#2478

Ինչպես արդեն նշել էինք, այսպես ասած, 12-ամյա կտրվածքով գնաճի ցուցանիշը փետրվարին հասել է 9,4 տոկոսի: Սա ամենաբարձր ցուցանիշն է վերջին առնվազն 4-5 տարվա ընթացքում: Դժվար է հաստատապես պնդել, որ ԿԲ-ի` վերաֆինանսավորման տոկոսադրույքի բարձրացումը շոշափելի ազդեցություն կունենա գների աճի տեմպի վրա: Այս որոշման ուղղակի ազդեցությունը կլինի այն, որ կբարձրանան առեւտրային բանկերի կողմից տնտեսությանը տրվող վարկերի տոկոսադրույքները: Ինքնին հասկանալի է, որ թանկ վարկերը որեւէ կերպ չեն նպաստում տնտեսության զարգացմանը, մանավանդ հաշվի առնելով, որ առանց դրա էլ Հայաստանում վարկերը թանկ են:

Այսօր հանրապետության արեւելյան շրջաններում տեղ-տեղ սպասվում են տեղումներ եւ մառախուղ, իսկ Երեւանում` առանց տեղումների եղանակ: Ինչպես հայտնում են ՀՀ ԱԻՆ «Հայպետհիդրոմետ»-ից այսօր ցերեկային ժամերին Երեւանում, Արարատում եւ Արմավիրում օդի ջերմաստիճանը կհասնի +20-ի, իսկ գիշերը կնվազի մինչեւ +5: Շիրակում, Կոտայքում, Գեղարքունիքում ցերեկը սպասվում է մինչեւ 15 աստիճան տաքություն, գիշերը` մինչեւ 3 աստիճան ցուրտ: Լոռիում եւ Տավուշում ցերեկը կլինի մինչեւ 10 աստիճան տաքություն, իսկ գիշերը կնվազի մինչեւ +2: Ցերեկային ժամերին Վայոց Ձորի լեռնային շրջաններում սպասվում է 7-12 աստիճան տաքություն, նախալեռնային շրջաններում` 14-19, Սյունիքի նախալեռներում կլինի 4-9, հովտային շրջաններում` 9-14 աստիճան տաքություն:

Մարտի 9-ին Կիեւյան կամրջից ցած է նետվել Էրեբունիի բնակիչ 26-ամյա Սարգիս Հովհաննիսյանը: Ինչպես երեկ մեզ փոխանցեցին Սարգսի ընկերները, կամրջից ցած նետվելուց առաջ նա զանգահարել է մորը, հորը, եղբորը, ընկերուհուն եւ բոլորին ասել է նույն խոսքերը. «Ամեն ինչից հոգնել եմ, ինձ կներեք» եւ հեռախոսը անջատել է: Ոստիկանությունից երեկ մեզ հայտնեցին, որ Սարգսի ինքնասպանության կոնկրետ ժամը հայտնի չէ, սակայն այդ դեպքի մասին ահազանգ ստացվել է կեսօրն անց`12.15-ին: «Ոստիկանության Երեւան քաղաքի վարչությունում հաղորդում է ստացվել, որ Կիեւյան կամրջից մի տղամարդ ցած է նետվել: Մեկնած օպերատիվ խումբը նշված վայրում գտել է 26-ամյա Սարգիս Հովհաննիսյանի դիակը: Նշանակվել է դատաբժշկական փորձաքննություն, կատարվում է նախաքննություն»,- մեր հարցմանն ի պատասխան երեկ հայտնեցին ՀՀ ոստիկանության հասարակայնության հետ կապի եւ լրատվության վարչությունից:

Հիշեցնենք, Սարգսյանը եռօրյա պաշտոնական այցով գտնվում է Փարիզում, որտեղ պետք է լուրջ քննարկման առարկա լիներ Լեռնային Ղարաբաղի հարցը: Դեռ Փարիզ մեկնելուց առաջ ՀՀ նախագահական նստավայրից տեղեկատվություն էր տարածվել, որ երեկ Ելիսեյան պալատում պետք է տեղի ունենար Սարգսյանի եւ Սարկոզիի հանդիպումը: «Երկու երկրների ղեկավարները կքննարկեն հայ-ֆրանսիական հարաբերությունների օրակարգը, միջազգային եւ տարածաշրջանային հրատապ խնդիրներ: Ի պատիվ Հայաստանի նախագահի` Ֆրանսիայի նախագահի անունից կտրվի պաշտոնական ճաշ:

Ինչպես փոխանցում են իշխանական խիստ իրազեկ մեր աղբյուրները, Սերժ Սարգսյանը Կրեմլին տեղյակ է պահել, որ ցանկանում է ՀՀ վարչապետ նշանակել Մեծ Բրիտանիայում ՀՀ նախկին դեսպան Արմեն Սարգսյանին: Մեր աղբյուրները, սակայն, փոխանցում են, որ Կրեմլը կտրականապես դեմ է արտահայտվել Սարգսյանի սույն մտադրությանը: Հիշեցնենք, Արմեն Սարգսյանը արեւմտամետ գործիչ է: Սերժ Սարգսյանը Կրեմլին առաջարկել է ՀՀ վարչապետի թեկնածու նշել, բայց Ռուսաստանից նա այդպես էլ որեւէ պատասխան չի ստացել: Ըստ իշխանական մեր աղբյուրների, Սերժ Սարգսյանը շարունակում է նոր վարչապետացուի փնտրտուքը: Ըստ որոշ տեղեկությունների, այս օրերին լրջորեն քննարկվել է նաեւ Սերժ Սարգսյանի աշխատակազմի ղեկավար Կարեն Կարապետյանին վարչապետ նշանակելու հարցը: Վերջնական որեւէ որոշում, սակայն, կայացված չէ: Բայց այն, որ իշխանական բլոկում լուրջ կադրային փոփոխություններ են սպասվում, հայտնի է: Դրանց մեկնարկը արդեն տրվել է Հանրային հեռուստատեսությունում կատարված փոփոխություններով: Ի դեպ, երեկ արդեն պաշտոնապես հաստատվել է, որ Արմեն Ամիրյանը նշանակվել է Հանրայինի գործադիր տնօրեն` Արմեն Արզումանյանի փոխարեն եւ այդ պաշտոնը համատեղելու է Հանրային ռադիոյի տնօրենի պաշտոնի հետ: Իսկ Արզումանյանը Սամվել Ֆարմանյանի փոխարեն դառնալու է Սերժ Սարգսյանի մամուլի խոսնակը, Ֆարմանյանն էլ գնալու է «Հ1» եւ Հանրային ռադիո` կոորդինացնելու լրատվական ծրագրերը:

Հարգելի դատարան, սիրելի ժողովուրդ, երեկ, վերաքննիչ բողոքի եւ առաջին ատյանի դատարանի դատավճռի հետ կապված իմ դիրքորոշումները արտահայտելու ընթացքում, հասա դատավճռի այն հատվածին, որտեղ նշված է.

«Ամբաստանյալ Նիկոլ Փաշինյանի, դատապարտյալներ Սուրեն Սիրունյանի եւ այլոց կազմակերպմամբ ու անմիջական ցուցումներով, տրանսպորտային միջոցներ, ինչպես նաեւ այլ գույք վնասելով եւ շարքից դուրս բերելով, ստեղծել են արգելապատնեշներ` Ն. Փաշինյանը ցուցումներ է տվել զինվել եւ պատրաստ լինել դիմակայության, ինչպես նաեւ` ցանկացած եղանակով նոր մարդիկ ներգրավել»:

ԱԺ նախագահի պաշտոնում հայտնվելով` Հովիկ Աբրահամյանը խորհրդարանի աշխատակազմի ղեկավար նշանակեց Գեղամ Ղարիբջանյանին, ով այդ պահին ՀՀ ԱԳ նախարարի տեղակալ էր, նախկինում եղել է Իրանում Հայաստանի արտակարգ եւ լիազոր դեսպան:

Գեղամ Ղարիբջանյանի հետեւից ԱԺ նախագահի մամուլի խոսնակ նշանակվեց Նաիրի Պետրոսյանը, ով մինչ այդ աշխատել է դիվանագիտական կորպուսում, պաշտոններ վարել տարբեր երկրներում Հայաստանի դեսպանություններում: Պետրոսյանը, փաստացի, ոչ միայն Աբրահամյանի մամուլի քարտուղարն էր, այլեւ ռեֆերենտը:

Նշենք, որ այդ եկեղեցին քանդվել է խորհրդային իշխանության օրոք եւ այն վերականգնելու համար այսօր էլ պետք է ամառային դահլիճը գետնին հավասարեցվի: Ստեղծվել է «Մոսկվա» կինոթատրոնի բացօթյա դահլիճի պահպանության քաղաքացիական նախաձեռնություն, որը մի քանի 10-յակ մտավորականների ստորագրությամբ նախօրեին նամակ է հղել ՀՀ վարչապետին ու Ամենայն հայոց կաթողիկոսին` անհամաձայնություն հայտնելով ծրագրվածի վերաբերյալ: Մեր հարցազրույցը այդ նախաձեռնության անդամներ ճարտարապետ Սարհատ Պետրոսյանի եւ նկարիչ, դիզայներ Մանե Թամանյանի հետ է: Վերջինս, ի դեպ, Ալ. Թամանյանի կոռն է:

Մարտի 9-ին Երեւանի Արգիշտիի-Մ. Խորենացու փողոցների խաչմերուկում 3 հոգի հարձակվել են 18-ամյա Գեւորգ Թ.-ի վրա, ծեծի ենթարկել նրան եւ դանակի սպառնալիքով հափշտակել 27.000 դրամ ու 6.500 դրամ արժողությամբ ապարանջան: Նույն օրը ոստիկանությունը վերոնշյալ հանցագործությունը կատարելու կասկածանքով` Հանրապետության հրապարակից բերման է ենթարկել Մանվել Գաբրիելյանին եւ Հարություն Իսրայելյանին: Ինչպես հայտնում են ոստիկանությունից` ոստիկանության ծառայողները «Մարիոթ Արմենիա» հյուրանոցի մոտ նկատել են 3 անձանց, մոտեցել են նրանց, ներկայացել, սակայն նրանցից մեկը` չենթարկվելով ոստիկանների պահանջներին, դիմադրություն է ցույց տվել, ձեռքով հարվածել ոստիկանության մայոր Ա. Հ.-ի կրծքավանդակին, որից հետո նրանք դիմել են փախուստի: Այնուամենայնիվ, ոստիկանները կարողացել են ձերբակալել 2 երիտասարդի եւ պարզել են, որ հենց բերման ենթարկվածները եւ Հանրապետության հրապարակից փախուստի դիմած ոմն Արմենն է իրականացրել մարտի 9-ին Երեւանի Արգիշտիի-Մ. Խորենացու փողոցների խաչմերուկում տեղի ունեցած ավազակային հարձակումը:

Այս մրցաշարը իր հեղինակությամբ չի զիջում «Մեծ Սաղավարտի» մեջ մտնող Ավստրալիայի, Ֆրանսիայի, Անգլիայի ու ԱՄՆ-ի բաց առաջնություններին ու եթե «Մեծ Սաղավարտը» անհատական մրցաշարերի հանրագումար է, ապա Դեւիսի գավաթի խաղարկությանը մասնակցում են ազգային հավաքականները: Դեւիսի գավաթի խաղարկությունը անցկացվում է 1900 թվականից, ու եթե 20-րդ դարում ակնհայտ էր ԱՄՆ-ի առավելությունը (ամերիկացիները գավաթը նվաճել են 35 անգամ), ապա 21-րդ դարում թենիսի թիմային առաջնությունում տոն տվողները Իսպանիայի, Ռուսաստանի, Շվեդիայի հավաքականներն են: Այս տարվա առաջնությանը մասնակցում են թենիսի համաշխարհային վարկանիշային աղյուսակում առաջին 16 տեղերը գրաված թիմերը, ընդ որում` առաջատարների եռյակը կազմում են Իսպանիան, Ռուսաստանն ու Չեխիան: Վիճակահանության համաձայն` դեռ 1/8 եզրափակիչում բավական ինտրիգային զույգեր ի հայտ եկան:

ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովում Հայոց ցեղասպանությունը ճանաչող 252 բանաձեւի ընդունումը շարունակում է մնալ Թուրքիայի քաղաքական շրջանակներում քննարկվող թիվ մեկ թեման: Բանաձեւի ընդունման համար ԱՄՆ-ին պատասխան տալու հետ մեկտեղ, թուրք խորհրդարանականները այժմ ավելի համառորեն են պնդում հայ-թուրքական արձանագրությունները Ազգային մեծ ժողովից հետ կանչելու եւ կառավարությանը վերադարձնելու կոչերը: