ձմեռային օլիմպիական խաղեր

Հարավային Կորեայի Պhոնչան քաղաքն իրավունք է ստացել անցկացնել 2018 թվականի ձմեռային օլիմպիական խաղերը: Այս որոշումը կայացրել է Միջազգային օլիմպիական կոմիտեն հուլիսի 6-ին Հարավային Աֆրիկայի Դուրբան քաղաքում կայացած նիստում: 2018-ի ձմեռային օլիմպիադայի անցկացման մյուս հավակնորդներն էին Գերմանիայի Մյունխեն եւ Ֆրանսիայի Անսի քաղաքները: Քվեարկությանը մասնակցած ՄՕԿ-ի 96 անդամներից 63-ը ձայնը տվել են Պհոնչանին, որն արդեն երկու անգամ պայքարել էր ձմեռային Օլիմպիադայի մասնակիցներին հյուրընկալելու համար, սակայն ապարդյուն, 25-ը` Մյունխենին, 7-ը` Անսիին: Հիշեցնենք, որ 2014 թվականի ձմեռային Օլիմպիական խաղերն անցկացվելու են Ռուսաստանի Սոչի քաղաքում:

1 միլիոն 400 հազար մարդ է մասնակցել 2014թ. Սոչիում կայանալիք ձմեռային օլիմպիական խաղերի թալիսմանի ընտրությանը: Ռուսաստանի հանրային 1-ին ալիքի ուղիղ եթերով հեռուստադիտողների քվեարկության արդյունքում 10 տարբերակներից առավել շատ ձայներ ստացել է ընձառյուծը (28%), սպիտակ արջը(18%) եւ նապաստակը (16%): Կազմակերպիչների որոշման այս երեք տարբերակները համատեղ դարձել են Սոչիի Օլիմպիական խաղերի պաշտոնական թալիսմանը: Հետաքրքիր է, որ Ռուսաստանի նախագահ Վլադիմիր Պուտինը ներկայացված տարբերակներից ընտրել էր հենց ընձառյուծին:

Սեպտեմբերի 1-ին մեկնարկել է 2014 թվականին Սոչիում կայանալիք ձմեռային օլիմպիական խաղերի թալիսմանի համար հայտարարված մրցույթը, որը կշարունակվի մինչեւ այս տարվա դեկտեմբերի 5-ը: Ընդամենը 2 օրերի ընթացքում կազմակերպիչները արդեն ստացել են բազմաթիվ առաջարկներ. Ռուսաստանում անցկացված մարզական միջոցառումներից անբաժան արջուկ-թալիսմանների հետ մեկտեղ ստացվել են նաեւ նոր ու անակնկալ առաջարկներ, որոնց մեջ հատկապես շատ է ութոտնուկ-թալիսմանների քանակը: Ռուսաստանի իշխանությունները նախատեսում են, որ թալիսմանի ընտրությունը տեղի կունենա 2011 թվականի փետրվարի 7-ին` համազգային sms քվեարկության միջոցով:

2003 թվականի հուլիսի 2-ին, Պրահայում կայացած Միջազգային օլիմպիական կոմիտեի հերթական նիստում` նվազագույն միավորներով առավելություն ստանալով հիմնական թեկնածուներից մեկի` Հարավային Կորեայի Պյոնգ Չանգ քաղաքի նկատմամբ, Վանկուվերը հաստատվեց որպես 2010 թվականի Ձմեռային օլիմպիական խաղերի մայրաքաղաք: Եվ ահա, առաջիկա 17 օրերին ամբողջ աշխարհի մարզասերների ուշադրության կենտրոնում է լինելու Վանկուվերը, ուր հավաքվել են 80-ից ավելի երկրների մոտ 5500 մարզիկներ, մարզիչներ, պաշտոնական անձինք: Օլիմպիական խարտիային համապատասխան ՄԱԿ-ի գլխավոր քարտուղար Պան Գի Մունը արդեն հանդես է եկել հատուկ հայտարարությամբ` կոչ անելով միջազգային հանրությանը օլիմպիական խաղերի մեկնարկից 7 օր առաջ, եւ խաղերի ավարտից հետո 7 օր անց զերծ մնալ բռնություններից, պատերազմներից: Իսկ Հռոմի Պապը իր օրհնությունն է հղել օլիմպիական խաղերի մասնակիցներին:

Հաջորդ տարվա փետրվարի 12-ից 28-ը Կանադայի Վանկուվեր քաղաքում նախատեսված է անցկացնել հերթական ձմեռային օլիմպիական խաղերը, որոնց կազմակերպման հարցում, սակայն, առաջացել են լուրջ խնդիրներ։ Իսկ հիմնական պատճառը խոզի գրիպն է. Կանադայի հենց այդ քաղաքում` Վանկուվերում են գրանցվել խոզի գրիպի վարակի ամենաբարձր տեմպերը։ Ամռանը, տեղի բժիշկների ջանքերով, Կանադայի այն շրջանը, ուր պիտի տեղի ունենա ձմեռային օլիմպիադան, ինչ-որ չափով զերծ մնաց մահացու վարակից, բայց հիմա արդեն H1N1-ով վարակվածների թիվն անցնում է 300-ից։ Մինչ այժմ Կանադայում խոզի գրիպից մահացել է 75 մարդ։

Արդեն հայտնել ենք, որ մերոնք, առանց ամոթ զգալու, պարբերաբար անհաջող մրցելույթներ են ունենում Եվրոպայի երիտասարդների ձմեռային եւ ամառային օլիմպիական փառատոններում, սակայն Հայաստանի ազգային օլիմպիական կոմիտեի ղեկավարությանը դա ամենեւին էլ չի անհանգստացնում։ Թերեւս, օրինաչափ է համարվում, որ մերոնք գնում են, արտասահմանյան երկիր տեսնում, ՀՀ անունն էլ խայտառակած ետ վերադառնում։ Եւ ահա, նույն պատմությունը կրկնվել է Լեհաստանի Սլասկ Բեսկիդի բնակավայրում մեկնարկած Եվրոպայի երիտասարդների ձմեռային օլիմպիական 9-րդ փառատոնի սկզբում։ Լեռնադահուկորդուհի Տաթեւ Մուրադյանը 99 մարզուհիների 1-ին մեկնարկից հետո եզրափակել է աղյուսակը, իսկ 2-րդ մեկնարկի ժամանակ պարզապես որակազրկվել է։ Փորձության հերթը գեղասահորդ Սարգիս Հայրապետյանինն է։

Թուրինում կայացած ձմեռային օլիմպիական խաղերի չեմպիոն Եվգենի Պլյուշչենկոյի պրոդյուսեր Արարատ Զաքարյանը հայտնել է, որ մենասահորդը չի հրաժարվել 2010-ին Վանկուվերում կայանալիք օլիմպիական խաղերում ուժերը չափելուց։ Նա նշել է, որ Պլյուշչենկոն, թեեւ մասնակցում է հեռուստատեսային նախագծերի, շոուների, սակայն մտադիր չէ իրեն նվիրել պրոֆեսիոնալ սպորտին։ Զաքարյանը տեղեկացրել է, որ Եվգենիին դուր է եկել Երեւանի մարզահամերգային համալիրի սահադաշտը։ Այնպես որ, նա ցանկանում է օլիմպիական խաղերին նախապատրաստվել ՀՀ մայրաքաղաքում։