#2506

Ինչպես հայտնի է, Հայաստանի համար տնտեսական աճն ու զարգացումը լրիվ տարբեր բաներ են: Մի քանի տարի շարունակ արձանագրվող տնտեսական երկնիշ աճը, ոչ միայն չբերեց զարգացման, այլ նաեւ հակառակ ազդեցությունն ունեցավ` տնտեսության որակը, այսինքն` մրցունակությունը, ավելի ընկավ: Ինչպիսին է լինելու այս տարվա կանխատեսվող աճը` որակակա՞ն, թե՞ էլի քանակական: Այսինքն` կլինի ա՞ճ, թե՞ զարգացում: Այս հարցի պատասխանը թերեւս փնտրենք կառավարության մշակած «2010 թվականին տնտեսական աճ եւ զարգացում ապահովող ծրագրեր» անվանումը կրող փաստաթղթում: Այս փաստաթղթով նախարարություններին ու գերատեսչություններին հանձնարարականներ են տրված, որոնց իրականացումը դրված է նախարարների վրա ովքեր տարեվերջին ամփոփ հաշվետվություններ են ներկայացնելու ծրագրերի կատարման մասին:

Այսօր հանրապետությունում սպասվում է առավելապես առանց տեղումների եղանակ, գիշերը արեւելյան շրջաններում տեղ-տեղ հնարավոր է անձրեւ: Այսօր ցերեկային ժամերին Շիրակում, Կոտայքում, Գեղարքունիքում, Արագածոտնի, Վայոց Ձորի լեռներում սպասվում է մինչեւ 16 աստիճան տաքություն, գիշերը` նվազագույնը` -2 աստիճան: Արարատում, Արմավիրում, Վայոց Ձորի նախալեռնային շրջաններում այսօր ցերեկը կլինի +23, գիշերը +4: Երեւանում այսօր սպասվում է առանց տեղումների եղանակ: Ցերեկը օդի ջերմաստիճանը կհասնի +22-ի, գիշերը կնվազի մինչեւ +5:

Երեկ «Սարդարապատ» շարժումը հանդես է եկել առաջարկով` այս տարվանից սկսած Հայոց ցեղասպանության տարելիցը նշել համահայկական լռության րոպեով, որը կարող է դառնալ համազգային համերաշխության եւ պայքարի նշան: «Կո՛չ ենք անում բոլոր հայերին ուղիղ 19.15-ին մեկ րոպե կանգ առնել ու լռել այն վայրում, ուր նրանք գտնվում են տվյալ պահին»,- մասնավորապես նշված է առաջարկ-հայտարարության մեջ: Ժամը 19.15-ը խորհրդանշում է 1915 թվականը:

Երեկ լրագրողների հետ հանդիպման ժամանակ Հայոց ցեղասպանության թանգարան-ինստիտուտի փոխտնօրեն Սուրեն Մանուկյանը ասել է, որ Ցեղասպանության հարցով «ճիշտ ժամանակն է, որ փոխհատուցման եւ վերադարձի իրավունքի հայց ներկայացվի միջազգային դատարան»: Հաագայի միջազգային դատարան հայց կարող է ներկայացվել միայն այն բանից հետո, երբ Հայաստանը միանա Հռոմի հռչակագրին: Վերջերս իշխանություններին այդպիսի առաջարկ էր արել Հաագայի միջազգային դատարանի դատախազ Լուիս Մորենո-Օկամպոն: «Կարծիք կա, որ այդ հայցը պետք է ներկայացնի Սփյուռքը: Սակայն դա պետք է լինի միացյալ հայց»,- նշել է Մանուկյանը` ավելացնելով, որ այդ մասին պետությունը պետք է քաղաքական որոշում կայացնի, ինչի նախադրյալները երեւում են Սերժ Սարգսյանի` վերջերս Տեր Զորում ունեցած ելույթում:

Այս մասին երեկ մեզ փոխանցեցին ԵԽԽՎ մեր աղբյուրները: Կոլոմբիեի ծնկները վիրահատել են: Հիշեցնենք, որ ԵԽԽՎ-ն կոնկրետ պահանջներ էր դրել ՀՀ իշխանությունների առաջ, կոնկրետ ժամկետներով: Ավելին, համազեկուցողներն իրենց վերջին հայտարարության մեջ նշել էին, որ «Մարտի 1-2-ի դեպքերից հետո առաջացած մի շարք հարցեր կարիք ունեն պարզաբանման» ու նաեւ հայտնել, որ ՀՀ ԱԺ-ին ուղարկելու են նամակ` խնդրելով ԵԽԽՎ Մոնիտորինգի հանձնաժողովին ներկայացնել 2008թ. մարտի 1-2-ի դեպքերն ուսումնասիրող ԱԺ ժամանակավոր հանձնաժողովի առաջարկած բարեփոխումների հստակ ժամանակացույց: «Այս քննարկումների հիման վրա մենք գարնանը կայցելենք Երեւան` նշված բարեփոխումների իրականացման համար հստակ ճանապարհային քարտեզ հաստատելու համար»,- նշել էին համազեկուցողները:

Նշված օրը, ժամը 18-ից մինչեւ 20-ի սահմաններում, Վազգեն Սարգսյանի անվան ռազմական ակադեմիայի առջեւ գրեթե նույն անցուդարձն է եղել, ինչ Հանրապետական մարզադաշտի մոտ` մի քանի տասնյակ թանկարժեք ջիփեր, ոստիկանության տարբեր ստորաբաժինների հարյուրից ավել ներկայացուցիչներ` իրենց սպառազինությամբ, ՀՀԿ-ի եւ ԲՀԿ-ի կրծքանշաններով անձինք եւ այսպես շարունակ: Սակայն հրազենի կրակոցներից հետո ակնհայտ է դարձել, որ սա ուրիշ հավաք է: Պարզվել է, որ այդ «միջոցառումը» եղել է հերթական լայնամասշտաբ ռազբորկան: Իսկ ռազբորկայի անցկացման վայր է ընտրվել ռազմական ակադեմիայի դիմացի այգում տեղակայված «Քրեյզի հորս» («Crazy horse») գիշերային ակումբը, որից հետո այն շարունակվել է նշված օբյեկտի հետնամասում: <!--break--> Սակայն, ռազբորկայի ամենաթեժ պահին, երբ ԲՀԿ-ական եւ ՀՀԿ-ական կրծքանշաններով մոտ հարյուր հոգու հասնող քրեական եւ թաղային հեղինակությունների հակամարտությունը պետք է թեւակոխեր որոշիչ փուլ, այնտեղ ժամանած ոստիկանական ջոկատները ընդհատել են «միջոցառումը»: Դեպքի վայրում մարդիկ առանձնապես հակված չեն խոսելու: Իսկ նման զգուշավորությունը պայմանավորված է այն հանգամանքով, որ իրականում բոլորն էլ գիտեն, թե ովքեր են հակամարտող կողմերը, եւ որ նրանք, այսպես ասած, պատահական անձինք չեն:

«Երեւան Ջուր» ընկերությունը տեղեկացնում է, որ շինարարական աշխատանքների հետ կապված` ապրիլի 21-ի ժամը 10.00-ից մինչեւ ապրիլի 22-ի ժամը 10.00-ը կդադարեցվի Կենտրոն վարչական շրջանի Չարենցի, Եր. Քոչարի, Զավարյան, Քաջազնունու, Վրացյան, Տոլստոյի, Օստրովսկու, Ռոստոմի, Շարա-Տալյան փողոցների, Այգեստան թաղամասի 1-8 փողոցների, Նար-Դոսի փողոցի 40-ից բարձր, Վարդանանց փողոցի 20-ից բարձր, Քրիստափորի փողոցի 35-ից բարձր, Ալեք Մանուկյան փողոցի 7-ից բարձր համարների եւ հարակից տարածքների ջրամատակարարումը:

Թուրքական ոստիկանության թմրաբիզնեսի դեմ պայքարի վարչության աշխատակիցները ապրիլի 15-ին թմրանյութերի տարանցման մեջ կասկածվող Հայաստանի 2 քաղաքացիների են ձերբակալել: Ըստ «CNNturk»-ի, Դիարբեքիրում հայաստանյան պետհամարանիշով մեքենայի խուզարկության ընթացքում հայտնաբերվել է 360 հատ «captagon» հոգեմետ դեղահաբ` 50 կգ 300 գրամ ընդհանուր քաշով: Անմիջապես ձերբակալվել են մեքենայում գտնվող երկու Հայաստանի քաղաքացիները, որոնց անունները չեն նշվում: Ոստիկանության թմրաբիզնեսի դեմ պայքարի վարչությունը հայտնել է, որ գործողությունները իրականացվել են ստացված այն տեղեկության հիման վրա, ըստ որի, Թուրքիայի տարածքով դեպի Սիրիա Հայաստանում արտադրված մեծ քանակությամբ թմրամիջոցներ են տեղափոխվելու:

Հատկապես կարեւորվում է արտերկրից ստացվող տեղեկատվությունը. այսինչ երկրում խաչքար տեղադրվեց, մյուսում հանրահավաք կազմակերպվեց, մի երրորդ երկրի խորհրդարանում լսումներ եղան եւ այլն:
Բացառություն չի նաեւ 2010 թվականը:

Այս տարի հետաքրքիր, կասեի` զայրացնող էին Վրաստանից եկած լուրերը:
Նախ` հիշենք, որ Հայոց ցեղասպանությունը դատապարտած շուրջ երկու տասնյակ երկրների ցանկում մեր մերձակա հարեւան ու դարավոր եղբայր Վրաստանը չկա: Դե, հասկանալի է` սովետի օրոք նման բան բացառված էր, անկախանալուց հետո էլ` հանուն հայերի փչացնել հարաբերությունները սահմանակից թուրքերի հետ` երեւի թե, չարժեր:

ՀՀ քաղաքացիական ծառայության խորհուրդը (ՔԾԽ) ավարտել է ՀՀ աշխատանքի եւ սոցիալական հարցերի նախարարության աշխատակազմի ղեկավար Ձոնիկ Մարգարյանի նկատմամբ ծառայողական քննությունն ու որոշել համաձայնություն տալ կառավարությանը` կիրառել նրա նկատմամբ «խիստ նկատողություն» կարգապահական տույժը, որն, այդպիսով, 2-րդն է լինելու 1 տարվա մեջ: Այս մասին երեկ հայտարարվեց Քաղծառայության խորհրդում հրավիրված մամլո ասուլիսի ժամանակ:

ՀՀ կրթության եւ գիտության նախարարությունը երեկ հանդես է եկել պարզաբանումով, որը վերաբերում է գրող, հրապարակախոս Տիգրան Պասկեւիչյանի «Ընտրություն» ֆիլմի ցուցադրությունն արգելելուն: Հիշեցնենք, որ ֆիլմի պրեմիերան պետք է լիներ ապրիլի 17-ին` Գեղագիտության ազգային կենտրոնի Փոքր թատրոնի դահլիճում, ինչը սակայն, Պասկեւիչյանի փոխանցմամբ, արգելվել էր ԿԳՆ-ի կողմից: Ըստ վերջինիս պարզաբանման, «Գեղագիտության ազգային կենտրոնը, որը փակ բաժնետիրական ընկերություն է իր կանոնադրության մեջ ունի հետեւյալ դրույթը. «Կանոնադրության 2.4 կետում նշված է, որ ընկերությունը կարող է իրականացնել նաեւ ՀՀ օրենսդրությամբ չարգելված տնտեսական գործունեություն` այլ կազմակերպությունների հետ մտնելով պայմանագրային հարաբերությունների մեջ:

Ամեն դեպքում ֆենոմենալ ազգ ենք. երեւանյան մրցաշարին մասնակցում էին աշխարհում գոյություն ունեցող 48 ազգային հավաքականներից ամենաթույլ 4-ը` Հայաստան, Հարավաֆրիկյան Հանրապետություն, Մոնղոլիա եւ Հս. Կորեա: Բայց այնպիսի աժիոտաժ էր տիրում մարզահամերգային համալիրում, կարծես հաղթանակի դեպքում Հայաստանը դառնալու էր աշխարհի չեմպիոն: Իսկ հոկեյի երեւանյան մրցաշարի հաղթող դարձած Հս. Կորեայի հավաքականը ընդամենը տեղափոխվեց աշխարհի առաջնության 2-րդ դիվիզիոն: Տեղեկացնեմ, որ այս դիվիզիոնում խաղում են 12 թիմեր: Կա նաեւ 1-ին դիվիզիոն, ուր կրկին 12 հավաքականներ են ընդգրկված, իսկ ահա աշխարհի չեմպիոնի հարցը լուծվում է բարձրագույն լիգայի մրցաշարում, ուր հանդես են գալիս աշխարհի 16 լավագույն հավաքականները:

Հայ-թուրքական հարաբերությունների կարգավորման թեման քննարկելու նպատակով երեկ աշխատանքային այցով Բաքու է մեկնել Թուրքիայի ԱԳ նախարար Ահմեդ Դավութօղլուն: Վերջինս հանդիպումներ է ունեցել ԱԳ նախարար Էլմար Մամեդյարովի ու նախագահ Իլհամ Ալիեւի հետ: Ըստ ադրբեջանական աղբյուրների, Դավութօղլուն մանրամասնորեն ներկայացրել է Հայաստանի եւ Թուրքիայի միջեւ հարաբերությունների կարգավորման գործընթացի ներկա վիճակն ու, մասնավորապես, վարչապետ Ռեջեփ Թայիփ Էրդողանի` անցյալ շաբաթ Վաշինգտոնում Գլոբալ միջուկային անվտանգության գագաթաժողովի շրջանակներում Սերժ Սարգսյանի, Բարաք Օբամայի հետ ունեցած հանդիպումների մանրամասները: