Վարդան Մինասյան

Հայաստանի ֆուտբոլի ազգային հավաքականի եւ «Փյունիկի» գլխավոր մարզիչ Վարդան Մինասյանը նշանակվել է «Փյունիկ» ակումբի տեխնիկական տնօրեն` ազատվելով ակումբի գլխավոր մարզչի պարտականություններից: Հայաստանի բազմակի չեմպիոն «Փյունիկի» գլխավոր մարզիչ է նշանակվել մինչեւ 17 տարեկանների հավաքականի գլխավոր մարզիչ Սուրեն Չախալյանը:

Իսկ այդպիսիք կան ու ցավալիորեն կարեւոր են: Նախորդ տարիների նման` Հայաստանը ներկայացնող ակումբներն անփառունակ ելույթներ ունեցան եվրագավաթների մրցաշարերում: Ակումբային ֆուտբոլի վարկանիշով Եվրոպայում Հայաստանը գերազանցում է միայն Սան Մարիանոյին, Անդորրային ու Ֆարերներին: Ինչ-որ տեղ այս իրավիճակը նաեւ սպասելի էր: Հայաստանի բարձրագույն խմբում հանդես են գալիս 8 թիմեր, ընդ որում` մեծ հաշվով գոյություն չունեն այլ լիգաներ. Հայաստանում կան ընդամենը 8 թիմեր, որոնց բոլորին էլ կարելի է համարել կիսասիրողական մակարդակի: «Փյունիկն» ու «Բանանցը» ունեն լավ մարզադպրոցներ, «Իմպուլսը», «Շիրակը» եւ «Միկան»` մշտապես մեծ ամբիցիաներով են աչքի ընկնում, բայց դրա համար անհրաժեշտ հիմքեր դեռ չունեն, «Ուլիսն» ու «Գանձասարը» զարգացման անկայուն, անընդհատ փոփոխվող ճանապարհով են գնում, իսկ լեգենդար «Արարատից» միայն «լեգենդարն» է մնացել: Հասկանալի է նաեւ, որ այս 8 թիմերում կարող են հանդես գալ սահմանափակ թվով ֆուտբոլիստներ, առավելագույնը` 200-240: Իսկ մարզիչների հարցն ընդհանրապես պրոբլեմ է` աշխատանք ունեն ընդամենը 8 գլխավոր մարզիչներ:

Երեկ մեր ընտրանու գլխավոր մարզիչը հանդիպեց լրագրողներին ու ամփոփեց ընտրական փուլի արդյունքները: Հիշեցնեմ. մեր հավաքականը Եվրոպայի 2012 թվականի ընտրական B խմբում անցկացրեց 10 հանդիպում, վաստակեց 17 միավոր, զբաղեցրեց 3-րդ հորիզոնականը ու թեեւ չկարողացավ նվաճել Եվրոպայի առաջնության եզրափակիչ մրցաշարին մասնակցելու իրավունք, բայց հայկական ֆուտբոլի պատմության մեջ ցույց տվեց բոլոր առումներով բացարձակ լավ ցուցանիշներ: «Ընդհանուր առմամբ մեր խմբում խաղի որակով ու փորձով Ռուսաստանն էր լավագույնը: Նրանց մոտ էլ դա դրվագներով էր ստացվում: Փորձի հաշվին նրանք դարձան առաջինը: Իսկ ամենագեղեցիկը, իմ կարծիքով, մենք էինք խաղում»,- հայտարարեց Վարդան Մինասյանը` գնահատելով մեր խմբում հանդես եկած թիմերի ցուցադրած խաղը:

Վերջին` Իռլանդիայի հետ հանդիպումը այնքան մեծ հույզեր ու զգացումներ առաջացրին, որ շատ ու շատ կարեւոր բաների մասին դեռ չենք խոսել. միգուցե հուզականը իրոք գերազանցել էր սթափությանը: Արդեն օրեր են անցել «Դուբլինյան ողբերգությունից», ու կարելի է վերջապես մոռանալ տխրահռչակ մրցավար կոչվածին (քանի այսպիսի «դատավորների» ենք հանդիպել):

Նախ, ինձ համար մի փոքր անհասկանալի է այն հիստերիան, որ բարձրացել է Ռոման Բերեզովսկու շուրջ: «Մի հեռացիր, Ռոմա», «Շնորհակալություն ամեն ինչի համար» եւ այլն. այսպիսի խմբեր ու գրառումներ են հայտնվել սոցկայքերում, ու ընդամենը հարց է առաջանում. իսկ ո՞վ ասաց, որ Բերեզովսկին ավարտում է կարիերան, որ նախ խնդրում եք չհեռանա, հետո էլ շնորհակալություն հայտնում: Որեւէ մեկը այս գրառումներ կատարողներից անձամբ խոսե՞լ է Բերեզովսկու հետ, կամ էլ Ռոման ինչ-որ տեղ հայտարարե՞լ է, որ հեռանում է: Ինչ վերաբերվում է տարիքին, ապա նշեմ, որ 37 ամյա Բերեզովսկին երկար տարիներ ֆուտբոլ էր խաղում ողնաշարի ճողվածքով: Ամիսներ առաջ ՀՖՖ-ի միջնորդությամբ Ռոմանը բարդ վիրահատության ենթարկվեց, ու այլեւս նրան չեն խանգարում մեջքի խրոնիկ ցավերը:

Ոգեւորությունը, որ կար ամբողջ Հայաստանում հոկտեմբերի 7-ին կայացած Հայաստան-Մակեդոնիա (4-1) խաղից հետո, պահպանվել է նաեւ հիմա. համենայնդեպս, երբ Հայաստանի ազգային հավաքականը հայտնվեց Երեւանի «Զվարթնոց» օդանավակայանում, իսկական իրարանցում սկսվեց. բոլորը` ուղեւորները, աշխատակիցները հաջողություն էին մաղթում մեր ֆուտբոլիստներին, ցանկանում նկարվել նրանց հետ, իսկ ինքնաթիռ մեր տղաներին հրավիրեցին օդանավակայանի բարձրախոսով հնչած ջերմ` «Դուբլին մեկնող ֆուտբոլիստներ ջան, ձեզ հրավիրում ենք թռիչքի» նախադասությամբ:

Հինգուկես ժամ տեւողությամբ թռիչքից հետո մեր թիմը արդեն Դուբլինում էր ու հանգրվանել է «Ռեդիսոն» բարձրակարգ հյուրանոցում: Վնասվածքի պատճառով Դուբլին չի մեկնել մեր հավաքականի կենտրոնական պաշտպան Ռոբերտ Արզումանյանը: Վնասվածքի պատճառով չի կարողանա խաղալ նաեւ Արաս Օզբիլիսը: Վերջինս, չնայած դեռ Մակեդոնիայի հետ խաղից առաջ մեկնել էր Հոլանդիա, երեկ ժամանեց Դուբլին. Արասը ինքն է ցանկություն հայտնել միանալ թիմին ու թեկուզ տրիբունայից աջակցել հավաքականին: Մեր թիմի մյուս ֆուտբոլիստները պատրաստ են այսօր դուրս գալ Դուբլինի հիասքանչ «Ավիվա» խաղադաշտ. երեկ երեկոյան այստեղ կայացավ Հայաստանի ազգային հավաքականի վերջին մարզումը: Կորուստ ունի նաեւ Իռլանդիան. վնասվածքի պատճառով հանդիպմանը չի մասնակցի թիմի ավագ ու առաջատար Ռոբի Քինը:

«Ընտրական փուլում Մակեդոնիայի ընտրանու 8 խաղերն էլ դիտել եմ ու կարող եմ ասել, որ բոլոր հանդիպումներում էլ խաղով չի պարտվել: Բացի խաղի որակից, շատ կազմակերպված ֆուտբոլ են ցուցադրում, իսկ հիմա էլ ունեն նոր մարզիչ (2 ամիս առաջ Մակեդոնիայի ընտրանու գլխավոր մարզիչ նշանակվեց ուելսցի 62-ամյա Ջոն Տոշակը, որը իր մարզչական կարիերայի ընթացքում մարզել է հանրահայտ անգլիական «Լիվերպուլը», Մադրիդի «Ռեալը», թուրքական «Բեշիկթաշը», Ուելսի ազգային հավաքականը եւ այլն.- Ա. Ն.): Մակեդոնիան մեզ հետ խաղում ավելի վստահ է խաղալու, քանի որ կորցնելու ոչինչ չունի: Տեղյակ ենք, որ հիմնական կազմի 2 ֆուտբոլիստներ` հարձակվողներ Գորան Պանդեւն ու Աջիմ Իբրահիմին, վնասվածքի պատճառով չեն ժամանել Երեւան, բայց նրանք նաեւ այլ ուժեղ խաղացողներ ունեն:

Հիշեցնեմ, որ այդ հանդիպումներից առաջինը կայանալու է Երեւանում. հոկտեմբերի 7-ին Վազգեն Սարգսյանի անվան «Հանրապետական» ստադիոնում հյուրընկալելու ենք Մակեդոնիային, իսկ 4 օր անց` Դուբլինի «Ավիբա» ստադիոնում մեր թիմը մրցելու է Իռլանդիայի հավաքականի հետ: Հայաստանի հավաքական են հրավիրվել դարպասապահներ Ռոման Բերեզովսկին («Խիմկի» Ռուսաստան) ու Գեւորգ Կասպարովը «Միկա»), պաշտպաններ Հրայր Մկոյանը («Միկա»), Ռոբերտ Արզումանյանը («Յագելոնիա», Լեհաստան), Վալերի Ալեքսանյանը («Սանատ Նաֆթ», Իրան), Լեւոն Հայրապետյանը («Լեխիա», Լեհաստան), Սարգիս Հովսեփյանը, Արտակ Եդիգարյանը, Արթուր Յուսպաշյանը եւ Վարազդատ Հարոյանը (բոլորն էլ` «Փյունիկ»), կիսապաշտպաններ Արթուր Եդիգարյանը («Բանանց»), Հենրիխ Մխիթարյանը («Շախտյոր», Ուկրաինա), Կառլեն Մկրտչյանը («Մետալուրգ» Դ. Ուկրաինա), Էդգար Մալաքյանը («Փյունիկ»), Արաս Օզբիլիսը («Այաքս», Հոլանդիա), Զավեն Բադոյանը («Իմպուլս»), հարձակվողներ Գեւորգ Ղազարյանը, Մարկոս Պիզելին (2-ն էլ` «Մետալուրգ» Դ. Ուկրաինա), Էդգար Մանուչարյանը («Ուրալ», Ռուսաստան), Յուրա Մովսիսյանը («Կրասնոդար», Ռուսաստան) եւ Արթուր Սարկիսովը («Շիննիկ», Ռուսաստան):

Արտասահմանյան գրեթե բոլոր ֆուտբոլային պարբերականները նշել են Հայաստանի հավաքականի հաղթանակը ու հիմնականում այն որակվում է որպես «սենսացիոն», «ֆանտաստիկ», «փայլուն» ու «պատմական»: Այս առումով հատկապես ակտիվ են ռուսական լրատվամիջոցները, ու դա հասկանալի է. եթե Սլովակիան հաղթեր Հայաստանին, ապա կշրջանցեր Ռուսաստանին ու մրցաշարային աղյուսակում կհայտնվեր 1-ին տեղում: Հետաքրքիր է, որ Սլովակիան 1-ին տեղում էր նաեւ երեւանյան խաղից առաջ, ու Երեւանում էլ հաղթելով Սլովակիային, Հայաստանը օգնեց Ռուսաստանին խմբում դուրս գալ 1-ին տեղ: Ռուսական լրատվամիջոցներն արդեն 2 օր է յուրահատուկ շնորհակալություններ են հայտնում մեր թիմին, հարցազրույցներ վերցնում մեր ֆուտբոլիստներից: Բավականին հետաքրքիր է, իհարկե, այսպես ասած` «դրսի աչքը». ներկայացնեմ ռուսական մի քանի թերթերից հատվածներ:

Հիշեցնեմ, որ այսօր մեր ազգային հավաքականը Եվրոպայի 2012 թվականի առաջնության ընտրական փուլի հանդիպում է անցկացնելու տեղի ընտրանու հետ, իսկ վաղն էլ մրցելու են Անդորրայի ու Հայաստանի երիտասարդական հավաքականները` արդեն այս տարիքայինների Եվրոպայի առաջնության շրջանակներում: Բնականաբար, մեր հետաքրքրությունը առայժմ ամբողջապես կենտրոնացած է ազգային հավաքականին:

Բավական երկար ուղեւորությունից (մոտ 5 ժամ մինչեւ իսպանական Բարսելոնա, ապա եւս 2 ժամ` ավտոբուսով, մինչեւ Անդորրայի մայրաքաղաք Անդորրա Լա Վելիա), ապա` ճաշից ու կարճատեւ հանգստից հետո մեր երկու հավաքականները ուղեւորվեցին տեղի «Կոմունալե» ստադիոն` մարզման, թեեւ, անկեղծ ասած, մեծ վերապահումով այն կարելի է ստադիոն համարել: Սա ուղղակի ֆուտբոլային խաղադաշտ է` բավական նեղ ու շատ քիչ նստատեղերով, ու միգուցե բնական է նաեւ նման վիճակը. մոտավորապես 80 հազար բնակչություն ունեցող Անդորրան հրաշալի բնություն ու փայլուն ենթակառուցվածքներ ունեցող մի փոքրիկ դրախտավայր է Իսպանիայի ու Ֆրանսիայի մեջտեղում, ու ֆուտբոլն էլ այնքան կարեւոր տեղ չի զբաղեցնում առողջարանային այս երկրի բնակիչների կյանքում: Մեր ազգային հավաքականի մարզումից առաջ տեղի ունեցավ Հայաստանի հավաքականի գլխավոր մարզիչ Վարդան Մինասյանի մամուլի ասուլիսը, որից հետո նա պատասխանեց մեր  հարցերին:

Օգոստոսի 10-ին մեր ընտրանին Վարդան Մինասյանի գլխավորությամբ կրեց իր առաջին խոշոր հաշվով պարտությունը. Կաունասում 0-3 հաշվով զիջեց Լիտվային:

Հայաստանը խոշոր հաշվով չէր զիջել ուղիղ 2 տարի, իսկ Լիտվան էլ խոշոր հաշվով հաղթանակ չէր տոնել 3 տարի: Բնական է, որ վիճակագրությունը այս հանդիպման ամենակարեւոր գործոնը չէր: Ընկերական խաղ էր, որի հիմնական նպատակը նոր ֆուտբոլիստների փորձարկումն էր, խաղային օղակների միջեւ համագործակցության ամրապնդումն ու սեփական խաղային ռիթմի վերագտնումը, ինչը անչափ անհրաժեշտ է տարին ընդամենը մոտ մեկ տասնյակ հանդիպումներ անցկացնող ազգային հավաքականների համար:

Հսկայական հետաքրքրություն են ներկայացնում տիտղոսակիր թիմերի միջեւ կայանալիք հանդիպումները. Շտուտգարտում, օրինակ, հանդիպելու են աշխարհի եռակի չեմպիոն Գերմանիան ու հնգակի չեմպիոն Բրազիլիան, Բարիում մրցելու են աշխարհի քառակի չեմպիոն Իտալիան ու գործող չեմպիոն Իսպանիան: ԵՎՐՈ 2012-ի ընտրական մրցաշարում Հայաստանի մրցակիցներից Սլովակիան արտագնա հանդիպում է անցկացնելու Ավստրիայի, իսկ Մակեդոնիան` Ադրբեջանի հավաքականի հետ: Իռլանդիան էլ Դուբլինում հյուրընկալելու է Խորվաթիային, իսկ Մոսկվայում հանդիպելու են Ռուսաստանն ու Սերբիան:

Հիշեցնեմ, որ Հայաստանը անցկացրած 5 հանդիպումներից հետո 8 միավորով առայժմ ընթանում է 4-րդ տեղում (առաջատարներ Ռուսաստանը, Սլովակիան ու Իռլանդիան հավաքել են 10-ական միավոր) ու մեծ հաշվով Ռուսաստանի հետ հանդիպման արդյունքից է կախված, թե արդյոք մեր ընտրանին պահպանո՞ւմ է իրական շանսերը Եվրոպայի եզրափակիչ առաջնությանը մասնակցելու համար: Իսկ այդպիսի իրավունք ստանում են խմբային փուլի հաղթողները, 2-րդ տեղում հայտնված թիմերն էլ իրավունք են ստանում շարունակել պայքարը փլեյ-օֆում: Հայաստանի ազգային հավաքականի մարզչական շտաբը` Վարդան Մինասյանի գլխավորությամբ, հրապարակել է այն ֆուտբոլիստների ցանկը, ովքեր կնախապատրաստվեն Սանկտ Պետերբուրգում կայանալիք հանդիպմանը:

- Խաղից անցել է մեկի շաբաթ: Բնականաբար, ամբողջապես վերլուծել եք խաղը, խնդրում եմ ներկայացնել խաղի վերաբերյալ Ձեր դատողությունները:
- Հիմա էլ` խաղից հետո, մեկ շաբաթ անց, նույն զգացումներն ու տեսակետն ունեմ հանդիպման վերաբերյալ, բայց այժմ դրանք ամբողջական են: Միանգամից ասեմ. մեծ հաշվով չեմ սխալվել մամուլի ասուլիսի ժամանակ հնչեցրած գնահատականներիս մեջ: Տեսեք. Ռուսաստանի հետ խաղից հետո մենք բավական մեծ թվով ձեռքբերումներ ունենք ու ընդամենը` մեկ մինուս: Սկսեմ վերջինից` չկարողացանք վաստակել 3 միավոր: Իհարկե, անգամ ոչ-ոքին կարելի է ձեռքբերում համարել: Իսկ ահա աժիոտաժը, այն հանգամանքը, որ Հայաստանի ֆուտբոլի ազգային հավաքականի խաղը հուզում է բոլորին` դա ձեռքբերում է: Կարելի է ասել, որ մեր հավաքականը արդեն բրենդ է դարձել, ու սա մեծագույն դրական կողմն է: Միակ բանը, որ ինձ չբավարարեց ռուսների հետ խաղում` մեր թիմի ցույց տված ֆուտբոլի որակն էր:

Ռուսաստանի ֆուտբոլի ազգային հավաքականի գլխավոր մարզիչ Դիկ Ադվոկատը հրապարակել է այն ֆուտբոլիստների ցանկը, ովքեր կնախապատրաստվեն մարտի 26-ին կայանալիք 2012թ. Եվրոպայի առաջնության Հայաստան-Ռուսաստան ընտրական հանդիպմանը: Հավաքի հրավիրված 20 ֆուտբոլիստների մեջ են դարպասապահներ Իգոր Ակինֆեեւը (ԲԿՄԱ) եւ Վյաչեսլավ Մալոֆեեւը («Զենիթ»), պաշտպաններ Ալեքսանդր Անյուկովը («Զենիթ»), Ալեքսեյ Բերեզուցկին, Վասիլի Բերեզուցկին, Սերգեյ Իգնաշեւիչը (բոլորն էլ` ԲԿՄԱ), Յուրի Ժիրկովը («Չելսի», Անգլիա) եւ Ռոման Շիշկինը («Լոկոմոտիվ»), կիսապաշտպաններ` Դինիյար Բիլյալետդինովը («Էվերտոն», Անգլիա), Ալան Ձագոեւը (ԲԿՄԱ), Իգոր Դենիսովը, Կոնստանտին Զիրյանովը, Ռոման Շիրոկովը (բոլորն էլ` «Զենիթ»), Իգոր Սեմշովը («Դինամո» Մ.), Դմիտրի Տորբինսկին («Լոկոմոտիվ»), հարձակվողներ` Անդրեյ Արշավինը («Արսենալ», Անգլիա), Ալեքսեյ Իոնովը, Ալեքսանդր Կերժակովը (2-ն էլ` «Զենիթ»), Ռոման Պավլյուչենկոն («Տոտենհեմ», Անգլիա) եւ Պավել Պոգրեբնյակը («Շտուտգարտ», Գերմանիա): Մեր հավաքականի կազմը գլխավոր մարզիչ Վարդան Մինասյանը կհրապարակի մարտի 21-ին` Հայաստանի առաջնության 2-րդ տուրի հանդիպումներից հետո:

Համաձայն վիճակագրության, իր գոյության տարիների ընթացքում մեր հավաքականը անցկացրել է արդեն 134 հանդիպում ու կրել է 75 պարտություն: Անկեղծ նշեմ. թերեւս առաջին անգամ վատ չեմ զգում մեր թիմի պարտության համար, հիասթափված ու ընկճված չեմ: Իհարկե, ցանկացած հայի, առավել եւս` ֆուտբոլասերի համար գերագույն հաճույք ու երազանք է հաղթանակը. մենք այնքան քիչ հաղթանակներ ենք տեսել, որ հաղթանակի պահանջը դարձել է ինքնանպատակ ու անգամ ընկերական խաղերում հաղթանակները դառնում են բավարարվածության հիմք: Այնինչ ընկերական խաղերը կրում են նախապատրաստական բնույթ ու առաջին հերթին` ուժերի փորձարկում` կարեւոր խաղերից առաջ: Վրաստանի հետ խաղը փորձենք վերլուծել հենց այդ տեսակետից. որքանո՞վ է պատրաստ մեր ընտրանին մարտի 26-ին կայանալիք Ռուսաստանի հետ հանդիպմանը, ի՞նչ խնդիրներ ու անելիքներ ունի մեր թիմը եւ վերջապես. արդյոք անցյալ տարի աշնանը ցուցադրած խաղը արդեն մեր թիմի խաղային ձեռագի՞րն է, թե՞ դա ուղղակի մեկանգամյա պոռթկում էր, որը կարող է շատ արագ ավարտվել: