Հարցազրույցներ

Նիկոյանը տրամադրված չէր մեզ հարցազրույց տալ, բայց ի վերջո մի քանի հարցերի պատասխանեց, հարցերից մեկի ժամանակ անջատեց «ՀԺ»-ի ձայնագրիչը, վերջում էլ ասաց` դուռն այնտեղ է, եւ մեր մի քանի հարցեր էլի անպատասխան մնացին:

- Պարոն Նիկոյան, տեղեկություններ կային, որ տեղափոխվելու եք կառավարական առանձնատներից մեկում բնակվելու: Ինչո՞ւ չեք տեղափոխվում, ինչ-որ խնդի՞ր կա, ո՞րն է պատճառը:
- Դուք այդ հարցը տվե՞լ եք պարոն Աբրահամյանին` երկար տարիներ Աժ նախագահ է եղել, ինչո՞ւ չի գնացել, Մարգարյան Անդրանիկին` երկար տարիներ աշխատում էր վարչապետ, եւ նա ամառանոցում չէր, նա գերադասում էր ապրել իր բնակարանում: Ես էլ գերադասում եմ ապրել Մայակ թաղամասում գտնվող իմ բնակարանում եւ այնտեղ ինձ լավ եմ զգում եւ որեւէ տեղ չեմ պատրաստվում տեղափոխվել:

Հարցազրույց Հայ ազգային կոնգրեսի ներկայացուցիչ Վահագն Խաչատրյանի հետ

- Պարոն Խաչատրյան, ինչպիսի՞ն է նախընտրական իրավիճակը Կոնգրեսում. որոշ ԶԼՄ-ներ արդեն Կոնգրեսի ցուցակի առաջին եռյակ են հրապարակում, ավելին` խոսվում է, թե Կոնգրեսում կռիվ է ընկել:
- Ցանկություններ են դրանք: Շատ աշխատանքային մթնոլորտ է Կոնգրեսում, իսկ ցուցակային խնդիրների քննարկման ժամանակը չի եկել, ընդամենը սկզբունքներն ենք քննարկում: Ի տարբերություն շատ այլ կազմակերպությունների, Կոնգրեսը բաց է գործում, Կոնգրեսի կազմում կան 18 կուսակցություններ, որոնք մասնակցում են այդ քննարկումներին: Այսօր ցուցակի մասին խոսք չկա, ընդամենը քննարկվում է, թե ինչ սկզբունքներով կարելի է ցուցակները կազմել: Նաեւ ընտրություններին մասնակցելու ձեւաչափն ենք ճշտում: Մնացածը զուտ քաղաքական տեխնոլոգիաների խնդիր է, որով փորձում են Կոնգրեսի վարկանիշը գցել կամ իրավիճակը Կոնգրեսում ներկայացնել այնպես, ինչպես իրենք կուզեին, որ լիներ:

- Պարոն Մհերյան, դեկտեմբերին պարզվեցին մի քանի ամիս առաջ ձեր ընտանիքի թունավորման դեպքի վերաբերյալ փորձաքննության արդյունքները, ինչից հետո ոստիկանությունը որոշում կայացրեց քրեական գործ չհարուցել: Սա նշանակում է, որ ձեր ընտանիքի թունավորումը պատահականություն է եղել: Ի վերջո, դուք համաձայնեցի՞ք այդ որոշման հետ:
- Ես մի անգամ ձեզ ասացի, որ շատ ծիծաղելի եզրակացություն էին տվել: Գրել էին, թե խոհանոցի օդատարի քարշը ապահովելու համար անհրաժեշտ էր ավելացնել օդատարի ուղղաձիգ մասը: Այսինքն` օդը դուրս էր եկել, բայց ուղղաձիգ չէր բարձրացել, ու սա հանդիսացել էր թունավորման պատճառ: Ես դատախազին հարցրեցի` եթե խողովակը ուղղաձիգ լիներ, մենք չէի՞նք թունավորվի: Դատախազը լռեց:

- Բողոքարկելո՞ւ եք քրեական գործ չհարուցելու մասին ոստիկանության որոշումը:
- Այսպես չի, որ ես ուզում եմ, որ քրեական գործ հարուցեն: Ես մի քրեական գործ ունեմ արդեն` որդուս սպանության փաստի առիթով հարուցված: Ես ուզում եմ, որ դա՛ բացեն, դրա մեղավորին գտնեն: Թունավորումը ինձ համար էական չի: Էականն ինձ համար այն է, որ դուրս է գալիս, որ Մհերյանների ընտանիքը թունավորման շոու սարքեց ու լռեց: Բայց ես չեմ ուզում, որ ամեն ինչ այդպես դիտվի: Երեք տարի տղայիս սպանության գործն են վարում: Հանրապետության դեմքերից մեկի սպանության գործը: Երեք տարի փնտրում են: Հիմա ի՞նչ եք մտածում, եթե թունավորման վերաբերյալ քրեական գործ հարուցվի, ինչ-որ բան կանե՞ն, ինչ-որ բան կպարզե՞ն: Իհարկե` ոչ: Ոչ մի բան: Իսկ ես սրա հետեւից գնալու ժամանակ չունեմ: Ես այն գործն ունեմ ու դրա հետեւից եմ գնում: Ու ես պետք է հասնեմ արդյունքի:

- Մուրադ, ի՞նչ առիթով եք Հայաստանում:
- Ինչքան էլ հաջողություն եմ ունենում, շտապում եմ վերադառնալ իմ երկիր, որպեսզի պատմեմ իմ հաջողությունների մասին, ասեմ, որ ազգանունս չեմ փոխել եւ ոչ էլ անունս: Հիմա  գալուս նպատակն է նաեւ հայտնել այն լուրը, որ ձայներիզս լույս տեսավ` «Հայոց գանձեր» խորագրով, որտեղ ես ներկայացնում եմ հայկական գոհարները` Մեսրոպ Մաշտոց, Նարեկացի, Եկմալյան եւ այն տերողորմեաները, որոնք հաճախ չեն լսվում:

- Այդ ձայներիզն ավելի վա՞ղ չէր լույս տեսել:
- Ոչ, 2010-ին ձայնագրվել է, 2011-ին լույս տեսել: Սա առաջինն է: Փետրվարին 2-րդն է լինելու, որտեղ աշխարհի «Ավե Մարիաներն» եմ երգում` Շուբերտ, Գունո: Նույնիսկ շատ մեծ անակնկալ կա. ես հայերեն Ավե Մարիա եմ երգում, ինչը երբեւէ մենք չենք լսել: Գտել եմ դա եւ այնտեղ ընդգրկել, բայց կոմպոզիտորի անունը չեմ հայտնի: 

- Պարոն Մանուկյան, վերջին շրջանում ընդդիմության ներկայացուցիչները հաճախ են հայտարարում, որ փետրվարին հանրահավաքային մեծ ալիք է բարձրանալու, որի շնորհիվ հնարավոր կլինի հասնել իրական փոփոխությունների: Ինչո՞ւ եք համոզված, որ հանրահավաքային շարժումով այս անգամ հնարավոր կլինի ինչ-որ բանի հասնել:
- Այսօրվա քաղաքական եւ սոցիալական իրավիճակի վերլուծությունը եւ մեր տեղեկությունները ինձ հիմք են տալիս ասելու, որ իշխանությունները հակված չեն որեւէ ժողովրդավարական քայլ անելու: Կա միայն մեկ ճանապարհ` ժողովրդի ճնշումը: Ժողովրդի ճնշումը չեղավ` Հայ ազգային կոնգրեսը, Հայաստանի ժողովրդավարական ուժերը որեւէ արդյունքի չեն հասնելու: Դրա համար մենք ակտիվացնում ենք մարզային կառույցները, նախատեսում ենք հանդիպումներ ունենալ համայնքների ժողովրդի հետ եւ այդ ամենը կօգտագործենք փետրվարի վերջ-մարտի սկիզբ մեծ ալիք բարձրացնելու համար: Կրկնում եմ` այդ ալիքն անհրաժեշտ  է հասնելու այն քայլերին, որոնք մենք մտածում ենք ընտրությունները կազմակերպելու համար:

Հարցազրույց ՍԴՀԿ ատենապետ Լյուդմիլա Սարգսյանի հետ

- Տիկին Սարգսյան, արդեն գրեթե 4 ամիս է մնացել ԱԺ ընտրություններին: Հայ ազգային կոնգրեսը որոշե՞լ է` ինչպես է մասնակցելու դրանց:
- Նախ պիտի ասեմ, որ Հայ ազգային կոնգրեսն ակնկալում է, որ մինչեւ հերթական խորհրդարանական ընտրությունները` փետրվարին մեծ հանրահավաքային գործընթաց է սկսվելու, որին ժողովրդի ակտիվ մասնակցությունը երկրում ինչ-որ բան փոխելու է: Կարծում եմ, այդ ակտիվության արդյունքում մենք կարողանալու ենք հասնել Սերժ Սարգսյանի հրաժարականին: Դա մեր առաջնային խնդիրն է: Իսկ ինչ վերաբերում է հերթական ընտրություններին, բնականաբար պիտի մասնակցենք, պիտի ակտիվ քարոզչական աշխատանք տանենք ժողովրդին ակտիվացնելու համար: Չնայած` բոլոր այն պրոբլեմները, որ կան մեր երկրում, եւ որոնք անելանելի են դարձրել մեր ժողովրդի ապրելը Հայաստանում, դրանք արդեն իսկ բավարար են, որպեսզի ժողովուրդը հասկանա, որ պետք է դուրս գա պայքարի եւ հասնի արտահերթ ընտրությունների:

«Կվերադառնամ հունվարի վերջին երեւի, քանի որ գործերս չեմ վերջացրել. սրճարանի վաճառքի գործարքն էլ կավարտեմ եւ մեկընդմիշտ կհեռանամ Հայաստանից: Իշխանությունն ամեն ինչ արեց, որ հեռանամ` վերջնական: Ես որոշել եմ հեռանալ»,- ասաց գործարարը: Երեկ նա պատասխանել է «ՀԺ»-ի հարցերին:

- Տիկին Աշխեն, երեկ մեզ հետ զրույցում ասում էիք, որ այս իշխանությունները երկիրը, տնտեսությունը սպանում են. ինչպե՞ս են սպանում:
- Իրենք սպանում են տնտեսությունը իրենց հարկային ճնշումներով, իրենց հարկադիր կատարողական ծառայության միջոցներով, ոչ արդար մրցակցությամբ: Իրենք խեղդում եւ ճնշում են նրանց, ովքեր իրենց նման չեն կարող աշխատել կամ համաձայն չեն այդպես աշխատել:

2007-ի ընտրությունների ժամանակ Հակոբյանին չհաջողվեց գրանցվել պատգամավորի թեկնածու: Էջմիածնում կրքերը խիստ լարված էին, կրակոցներ եղան, քրգործեր կային Հակոբյանի դեմ, ավելի ուշ նա առողջական խնդիրներ ուներ եւ գերեզմաններում հատուկ թերապիա էր անցնում:

- Պարոն Հակոբյան, ո՞ր ճամբարում եք լինելու այս ընտրությունների ժամանակ` ՀՀԿ, ԲՀԿ, ՕԵԿ, «Ազատ դեմոկրատներ»:
- Ես մինչեւ հիմա Հանրապետական կուսակցության անդամ եմ, որեւիցե կուսակցության մեջ ես չեմ եղել, ոչ էլ նախկինում եմ եղել, ընդհանրապես իմ ամբողջ գործունեության մեջ ունեցել եմ այդ մի կուսակցությունը:

- Բայց տեղեկություններ կան, որ դուք նաեւ ԲՀԿ-ի հետ եք փորձում մերձենալ:
- ԲՀԿ նախագահը իմ ընկերն է, որից ես չեմ հրաժարվում, ինչ վերաբերում է քաղաքական կողմնորոշում փոխելուն, մենք ԲՀԿ-ի նախագահի հետ այդ հարցերը չենք քննարկում, մենք խոսում ենք մեր ընկերական հարցերի մասին:

հարցազրույց ԲՀԿ-ական պատգամավոր Գոհարիկ Ենոքյանի հետ

- Տիկին Ենոքյան, ձեր կարծիքով, ճիշտը ո՞րն է` ԲՀԿ-ն միասնական ցուցակո՞վ մասնակցի խորհրդարանական ընտրություններին, թե՞ առանձին:
- Ինձ էդքան միամիտ մարդու տեղ եք դրե՞լ, իմ ի՞նչ գործն է, որ ես ասեմ: Իմ կարծիքը իմ անձնական կարծիքն է, ես կուսակցության վարչության, քաղխորհրդի անդամ եմ, իմ ղեկավարի որոշումն է վերջնականը: Սկսեք երկրի մեծերից, ես իմ կարծիքն ունեմ ամեն մեկի մասին, բայց հո չե՞մ ասում, դա իմ գործը չէ, դա կուսակցության լիդերի գործն է: Ինքը մեզ, ինչքան գիտեմ, պիտի որ շուտով հավաքի, իր ասելիքները ասի: Ռուսի ասած` ապրենք մինչեւ երկուշաբթի: Սպասենք` կտեսնենք, ոնց կասի` տենց էլ կլինի:

- Բայց դուք այդ կուսակցության ակունքներում եք կանգնած, դուք ձեր կարծիքը չե՞ք կարող ասել:
- Դա ինձ միեւնույն է, բարոյապես իրավունք չի տալիս, որ ես առանց իմ լիդերից իր կարծիքը իմանալու, իմ կարծիքը արտահայտեմ: Էթիկայից դուրս է, ես իրավունք չունեմ այս իմ անցած կյանքի հետ մի հատ սխալ բան թույլ տամ:

հարցազրույց երգիչ-երգահան, ազատամարտիկ Դավիթ Ամալյանի հետ

- Ինչպե՞ս է առհասարակ իրեն զգում Դավիթ Ամալյան արվեստագետը` ապրելով Հայաստանում:
- Նախ սկսեմ նրանից, որ եթե ես լրագրող լինեի, կներեք, որ այդպես եմ ասում, «արվեստագետ» եւ «մտավորական» բառերը չէի բաշխի: Դրանք մի քիչ թանկ արժեցող բառեր են, որոնք կօգտագործեի շատ հազվադեպ մարդկանց դեպքում: Ես մինչեւ հիմա ինձ համարում եմ իմ ընկերների ընկերը: Երբ ինձ, ենթադրենք, ասում են` այս մարդը, միայն դրանից չեմ նեղվում, գիտեմ, որ մարդ եմ, բայց «մտավորական», «արվեստագետ», «վաստակավոր»` դրանք ես ինձ հետ չեմ կապում:

հարցազրույց Հայ ազգային կոնգրեսի համակարգող Լեւոն Զուրաբյանի հետ

- Պարոն Զուրաբյան, դուք նախօրեին հայտնեցիք, որ Հայ ազգային կոնգրեսը ընտրությունների գործընթացը օրինական եւ թափանցիկ դարձնելուն ուղղված առաջարկների պլատֆորմ է մշակել եւ դրա շուրջ պատրաստ է համագործակցել բոլոր այն ուժերի հետ, որոնք կընդունեն դա: Ի՞նչ է իրենից ներկայացնում այդ պլատֆորմը:

- Մենք մշակել ենք այն միջոցառումների, օրենսդրական փոփոխությունների ցանկը, որոնք առավելագույնս ազատ եւ արդար, օրինական եւ թափանցիկ կդարձնեն առաջիկա ընտրությունները: Բայց մենք նաեւ մտածում ենք, որ այստեղ կարեւոր է ապահովել ազատ եւ արդար ընտրություններով շահագրգիռ բոլոր քաղաքական ուժերի համագործակցությունը: Ուստի, մենք առայժմ նպատակահարմար չենք գտնում հրապարակել այդ պլատֆորմը եւ այս պահին պատրաստակամություն ենք հայտնում ընդգրկվել այլ շահագրգիռ քաղաքական ուժերի հետ մի այնպիսի գործընթացի մեջ, որը թույլ կտա մշակել ընդհանուր պլատֆորմ: Ի վերջո, այլ ուժերը նույնպես ունեն իրենց մշակված առաջարկները ու պլատֆորմները ընտրական գործընթացի վերաբերյալ, եւ վստահ ենք, որ բոլոր քաղաքական ուժերի մշակված պլատֆորմներում կան դրույթներ, որոնք ընդունելի են բոլորի համար:

Լեւոնը հենց երեկ ավարտեց իր հերթական մրցաշարը, ներկայումս գտնվում է Լոնդոնում: Ստորեւ ներկայացնում ենք հատվածներ արտերկրյա պարբերականներից մեկին հայ սուպերգրոսմայստերի տված հարցազրույցից, որը վերնագրված է այսպես. «Ազգային հարստություն»:

- Լեւոն, ո՞րն է Հայաստանի հավաքականի հսկայական հաջողությունների պատճառը:
- Մեր թիմում խաղում են մարդիկ, որոնք իսկապես իրար հարգում ու սիրում են, եւ ոչ այն պատճառով, որ նույն հավաքականում ենք հանդես գալիս: Մեր թիմում հրաշալի մթնոլորտ է:

- Իսկ եթե նոր շախմատիստ է հայտնվո՞ւմ:
- Նոր մարդը ցանկացած դեպքում չի կարող ոչինչ փոխել: Երբ 4 ընկերներ են մի թիմում, իրեն ոչ ադեկվատ դրսեւորող նոր մարդը չի կարող երկար մնալ:

Վերջերս հայտնի դարձավ, որ Երեւանի սրտում` «Մոսկվա» կինոթատրոնի եւ «Գոլդեն Թուլիփ» հյուրանոցի հարեւանությամբ, պետք է կառուցվի 50 հարկանի պարսկական աշտարակ:

Հետո այդ տեղեկությունները հերքվեցին, եւ արդեն խոսվում էր 25 հարկանի շինության մասին, որը կառուցելու է իրանական «Դիդաս ինտերնեյշնլ» ընկերությունը: Երեկ այս թեմայով զրուցեցի ընկերության տնօրեն Փեյման Շայեգան Ռադի հետ:

- Պարոն Ռադ, դուք շարունակելո՞ւ եք ձգտել, որպեսզի պարսկական աշտարակն, այնուամենայնիվ, կառուցվի, չնայած այն բանին, որ արդեն իսկ հանրային բողոք կա դրա դեմ:
- Հանրային բողոքը հիմնված է սխալ տեղեկատվության վրա: Ոչ մի պարսկական աշտարակ գոյություն չունի: Ինչպես 50 հարկ չի եղել եւ չի լինի, ճիշտ այնպես էլ չի լինի պարսկական աշտարակ: Պետք է 5 աստղանի բրենդային հյուրանոց կառուցվի: Բարձրահարկ հյուրանոց, որ կկոչվի այն բրենդի անունով, որը այնտեղ կաշխատի: Ենթադրենք, եթե «Կոնտինենտալը» լինի, կառույցը հենց այդպես էլ կկոչվի` հյուրանոց «Կոնտինենտալ» եւ ոչ` այլ կերպ:

«ՀԺ»-ին տված հարցազրույցում «Հայռուսգազարդ» ընկերության գլխավոր տնօրենի տեղակալ, գլխավոր ինժեներ Հրանտ Թադեւոսյանը նկատեց, որ բացի իրենց լաբորատորիաներում ստուգվելուց, «Հայռուսգազարդի» խոշոր սպառողները` ՋԷԿ-երը, «Արարատցեմենտ» ընկերությունը, ունեն սեփական լաբորատորիաներ եւ այնտեղ ստուգում են մատակարարվող գազի որակն ու չեն բողոքում: Ուրեմն, նաեւ բնակիչները պետք է համոզված լինեն, որ գազի որակը բարձր է:

- Պարոն Թադեւոսյան, հայաստանյան սպառողները դժգոհում են, որ վերջին տարիներին սկսել են ավելի շատ գազ ծախսել, հետեւաբար` ավելի շատ գումար վճարել, ասենք, սենյակում միեւնույն ջերմաստիճանը ստանալու համար: Բողոքում են գազի կալորիականությունից, ճնշումից, գույնից, եւ որ կրակը ոչ թե կապույտ է լինում, այլ շատ հաճախ` կարմիր, որ միանգամից գազը չի վառվում: Ինչպե՞ս կմեկնաբանեք սա:
- Մենք կարո՞ղ ենք ձեզ հետ միասին գնալ ինչ-որ մի բնակարան, որտեղից դժգոհություն կա ու փորձարկում իրականացնել: Ես խնդրում եմ կազմակերպել դա: Մենք ունենք նաեւ շարժական լաբորատորիա, որը վկայագրված է համապատասխան` էկոնոմիկայի նախարարի կողմից:

Հարցազրույց «Ժառանգության» փոխնախագահ Ռուբեն Հակոբյանի հետ

- Պարոն Հակոբյան, «Ազատ դեմոկրատներ» կուսակցության փոխնախագահ Անուշ Սեդրակյանը երեկ տեղեկացրեց, որ «Ժառանգության» որոշ ներկայացուցիչների հետ պարբերաբար հանդիպումներ են լինում: Ի՞նչ ֆորմատով են տեղի ունենում այդ հանդիպումները, ի՞նչ պարբերականությամբ, եւ ի՞նչ  հարցեր են քննարկվում:
- Ընդհանրապես մենք համագործակցում եւ համագործակցության եզրեր ենք փնտրում բոլոր այն ուժերի հետ, ովքեր իրականում պատրաստ են պայքարելու ազատ եւ արդար ընտրություններ կազմակերպելու համար: Այո, «Ազատ դեմոկրատների» հետ հանդիպումներ եղել են, եւ հետագայում հնարավոր է ավելի ընդլայնված համագործակցություն` նկատի ունենալով երկու կուսակցությունների գաղափարաքաղաքական որոշակի ընդհանրությունները: