեջանի ԱԳ նախարարի նախօրեին արված հայտարարությունը: «Արազ Ազիմովը երբեք չի մասնակցել ղարաբաղյան հակամարտության կարգավորման հարցով գլխավոր հանդիպումներին եւ բանակցությունների բովանդակության մասին գիտի միայն լսելով: Ակնհայտ է, որ պարոն Ազիմովին իր ղեկավարությունը գիտակցաբար խաբում է, որպեսզի նա շարունակի առավել վստահ մոլորության մեջ գցել իր երկրի հասարակական կարծիքը»,-հավելել է Բալայանը:

Սեպտեմբերի 5-ի լույս 6-ի գիշերը եւ օրվա ընթացքում շփման գոտու մի շարք հատվածներում արձանագրվել է հրադադարի ռեժիմի խախտման 116 դեպք, որի ընթացքում Ադրբեջանի ԶՈՒ առաջապահ ստորաբաժանումների կողմից տարբեր տրամաչափի հրաձգային զենքերից եւ դիպուկահար հրացաններից Հադրութի, Մարտունու, Ասկերանի եւ Մարտակերտի շրջանների ուղղություններում տեղակայված ղարաբաղյան դիրքապահների հենակետերի վրա արձակվել է շուրջ 1015 փամփուշտ:
Պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է, հայտնում են Լեռնայի Ղարաբաղի Պաշտպանության բանակի լրատվության եւ քարոզչության բաժնից:

-Տեսա՞ք, Մեդվեդեւը վախեցրեց թուրքին:
-Ի՞նչ ես ասում: Մեդվեդեւը հատուկ գնաց, որ ասի Հայաստանի հետ կնքած պայմանագիր-մայմանագիրը հեչ ա, Ղարաբաղը ձեզ եմ տալու:
Այս կամ այլ ձեւակերպումներով խոսակցություններ-քննարկումները այս օրերին շատ են ու շարունակվելու են երկար: Դեռ իրենց հեղինակավոր կարծիքը կհայտնեն ու կփորձեն հիմնավորել վերլուծաբանները, քաղաքագետները, փորձագետները, ասուլիսի սիրահար պատգամավորները, մնացածը կլսեն ու «կապրենք` կտեսնենք» ասելով կփոխեն թեման:

ԵԱՀԿ Մինսկի խմբի համանախագահները երեկ Բաքվում հանդիպել են Ադրբեջանի նախագահի ու ԱԳ նախարարի հետ: Հանդիպումների արդյունքների վերաբերյալ ֆրանսիացի համանախագահ Բեռնար Ֆասիեն ասել է, որ դրա առնչությամբ ավելի ուշ համատեղ հայտարարություն կանեն: Նա նշել է, որ սեպտեմբերին 6-ին իրենց տարածված հայտարարությամբ կողմերին ակտիվ ծրագիր են առաջարկել: «Դա մինչեւ դեկտեմբեր ամիսը հանդիպումների ծրագիր է»,-ասել է նա: Իսկ այն հարցին, թե Բաքվից նրանք Երեւան են մեկնելու, թե` ԼՂ, Ֆասիեն ասել է. «Դա կախված է մի քանի գործոններից, այդ թվում` եղանակային պայմաններից»:

Թե հայոց լեզվի ընդերքից հանած հասկացությունների ինչ գեղեցիկ վարիացիաներ կմատուցեն թերթերը պարոն Սիմոնյանին, թե ինչ կարծիք կձեւավորվի հասարակության մեջ իր եւ համալսարանի մասին, թե ինչ վիճակի կհասնի համալսարանը, ընդհանրապես կարեւոր չէ: Կարեւորը համապատասխան անձի ետեւից վազելն է եւ հաշվելը` ինչ «արդյունավետությամբ» անցավ ռեկտորական այս կամ այն տարին եւ մինչեւ 2011թ. մայիսը դեռ ինչքան ժամանակ կա: Չէ՞ որ պետք է այս ժամանակը եւս «արդյունավետ» օգտագործել (քիչ է). հեռակա ուսուցման ընդունելություններ, տեղափոխություններ, շինարարական-վերանորոգման աշխատանքներ...

Երեկ մեզ հայտնի դարձավ, որ այս ուսումնական տարվանից ԵՊՀ հեռակա ուսուցման վարձավճարները բարձրացել են 20-100 հազար դրամով` կախված մասնագիտությունից: Իրավագիտությունն օրինակ 460 հազար դրամից դարձել է 560 հազար, կենսաբանությունը 180 հազարից` 200 հազար: Բուհի հասարակայնության հետ կապերի վարչության պետ Կարեն Գրիգորյանը, մեկնաբանելով այս «թանկացումները», նշեց, որ այսպիսով առկա եւ հեռակա ուսուցման վարձավճարների չափերը հավասարեցվել են: Նա նկատեց, որ թե՛ առկա եւ թե՛ հեռակա սովորող ուսանողները ստանում են միեւնույն մասնագիտությունը, եւ դիպլոմի մեջ չի շեշտվում, որ տվյալ ուսանողը հեռակա է սովորել: Սակայն մինչ այժմ հեռակա սովորողներն ավելի էժան են վճարել, թեեւ, կոպիտ ասած, ձեռք են բերել միեւնույն ապրանքը: Այժմ բուհի ղեկավարությունը որոշել է վերջ դնել այդ տարբերությանը: Ճիշտ է, տարվա կտրվածքով հեռակայող ուսանողները ավելի ցածր վարձ են մուծում, բայց քանի որ նրանք սովորում են ոչ թե 4, այլ 5 տարի, արդյունքում վերջնական գումարը նույնը կլինի: Ուսման վարձը բարձրացել է նաեւ Ճարտարագիտական համալսարանում: Ռեկտոր Ոստանիկ Մարուխյանը խոսեց տոկոսային հարաբերակցությամբ եւ նշեց, որ առկա ուսուցման դեպքում խոսքը 5-10 %-ի մասին է: Այստեղ ինֆորմատիկայի ֆակուլտետի վարձը 315 հազարից դարձել է 330 հազար:Հեռակայի դեպքում ուսման վարձը բարձրացել է 5 %-ից քիչ: «Բավականաչափ խնդիրներ են մեզ մոտ առաջացել ուսումնառության կազմակերպման տեսանկյունից: Նոր, զգալի թվով դասագրքեր եւ մեթոդականներ են հրատարակում կրեդիտային համակարգի ավելի լայն ներդրման հետ կապված»,- բացատրեց նա:

«Մեծ Սաղավարտի» խաղարկությունը կազմակերպվում է 2 փուլով. տվյալ տարում ամենաբարձր վարկանիշն ունեցող, հեղինակավոր մրցաշարերում ամենաշատ հաղթանակներ տոնած շախմատիստները միանգամից իրավունք են ստանում մասնակցել եզրափակիչ մրցաշարին, իսկ մյուս թեկնածուների համար կազմակերպվում է ընտրական փուլ: Այս տարի ընտրական փուլը տեղի է ունենում Շանհայում, իսկ հոկտեմբերին իսպանական Բիլբաոյում կկայանա եզրափակիչը, ուր հանդես կգան Շանհայի մրցաշարի 2 հաղթողները, վարկանիշային աղյուսակում տվյալ պահին առաջին հորիզոնականում գտնվող, Վեյկ ան Զեեի (Հոլանդիա), Նանկինի (Չինաստան) եւ Բազնայի (Ռումինիա) մրցաշարերի հաղթող ներվեգացի Մագնուս Կառլսենն ու աշխարհի չեմպիոն, հնդիկ Վիշվանաթհան Անանդը:

«Nabucco Gas Pipeline International» միջազգային կոնսորցիումի մեջ մտնող ընկերությունները նախօրեին երեկոյան միջազգային առաջատար բանկերի հետ պայմանավորվածություն են ձեռք բերել 4 միլիարդ դոլար եվրոյի վարկ ստանալու շուրջ, որն անհրաժեշտ է Nabucco գազատարը կառուցելու համար: Երկու միլիարդ եվրո կտրամադրի Եվրոպական ներդրումային բանկը, 1.2 միլիարդ` Վերակառուցման ու զարգացման եվրոպական բանկը եւ 800 միլիոն` Համաշխարհային բանկը: Նշված գումարը Nabucco գազատարի կառուցման համար անհրաժեշտ գումարի ուղիղ կեսն է, իսկ մնացած 4 միլիարդը կոնսորցիումը տրամադրելու է իր ընդհանուր բյուջեից:
Նախագիծը նախատեսում է տարեկան 17-ից 31 միլիարդ խ/մ կենտրոնասիական, իրանական եւ ադրբեջանական գազը տեղափոխել (գազատարի երթուղին տես քարտեզում) դեպի Եվրոպա` այդ կերպ այլընտրանք ստեղծելով ռուսական էներգակիրներին: Տվյալ նախագիծը ուղղակի մրցակցություն է ստեղծում ՌԴ-ի առաջ քաշած «Հարավային հոսք» նախագծին, որով ռուսական գազը Սեւ ծովի հատակով պետք է հասցվի եվրոպական երկրներ:
Հատկանշական է, որ Nabucco-ն կյանքի կոչելու հարցը կրկին օրակարգ է մտնում ՌԴ նախագահ Դմիտրի Մեդվեդեւի սեպտեմբերի 2-3-ը Ադրբեջան կատարած այցից հետո: Այցի շրջանակներում ստորագրվել է նոր փաստաթուղթ, ըստ որի 2011 թվականից Ադրբեջանը Ռուսաստանին տարեկան 2 միլիարդ խ/մ գազ կվաճառի, այսինքն` կրկնակի ավելի, քան հիմա: Այն փաստը, որ ՌԴ-ն ադրբեջանական գազը գնում է իր համար ոչ շահեկան գնով` 1000 խ/մ-ն 245 դոլարով, արդեն իսկ հիմք է տվել եզրակացնելու, որ այդ գինը քաղաքական է եւ նպատակ ունի Nabucco-ն թողնել առանց ադրբեջանական գազի, առանց որի դժվար է լցնել կառուցվելիք գազատարը: Այսինքն, Մեդվեդեւի այցը Արեւմուտքին ստիպել է կրկին օրակարգ մտցնել գազատարի կառուցման հարցը, որը ետին պլան էր մղվել տնտեսական ճգնաժամի պատճառով: Սա նշանակում է, որ Արեւմուտքի եւ ՌԴ միջեւ նոր պայքար է սկսվում կասպիական տարածաշրջանի էներգակիրներին տիրանալու համար:

Իսպանիայի ֆուտբոլի ազգային հավաքականի նախկին մարզիչ Լուիս Արագոնեսը, որը 2008 թ. իսպանացիներին հասցրեց Եվրոպայի չեմպիոնի կոչմանը, կարող է գլխավորել Պորտուգալիայի ընտրանին: Պորտուգալացիների ներկայիս գլխավոր մարզիչ Կառլուշ Կեյրուշը որակազրկված է 6 ամսով` հակադոպինգային ծառայությունների աշխատանքը խոչընդոտելու պատճառով: Որոշ տեղեկությունների համաձայն, երկրի ֆուտբոլի ֆեդերացիան նոր մարզչի է փնտրում: Անցած տարի «Ֆեներբախչեից» հեռանալուց հետո Արագոնեսը մնացել է առանց աշխատանքի: