Արխիվ

Ո՞րն է միջին վիճակագրական հայի պատկերացումը արտագաղթ երեւույթի մասին: Սովորաբար, ասելով արտագաղթ` մենք պատկերացնում ենք տարիքով մարդկանց, որոնք ճամպրուկները հավաքած ուղեւորվում են օդանավակայան: Եւ ընդունված է ասել, թե երկրից հեռանում է մեր հասարակության հիմնականում ակտիվ, գործունյա, մրցունակ հատվածը: Դա, անշուշտ, այդպես է: Բայց արտագաղթի ամենաակտիվ մասնակիցներից են մեր երեխաները, որոնք հեռանում են` իրենց հետ տանելով մեր երկրի ապագայի` իրենց բաժինը: Եւ ուրեմն որքան ապագա են տանում նրանք իրենց հետ. որքան երեխա է արտագաղթում Հայաստանից: Սա հաշվելը այնքան էլ դժվար չէ: Դրա համար պետք է ընդամենը ուսումնասիրել պաշտոնական վիճակագրությունը:

Սեպտեմբերի 1-ից Թուրքիան 1 ամիս ժամկետով ստանձնելու է ՄԱԿ-ի Անվտանգության խորհրդի նախագահությունը: Այն Թուրքիային է անցնում ՌԴ-ից: Նշենք, որ այդ երկիրը 2009-ին 2 տարով ընտրվել է ՄԱԿ-ի ԱԽ ոչ մշտական անդամ եւ անցյալ տարի արդեն 1 անգամ նախագահել է այդ կառույցում: Սակայն սա առաջին դեպքն է, որ Թուրքիայի նախագահությունը համընկնում է ՄԱԿ-ի Գլխավոր ասամբլեայի նստաշրջանի հետ, ուր սեպտեմբերի 9-ին, ինչպես տեղեկացրել ենք, քննարկվելու է Ադրբեջանի ներկայացրած «Իրավիճակը Ադրբեջանի օկուպացված տարածքներում» բանաձեւի նախագիծը: Ինչ առավելություն կարող է ունենալ սույն հանգամանքը Ադրբեջանի համար նրանց ներկայացրած բանաձեւի կոնտեքստում: Ըստ դիվանագետների` ոչ մի: Արդեն այն, որ ՄԱԿ-ի կոմիտեի որոշմամբ ՄԱԿ-ի ԳԱ օրակարգում ներառված է նշված հարցը, ինքնին վտանգավոր է Հայաստանի համար, եւ ԱԽ անդամ որ երկիրն էլ ստանձնի այդ կառույցի նախագահությունը, վտանգը դրանից չի նվազում կամ ավելանում: Ըստ ՄԱԿ-ի կանոնադրության, մինչեւ ԳԱ-ի օրակարգ մտած հարցը լուծում չստանա, այն օրակարգից չի կարող դուրս գալ: Իսկ ՄԱԿ-ում ընդունված բանաձեւերը, ինչպես երեկ մեզ հետ զրույցում նշեց ՀՀ ԱԳ նախկին նախարար, ՄԱԿ-ում ՀՀ նախկին ներկայացուցիչ Ալեքսանդր Արզումանյանը, դառնում են դիվանագիտական հանրության սեփականությունը եւ հետագայում օգտագործելու հնարավորություն ստանում: Այսինքն, դրանք կարող են հիմք դառնալ եւ ԵԱՀԿ Մինսկի խմբի միջնորդների համար, եւ տարբեր այլ կառույցներում:

Կառավարության առաջիկա նիստում կքննարկվի ՀՀ արդարադատության նախարարության ներկայացրած մի օրենսդրական փաթեթ, որի հիմնական նպատակը «ՀՀ արդարադատության ակադեմիայի մասին» օրենքի նախագծի ընդունումն է: Այդ նպատակով պետք է փոփոխություններ կատարվեն ՀՀ Դատական օրենսգրքում, «ՊՈԱԿ-ների մասին» եւ «Զինապարտության մասին» օրենքներում: Այս օրենսդրական փաթեթի հմայքն այն է, որ ստեղծվելիք արդարադատության ակադեմիայի տանիքի ներքո միավորվելու են Դատական եւ Դատախազական դպրոցները: Այլ կերպ ասած, ձեւականությունները ավարտվում են: Այսուհետ դատավորներին ու դատախազներին կկռեն միեւնույն դարբնոցում: Միեւնույն է, հիմա էլ ՀՀ-ում դատավորներն ու դատախազները նույն գործառույթներն են իրականացնում:

Շինարարական աշխատանքներում նոր բարդություններ են առաջացել: 2 օր առաջ քանդվել է նաեւ ԱԺ «կարմիր ֆոյեն», իսկ դահլիճի շինաշխատանքները, գոնե առաջին տպավորությամբ, դեռ մի քանի շաբաթ էլ կտեւեն: Պատգամավորներին, սակայն, մեկ այլ անակնկալ է սպասվում. հիմնովին փոխվելու է քվեարկության համակարգը: Կորեայից ներկրվող նոր տեխնիկան իր կանոններն է պարտադրելու: Այսուհետ պատգամավորները քվեարկելու են կոդավորված քարտերով: Նրանց սեղանների վրա դրված են լինելու մոնիտորներ, սեղանների վրա կլինեն քարտերի համար նախատեսված անցքեր, քարտը մտցնելուց հետո պատգամավորը գրանցվելու է, քվեարկության ժամանակ մոնիտորների էկրաններին հայտնվելու են կանաչ, կարմիր եւ դեղին գույների քառակուսիներ. կանաչը «կողմ»-ն է, կարմիրը` «դեմ»-ը, դեղինը` «ձեռնպահ»-ը:

«ԵԿՄ-ի մասին տեղեկություններ ստանում եմ միայն մամուլից, ուրիշ տեղեկություններ չունեմ, որովհետեւ շփում չունեմ»,- ի պատասխան հարցի, թե ԵԿՄ վերջին համագումարը բոյկոտելուց եւ փոխնախագահի պաշտոնից հրաժարվելուց հետո նախկին քաղբանտարկյալը պահպանե՞լ է իր հարաբերությունները ԵԿՄ անդամների հետ, մեզ հետ զրույցում ասաց ԵԿՄ նախկին փոխնախագահ Մյասնիկ Մալխասյանը: Նա այն կարծիքին է, որ այսօր դժվար է ասել, թե ԵԿՄ-ն որպես ամբողջական եւ ժամանակին մեծ հեղինակություն ունեցող կառույց ինչ դեր ունի երկրի ներքին կյանքում, բայց ԵԿՄ անդամ ազնիվ անհատներ շատ կան. «ԵԿՄ-ում կան, գործում են մարդիկ, որոնք ազնիվ նկրտումներով մասնակցել են Հայաստանի սահմանների պաշտպանությանը, անկախության ձեւավորմանը: Անշուշտ, նրանք ինչ-որ պահի կարող են լռել, բայց հնարավոր չի, որ կարեւոր, վճռորոշ պահին իրենց դերը չունենան, իրենց խոսքը չունենան, չասեն»,- ասաց նա:

Ծնողների խոսքով` բացի նրանից, որ հրապարակում չկա բուժկետ, գետնի վրայով հոսանքի բազմաթիվ լարեր են անցնում, վստահություն չի ներշնչում նաեւ կարուսելների որակը:

Պարզվում է, որ այդ կարուսելներից եւ ոչ մեկը պատշաճ կերպով չի անցել փորձաքննություն եւ գրանցված չէ ՀՀ ԱԻՆ տեխնիկական անվտանգության ազգային կենտրոնի պետական ռեեստրում: Այս մասին երեկ մեզ հայտնեց ՀՀ ԱԻՆ Տեխնիկական անվտանգության ազգային կենտրոնի տնօրեն Աշոտ Պետրոսյանը, որի խոսքով վտանգավոր օբյեկտների` ինչպիսիք հանդիսանում են կարուսելները, ստուգումը եւ գրանցումը կարգավորվում է օրենքով:

Երեկ երեկոյան Երեւանի Դավիթաշենի կամրջից փորձել է նետվել ու ինքնասպան լինել մի քաղաքացի: Ականատեսների վկայությամբ` ինքնասպանության փորձ կատարողը եղել է երիտասարդ մի տղամարդ: Տեղում ծառայություն իրականացնող ոստիկանները կարողացել են կանխել ինքնասպանության փորձը: Ըստ կամրջի վրա իրենց աշխատանքը կատարող ճանապարհային ոստիկանության աշխատակիցների, երիտասարդը տեղափոխվել է Երեւան քաղաքի վարչություն: Պարզվել է, որ ինքնասպանության փորձ անողը Ուկրաինայի քաղաքացի է: Վերջինիս ինքությունը դեռեւս հայտնի չէ: Նշենք, որ կամրջի վրա որոշ ժամանակ խցանում էր առաջացել, քանի որ տեսնելու համար, թե ինչ պատահել` բազմաթիվ վարորդներ դուրս էին գալիս մեքենաներից:

Սեպտեմբերի 2-ին ԼՂՀ անկախության հռչակման 19-րդ տարեդարձի կապակցությամբ Արցախում տոնական մի շարք միջոցառումներ կանցկացվեն: ԼՂՀ կառավարության տեղեկատվության եւ հասարակայնության հետ կապերի վարչությունը երեկ տեղեկացրել է, որ միջոցառումները կսկսվեն սեպտեմբերի 1-ից եւ կանցկացվեն ինչպես մայրաքաղաք Ստեփանակերտում, այնպես էլ հանրապետության մյուս շրջաններում: Կառավարական հանձնաժողովի կողմից հաստատված ծրագրի համաձայն, սեպտեմբերի 1-ին Արցախի ուսումնական հաստատություններում 2010-2011 ուստարվա առաջին պարապմունքը կնվիրվի ԼՂՀ հռչակման օրվան: Դասին կմասնակցեն ԼՂՀ անվտանգության խորհրդի, կառավարության անդամներ եւ ԱԺ պատգամավորներ: Նույն օրը` երեկոյան, տեղի կունենա Ստեփանակերտի կենտրոնական պուրակի բացման արարողությունը. վերանորոգված պուրակը ստեփանակերտցիներին եւ հյուրերին կներկայանա բարեկարգ տեսքով եւ գունագեղ շատրվաններով: Սեպտեմբերի 2-ին զինվորական շարասյուները քայլերթով կանցնեն հանրապետության քաղաքների փողոցներով: Պետական կառավարական պատվիրակությունը Ստեփանակերտի Վերածննդի հրապարակից կուղեւորվի մայրաքաղաքի հուշահամալիր, որտեղ տեղի կունենա ծաղկեպսակադրություն և զինվորական նվագախմբի շարանցում:

ԼՂՀ անկախության հռչակման օրը Կոմիտասի անվան երաժշտական դպրոցի բակում կբացվի Գրիգորի Պատոցկու «Օդուվանչիկ» հուշարձանը, իսկ Նելսոն Ստեփանյանի հուշարձանի բացումը տեղի կունենա հերոսի անվան պուրակում: Սեպտեմբերի 2-ին հանդիսավոր պայմաններում շահագործման կհանձնվի Ստեփանակերտի Վ. Ջհանգիրյանի անվան թիվ 11 ավագ դպրոցի նորակառույց շենքը: Մայրաքաղաքի Վերածննդի հրապարակից դեպի մարզադաշտ տանող աստիճանների երկայնքով կկազմակերպվի նկարների ցուցահանդես-վաճառք: Մայրաքաղաքի Ստ. Շահումյանի անվան մարզադաշտում տեղի կունենա տոնական համերգ: Կտրվի հրավառություն: Սեպտեմբերի 2-ին Ստեփանակերտում եւ շրջաններում կկազմակերպվեն համերգային և մարզական միջոցառումներ, կկայանան ժողովրդական զբոսահանդեսներ:

Ղարաբաղա-ադրբեջանական զորքերի շփման գոտու մի շարք հատվածներում օգոստոսի 29-ի լույս 30-ի գիշերը եւ օրվա ընթացքում արձանագրվել է հրադադարի ռեժիմի խախտման 19 դեպք: Լեռնային Ղարաբաղի պաշտպանության բանակի մամուլի ծառայությունից երեկ տեղեկացրել են, որ այդ ընթացքում Ադրբեջանի զինված ուժերի առաջապահ ստորաբաժանումների կողմից տարբեր տրամաչափի հրաձգային զենքերից եւ դիպուկահար հրացաններից Հադրութի, Մարտունու, Ասկերանի եւ Մարտակերտի շրջանների ուղղություններում տեղակայված ղարաբաղյան դիրքապահների հենակետերի վրա արձակվել է շուրջ 405 փամփուշտ:

Մեր տարածաշրջանը գրաված ռուսների ստեղծած` Կովկասի փոխարքայություն կոչվող կառավարչական մարմնի պատմությունը երեք փուլի են բաժանում պատմագիրները: Քանի որ առաջինն ընդգրկում է 1785-1801 թվականները եւ Հայաստանին չի վերաբերում` չենք մանրամասնի: Նշենք միայն, որ գրավյալ տարածքներում թիվ մեկ պաշտոնյան այդ տարիներին համարվում էր գեներալ-նահագապետը, դրանից հետո` Կովկասյան ճակատի գլխավոր հրամանատարը: 1827-1831 թվականներին այդ պաշտոնում էր գեներալ-ֆելդմարշալ Իվան Պասկեւիչը, որի ղեկավարությամբ էլ ռուսաց զինուժը 1827-ի վերջերին մտնում է Հայաստան եւ մինչեւ 1828-ի սկիզբը գրավում Արեւելյան Հայաստանի մեծ մասը:

Սիրելի ոչընտիրի այս միտքը, որը նա արտահայտել է Արցախ կատարած իր վերջին այցելության ընթացքում, թերեւս ավելի լավ է նկարագրում Հայաստանի ներկա վիճակի որոշ առանձնահատկություններ, քան բազմաթիվ ավելի ինքնատիպ համարվող խոսքեր: Իհարկե, կասեք` այս խոսքերը կտրված են կոնտեքստից եւ այլն: Անկեղծ ասած, առանձնապես կոնտեքստ չկար էլ, բայց եթե շատ եք անհանգստանում, կարող եք ամբողջությամբ կարդալ զանազան կայքերում:
Որեւէ տեքստի դեպքում հաճախ ավելի կարեւոր է ոչ թե բուն բովանդակությունը, այլ ձեւական մանրամասները` ոճը, ռիթմը, բառապաշարը, փոխաբերությունները եւ այլն: Հենց դրանք էլ կարող են դիտվել որպես իրական կոնտեքստ: Ինչի՞ մասին կարող է ասել մեզ գարնան եւ աշնան այս գողտրիկ պատմությունը: Թվում է, թե բացարձակ ոչնչի, որովհետեւ արտահայտված է հանրահայտ մի ճշմարտություն, որը, ճիշտ է, հեղինակի կարծիքով երեխաներին պետք է բացատրեն ուսուցիչները դպրոցում, սակայն, կարծում եմ, նույնիսկ երեխաներին դա բացատրելու կարիք չկա: Հետեւաբար, առաջին հայացքից գործ ունենք հերթական ոչմիբանության հետ: Թվում է, սակայն, որ այստեղ կարելի է գտնել ավելին:

Կենտրոն եւ Նորք-Մարաշ վարչական շրջանների ընդհանուր իրավասության դատարանում երեկ շարունակվեց ՀՀ մաքսային կոմիտեի նախկին նախագահ Արմեն Ավետիսյանի տան վրա կազմակերպված ավազակային հարձակման գործով դատավարությունը: Ցուցմունք տվեց ամբաստանյալ Սուրեն Մելքոնյանը, որի նկատմամբ որպես խափանման միջոց ընտրված է չհեռանալու մասին ստորագրությունը: Մելքոնյանը գործով անցնող ամբաստանյալներից գործարար Արա Կարապետյանի հորաքրոջ թոռն է: Վերջինիս մեղադրանքի հիմքում հիմնականում Մելքոնյանի նախաքննական ցուցմունքներն են, որոնցով նա իբր ընդունել է մեղքը եւ խոստովանական ցուցմունք տվել: Դատարանում ցուցմունքը Մելքոնյանը սկսեց նրանից, որ իրեն մեղավոր չի ճանաչում, ինքը հանցագործություն չի կատարել, իսկ նախաքննական ցուցմունքն ամբողջությամբ քննչական խմբի հորինածն է, գրել է քննիչների ճնշումների ներքո, հակառակ դեպքում իրեն սպառնացել են դատապարտել 10 եւ ավելի տարի ժամկետով, ընտանիքին էլ գցել փողոց: Վերջինիս խոսքերով` ինքն այս գործի հետ առնչվել է միայն նրանով, որ Արա Կարապետյանն իրեն մի պայուսակ է տվել եւ ոմն Կարենի հեռախոսի համար: Ինքը 2009-ի հունվարի 13-ին զանգահարել եւ հանդիպել է Կարենի հետ եւ նրան է փոխանցել պայուսակը, որտեղ եղել են Արմեն Ավետիսյանի տնից գողացված զարդերը: Հետո իմացել են, որ Կարենը պայուսակը փոխանցել է Արմեն Ավետիսյանին: Ըստ Մելքոնյանի, եթե ինքը ենթարկվեր նախաքննության մարմնին, ապա պետք է փախուստի դիմեր եւ դատարան չներկայանար ու ցուցմունք չտար: Եկող երկուշաբթի կշարունակվի Մելքոնյանի հարցաքննությունը:

Շուրջ երեք տարի առաջ` 2007 թվականի հոկտեմբերին Պլատինին ՖԻՖԱ-ի նախագահ Զեպ Բլատերի ընկերակցությամբ Երեւանում էր ու Ավան համայնքում ներկա եղավ «Ֆուտբոլի ակադեմիայի» հիմնաքարի տեղադրման հանդիսավոր արարողությանը: Բարձրաստիճան այրերը ստորագրեցին ուղերձ երիտասարդ սերնդին, այն դրեցին հատուկ տարայի մեջ եւ ամրացրին կառույցի հիմքին (նկարում): Սեփական աչքերով տեսնելով ֆուտբոլի նկատմամբ հայերի վերաբերմունքը, Պլատինին այն ժամանակ հայտարարեց.- «Հայաստանը «հիվանդ» է ֆուտբոլով` բառիս լայն իմաստով»: Ու ահա այսօր տեղի կունենա «Ֆուտբոլի ակադեմիայի» բացումը, որին եւ ներկա կլինի Պլատինին: Համաշխարհային ֆուտբոլի պատմության լեգենդար ու ամենատիտղոսակիր ֆուտբոլիստներից մեկը` 20-րդ դարի 80-ական թվականներին 3 անգամ Եվրոպայի լավագույն ֆուտբոլիստ ճանաչված, Եվրոպական ֆուտբոլային միության` ՈՒԵՖԱ-ի ներկայիս նախագահ, ֆրանսիացի Միշել Պլատինին այսօր ժամանում է Երեւան:

Ադրբեջանի պաշտպանության նախարար Սաֆար Աբիեւը երեկ արձագանքել է հայաստանցի պաշտոնյաների այն հայտարարություններին, թե պատերազմի վերսկսման դեպքում ՌԴ-ն ռազմական օգնություն ցույց կտա Հայաստանին: Աբիեւը նշել է, թե նման հայտարարությունները խոսում են ոչ թե ուժեղ լինելու, այլ թուլության մասին: Աբիեւը նաեւ հավելել է, որ վերջերս Անկարայի ու Բաքվի միջեւ ստորագրված «Ռազմավարական համագործակցության ու փոխօգնության մասին» համաձայնագրով Թուրքիան ռազմական օգնություն է ցույց տալու Ադրբեջանին:

Միաժամանակ, Ադրբեջանի ԱԳՆ մամլո խոսնակ Էլհան Փոլուհովը, արձագանքելով Սերժ Սարգսյանի` նախօրեին արած այն հայտարարությանը, թե «ԼՂ վերաբերյալ Ադրբեջանի կողմից ՄԱԿ-ի Գլխավոր ասամբլեա բանաձեւ ներկայացնելը սխալ քայլ է», ասել է, որ «Ադրբեջանը հետայսու եւս նման նախաձեռնություններով հանդես կգա», ապա հավելել, որ «եթե Հայաստանը չի ցանկանում, որ Բաքուն նման նախաձեռնություններով հանդես գա, ապա պետք է ընդունի Մադրիդյան սկզբունքների նորացված տարբերակը եւ իր զորքերը դուրս բերի ադրբեջանական օկուպացված տարածքներից»:

Վրացական մի շարք ԶԼՄ-ներ երեկ տեղեկացրել են, որ Բաքվում դեմ են Ադրբեջանում Վրաստանի նոր դեսպան Իրակլի Քավթառաձեի նշանակմանը: Չնայած Վրաստանի խորհրդարանը նրան դեսպանի պաշտոնում հաստատել է դեռ այս տարվա ապրիլին, սակայն ադրբեջանական կողմը մինչ օրս ագրեման չի տրամադրում (իր համաձայնությունը չի տալիս նշանակմանը), որպեսզի նա անցնի իր պարտականությունների կատարմանը: Ըստ վրացական աղբյուրների, պատճառն այն է, որ Բաքվում կասկածներ կան, որ Քավթառաձեն իրականում հայկական արմատներ ունի, այլ ոչ թե օսեթական, ինչպես ներկայացվում է:

Պորտուգալիայի հավաքականի ու Մադրիդի «Ռեալի» կիսապաշտպան Կրիշտիանու Ռոնալդուն Իսպանիայի առաջնության 1-ին տուրում «Մալյորկայի» հետ հանդիպման ժամանակ վնասվածք է ստացել: Ֆուտբոլիստի մոտ ոտնաթաթի ոսկրային վնասվածք եւ հետվնասվածքային այտուց է հայտնաբերվել: Ըստ բժիշկների` Ռոնալդուից 3 շաբաթ կպահանջվի մարզավիճակը վերականգնելու համար: Ռոնալդուն իր երկրի հավաքականի կազմում չի մասնակցի սեպտեմբերի 3-ին ու 7-ին Եվրո 2012-ի ընտրական մրցաշարում նախատեսված հանդիպումներին: