#2472

«2010 թվականը Պետական եկամուտների կոմիտեն սկսել է բավականին տպավորիչ արդյունքներով»,- այսպիսի «համեստ» ինքնագնահատականով է սկսվում «բավական տպավորիչ» արդյունքների նկարագրությունը, ըստ որի, այս տարվա առաջին երկու ամիսներին հարկերի եւ տուրքերի մասով պետական բյուջե է հավաքագրվել «80 միլիարդ դրամից ավելի գումար` պլանային 74 միլիարդի փոխարեն»: Ապա պետեկամուտների կոմիտեն զեկուցում է, որ, անցած տարվա համեմատ, մուտքերը աճել են 8,4 տոկոսով: ՊԵԿ-ը հունվարի ցուցանիշները հրապարակելիս շատ ավելի «համեստ» էր:

Ինչպես փոխանցում են Հանրային հեռուստաընկերության մեր աղբյուրները, սպասվում է, որ այս շաբաթ «Հայլուրի» նոր տնօրեն կնշանակվի: Հիշեցնենք, որ «Հայլուրի» նախկին տնօրեն Հարություն Հարությունյանը փետրվարի 2-ին անսպասելի հրաժարական տվեց: Մեր տեղեկություններով, այս ընթացքում սույն պաշտոնի համար քննարկվել է Սերժ Սարգսյանի աշխատակազմի հանրային կապերի եւ տեղեկատվության կենտրոնի տնօրեն Արա Սաղաթելյանի թեկնածությունը: Այս պահին, սակայն, այդ թեկնածությունը չի քննարկվում: Երեկ, երբ փորձեցինք Հանրային հեռուստաընկերության գործադիր տնօրեն Արմեն Արզումանյանից ճշտել, թե ում թեկնածություններն են քննարկվում «Հայլուրի» տնօրենի պաշտոնի համար, նա ասաց, որ դեռ մտածում են: Արմեն Արզումանյանը մեզ հայտնեց միայն, որ «Հայլուրի» տնօրենի թեկնածությունն առաջադրում է ինքը, իսկ Հանրային հեռուստառադիոխորհուրդը դա հաստատում է:

Երեկ հայ-ադրբեջանական սահմանին զինադադարի ռեժիմի խախտման հետեւանքով կրկին զինվոր է զոհվել: ՀՀ պաշտպանության նախարարության հաղորդագրության համաձայն` սպանվել է կրտսեր սերժանտ Սարգիս Հենրիկի Ոսկանյանը: Վերջինս, ըստ պաշտոնական հաղորդագրության, սպանվել է հակառակորդի կրակոցից: 1981-ին ծնված Ոսկանյանին գնդակը դիպել է, երբ նա ծառայություն է իրականացրել Տավուշի մարզի Չինարի գյուղի մերձակայքում գտնվող մարտական հենակետում:

6. ՄԱՊ ընկերություն - Ըստ ռուսական կայքէջի` այս ընկերությունում Քոչարյանների բաժինը հասնում է 50 տոկոսի: Հիշեցնենք, որ ընկերության հիմնադիրը ԱԺ պատգամավոր Ալիկ Պետրոսյանն է, ով Արթուր Բաղդասարյանի իշխանավոր եղած շրջանում ՕԵԿ անդամ էր, իսկ նրա «ընդդիմադիրացումից» հետո դուրս եկավ ՕԵԿ-ից եւ դարձավ հանրապետական: Ընկերության անունն էլ առաջացել է Պետրոսյանի որդու ամբողջական անուն, ազգանուն, հայրանվան հապավումից` Մակար Ալիկի Պետրոսյան: Ալիկ Պետրոսյանը այն մարդկանցից է, ով մշտական հովանավորության կարիք ունի: 90-ականների սկզբին նա իր դստերը կնության էր տվել Արմավիրի փոխմարզպետ Դավիթ Մելիքյանին, իսկ երբ վերջինս ՀՀ առաջին նախագահ Լեւոն Տեր-Պետրոսյանի հետ հրաժարական տվեց, Պետրոսյանը համարեց, որ դստեր ամուսնությունն այլեւս իրեն քաղաքական դիվիդենտներ չի բերում, եւ հասավ նրան, որ դուստրը ամուսնալուծվի, իսկ նախկին փեսան զրկվի իր զավակին տեսակցելու հնարավորությունից: Սրանից հետո Ալիկ Պետրոսյանը հայտնվեց ՕԵԿ նախագահ Արթուր Բաղդասարյանի հովանավորության տակ: Իսկ սրա հայտնի հրաժարականից հետո, փաստորեն, բիզնեսի հետագա կենսագործունեությունն ապահովելու համար` կիսվել է Քոչարյանների հետ:

Խոսքը այդ մեղադրականում ընդդիմությանը վերագրվող մեղադրանքների ծագման մասին է: Երբ 2008-ի դեկտեմբերին հրապարակվեց «Յոթի գործով» մեղադրական եզրակացությունը, դրանում բերված մեղադրանքների եւ իբրեւ դրանց հիմնավորում ներկայացվող նկարագրությունների հետ ծանոթանալիս այնպիսի տպավորություն էր ստեղծվում, որ նման բան միայն հիվանդ երեւակայություն ունեցող անձը կարող էր գրել:

Այսօր ԱՄՆ կմեկնի ՀՀ ԱԺ պատվիրակությունը` մարտի 4-ին ԱՄՆ Կոնգրեսի արտաքին հարաբերությունների հանձնաժողովում Հայոց ցեղասպանության մասին բանաձեւի քննարկման հետ կապված: ՀՀ ԱԺ պատվիրակությունը, որի կազմում ընդգրկված են լինելու ՀՀԿ-ական Արտակ Զաքարյանը, ԲՀԿ-ական Արմեն Մելիքյանը, ՀՅԴ-ական Վահան Հովհաննիսյանը եւ անկուսակցական Կորյուն Նահապետյանը, ԱՄՆ է մեկնելու ԱՄՆ Կոնգրեսի Հայաստանի աջակցության խմբի համանախագահներ Մարկ Քիրկի եւ Ֆրենկ Փալոունի հրավերով:

Սերժ Սարգսյանը երեկ հրամանագիր է ստորագրել Արմեն Վարդապետյանին Երեւանի Ավան եւ Նոր Նորք վարչական շրջանների ընդհանուր իրավասության դատարանի դատավոր նշանակելու մասին:

Երեւանի ավագանին 2009-ի դեկտեմբերի 2-ին հաստատել է մայրաքաղաքում տեղական տուրքերի դրույքաչափերը, ըստ որի, այս տարվանից ընտանի կենդանի պահողները պետք է 5 հազար դրամ պետական տուրք վճարեն: Ավագանու որոշման մեջ չի պարզեցվում, թե հատկապես որ կենդանիները պահելու համար եւ ինչ մեխանիզմով է գանձվելու այդ տուրքը: Ասենք, ամեն կենդանու համար է 5 հազարական դրամ գանձվելու, թե՞ թույլտվությունն է այդքան արժենալու, որից հետո էական չի լինի, թե մայրաքաղաքի բնակիչը քանի ընտանի կենդանի է կպահի:

Մերժողները սովորաբար ավելի բարձր կրթական ցենզ են ունենում եւ, համապատասխանաբար՝ ավելի կաղապարված են լինում ազգային բարդույթներով: Ընդունողները, սակայն, պարզ մարդիկ են, ովքեր մարդկային արժեքները գերադասում են փոքր ազգի «իմպերիալիստական» մեծ նկրտումներին:

Բնութագրելու համար մեր ազգային աշխարհընկալումը` բարեկամս մի այսպիսի դիպուկ արտահայտություն արեց. «Ասում ես` ինչու՞ է կեղտոտ փողոցը, պատասխանում են` Տիգրան Մեծ, Վարդան Մամիկոնյան»: Իրոք, ժամանակն է հանգիստ թողնելու Տիգրան Մեծից մինչեւ Սարդարապատ, շարականներից մինչեւ Կոմիտաս, այլապես Տիգրան Մեծը մնալու է որպես թթվասեր, ինչպես Հայրենիքը, Հայաստանը, Էրգիրը...` տոնավաճառ ու ռեստորան: Դրանք այլեւս մեզ չեն կարող արդարացնել մեր ապաշնորհություններում: Ավելին` ժամանակն է խոստովանել, որ մենք ոչ թե չորս հազար տարվա ազգ ենք, այլ` քսան: Բայց չունենք այդ քսան տարեկանի ավյունը, քանի որ չորս հազար տարեկանի ամպլուայի մեջ ենք` չորս հազար տարվա բեռով, բայց ոչ երբեք չորս հազար տարվա իմաստնությամբ ու գենետիկ հիշողությամբ: Խոսքը, իհարկե, հավերժ նորանալու ունակության մասին է, որ կենսունակություն է կոչվում:

Մենք արդեն տեղեկացրել ենք, որ ՀՀ կառավարությունը մտադիր է ապապետականացնել դեռեւս պետական բժշկական հաստատությունները:

Նա նախ հավանություն է տվել առողջապահության ֆինանսավորման համակարգի բարելավմանն ուղղված միջոցառումների ծրագրին, որով պետական բուժհաստատությունների ապապետականացում է նախատեսվում, ապա եւ հանձնարարել ՀՀ առողջապահության նախարարությանը` մշակել եւ Կառավարության քննարկմանը ներկայացնել մասնավորեցման տարբեր մեթոդներ առաջարկող ծրագիր` ըստ բուժհաստատությունների առանձին խմբերի:

«Եվրատեսիլ-2010» երգի միջազգային մրցույթում Բելառուսը ներկայացնող երգիչներից մեկը հայ է: Այդ երկիրն այս տարի կներկայացնի «3+2» խումբը` «Հեռու» կոչվող երգով, որն ընտրվել է պրոֆեսիոնալ ժյուրիի կողմից: Իսկ խմբի անդամներից մեկը հայազգի Եղիազար Ֆարաշյանն է: Հիշեցնենք, որ անցած տարի Բելառուսը ներկայացնող Պյոտր Եֆիմովը այս տարի եւս ցանկություն է հայտնել մասնակցել «Եվրատեսիլին» ու դրա համար հայտ է ներկայացրել: Այս անգամ, սակայն, Պյոտր Եֆիմովը նույնիսկ եզրափակիչ փուլ չի անցել: Ինչ վերաբերում է Ռուսաստանին ու այս տարի եւս այդ երկիրը «Եվրատեսիլում» ներկայացնել ցանկացող Դիմա Բիլանին, ապա վերջինս, պարզվում է, հրաժարվել է այդ մտքից: Բիլանը, որոշել է չմասնակցել «Եվրատեսիլի» ռուսաստանյան նախընտրական փուլին ու հետ է վերցրել ռուսական PTP հեռուստաալիքին ներկայացրած հայտը: Երգիչը, որ հունվարին ցանկություն էր հայտնել արդեն, փաստորեն, երրորդ անգամ մասնակցել «Եվրատեսիլին» որեւէ կերպ չի պատճառաբանել իր այս հանկարծահաս որոշումը:

Հիշեցնեմ, որ Վանկուվերում դահուկորդներ Քրիստինե Խաչատրյանն ու Սերգեյ Միքայելյանը մեկական անգամ ելույթ ունեցան. կանանց 10 կմ եւ տղամարդկանց 15 կմ ազատ ոճի մրցումներում զբաղեցրին համապատասխանաբար` 78-րդ եւ 70-րդ տեղերը: Նախատեսվում էր, որ այս մարզիկները կմասնակցեն եւս մեկ մրցման, սակայն ցույց տված արդյունքներն այնքան ցածր էին, որ երկրորդ մրցման մասնակցելու հնարավորություն նրանց չտրվեց: Իսկ ահա լեռնադահուկորդներ Արսեն Ներսիսյանը (նկարում) եւ Անի-Մաթիլդա Սերեբրակյանը մեկնարկեցին 2-ական անգամ` սովորական ու հսկա ոլորավայրէջքի մրցումներին:

Աուդիտորական հանրահայտ Deloitte ընկերության վարկածով աշխարհի ամենաշահութաբեր ֆուտբոլային ակումբը Մադրիդի «Ռեալն» է: Երկրորդ տեղում է կատալոնյան «Բարսելոնան», որը շրջանցել է «Մանչեսթեր Յունայթեդին»: Ուշագրավ է, որ ԹՈՓ-20-ում տեղ է զբաղեցրել նաեւ անգլիական «Նյուքասլը», որը ներկայումս հանդես է գալիս Անգլիայի երկրորդ դիվիզիոնում:

Թուրքական «Sabah» օրաթերթը իր երեկվա հրապարակումներից մեկում գրում է, թե Գերմանիայի կառավարությունը մերժել է «Ձախերի կուսակցության»` գործադիր իշխանությանն արած առաջարկը` «1915-1916 թվականներին Օսմանյան կայսրությունում հայերի հետ տեղի ունեցածը ցեղասպանություն ճանաչելու վերաբերյալ»: