Արխիվ

Եթե տիրապետում են, ապա տնտեսության զարգացման մասին խոսելով ուղղակի ստում են: Իսկ եթե չեն ստում, ուրեմն չեն հասկանում, թե ինչ է նշանակում տնտեսության զարգացում բառիս ամենաճիշտ իմաստով: Մի քանի տարի շարունակ քոչարյանական էլիտար շինարարության հաշվին Հայաստանը արձանագրում էր երկնիշ տնտեսական աճ: Բայց պետք էր ընդամենը մի փոքրիկ ճգնաժամ, որպեսզի հասկացվեր, որ այդ աճ կոչվածը ամենեւին էլ զարգացում չէ, որ դա դեգրադացնում է տնտեսությունը: Այդ երկնիշ աճերի արդյունքը եղավ այն, որ մեկ տարվա ընթացքում մեր արտաքին պարտքը կրկնապատկվեց, իսկ տնտեսության դեգրադացիան ավելի խորացավ:

Ադրբեջանահայերի ասամբլեայի նախագահ Գրիգորի Այվազյանը երեկ Երեւանում հրավիրված ասուլիսում հայտարարել է, թե պաշտոնապես դիմել է ՄԱԿ-ի փախստականների գծով հայաստանյան գրասենյակի ղեկավարին և Մինսկի խմբի համանախագահող երկրներին` Ադրբեջանի կողմից օկուպացված տարածքներ հայ փախստականների վերադարձը կազմակերպելու խնդրանքով: Նա կոչ է արել բոլոր այն շահումյանցիներին, գետաշենցիներին, կիրովաբադցիներին եւ բաքվեցիներին, ովքեր ցանկություն ունեն վերադառնալ Ադրբեջանի կողմից օկուպացված իրենց հարազատ բնակավայրերը, դիմել Հայաստանում ՄԱԿ-ի գրասենյակ. «Եթե Ադրբեջանը շտապի կատարել իր միջազգային պարտավորությունները, ես կհասցնեմ վերադառնալ Ադրբեջան եւ այդ երկրում առաջիկայում անցկացվելիք խորհրդարանական, ապա նախագահական ընտրություններում թեկնածությունս առաջադրել: Ես դրա իրավունքը ունեմ ոչ պակաս, քան Իլհամ Ալիեւը»,-ասել է Այվազյանը:

Սեպտեմբերի 19-ին Աղթամարի Սուրբ խաչ եկեղեցում մատուցվելիք պատարագից առաջ եկեղեցու վրա խաչ չի տեղադրվի: Այս լուրը երեկ ուշ երեկոյան հայտնել է Պոլսո պատրիարքական փոխանորդ Արամ Արքեպիսկոպոս Աթեշյանը` Վանի նահանգապետ Մունիր Քարաօղլուի հետ հանդիպումից հետո: Վերջինս ասել է, թե խաչը չտեղադրելու պատճառը տեխնիկական է` խոստանալով դա անել պատարագից հետո: Խաչ տեղադրելու խոստումը Թուրքիայի կառավարությունը տվել էր այս տարվա մայիսին, եւ թուրքական մամուլը սենսացիա էր սարքել: Նշենք, որ Ամենայն հայոց կաթողիկոսի որոշմամբ, Սուրբ Էջմիածնի ներկայացուցիչները մասնակցելու են պատարագին եւ այնտեղ ընթերցելու են Գարեգին Երկրորդի ուղերձը:

Մինեապոլիսի ցորենի բորսա - 1 բուշելը 7.13 ԱՄՆ դոլար (+0.04) առավելագույն գինը 2010թ. 1 բուշելը 7.83 ԱՄՆ դոլար (5.08.2010թ.)
Կանադայի էքսպորտային նավահանգիստ - 1 տոննան` 331.4 դոլար (+5.1)
առավելագույն գինը 2010թ. 1 տոննան 351.4 ԱՄՆ դոլար (5.08.2010թ.)

ծանոթություն. մեկ բուշելը 27.2 կիլոգրամ է: Փակագծում նշված է գնի փոփոխությունը նախորդ օրվա համեմատ:

Իշխանական շրջանակներում պնդում են, թե Երիցյանից այդ բիզնեսը գնել է ԼՂՀ նախկին նախագահ, Սերժ Սարգսյանի հատուկ հանձնարարություններով դեսպան Արկադի Ղուկասյանի նախկին կինը ոմն Սիլվայի հետ, որը Սերժ Սարգսյանի շրջապատից է: Երեկ մեզ հաջողվեց ճշտել գործարքի մանրամասները: Իրավաբանորեն Երիցյանի բիզնեսի նոր սեփականատերը Սիլվա Համբարձումյանն է (նկարում): Վերջինս մեր հանդիպման ընթացքում ասաց, որ Երիցյանի հացի գործարանները գնել է ՎՏԲ բանկից, որտեղ դրանք գրավ էին դրված: Բուն գործարանները, ըստ Համբարձումյանի, ՎՏԲ-ում գրավի են դրված եղել 3.5 միլիոն դոլարով:

Օգոստոսի 19-ին Երեւանի Հրազդանի կիրճում գտնվող «Գեղամա» ռեստորանում թունավորման դեպք գրանցվեց` հոսպիտալացվեց 41 հոգի, իսկ օգոստոսի 26-ին Երեւանի Ազատության պողոտայում կրակոցներ հնչեցին` հրազենային վիրավորում ստացած երիտասարդը տեղափոխվեց հիվանդանոց: Երկու դեպքերի հետ կապված էլ քրեական գործեր են հարուցվել, որոնց նախաքննությունը դեռեւս շարունակվում է:

Լոռու մարզի Մարց ու Լորուտ համայքներում խոզերի աֆրիկյան ժանտախտի դեպքեր են հայտաբերվել: Համայնքների բնակիչների խոսքով` ոչնչացվել է ընդհանուր առմամբ 200 գլուխ անասուն, այժմ մարզի երկու համայնքներում էլ կարանտինային սահմանափակումներ են մտցվել. գյուղերի մուտքերին տեղադրվել են կարանտինային հսկողության կետեր, սահմանափակվել է խոզերի տեղաշարժն ու խոզի մսի տեղափոխումը: Մասնագետների խոսքով, առաջիկանում հնարավոր է վարակի տարածում: Լոռու մարզի 24 համայնքներում խոզերի աֆրիկյան ժանտախտ բռնկվել էր նաեւ 2007 թ.-ին:

ԼՂՀ անկախության հռչակման 19-րդ տարեդարձի կապակցությամբ ՀՀ վարչապետ Տիգրան Սարգսյանն ու նրա գլխավորած պատվիրակությունը երեկ առավոտյան մեկնել են ԼՂ: Ստեփանակերտի օդանավակայանում նրանց դիմավորել է ԼՂՀ վարչապետ Արա Հարությունյանը: ՀՀ կառավարության ղեկավար Տիգրան Սարգսյանը, ԼՂՀ նախագահ Բակո Սահակյանը եւ ԼՂՀ վարչապետ Արա Հարությունյանը ծաղկեպսակ են դրել Ստեփանակերտի հուշահամալիրում անկախության համար նահատակվածների հուշարձանին: Ծաղիկներ են դրվել նաեւ ԼՂՀ Գերագույն Խորհրդի առաջին նախագահ Արթուր Մկրտչյանի գերեզմանի հուշապատվանդանին:

ՀՀ եւ ԼՂՀ պաշտոնատար անձինք մասնակցել են «Խատուտիկ» հուշարձանի, Խորհրդային Միության կրկնակի հերոս Նելսոն Ստեփանյանի կիսանդրու, Ստեփանակերտի Վ. Ջհանգիրյանի անվան թիվ 11 ավագ դպրոցի նորակառույց շենքի բացման արարողություններին: ՀՀ վարչապետը շրջել է դպրոցում, ծանոթացել ուսումնական հաստատության պայմաններին, շնորհավորել ԼՂՀ Անկախության օրվա եւ նոր ուսումնական տարվա առթիվ:
Օրվա երկրորդ կեսին Հայաստանի կառավարության ղեկավարն այցելել է պատմական Տիգրանակերտ, եղել քաղաքատեղիի թանգարանում, ծանոթացել պեղումների արդյունքում հայտնաբերված գտածոներին, գրառում կատարել հյուրերի մատյանում: Այնուհետեւ Տիգրան Սարգսյանն ուղեւորվել է Ասկերանի շրջանի Խրամորթ գյուղի մեքենատրակտորային կայան:
Երեկոյան ՀՀ պատվիրակության անդամները մասնակցել են ԼՂՀ մայրաքաղաքում կազմակերպված տոնական մյուս միջոցառումներին:

Հայ Ազգային Կոնգրեսը, ներկայացնելով ընդհանուր տնտեսական վերափոխումների «100 քայլ» ծրագիրը, նաեւ խոստացել էր ներկայացնել իր մոտեցումները` բնագավառ առ բնագավառ: Ներկա փաստաթուղթը ներառում է կենսաթոշակային ոլորտի բարեփոխումների ծրագիրը: Ծրագրի նպատակը քաղաքացիների վաստակած արժանապատիվ հանգստի ապահովումն է, օրենսդրությամբ դրա երաշխավորումը։

1998-2008թ,թ., չնայած ամենուրեք գովազդվող տնտեսական աճին, սկզբնական եկամուտների բաշխման դինամիկան ունեցել է բացասական միտումներ։ Հատկապես ակնհայտ է երկու փաստ. 1) միջին կենսաթոշակը (2009թ.) կազմել է միջին աշխատավարձի ընդամենը 20 տոկոսը (1996թ. եղել է 33 տոկոս), եւ 2) տեղի է ունեցել հարստության աննախադեպ կենտրոնացում մի քանի տասնյակ մարդկանց ձեռքում։ Անհրաժեշտ է կենսաթոշակների արագացված բարձրացում միջին աշխատավարձի նկատմամբ, ինչը կենսաթոշակառուներին թույլ կտա հոգալ իրենց նվազագույն կարիքները:

Նրանցից մի երկու-երեք տարի ավելի մեծերն արդեն առաջին գրական փորձերն են կատարում, կարդում են, վիճում են եւ նույնիսկ առաջարկում են մշակութային հեղափոխության սխեմաներ: Մյուսներն էլ ոչ միայն խոսում ու քննարկում են, այլեւ պայքարում են իրենց իրավունքների համար: Ուշադիր հայացք ունեցողին սա չի կարող չուրախացնել, որովհետեւ սա էն դեպքն է, երբ մի քիչ ավելի մեծերս կարող ենք ասել` «բա մեր վախտ սենց բա՞ն կար» դրական շեշտադրումով:

Այս ուրախալի փաստերին զուգահեռ ընթանում է մեկ այլ գործըթնաց, որի մասին կարող ենք ասել, որ էս մեկը մեր վախտ եղել ա, ցավոք: Ուզում եմ պատմեմ ձեզ նոր ընդդիմության մասին: Մինչ 94-ի աղջիներն ու տղաներն, ինչպես ասեցի, չափահասանում են՝ մինչեւ տասնամյակի ավարտ կյանքը իրենցով անելու նպատակով, շատ ավելի վաղ ծնված տղաների ու աղջիկների, այսպես ասած` նախկին երիտասարդների մի մասը, դեռ մինչեւ վերջ չգիտակցելով, բայց, դատելով նյարդային ռեակցիաներից, ինչ-որ հեռավոր անկյունում թաքնված 6-րդ մի զգայարանի միջոցով, կռահելով, որ իրենց ժամանակն արդեն անդառնալիորեն անցնում է, զբաղվում են հին հայկական խաղերով: Ցավոք, ամեն բան, որ անում են հին հայերը, այնքան կանխատեսելի է, այնքան ընթեռնելի ու այնքան դիլխոր, որ առաջին-մեկ երկու խոսքից ու քայլից կարելի է չսխալվելու մեծ հավանականությամբ պատմել պատմության հետագա ընթացքը:

ՀՀ կառավարության այսօրվա նիստում կքննարկվի օրենդրական մի փաթեթ, որում ընդգրկված «Արդարադատության ակադեմիայի մասին» օրենքի նախագծով առաջարկվում է միավորել դատական եւ դատախազական դպրոցները: Ստեղծվելիք արդարադատության ակադեմիայի հիմնադիրը պետք է լինի ՀՀ կառավարությունը: Ակադեմիայի կառավարումը պետք է իրականացնի 11 հոգուց բաղկացած կառավարման խորհուրդը: 5-ական անդամ պետք է նշանակեն ՀՀ գլխավոր դատախազը եւ դատարանների նախագահների խորհուրդը, մեկին` արդարադատության նախարարը: Այսինքն, նոր ակադեմիայի կառավարումը, հետեւաբար նաեւ դատական համակարգի մասնագետներ պատրաստելու գործընթացը գործնականում ամբողջությամբ կվերահսկի դատախազությունը, քանի որ արդարադատության նախարար Գեւորգ Դանիելյանը համարվում է գլխավոր դատախազ Աղվան հովսեփյանի մարդը: Ի սկզբանե առաջարկվել է, որ ակադեմիայի տնօրենին նշանակի ՀՀ վարչապետը` արդարադատության նախարարի առաջարկությամբ: Սակայն Սերժ Սարգսյանի աշխատակազմի ղեկավար Կարեն Կարապետյանն առաջարկել է այդ լիազորությունը վերապահել հանրապետության նախագահին, ինչի հետ նախագծի հեղինակ արդարադատության նախարարությունը բնականաբար համաձայնել է:

Շուրջ երկու ամիս է` ՀՀ պետական եկամուտների տարածքային հարկային տեսչություններում շահող կտրոնների գինը 70 դրամով թանկացել է. տնտեսավարողները մեկ կապոցի համար վճարում են 420 դրամ: ՀՀ ՊԵԿ հարկային տեսչությունից չկարողացան պարզաբանել, թե ինչով է պայմանավորված կտրոնների թանկացումը եւ առաջարկեցին դիմել կտրոնները ներկրող «Ալեքս սերվ» ընկերությանը: Այստեղից պարզաբանում ստանալու մեր փորձը եւս ապարդյուն էր. մեզ հետ զրուցող գործավարուհու խոսքով, ինքն իրավասու չէր մեր հարցերին պատասխանել, իսկ մեկնաբանություն տալու իրավունք ունեցողների հետ էլ հնարավոր չէր կապվել: Հիշեցնենք, որ մինչեւ շահող կտրոնների ներդրումը ՀԴՄ-ի թուղթը տնտեսավարողները գնում էին մեկ կապոցը 70-80 դրամով, իսկ այժմ ստիպված են ավելի քան 5 անգամ թանկ վճարել:

Այսօր Եվրոպայի 2012 թվականի առաջնության ընտրական փուլի առաջին հանդիպումն է անցկացնելու ֆուտբոլի Հայաստանի ազգային հավաքականը. մեր ընտրանին ժամը 20:00-ին «Հանրապետական» մարզադաշտում հյուրընկալելու է Իռլանդիային:

Հայաստանի ազգային հավաքականը առաջին անգամ է հանդիպում Իռլանդիային: Հիշեցնեմ, որ այսօրվա մեր մրցակիցը բրիտանական ոճի ֆուտբոլ դավանող, կամային գերազանց որակներով թիմ է, որը աշխարհի անցած առաջնությանը չմասնակցեց միայն մրցավարական ակնհայտ սխալի հետեւանքով: Իռլանդիա-Ֆրանսիա անցումային հանդիպման ժամանակ Տիերի Անրին գնդակը ձեռքով պահեց, որից հետո ֆրանսիացիներին հաջողվեց գոլ խփել ու նվաճել աշխարհի առաջնության ուղեգիր: Այս դրվագը երկար ժամանակ շարունակվում էր քննարկվել, ու բոլորը միակարծիք էին. Իռլանդիան առավել արժանի էր ՀԱՀ մեկնելու, քան Ֆրանսիան:

Ռուսաստանի նախագահ Դմիտրի Մեդվեդեւը երեկ երեկոյան երկօրյա պաշտոնական այցով մեկնել է Ադրբեջան: Նույն օրը նա այցելել եւ ծաղկեպսակ է դրել Բաքվի Շահիդների ծառուղում, ուր թաղված են ղարաբաղյան պատերազմում զոհված ադրբեջանցի զինծառայողները: Այնուհետեւ Մեդվեդեւի պատվին ճաշկերույթ է կազմակերպվել: Ըստ ադրբեջանական աղբյուրների, Մեդվեդեւ-Ալիեւ երկկողմ բանակցությունները նախատեսված են այսօր: Դրանցում առանձին տեղ է զբաղեցնելու ղարաբաղյան հիմնախնդիրը: «Ինտերֆաքս» գործակալությունը, հղում անելով Կրեմլի իր անանուն աղբյուրին, տեղեկացրել է, որ այցի ընթացքում քննարկվելու է նաեւ ռուս-ադրբեջանական ռազմատեխնիկական համագործակցության հարցը, սակայն առանց կոնկրետացնելու, թե արդյոք խոսքը Ադրբեջանին C-300 ПМУ «Фаворит» զենիթահրթիռային համակարգեր մատակարարելուն է վերաբերվում: Կրեմլի աղբյուրը նաեւ հայտնել է, որ ՀՀ-ում ռուսաստանյան ռազմակայանի տեղակայման ժամկետի երկարաձգման ու դրա գործառույթների ընդլայնման հարցի վերաբերյալ ռուսական կողմը քննարկումներ չի նախատեսում: «Այդ առիթով Ադրբեջանը առանձնահատուկ դժգոհություն չի հայտնել: Նրանց ոչ թե ռազմակայանն է մտահոգում, այլ` ԼՂ-ն: ՀՀ հետ ՌԴ-ն սահմանների պաշտպանության, այլ ոչ թե ռազմատեխնիկական համագործակցության մասին է փաստաթուղթ ստորագրել: Եւ դրանում մենք չենք ասում, թե ՀՀ-ին պաշտպանելու ենք Ադրբեջանից: Կոպիտ ասած, ԼՂ-ն Հայաստան չէ»:

Ուկրաինայի չեմպիոն Դոնեցկի «Շախտյոր» ֆուտբոլային ակումբի սեփականատեր Ռենատ Ախմետովը պրոֆեսիոնալ բռնցքամարտիկներ, եղբայրներ Կլիչկոներին առաջարկել է իրենց մենամարտներից մեկն անցկացնել «Շախտյորի» ստադիոնում` «Դոնբաս-Արենայում»: Կլիչկոների մենեջեր Բենտդ Բենտեն լրատվամիջոցներին տեղեկացրել է, որ Կլիչկոները իրենց վերջին 3 մենամարտերը անցկացրել են ստադիոններում, այնպես որ Դոնեցկի հրաշալի ստադիոնում մենամարտ անցկացնելու` Ախմետովի առաջարկը բավական գայթակղիչ է: «Բայց Ուկրաինայի տնտեսական վիճակը չի կարող համեմատվել եվրոպական երկրների հետ, հետեւաբար, այստեղ տոմսերի գները ավելի ցածր կլինեն, այնպես որ մենամարտը կազմակերպելու համար անհրաժեշտ է պետական կառույցների, լուրջ հովանավորների աջակցությունը: Հույս ունենք, որ 2011 թվականին «Դոնբաս-Արենայում» կկայանա Կլիչկոներից մեկի մենամարտը»,-հայտարարել է Բենտեն:

Օգոստոսի 26-ից 30-ը Ֆրանսիայի Ստրասբուրգ քաղաքում անցկացվել է սեղանի թենիսի մինչեւ 12 տարեկանների Եվրոպայի առաջնությունը: Մարզական այս հեղինակավոր ստուգատեսում հայաստանցի Դիանա Խոջոգորյանը 40 երկրների շուրջ 420 մասնակիցների մեջ գրավել է 9-րդ տեղը: Անկախ Հայաստանի պատմության մեջ սեղանի թենիս մարզաձեւում մեր երկրի ներկայացուցիչները երբեք նման արդյունքի չէին հասել: Դիանա Խոջոգորյանը իր ցուցադրած արդյունքների շնորհիվ ձեռք է բերել հոկտեմբերի 15-ից 17-ը Բելգիայում կայանալիք TOP 12-ի մրցաշարին մասնակցելու իրավունք« որի ժամանակ վիճարկվելու է Եվրոպայի բացարձակ չեմպիոնի կոչումը: