Արխիվ

Ամեն ինչ սկսվեց նրանից, որ ֆինանսների նախարար Տիգրան Դավթյանը կառավարության նիստին ներկայացրեց նախօրոք օրակարգում չընդգրկված լրացուցիչ մի հարց` ՀՀ «Հարկերի մասին» եւ եւս հինգ օրենքներում փոփոխություններ կատարելու մասին նախագիծ: Սրանով նախատեսվում է, որ ՀՀ ֆինանսների նախարարության համակարգում պետք է ստեղծվի գանգատարկման հանձնաժողով: Այս հանձնաժողովը պետք է քննարկի հարկատուների կողմից ներկայացված այն բողոքները, որոնք մերժվել են կամ մասնակի են բավարարվել հարկային կամ մաքսային մարմինների գանգատարկման հանձնաժողովներում:

«Հեռու եմ ապրում». երեկ հրավիրված ասուլիսում հայտնի երգահան Ռուբեն Հախվերդյանը այսպես է պատասխանել հարցին, թե ինչո՞ւ նախօրեին չէր մասնակցում ՀՅԴ հանրահավաքին: Նա դրանով հերքել է նաեւ այն հարցադրումները, թե չլինի՞ իր եւ ՀՅԴ-ի միջով սեւ կատու է անցել. «Իմ եւ ՀՅԴ-ի մեջ ո՞նց կարող էր սեւ կատու անցնել: ՀՅԴ-ն միայն կուսակցություն չէ, այլեւ գաղափարախոսություն: Իսկ սեւ կատուն գեղեցիկ կենդանի է»,- նկատել է Հախվերդյանը: Լրագրողների խնդրանքով անդրադառնալով ՀՀ ներքաղաքական իրավիճակին, երգահանը հարցրել է. «Չեղավ մի ղեկավար, որ մաքրի ստեղծված ավգյան ախոռները` Ղանդիլյանի, Մարիուս Յուզբաշյանի սպանություններից մինչեւ Մարտի 1…: Եթե դու գնում ես բանակցությունների, ու քո մոտ այդպիսի ակցիա է եղել, ու 10-ից ավելի երեխաներ են սպանվել, դու ի՞նչ երեսով ես գնում դիմացինիդ ասես, թե նա ֆաշիստ է: Չե՞ն ասի` եկել ես, խոսում ես Ցեղասպանության մասին, բայց ինքդ քո պետության մեջ, քո ընտանիքում քեզ կարգին չես պահում»: Հախվերդյանը խոսել է նաեւ հայ իշխանավորների մասին` նշելով. «Գողերը շատ ավելի մաքուր եւ արդար են, քան մեր շատ իշխանավորներ, որովհետեւ եթե գողը օբշչակից բան գողացավ, նրան գնդակահարություն է հասնում: Իսկ սրանք կազնակրադներ են, օբշչակից բան են գողանում, թոշակառուներին փող չեն տալիս: Ու մինչեւ մեր միջի այդ վիշապը, ճորտը չսպանենք, այսպես էլ ամենը կշարունակվի»:

Հարսանիքը տեղի է ունենալու Ալեքսանյանին պատկանող «Փարվանա» ռեստորանում: Իշխանաօլիգարխիկ ամուսնությունները մեր երկրում, փաստորեն, ավանդույթ են դառնում: Միայն վերջին մեկ տարվա ընթացքում արդեն մի քանի նման հարսանիքներ են եղել` ԲՀԿ առաջնորդ Գագիկ Ծառուկյանի դստեր եւ ԱԺ նախագահ Հովիկ Աբրահամյանի որդու, Սերժ Սարգսյանի դստեր եւ Սահմանադրական դատարանի նախագահ Գագիկ Հարությունյանի աներորդու, Հանրային խորհրդի նախագահ, ԱԺՄ առաջնորդ Վազգեն Մանուկյանի դստեր եւ «Երկիր մեդիա» հեռուստաընկերության առաջին տնօրեն, հայտնի դաշնակցական Ռուբինա Ղազարյանի որդու հարսանիքները եւ այլն:

Երեկ Վերաքննիչ դատարանում լսվել է Լյուդմիլա Սարգսյանի ղեկավարած ՍԴՀԿ-ից առանձնացած թեւի հայցն ընդդեմ ՍԴՀԿ ատենապետ Լ. Սարգսյանի: Ներկայացված հայցով ՍԴՀԿ ԿՎ ատենապետ Սեդրակ Աճեմյանի հովանավորյալները փորձում են Սարգսյանին հեռացնել ատենապետի պաշտոնից եւ ՍԴՀԿ-ն պոկել Հայ ազգային կոնգրեսից: Վերջերս լուրեր էին շրջանառվում, որ Աճեմյանը Կոնգրեսի հետ համագործակցության դադարեցման մասին հայտարարություն արեց` դատարանի որոշումը իր օգտին շեղելու համար: Հիշեցնենք, որ առաջին ատյանի դատարանը մերժել էր Աճեմյանի թեւի հայցը: Վերաքննիչ դատարանում ՍԴՀԿ գործով որոշումը կհրապարակվի սեպտեմբերի 17-ին:

Գյուղապետարաններից հայտնում են, որ մարզի Լորուտ գյուղում գրանցվել է նմանատիպ 148, իսկ Մարցում` 113 դեպք: Աֆրիկյան ժանտախտի առաջին դեպքերն այս երկու համայնքներում գրանցվել են օգոստոսի 26-ին: Լոռու մարզի Թումանյանի տարածաշրջանի այդ համայնքներում խոզերի աֆրիկյան ժանտախտի տարածման հետ կապված կարանտին է հայտարարվել:

Ըստ մասնագետների` չնայած աֆրիկյան ժանտախտի դեմ պատվաստանյութ չկա, մարզում հիվանդության տարածումը կանխելու բոլոր միջոցառումները ժամանակին իրականացվում են. հիվանդ կենդանիները սպանդի են ենթարկվում` սպանվում անարյուն եղանակով, ինչից հետո թաղվում խորը փոսերում:
Լորուտի գյուղապետ Հրաչյա Սահակյանը երեկ մեզ փոխանցեց, որ իրենց գյուղում, որտեղ ընդհանուր առմամբ կա մոտ 1000 գլուխ խոզ, հայտարարված կարանտինի պատճառով սահմանափակված է խոզերի տեղաշարժը եւ խոզի մսի տեղափոխումը:

«Երեւան ջուր» ընկերությունը տեղեկացնում է իր հաճախորդներին եւ սպառողներին, որ շինարարական աշխատանքների հետ կապված, սեպտեմբերի 6-ին ժամը 10.00-ից մինչեւ սեպտեմբերի 7-ը ժամը 10.00-ն կդադարեցվի.
1. Արաբկիր վարչական շրջանում` Ադոնց, Մամիկոնյանց, Արղության, Գր. Արծրունի փողոցների, Գրիբոյեդով, Վրացական, Կոմիտաս, Ռիգայի, Ա. Խաչատրյան փողոցների և նրբանցքների ու հարակից տարածքների,
2. Մալաթիա-Սեբաստիա վարչական շրջանում` Ա1, Ա2, Ա3, Բ1, Բ2, Բ3, Բ4 թաղամասերի, Սեբաստիա, Բատիկյան, Միրաքյան, Մելիքյան, Օտյան, Քուչակ, Մխ. Գոշ, Շահումյանի 12, 13, 16, 17, 18 փողոցների, Տիչինա փող.` 1, 2, 3, 4 նրբանցքների, 1-ին փակուղու, Ծերենցի փ.1-ին նրբանցքի, Տիչինա-Սեբաստիա և Մալաթիա-Սեբաստիա փողոցներով պարփակված հատվածի, Իսակովի պողոտայի և հարակից տարածքների, ինչպես նաև Թաիրով, Գեղանիստ, Արգավանդ և Փարաքար գյուղերի, Հաղթանակ գյուղի 1, 2, 3, 4, 5, 6, 11 փողոցների ջրամատակարարումը:

Այսօր հանրապետության տարածքում եւ Երեւանում սպասվում է առանց տեղումների եւ արեւոտ եղանակ: Ըստ ՀՀ ԱԻՆ «Հայպետհիդրոմետ»-ի` այսօր օդի սպասվող ջերմաստիճանը նախորդ օրերին գրանցված օդի ջերմաստիճանից էապես չի տարբերվի: Այսօր ցերեկը Շիրակում, Կոտայքում, Գեղարքունիքում, Արագածոտնի լեռնային շրջաններում սպասվում է 28, գիշերը` 15 աստիճան տաքություն: Իսկ Երեւանում, Արարատում, Արմավիրում, Վայոց Ձորի եւ Սյունիքի նախալեռներում ցերեկային ժամերին օդի ջերմաստիճանը կհասնի +36-ի, գիշերը կնվազի մինչեւ 18 աստիճան:

Սեպտեմբերի 2-ին հրդեհ է բռնկվել Տավուշի մարզում` Դիլիջանի Կամոյի փողոցում: ՀՀ ԱԻՆ փրկարար ծառայությունից հայտնում են, որ հրդեհի հետեւանքով զոհեր եւ վիրավորներ չկան, մասամբ այրվել է Գերասիմ Գոգչյանի վարած «ԳԱԶ-66» մակնիշի 57 ՏՏ 797 պետհամարանիշի ավտոմեքենայի խցիկը, թափքում կուտակված 2,5 տոննա խոտը եւ հարակից խանութը` 5 քմ մակերեսով:

Հա, ո՞վ չգիտի

Այլ առումներով շաբաթը դասական էր (տափակ, այսինքն): Ամառը արդեն վերջանում է, աշունը դեռ չի սկսվել, այնպես որ` խոսեցին մարդիկ, որ ենթադրվում էր, որ պիտի խոսեին (մենակ Կարինե Նալչաջյանը չկար), ընդ որում` ամեն մեկն այն ալիքով, որով ենթադրվում էր: Ասացին բաներ, որ ենթադրվում էր, որ պիտի ասեին, այն տոնով, որով ենթադրվում էր: ՄԱԿ-ում մոտ օրերս քննարկվելիք ու, ամենայն հավանականությամբ, ընդունվելիք բանաձեւի առիթով Սերժ Սարգսյանը զինվորական հագուստով գնաց Արցախ, այնտեղ նրան ճիշտ հարցը ձայնի ճիշտ հնչերանգով տվեց ճի՛շտ մասնագիտության տեր մի կին (ուսուցչուհի էր), ու Սերժ Սարգսյանը իրեն հատուկ ստոիկյան տոնով պատվիրեց գնալ ու կրթել երեխաներին, իսկ մնացածի համար չանհանգստանալ` իրենք կհոգան, այսինքն:

«Ես պետք է խորհուրդ տամ մեր գործընկերոջը` պարոն Զուրաբյանին, առհասարակ քաղաքական դաշտում ուլտիմատումներով չխոսել: Երկրորդը, եթե պարոն Զուրաբյանին թվում է, թե ընդդիմության ուժը տեղից է գալիս` Ազատության հրապարակից, ապա չեմ կարծում, թե Արշակ Երկրորդի ֆենոմենը կարող է գործել: Ընդդիմությանը տրված է Մատենադարանը, թող գնան Մատենադարանում հանրահավաք անեն: Ես կարող եմ ասել, որ Կոնգրեսն այնքան է թուլացել, որ հույսը սկսել է դնել տեղերի վրա արդեն»,- արձագանքելով ՀԱԿ համակարգող Լեւոն Զուրաբյանի` իշխանություններին ուղղված հայտարարությանը` ողջամիտ ժամկետներում Ազատության հրապարակը ժողովրդին վերադարձնելու մասին, մեզ հետ զրույցում ասաց ԱԺ ՀՀԿ խմբակցության քարտուղար Էդուարդ Շարմազանովը: Նրան հիշեցրինք, որ կարծիք կա, թե Ազատության հրապարակում ընդդիմության հանրահավաքն արգելելն ավելի շատ իշխանության վախի մասին է խոսում. «Իշխանությունը ինչո՞ւ է թուլացել, Մատենադարանը քաղաքապետարանը տրամադրել է, թող գնան հանգիստ հանրահավաք անեն: Ի՞նչ է Ազատության հրապարակում այլ կոչեր էին անելու, Մատենադարանում ա՞յլ, ես չեմ հասկանում»,- ասաց Շարմազանովը:

Վերջերս մտածում եմ. Հայաստանն իրապես անկախ երկիր կդառնա, երբ ազատագրվի հայ կինը: Ինչպե՞ս սկսեց ձեւավորվել իմ մեջ այդ միտքը: Դա հասկանալու համար պիտի ներեք ինձ մի համեմատություն, որը գուցե առաջին հայացքից մի քիչ «գռեհիկ» թվա:
Նորից պետք է հիշատակեմ հայ-ռուսական հարաբերությունները: Դրանք, ինչպես գիտենք, ունեն ոչ միայն քաղաքական կամ հասարակական, այլեւ կենցաղային չափում: Եւ ահա կենցաղային չափման հիմնական բաղադրիչներից է հայ տղամարդ-ռուս կին արխետիպային հարաբերությունը՝ իրականության թե ֆանտազիաների մեջ: Ռուս կինը հայ տղամարդու համար ազատության եւ սեռականության խորհրդանիշ է:

ՀԴՄ-ների համար նախատեսված հատուկ թուղթը, որն նախատեսված է «Շահող կտրոնների» խաղարկությունը կազմակերպելու համար, թանկացել է այս տարվա հուլիսի 29-ից: Այս մասին մեզ հետ զրույցում ասաց համապատասխան թուղթը ներկրող «Ալեքս սերվ» ընկերության տնօրենի տեղակալ-մենեջեր Արթուր Գրիգորյանը: Վերջինիս խոսքերով, իրենց ընկերությունը դեռեւս 2008-ին հաղթել է շահող կտրոնի թուղթ ներկրելու համար հայտարարված մրցույթում եւ այդ համակարգի ներդրման առաջին օրվանից` 2009-ի հունվարի 1-ից իրականացնում է իր պարտավորությունները: Ըստ Գրիգորյանի, թղթի գնի թանկացումը մի քանի հանգամանքներով է պայմանավորված:

Կինոարդյունաբերության բնագավառում տեխնոլոգիական հեղափոխություն իրականացրած «Ավատար» ֆիլմի փառքը հանգիստ չի տալիս այլ բնագավառների առաջատարներին, ու US open-ի կազմակերպիչներին կարծես հաջողվում է մարզաշխարհում իրականացնել նման տեխնիկական հեղափոխություն: Բանն այն է, որ մրցաշարի բոլոր հանդիպումները հնարավոր է դիտել 3D համակարգով: Հիշեցնեմ, որ այս համակարգի շնորհիվ հեռուստադիտողն ինքն է ընտրում խաղը նայելու ռակուրսն ու դիրքը, կարողանում մոտենալ, հեռանալ էկրանին երեւացող ցանկացած օբյեկտի, լսել նրա հնչեցրած մտքերը եւ այլն: 3D համակարգը իրական տեխնիկական հեղափոխություն է, եւ US open-ի կազմակերպիչները այն ներդնում են սպորտի, մասնավորապես` թենիսի մեջ:

Դմիտրի Մեդվեդեւի գլխավորած պատվիրակության կազմում Ադրբեջանում էր գտնվում նաեւ Ինգուշեթիայի նախագահ Յունուսբեկ Եվկուրովը, որը ադրբեջանցի լրագրողների խնդրանքով իր յուրովի պատկերացումներն է հայտնել ԼՂ հիմնախնդրի կարգավորման ուղիների շուրջ: «Միակ բանը, որ կարող եմ ասել, Կովկասում առկա հակամարտությունները պետք է լուծվեն կովկասավարի, բարեկամաբար, առանց երրորդ, չորրորդ կողմերի միջամտության»,-ասել է Եվկուրովը:

Մադրիդի «Ռեալի» մարզիչ Ժոզե Մոուրինյոն չի բացառել իր նախկին թիմ` իտալական «Ինտեր» վերադարձի տարբերակը: Իսպանական հեռուստաընկերություններից մեկին տված հարցազրույցում պորտուգալացի մարզիչը մեկնաբանել է շվեդ հարձակվող Զլատան Իբրահիմովիչի տեղափոխությունը «Բարսելոնայից» իտալական «Միլան»: «Շատ լավ է, որ Իբրահիմովիչը խաղալու է «Միլանի» կազմում: Նա շատ ուժեղ ֆուտբոլիստ է, ու որպես «Ռեալի» մարզիչ` ես ուրախ եմ, որ «Բարսելոնան» զրկվել է այսպիսի ֆուտբոլիստից: Ամենայն բարիք եմ ցանկանում «Ինտերին» ու թիմի նախագահ Մասիմո Մորատիին: Ես երջանիկ էի այդ թիմում ու չեմ բացառում վերադարձս «Ինտեր»,-հայտարարել է Ժոզե Մոուրինյոն: Ի դեպ` իսպանական Marca-ի տվյալներով` 5 տարի շարունակ «Բարսելոնան» տարեկան 6 միլիոն եվրո է վճարելու Զլատան Իբրահիմովիչի գործակալին: Սա ֆուտբոլիստի ու «Բարսայի» նախկին նախագահ Ժոան Լապորտայի միջեւ կնքված պայմանագրի կետերից մեկն է, համաձայն որի գործակալին գումարներ վճարելը դադարեցվում էր, եթե ֆուտբոլիստն էր վաղօրոք լուծարում պայմանագիրը: Իսկ այս դեպքում նման ցանկություն է հայտնել «Բարսելոնան» ու հիմա ստիպված է վճարել: