#2447

Սրանք հենց այն ցուցանիշներն են, որոնք հիմք ընդունելով, տարբեր ռանգի պաշտոնյաներ սկսեցին հայտարարել, թե տնտեսական ճգնաժամն ավարտվել է: Առերեւույթ այդ ցուցանիշները իրոք պլպլան են, համեմատության մեջ վերցրած, իհարկե: Այսպես, տարին փակվում է 14,4 տոկոս տնտեսական անկումով: Սա իրոք պլպլան ցուցանիշ է, եթե հաշվի առնենք, որ տարվա առաջին յոթ ամիսներին, նախորդ տարվա համեմատ, պաշտոնական վիճակագրությունը արձանագրել էր 18,5 տոկոս անկում: Պլպլան է նաեւ այն տեսանկյունից, որ կառավարությունը կանխատեսել էր 15,6 տոկոսի անկում: Այսինքն` անկումը կառավարության կանխատեսածից 1,2 տոկոսով պակաս է: Արդյունաբերո

Երեկ թվով 12 կազմակերպություններ հանդես են եկել «Հայկական ժամանակ» օրաթերթի գլխավոր խմբագիր, քաղբանտարկյալ Նիկոլ Փաշինյանի նկատմամբ քաղաքական եւ ապօրինի քրեական հետապնդումը անհապաղ դադարեցնելու մասին իշխանություններին հասցեագրված հայտարարությամբ, որում ասվում է. «2010թ. հունվարի 19-ին Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի ակնհայտ ապօրինի վճռով «Հայկական ժամանակ» օրաթերթի գլխավոր խմբագիր Նիկոլ Փաշինյանը դատապարտվեց յոթ տարվա ազատազրկման:

ԵԱՀԿ Մինսկի խմբի ռուսաստանցի համանախագահ Յուրի Մերզլյակովը, ըստ «Թրենդ» գործակալության, Սոչիում կայացած եռակողմ հանդիպումից հետո, հայտնելով, որ Ալիեւն ու Սարգսյանը 2 շաբաթվա ընթացքում կարող են ներկայացնել իրենց առաջարկները Մադրիդյան սկզբունքների վիճելի կետերի վերաբերյալ, ասել է, որ դրան կհետեւի համանախագահների այցը տարածաշրջան: «Դա նշանակում է, որ բավականին արագացնում են պրոցեսը, փորձում են ինչ-որ ժամանակային շրջանակների մեջ դնել, եւ դրանից կարելի է ենթադրել, որ 2 շաբաթ հետո, երբ այդ առաջարկությունները ներկայացվեն, արդեն պետք է ձեռնարկվի վերջնական համաձայնության հասնելու փորձը»,- երեկ մեզ հետ զրույցի ժամանակ ասաց Հայ ազգային կոնգրեսի համակարգող Լեւոն Զուրաբյանը: Նախօրեին Սոչիում կայացած եռակողմ հանդիպումից հետո ՌԴ ԱԳ նախարար Սերգեյ Լավրովը հայտարարել էր, թե ԼՂ հակամարտության կարգավորման փաստաթղթի նախաբանը արդեն համաձայնեցվել է: Արդյո՞ք սա նշանակում է, որ բանակցությունները մտնում են վերջնական փուլ: Երեկ մեր այս հարցին Լ.Զուրաբյանը պատասխանեց.

Նիկոլ Փաշինյանին յոթ տարի ազատազրկելու վերաբերյալ դատավճռի դեմ Գյումրիի «ԳԱԼԱ» հեռուստաընկերության կազմակերպած բողոքի ակցիայի շրջանակներում հեռուստաընկերությունը սկսել է կազմակերպել հեռուստատեսային բաց քննարկումների շարք: Հիշեցնենք, որ դատավճռի հրապարակումից անմիջապես հետո «ԳԱԼԱ» հեռուստաընկերությունը սկսեց ամեն օր մեկ ժամով դադարեցնել հաղորդումները եւ «ստոպ-կադրով» դնել Նիկոլ Փաշինյանի նկարն ու վազող տողով ներկայացնել բոլոր այն անձանց ու կազմակերպությունների անունները, ովքեր միանում էին բողոքի ակցիային: Անցյալ շաբաթվա վերջից հեռուստաընկերությունը ստիպված եղավ եւս մեկ ժամով երկարացնել ակցիայի տեւողությունը` միացողների բազմաթիվ լինելու պատճառով: Երեկվա դրությամբ ակցիային միացած քաղաքացիների թիվը անցել էր մի քանի հազարը: Այժմ «ԳԱԼԱ»-ն նոր շարք է սկսել, որի մեջ ներառվում են ինչպես ուղիղ եթերով հեռարձակվող բաց քննարկումներ, այնպես էլ Փաշինյանի դատավարության եւ քաղաքական գործունեության մասին ռեպորտաժներ: Ըստ «ԳԱԼԱ»-ի հայտարարության հաղորդումներին կարող են մասնակցել խնդրով մտահոգ բոլոր անհատ քաղաքացիներն ու կազմակերպությունների ներկայացուցիչները:

Իբրեւ այդ փաթեթի հեղինակ հանդես են գալիս ԱԺ պատգամավորներ Հովհաննես Սահակյանը` ՀՀԿ-ից, Հովհաննես Մարգարյանը` ՕԵԿ-ից եւ Ռուբեն Գեւորգյանը` ԲՀԿ-ից:

Առաջիկա կառավարության նիստի օրակարգում նախատեսվում է հաստատել «ՀՀ Բույսերի կարմիր գիրքը», որի ցանկում ընդգրկված են 463 անուն բույսեր: Դրանցից կրիտիկական վիճակում գտնվող բույսերը` 132, վտանգված տեսակի բույսերը` 237 եւ խոցելի տեսակի բույսերը 94 տեսակ են: Մեկ այլ որոշմամբ էլ ՀՀ կառավարությունը պետք է հաստատի «ՀՀ Կենդանիների կարմիր գիրքը»: Առաջարկվող «ՀՀ Կենդանիների կարմիր գրքում» ընդգրկված են 155 անուն անողնաշար եւ նույնքան ողնաշարավոր կենդանիների տեսակներ:

ՀՀ կառավարության հունվարի 29-ին կայանալիք նիստի օրակարգից տեղեկանում ենք, որ գործադիրը պատրաստվում է փոփոխություն կատարել ՀՀ կառավարության «ՀՀ արդարադատության նախարարության քրեակատարողական ծառայության` կալանավորվածներին պահելու վայրերի եւ ուղղիչ հիմնարկների ներքին կանոնակարգը հաստատելու մասին» 2006-ի օգոստոսի 3-ին կայացրած թիվ 1543-Ն որոշման մեջ: Ըստ այդմ, առաջարկվում է վերը նշված կանոնակարգի 186-րդ կետում ավելացնել նոր պարբերություն, ըստ որի, դատապարտյալին կամ կալանավորին լուսանկարելը, տեսանկարահանելը կամ ձայնագրելը թույլատրվում է միայն տեսակցության համար նախատեսված սենյակում, եւ դրան միաժամանակ կարող է մասնակցել մեկ կալանավոր կամ դատապարտյալ: Ակնհայտ է, որ այս դրույթի ընդունումը պայմանավորված է մեր թերթի 2009-ի նոյեմբերի 26-ի համարում տպագրված լուսանկարի շուրջ բարձրացած աղմուկով: Հիշեցնենք, որ «ՀԺ»-ում հրապարակվել էր «Նուբարաշեն» քրեակատարողական հիմնարկի ցմահ դատապարտյալների խցերից մեկում արված մի լուսանկար, որում միասին նկարվել էին «Հոկտեմբերի 27»-ի գործով ոճրագործները եւ «Դրոյի» գործով ցմահ դատապարտվածներից մի քանիսը` իշխանական թերթերից մեկի գլխավոր խմբագրի ընկերակցությամբ:

Երեկ ՀՀ ԱԺ նախագահ Հովիկ Աբրահամյանն ընդունել է Հայաստանում Չինաստանի արտակարգ եւ լիազոր դեսպան Խուն Ցզյուինին: Հանդիպումը եղել է արարողակարգային եւ պայմանավորված այն հանգամանքով, որ Խուն Ցզյուինը Հայաստանում ավարտում է իր դիվանագիտական առաքելությունը:

Հետուառաջ գնացի ալիքներով՝ տեսնեմ ինչ կա-չկա: Ամեն ինչ տեղում էր՝ սերիալի սափրագլուխ հերոսներ, հայերենի մաման լացացնող DJ-ներ, 5-րդ դարի ոսկեղենիկ արեւելահայերենով խոսող հոգեւորականներ, ինչ-որ բանի գովազդ՝ մոտավորապես «Շտապեք, թե չէ կփոշմանեք» նախազգուշացմամբ, ասմունքող աղջիկ, եղանակի տեսություն եւ այլն:

Արդեն հայ-հայ անջատում էի, մեկ էլ տեսնեմ երեք հատ լուրջ «ձյաձյա» ազգային համաձայնությունից են խոսում: Մեկն ասում էր՝ ազգային համաձայնությունը մեզ պետք ա: Մյուսն ասում էր՝ շատ ա պետք: Երրորդն ասում էր՝ պետքն էն խոսքը չի, օդ ու ջրի պես անհրաժեշտ ա: Հաղորդավարն էլ բանավեճ հրահրողի ինքնագոհությամբ փորձում էր թեման թեժացնել. «Այսինքն՝ չե՞ք կարծում, որ կարծիքների բախումն անհրաժեշտ է»:

ԵԽԽՎ-ում երեկ հաստատվել են հայաստանյան պատվիրակության մանդատները: Հիշեցնենք, որ նախօրեին վիճարկվել էր մեր պատվիրակության կազմը, եւ պատվիրակությունը զրկվել էր ձայնի ու քվեարկելու իրավունքից: Հարցը ԵԽԽՎ համապատասխան հանձնաժողովում քննարկվելուց հետո, սակայն, ՀՀ պատվիրակության ձայնի իրավունքը վերականգնվել է: Սա նշանակում է, որ ԵԽԽՎ հայաստանյան պատվիրակության ընդդիմադիր անդամ Զարուհի Փոստանջյանը մնալու է ԵԽԽՎ փոխարինող կազմում, իսկ նրա փոխարեն հիմնական կազմում կաշխատի ՕԵԿ պատգամավոր Արծրունի Աղաջանյանը, ընդդիմությունն էլ ԵԽԽՎ-ում, ինչպես որոշել էր ԱԺ նախագահ Հովիկ Աբրահամյանը, կներկայացնի դաշնակցական Ա. Ռուստամյանը: Երեկ Ստրասբուրգից մեզ փոխանցեցին նաեւ, որ կրկին մի քանի օրով հետաձգվել է ԵԽԽՎ Մոնիտորինգի հանձնաժողովում Նիկոյանի հայտնի զեկույցի քննարկումը:

Մեղրեցիներն անցած տարեվերջին ընդհուպ բողոքի հանրահավաք են ծրագրած եղել, որը, սակայն, տեղի իշխանությունների ջանքերի շնորհիվ չի կայացել: Կառավարության համապատասխան որոշմամբ նախատեսվում է օպտիմալացման արդյունքում միավորել «Մեղրու բժշկական կենտրոն» եւ «Ագարակի հիվանդանոց» ՓԲ ընկերություններն ու ստեղծել մեկ` «Մեղրու տարածաշրջանային բժշկական կենտրոն» ՓԲԸ: Եւ այս ծրագրի շրջանակներում, բժշկական մի շարք ծառայություններ, ինչպես, ասենք, վիրաբուժականն ու գինեկոլոգիականը, նախատեսվում է Մեղրիից տեղափոխել Ագարակ, իսկ Մեղրիում պահպանել թերապեւտիկ եւ մանկական բուժծառայությունները, այն էլ` պոլիկլինիկայի շենքում տեղակայելով:

Հունվարի 25-ին Մոսկվայի Դմիտրովյան 133 փողոցի վրա գտնվող «Սիլվա» սրճարանում սպանվել է հայազգի գործարար: «Ինտերֆաքսի» փոխանցմամբ` չի բացառվում, որ սպանությունը պատվիրված լինի: «Ականատեսների վկայությամբ գործարարը սրճարանում հանգստանում էր իր կնոջ հետ, երբ սրճարան է մտել միջին հասակի, ամրակազմ, երկար, սեւ վերարկուով մի կովկասցի: Նա մոտեցել է գործարարի սեղանին եւ երեք անգամ կրակ արձակել գործարարի վրա, ինչից հետո հեռացել է»,- «Ինտերֆաքսին» հայտնել է իրավապահ համակարգի աղբյուրը եւ ավելացրել, որ ստացված վնասվածքներից տղամարդը տեղում մահացել է:

Ձնաբքի հետեւանքով երեկ փակ են եղել Սպիտակ-Գյումրի, Եղվարդ- Ապարան ավտոճանապարհները: Երեկ ձնաբուք է եղել Տաշիրում, Սպիտակում, Գյումրիում, Դիլիջանում, Մարալիկում, Թալինում, Աշտարակում, Արարատում, Բերդում, իսկ ահա պարզ եղանակ է եղել Ստեփանավանում, Նոյեմբերյանում, Իջեւանում եւ Կապանում: Այս մասին նշված է Տրանսպորտի եւ կապի նախարարության պաշտոնական կայքէջում:

Վաղը կայանալիք կիսաեզրափակիչ հանդիպումներում մրցելու են Եգիպտոս-Ալժիր եւ Գանա-Նիգերիա զույգերը: Ընդ որում, բավական հետաքրքիր «աշխարհագրական» տեսք ունի այս մրցաշարը. Աֆրիկայի հարավում գտնվող Անգոլայում հանդիպելու են հյուսիսային Աֆրիկայի 2 երկրները` Եգիպտոսն ու Ալժիրը, եւ արեւմտյան Աֆրիկան ներկայացնող Գանան ու Նիգերիան: Բայց առավել հետաքրքիր, ինչ-որ տեղ էլ` անկանխատեսելի է այս հավաքականների մրցակցությունը բացարձակապես այլ պատճառներով: Ինչպես հայտնի է, մրցաշարը սկսվեց սկանդալով` ողբերգությամբ. գնդակոծվեց Տոգոյի հավաքականի ավտոբուսը, որի հետեւանքով մարդիկ զոհվեցին:

Հայ-թուրքական հարաբերությունների կարգավորման գործընթացում վերջին մեկ շաբաթվա ընթացքում նկատվող փաստացի սառեցումը անհանգստություն է առաջացրել ԱՄՆ-ում: Վաշինգտոնում պատրաստվում են նոր թափ հաղորդել տապալման եզրին գտնվող գործընթացին: Այսպես, նախօրեին ԱՄՆ-ի պետքարտուղարի` հասարակայնության հետ կապերի հարցերով օգնական Ֆիլիպ Քրոուլին հայտարարել է, թե Հայաստանն ու Թուրքիան պետք է քայլեր ձեռնարկեն Ցյուրիխում ստորագրված արձանագրությունների վավերացման ուղղությամբ: Նա նշել է, որ Բարաք Օբամայի վարչակազմը հանդես է գալիս արձանագրությունների շուտափույթ վավերացման օգտին:

Մելբուռնում ընթացքի մեջ է թենիսի «Մեծ սաղավարտի» տարվա առաջին մրցաշարը` Ավստրալիայի բաց առաջնությունը: Մոտ 11 միլիոն դոլար մրցանակային ֆոնդով տղամարդկանց մրցաշարում երեկ գրանցվեց իսկական անակնկալ. քառորդ եզրափակիչում հանդիպեցին անցյալ տարվա հաղթող իսպանացի Ռաֆայել Նադալն ու Մեծ Բրիտանիան ներկայացնող Էնդի Մարեյը: Առաջին սեթում, երբ հաշիվը 3:2 էր` հօգուտ Նադալի, հանդիպումը կազմակերպիչների կողմից կարճ ժամանակով դադարեցվեց` Ավստրալիայի անկախության օրվա առիթով տեղի ունեցող մեծ հրավառության պատճառով: Իսկ 3-րդ սեթում էլ հանդիպումը դադարեցվեց վերջնականապես. Նադալը վնասվածքի պատճառով չկարողացավ շարունակել հանդիպումը ու դուրս մնաց մրցաշարից: