Գալիս են նորից
ԵԱՀԿ Մինսկի խմբի համանախագահներ Ռոբերտ Բրադտկեն, Իգոր Պոպովը եւ Բեռնար Ֆասիեն սեպտեմբերի 7-9-ին ժամանելու են տարածաշրջան: Այցը սկսվելու է Բաքվից, սեպտեմբերի 8-ին նրանք կլինեն Ստեփանակերտում, մեկ օր անց` Երեւանում:
Այս մասին ադրբեջանական «Trend» գործակալությանը երեկ հեռախոսով տեղեկացրել է ֆրանսիացի համանախագահ Բեռնար Ֆասիեն: Նույն աղբյուրի փոխանցմամբ, «այցի հիմնական նպատակն է մանրամասնորեն քննարկել դեպի օկուպացված տարածքներ ուղարկվելիք հետազոտական առաքելության ձեւավորման հետ կապված հարցեր»: Հետազոտական առաքելությունը ստեղծվելու է ադրբեջանական կողմի խնդրանքով եւ պետք է պարզի` որքանով են հիմնավոր Լեռնային Ղարաբաղի ու դրան հարակից շրջանների` հայերով վերաբնակեցման շուրջ Ադրբեջանի բողոքները: Ստեղծվելիք առաքելությունը, որի մեջ ընդգրկվելու են նաեւ համանախագահները, տարածաշրջան պետք է ժամանի այս ամսվա ընթացքում: Թե ինչ կապ ունի համանախագահների այցը ՄԱԿ-ի ԳԱ-ում սպասվող քննարկումների հետ, առայժմ հստակ չէ:
Կարծիքներ
Հայտնեք ձեր կարծիքը